ಮುಜರಾಯಿ ಇಲಾಖೆಯಲ್ಲಿ ಬೃಹತ್ ಭ್ರಷ್ಟಾಚಾರ: ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನದಲ್ಲಿ ಭಾರಿ ಭ್ರಷ್ಟಾಚಾರದ ಆರೋಪ

ಬೆಂಗಳೂರು: ಮುಜರಾಯಿ ಇಲಾಖೆಯಲ್ಲಿ ಬೃಹತ್ ಭ್ರಷ್ಟಾಚಾರ. ಇಲಾಖೆಯ ಸುಪರ್ದಿಯಲ್ಲಿರುವ ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನದಲ್ಲಿ ಹಗರಣಗಳ ಹುತ್ತಗಳು ಎದ್ದಿವೆ. ದೇವಸ್ಥಾನದಲ್ಲಿ ಅನ್ಯಾಯ ಆಗ್ತಿದೆ. ದೇವಸ್ಥಾನದಲ್ಲಿ ಭಾರಿ ಭ್ರಷ್ಟಾಚಾರ ನಡೆದಿದೆ ಎಂದು ದೇವಸ್ಥಾನ ಮತ್ತು ಧಾರ್ಮಿಕ ಸಂಸ್ಥೆಗಳ ಮಹಾಸಂಘದಿಂದ ನಡೆದ ಸುದ್ದಿಗೋಷ್ಠಿಯಲ್ಲಿ ಗಂಭೀರ ಆರೋಪ ಕೇಳಿಬಂದಿದೆ.

ಮುಜರಾಯಿ ಇಲಾಖೆಯಲ್ಲಿ 31,200 ದೇವಸ್ಥಾನಗಳಿವೆ. ರಾಜ್ಯದಲ್ಲಿ A ಗ್ರೇಡ್ ದೇವಸ್ಥಾನಗಳು 120 ಇವೆ. ಅದರಲ್ಲಿ A ಗ್ರೇಡ್ ದೇವಸ್ಥಾನವಾದ ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನದಲ್ಲಿ ಕೋಟ್ಯಾಂತರ ಹಣ ಮೋಸ ಆಗಿದೆ. ದೇವಸ್ಥಾನದ ಚಿನ್ನ,ಬೆಳ್ಳಿ, ಹಣದ ದುರುಪಯೋಗ ಆಗಿದೆ. ಬಂಗಾರದ ರೂಪದಲ್ಲಿ ಬಂದಿರುವ ದೇಣಿಗೆಯ ನೋಂದಣಿ ಮಾಡಿಲ್ಲ ಎಂದು ದೇವಸ್ಥಾನ ಮತ್ತು ಧಾರ್ಮಿಕ ಸಂಸ್ಥೆಗಳ ಮಹಾಸಂಘದ ಸಮನ್ವಯಕ ಮೋಹನ್ ಗೌಡ ಅವರು ಆರೋಪಿಸಿದ್ದಾರೆ.

ಉಡುಪಿ ಜಿಲ್ಲಾಧಿಕಾರಿಯ ಫೋನ್ ಬಿಲ್ಲನ್ನು ದೇವಸ್ಥಾನದ ಹುಂಡಿಯಿಂದ ಪಾವತಿ ಮಾಡಲಾಗಿದೆ 2018- 19 ರ ದೇಣಿಗೆ ಸ್ವೀಕರಿಸಿದ ಪಟ್ಟಿ ಸರ್ಕಾರಕ್ಕೆ ಸಲ್ಲಿಸಿಲ್ಲ. 2017 ರಲ್ಲಿ ದೇವಸ್ಥಾನದಲ್ಲಿ ದೊಡ್ಡ ಹಗರಣ ನಡೆಯಿತು. ದೇವಸ್ಥಾನದ 4.4 ಕೆ‌ಜಿ ಚಿನ್ನವನ್ನು ಅಧಿಕಾರಿಗಳು, EO ಕಳ್ಳತನ ಮಾಡಿದ್ದರು. ನಕಲಿ ಸಿಬ್ಬಂದಿ ತೋರಿಸಿ ದೊಡ್ಡ ಪ್ರಮಾಣದಲ್ಲಿ ಭ್ರಷ್ಟಾಚಾರ ನಡೀತಿದೆ. ಅಡ್ವಾನ್ಸ್ಡ್ ಪೇಮೆಂಟ್ ರಿಜಿಸ್ಟರ್ ದೇವಸ್ಥಾನದಲ್ಲಿಲ್ಲ.

ಉಡುಪಿ ಜಿಲ್ಲಾಧಿಕಾರಿಯ ಫೋನ್ ಬಿಲ್ಲನ್ನು ದೇವಸ್ಥಾನದ ಹುಂಡಿಯಿಂದ ಪಾವತಿ ಮಾಡಲಾಗಿದೆ: ಆರೋಪ

ಸಾವಿರಾರು ಎಕರೆ ಜಮೀನು ದೇವಸ್ಥಾನ ಅಧೀನದಲ್ಲಿದೆ. ಆದರೆ ದೇವಸ್ಥಾನದಲ್ಲಿ ಯಾವುದೇ ಜಮೀನಿನ ದಾಖಲೆಗಳಿಲ್ಲ. ದೇವಸ್ಥಾನದ ಆಸ್ತಿಯನ್ನು ಸಾರ್ವಜನಿಕರು ಲೂಟಿ ಮಾಡ್ತಾ ಇದ್ದಾರೆ. ಕಟ್ಟಡ ನಿರ್ಮಾಣ ಕೆಲಸದಲ್ಲೂ ಟೆಂಡರ್ ಆಗದೇ ಹಣ ಪಾವತಿಯಾಗಿದೆ. ಉಡುಪಿ ಜಿಲ್ಲಾಧಿಕಾರಿಯ ಫೋನ್ ಬಿಲ್ಲನ್ನು ದೇವಸ್ಥಾನದ ಹುಂಡಿಯಿಂದ ಪಾವತಿ ಮಾಡಲಾಗಿದೆ. ಸರ್ಕಾರದಿಂದ ದೇವಸ್ಥಾನ ನಡೆಸಲು ಸಾಧ್ಯನಾ? ತಪ್ಪಿತಸ್ಥರಿಗೆ ಶಿಕ್ಷೆಯಾಗಬೇಕು ಎಂದು ಅವರು ಆಗ್ರಹಿಸಿದರು.

ಇದನ್ನೂ ಓದಿ: ಸಮಾವೇಶಕ್ಕೆ ಮುನ್ನ ‘ಟೆಂಪಲ್​ ರನ್​’: ಕೊಲ್ಲೂರಿನಲ್ಲಿ ಡಿಕೆಶಿ, ಬನಶಂಕರಿ ಸನ್ನಿಧಿಯಲ್ಲಿ ಈಶ್ವರಪ್ಪ