ಈಜುಕೊಳ ನಿರ್ಮಾಣದಲ್ಲಿ ಅಕ್ರಮ ಎಸಗಿಲ್ಲ ಎಂದ ಸಿಂಧೂರಿ; ಒಂದೇ ದಿನದಲ್ಲಿ 2 ವರದಿ ಮಂಡಿಸಿದ ಪ್ರಾದೇಶಿಕ ಆಯುಕ್ತ ಪ್ರಕಾಶ್

Swimming Pool: ಪ್ರಾದೇಶಿಕ ಆಯುಕ್ತ ಪ್ರಕಾಶ್ ಅವರು ಅಧಿಕೃತವಾಗಿ ಒಂದು ವರದಿ ಸಲ್ಲಿಸಲು ಮುಂದಾದರು. ಆದರೆ ಅವರು ಒಂದು ವರದಿ ಸಲ್ಲಿಸುವ ಬದಲು ಒಂದೇ ದಿನದಲ್ಲಿ ಎರಡು ವರದಿಗಳನ್ನು ಸಲ್ಲಿಸಿದ್ದಾರೆ ಎಂಬ ಮಾತು ಕೇಳಿಬಂದಿದೆ. ಮತ್ತು ಅದೇ ಈಗ ವಿವಾದಕ್ಕೆ ಕಾರಣವೂ ಆಗಿದೆ.

ಈಜುಕೊಳ ನಿರ್ಮಾಣದಲ್ಲಿ ಅಕ್ರಮ ಎಸಗಿಲ್ಲ ಎಂದ ಸಿಂಧೂರಿ; ಒಂದೇ ದಿನದಲ್ಲಿ 2 ವರದಿ ಮಂಡಿಸಿದ ಪ್ರಾದೇಶಿಕ ಆಯುಕ್ತ? ಈಜುಕೊಳದ ಒಳಸುಳಿ ಏನು?

TV9 Web | Updated By: ಸಾಧು ಶ್ರೀನಾಥ್
Updated on:Jun 23, 2021 | 10:43 AM

ಮೈಸೂರು: ಜಿಲ್ಲಾಧಿಕಾರಿಯಾಗಿ ಮೈಸೂರನ್ನು ತೊರೆಯುವ ಮುನ್ನ ತಮ್ಮಮಮೇಲೆ ಬಂದಿದ್ದ ಈಜುಕೊಳ ನಿರ್ಮಾಣ ವಿಚಾರವಾಗಿ ಅಂದಿನ ಜಿಲ್ಲಾಧಿಕಾರಿ ರೋಹಿಣಿ ಸಿಂಧೂರಿ ನಾನೇನೂ ಅಕ್ರಮ ಎಸಗಿಲ್ಲ. ಎಲ್ಲಾ ಕಾನೂನುಬದ್ಧವಾಗಿದೆ. ಪಾರಂಪರಿಕವಾಗಿಯೂ ಯಾವುದೇ ಧಕ್ಕೆಯೊದಗಿಲ್ಲ ಎಂದು ಪ್ರಮಾಣೀಕರಿಸಿ, ತೆರಳಿದ್ದರು. ಅದಾದ ಮೇಲೆ ಪ್ರಾದೇಶಿಕ ಆಯುಕ್ತ ಪ್ರಕಾಶ್ ಅವರು ಅಧಿಕೃತವಾಗಿ ಒಂದು ವರದಿ ಸಲ್ಲಿಸಲು ಮುಂದಾದರು. ಆದರೆ ಅವರು ಒಂದು ವರದಿ ಸಲ್ಲಿಸುವ ಬದಲು ಒಂದೇ ದಿನದಲ್ಲಿ ಎರಡು ವರದಿಗಳನ್ನು ಸಲ್ಲಿಸಿದ್ದಾರೆ ಎಂಬ ಮಾತು ಕೇಳಿಬಂದಿದೆ. ಮತ್ತು ಅದೇ ಈಗ ವಿವಾದಕ್ಕೆ ಕಾರಣವೂ ಆಗಿದೆ.

ಈಜುಕೊಳ ನಿರ್ಮಾಣದಲ್ಲಿ ಅಕ್ರಮ ಎಸಗಿಲ್ಲ ಎಂದ ಸಿಂಧೂರಿ; ಒಂದೇ ದಿನದಲ್ಲಿ 2 ವರದಿ ಮಂಡಿಸಿದ ಪ್ರಾದೇಶಿಕ ಆಯುಕ್ತ? ಈಜುಕೊಳದ ಒಳಸುಳಿ ಏನು ಎಂಬುದರ ಬೆನ್ನು ಹತ್ತಿದಾಗ…

ಮೈಸೂರು ಜಿಲ್ಲಾಧಿಕಾರಿ ಅಧಿಕೃತ ಸರಕಾರಿ ನಿವಾಸದಲ್ಲಿ ಈಜುಕೊಳ ನಿರ್ಮಾಣದ ತನಿಖೆ ವಿಚಾರದಲ್ಲಿ ಒಂದೇ ದಿನದಲ್ಲಿ ಎರಡು ತನಿಖಾ ವರದಿ ಸಲ್ಲಿಸಲಾಗಿದೆ. ಮೊದಲ ವರದಿಯಲ್ಲಿ ಒಟ್ಟು ಆರು ನ್ಯೂನತೆಗಳನ್ನು ನಮೂದಿಸಲಾಗಿದೆ. ಪ್ರಮುಖವಾಗಿ ಈಜು ಕೊಳದ ನಿರ್ಮಾಣಕ್ಕೆ ತಯಾರಾಗಿದ್ದ 32 ಲಕ್ಷ ರೂ ಅಂದಾಜುಪಟ್ಟಿಗೆ ಲೋಕೋಪಯೋಗಿ ಇಲಾಖೆ ಅನುಮೋದನೆ ಪಡೆದಿಲ್ಲ ಎಂದು ಉಲ್ಲೇಖಿಸಲಾಗಿದೆ. ಕಾಮಗಾರಿ ನಿರ್ವಹಿಸಿದವರ ಒಪ್ಪಂದ ಪತ್ರಗಳಿಲ್ಲ ಎಂದೂ ನಮೂದಾಗಿದೆ.

ಇನ್ನು, ಎರಡನೆಯ ತನಿಖಾ ವರದಿಯಲ್ಲಿ ಪ್ರಾದೇಶಿಕ ಆಯುಕ್ತರು ಪ್ರಮುಖವಾದ ಈ ಎರಡು ಅಂಶ ದಿಢೀರ್ ಕೈ ಬಿಟ್ಟಿದ್ದಾರೆ. ಪ್ರಾದೇಶಿಕ ಆಯುಕ್ತರು ಕೊಟ್ಟ ಮೊದಲ ವರದಿಯಲ್ಲಿ ಈಜುಕೊಳ ನಿರ್ಮಾಣದಲ್ಲಿ ಆಗಿರೋ ಆರ್ಥಿಕ ವಿಚಾರ ಗೌಪ್ಯವಾಗಿರೋದೆ ಪ್ರಮುಖ ಲೋಪ ಎಂದು ನಮೂದು ಆದರೆ, ಇದೇ ಅಂಶವನ್ನೇ ಕೈಬಿಟ್ಟು ದಿಢೀರ್ ಎರಡನೇ ಎಡಿಟೆಡ್ ವರದಿಯನ್ನು ಪ್ರಾದೇಶಿಕ ಆಯುಕ್ತರು ಮಂಡಿಸಿದ್ದಾರೆ. ಹಾಗಾಗಿ ಪ್ರಾದೇಶಿಕ ಆಯುಕ್ತರ ತನಿಖಾ ವರದಿ ಬಗ್ಗೆಯೆ ಈಗ ಅನುಮಾನ ಸೃಷ್ಟಿಯಾಗಿದೆ.