ಡೆಲ್ಟಾ ಪ್ಲಸ್ ಸೋಂಕಿತರಿಗೆ ಚಿಕಿತ್ಸೆ ನೀಡಲು ಮೈಸೂರಿನಲ್ಲಿ ಹೊಸ ಲ್ಯಾಬ್, ಪ್ರತ್ಯೇಕ ವಾರ್ಡ್‌ಗೆ ಸಿದ್ಧತೆ

ಮೈಸೂರು: ಮಹಾಮಾರಿ ಕೊರೊನಾ ಬೆನ್ನಲ್ಲೆ ಡೆಲ್ಟಾ ಪ್ಲಸ್ ಸಂಕಷ್ಟ ಎದುರಾಗಿದೆ. ಹೀಗಾಗಿ ಡೆಲ್ಟಾ ಪ್ಲಸ್ ಸೋಂಕನ್ನು ಎದುರಿಸಲು ಮೈಸೂರಿನಲ್ಲಿ ಸಿದ್ಧತೆಗಳು ನಡೆಯುತ್ತಿವೆ. ಡೆಲ್ಟಾ ಪ್ಲಸ್ ಸೋಂಕಿತರಿಗೆ ಚಿಕಿತ್ಸೆ ನೀಡಲು ಮೈಸೂರಿನಲ್ಲಿ ಹೊಸ ಲ್ಯಾಬ್, ಪ್ರತ್ಯೇಕ ವಾರ್ಡ್‌ಗೆ ಸಿದ್ಧತೆ ನಡೆಯುತ್ತಿದೆ.

ಮೈಸೂರು ಮೆಡಿಕಲ್ ಕಾಲೇಜಿನಲ್ಲಿರುವ ಕೊರೊನಾ ಲ್ಯಾಬ್ ಮೇಲ್ದರ್ಜೆಗೇರಿಸಲು ಚಿಂತನೆ ನಡೆಸಲಾಗುತ್ತಿದೆ. ಈ ಸಂಬಂಧ ರಾಜ್ಯ ಸರ್ಕಾರದಿಂದ ಆದೇಶಕ್ಕೆ ಸರ್ಕಾರದ ಮಾರ್ಗದರ್ಶನಕ್ಕಾಗಿ ಅಧಿಕಾರಿಗಳು ಕಾಯುತ್ತಿದ್ದಾರೆ. ಅಧಿಕಾರಿಗಳು ಲ್ಯಾಬ್ ರೂಪುರೇಷೆಗಳ ನಿರೀಕ್ಷೆಯಲ್ಲಿದ್ದಾರೆ. ಸದ್ಯ ಡೆಲ್ಟಾ ಪ್ಲಸ್ ಮಾದರಿ ವರದಿ ಬರಲು ಸಾಕಷ್ಟು ತಡವಾಗುತ್ತಿದೆ. ಈ ಕಾರಣಕ್ಕೆ ಜಿಲ್ಲೆಯಲ್ಲೆ ಲ್ಯಾಬ್ ನಿರ್ಮಾಣ ಮಾಡಲು ಚಿಂತನೆ ನಡೆಸಲಾಗಿದೆ ಎಂದು ಮೈಸೂರು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಪ್ರಸಾದ್ ಮಾಹಿತಿ ನೀಡಿದ್ದಾರೆ.

ವೈರಸ್‌ನ ಡೆಲ್ಟಾ ಪ್ಲಸ್ ರೂಪಾಂತರದ ಬಗ್ಗೆ ಹೆಚ್ಚುತ್ತಿರುವ ಆತಂಕಗಳ ಮಧ್ಯೆ, ನೀತಿ ಆಯೋಗ್ ಸದಸ್ಯರೂ ಆಗಿರುವ ಪೌಲ್ , ಹೊಸ ರೂಪಾಂತರವು ಹೆಚ್ಚು ಹರಡಬಲ್ಲದು ಅಥವಾ ಲಸಿಕೆ ಪರಿಣಾಮಕಾರಿತ್ವವನ್ನು ಕಡಿಮೆ ಮಾಡುತ್ತದೆ ಎಂದು ವಾದಿಸಲು ಇಲ್ಲಿಯವರೆಗೆ ಯಾವುದೇ ವೈಜ್ಞಾನಿಕ ಮಾಹಿತಿಯಿಲ್ಲ ಎಂದು ಪ್ರತಿಪಾದಿಸಿದರು.

ಪಿಟಿಐಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಪೌಲ್ ಯಾವುದೇ ಗಾತ್ರದ ಮತ್ತೊಂದು ಅಲೆಯು ಕೊವಿಡ್ ಸೂಕ್ತವಾದ ನಡವಳಿಕೆ, ಪರೀಕ್ಷೆ ಮತ್ತು ಕಂಟೈನ್ ಮೆಂಟ್ ತಂತ್ರಗಳು ಮತ್ತು ವ್ಯಾಕ್ಸಿನೇಷನ್ ದರಗಳ ವಿಷಯದಲ್ಲಿ ಒಟ್ಟಾರೆ ಶಿಸ್ತು ಸೇರಿದಂತೆ ಹಲವಾರು ಅಂಶಗಳ ಮೇಲೆ ಅವಲಂಬಿತವಾಗಿರುತ್ತದೆ ಎಂದು ಹೇಳಿದರು.

“ಇದಲ್ಲದೆ, ವೈರಸ್ ವ ಅನಿರೀಕ್ಷಿತ ನಡವಳಿಕೆಯು ಸಾಂಕ್ರಾಮಿಕ ಚಲನಶಾಸ್ತ್ರವನ್ನು ಸಹ ಬದಲಾಯಿಸಬಹುದು. ಅಂತಹ ಸನ್ನಿವೇಶದಲ್ಲಿ ಅವುಗಳ ಸಂಕೀರ್ಣ ಅಂಶವು ಪ್ರಸರಣ ಮತ್ತು ಸೋಂಕು ಹೆಚ್ಚಳವನ್ನು ನಿರ್ಧರಿಸುತ್ತದೆ.

“ಯಾವುದೇ ಅಲೆ ಸಂಭವಿಸುವುದು ಅಥವಾ ಸಂಭವಿಸದಿರುವುದು ನಮ್ಮ ಕೈಯಲ್ಲಿದೆ. ನನಗನಿಸಿದಂತೆ ಯಾವುದೇ ಅಲೆಗೆ ಯಾವುದೇ ದಿನಾಂಕವನ್ನು ಹಾಕುವುದು ನ್ಯಾಯವಲ್ಲ” ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: ಶ್ವಾಸಕೋಶದ ಮೇಲೆ ಡೆಲ್ಟಾ ಪ್ಲಸ್​ ಪರಿಣಾಮ ಹೀಗಿದೆ; ಕೊರೊನಾ ಲಸಿಕೆ ಪಡೆದವರಿಗೆ ಹೆಚ್ಚು ಸಮಸ್ಯೆ ಇಲ್ಲ: ಡಾ.ಎನ್​.ಕೆ.ಅರೋರಾ

Published On - 11:03 am, Tue, 29 June 21