‘ಭಿಕ್ಷೆ ಬೇಡಿದರೂ ಅವತ್ತು ಅವರು ನನ್ನನ್ನು ಬಿಡಲಿಲ್ಲ, ಇವತ್ತು ಋಣ ತೀರಿಸ್ತಿದ್ದೇನೆ’
ರಾಮನಗರ: ಡಿಕೆ ಶಿವಕುಮಾರ್ ಇಂದು ತಮ್ಮ ಸ್ವಗ್ರಾಮವಾದ ರಾಮನಗರ ಜಿಲ್ಲೆಯ ಕನಕಪುರ ತಾಲೂಕಿನ ದೊಡ್ಡ ಆಲಹಳ್ಳಿಯಲ್ಲಿರುವ ತನ್ನ ಅಜ್ಜಿ ಹಾಗೂ ತಂದೆ ಸಮಾಧಿಗೆ ಪೂಜೆ ಸಲ್ಲಿಸಿದ್ದಾರೆ. ಅಭಿಮಾನಿಗಳು,ಕಾರ್ಯಕರ್ತರು ಡಿಕೆಶಿ ಅವರನ್ನ ಅದ್ಧೂರಿಯಾಗಿ ಬರಮಾಡಿಕೊಂಡರು. ಸ್ವಗ್ರಾಮಕ್ಕೆ ಬಂದು ಇಳಿದ ನಂತರ ಡಿಕೆಶಿ ದೊಡ್ಡ ಆಲಹಳ್ಳಿಯಲ್ಲಿರುವ ತಮ್ಮ ಅಜ್ಜಿ ಪಾರ್ವತಮ್ಮ ಹಾಗೂ ತಂದೆ ಕೆಂಪೇಗೌಡ ಸಮಾಧಿಗೆ ಪೂಜೆ ಸಲ್ಲಿಸಿದರು. ಪೂಜೆಯಲ್ಲಿ ಡಿಕೆಶಿ ಸಹೋದರ ಡಿಕೆ ಸುರೇಶ್, ತಾಯಿ ಗೌರಮ್ಮ, ಡಿಕೆಶಿ ಪತ್ನಿ ಉಷಾ ಹಾಗೂ ಪುತ್ರಿಯರಾದ ಐಶ್ವರ್ಯ, ಆಭರಣ ಸೇರಿ […]
Updated on:Oct 28, 2019 | 6:21 PM
ರಾಮನಗರ: ಡಿಕೆ ಶಿವಕುಮಾರ್ ಇಂದು ತಮ್ಮ ಸ್ವಗ್ರಾಮವಾದ ರಾಮನಗರ ಜಿಲ್ಲೆಯ ಕನಕಪುರ ತಾಲೂಕಿನ ದೊಡ್ಡ ಆಲಹಳ್ಳಿಯಲ್ಲಿರುವ ತನ್ನ ಅಜ್ಜಿ ಹಾಗೂ ತಂದೆ ಸಮಾಧಿಗೆ ಪೂಜೆ ಸಲ್ಲಿಸಿದ್ದಾರೆ.
ಅಭಿಮಾನಿಗಳು,ಕಾರ್ಯಕರ್ತರು ಡಿಕೆಶಿ ಅವರನ್ನ ಅದ್ಧೂರಿಯಾಗಿ ಬರಮಾಡಿಕೊಂಡರು. ಸ್ವಗ್ರಾಮಕ್ಕೆ ಬಂದು ಇಳಿದ ನಂತರ ಡಿಕೆಶಿ ದೊಡ್ಡ ಆಲಹಳ್ಳಿಯಲ್ಲಿರುವ ತಮ್ಮ ಅಜ್ಜಿ ಪಾರ್ವತಮ್ಮ ಹಾಗೂ ತಂದೆ ಕೆಂಪೇಗೌಡ ಸಮಾಧಿಗೆ ಪೂಜೆ ಸಲ್ಲಿಸಿದರು. ಪೂಜೆಯಲ್ಲಿ ಡಿಕೆಶಿ ಸಹೋದರ ಡಿಕೆ ಸುರೇಶ್, ತಾಯಿ ಗೌರಮ್ಮ, ಡಿಕೆಶಿ ಪತ್ನಿ ಉಷಾ ಹಾಗೂ ಪುತ್ರಿಯರಾದ ಐಶ್ವರ್ಯ, ಆಭರಣ ಸೇರಿ ಕುಟುಂಬ ಸಮೇತ ಭಾಗಿಯಾಗಿ ಪೂಜೆ ನೆರವೇರಿಸಿದ್ದಾರೆ.
ಇಡಿ ದಿನಗಳನ್ನು ನೆನೆದ ಡಿಕೆಶಿ: ತಂದೆ ಕಾರ್ಯ ಮಾಡುವ ಭಾಗ್ಯ ನನಗೆ ಇಂದು ಸಿಕ್ಕಿದೆ, ಇವತ್ತು ನನಗೆ ಪವಿತ್ರವಾದ ದಿನ. ಇಡಿಯವರು ಅವತ್ತು ತಂದೆ ಕಾರ್ಯ ಮಾಡಲು ನನ್ನನ್ನು ಬಿಟ್ಟಿರಲಿಲ್ಲ. ನಾನು ಅಂದು ಇಡಿಯವರ ಬಳಿ ವಿನಂತಿ ಮಾಡಲಿಲ್ಲ, ಭಿಕ್ಷೆ ಬೇಡಿದೆ. ನಾನು ಭಿಕ್ಷೆ ಬೇಡಿದರೂ ಅವರು ನನಗೆ ಅನುಮತಿ ಕೊಟ್ಟಿರಲಿಲ್ಲ. ಇಂದು ನಾನು, ನನ್ನ ಕುಟುಂಬ ಸೇರಿ ತಂದೆ ಕಾರ್ಯ ಮಾಡಿದ್ದೇವೆ. ಇಡಿಯವರ ವ್ಯಾಪಾರ ನಡೆದ ಬಗ್ಗೆ ನಾನು ಯಾವುದೇ ವ್ಯಾಖ್ಯಾನ ಮಾಡಲ್ಲ. ನಾನು ಕೆಂಪೇಗೌಡರಿಗೆ ಹುಟ್ಟಿರಬಹುದು ಅಷ್ಟೆ, ಜನ ನನ್ನನ್ನು ಸಾಕಿದ್ದಾರೆ, ಬೆಳೆಸಿದ್ದಾರೆ, ನಾನು ಅವರ ಋಣ ತೀರಿಸುತ್ತೇನೆ. ಮುಂದೆ ರಾಜಕೀಯ ಇದೆ. ರಾಜಕಾರಣ ಮಾಡೋಣ ಎಂದು ಪೂಜೆಯ ನಂತರ ಡಿಕೆಶಿ ತಮ್ಮ ದುಃಖವನ್ನು ವ್ಯಕ್ತಪಡಿಸಿದ್ದಾರೆ.
Published On - 5:24 pm, Mon, 28 October 19
