ನಾಲ್ಕು ವರ್ಷಗಳಲ್ಲಿ ಕರ್ನಾಟಕದಲ್ಲಿ 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ 6,765 ಮಕ್ಕಳ ಅಸಹಜ ಸಾವು

ಬೆಂಗಳೂರು, ಡಿ.1: ಕಳೆದ ನಾಲ್ಕು ವರ್ಷಗಳಲ್ಲಿ (2019 ಮತ್ತು 2022) ಕರ್ನಾಟಕದಲ್ಲಿ 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ 6,765 ಮಕ್ಕಳು ಅಸಹಜ ಕಾರಣಗಳಿಂದ ಸಾವನ್ನಪ್ಪಿದ್ದಾರೆ (Unnatural death of children). ಮಾಹಿತಿ ಹಕ್ಕು (ಆರ್‌ಟಿಐ) ಅಡಿಯಲ್ಲಿ ಕೇಳಿದ ಪ್ರಶ್ನೆಗೆ ಮೈಸೂರಿನ ಒಡನಾಡಿ ಸೇವಾ ಸಂಸ್ಥೆಗೆ ರಾಜ್ಯ ಅಪರಾಧ ದಾಖಲೆಗಳ ಬ್ಯೂರೋದಿಂದ (SCRB) ನೀಡಿದ ವರದಿಯಲ್ಲಿ ಈ ಮಾಹಿತಿ ತಿಳಿದುಬಂದಿದೆ.

ತಾಯಿ-ಮಗುವಿನ ಸಾವು, ಕೃಷಿ ಹೊಂಡಗಳಿಗೆ ಬಿದ್ದು ಸಾವು, ಆತ್ಮಹತ್ಯೆ ಸೇರಿದಂತೆ ರಾಜ್ಯದಲ್ಲಿ ಮಕ್ಕಳ ಅಸಹಜ ಸಾವುಗಳ ಕುರಿತು ಒಡನಾಡಿ ಸಂಸ್ಥೆಯು ಜಿಲ್ಲಾವಾರು ಮಾಹಿತಿಯನ್ನು ಕೇಳಿದೆ. 2019ರಲ್ಲಿ 1,574 ಮತ್ತು 2020 ರಲ್ಲಿ 1,534 ಮಕ್ಕಳು ಅಸಹಜ ಕಾರಣಗಳಿಂದ ಸಾವನ್ನಪ್ಪಿದ್ದಾರೆ. ಈ ಸಂಖ್ಯೆ 2021 ರಲ್ಲಿ 1,728 ಕ್ಕೆ ಏರಿತು. 2022 ರಲ್ಲಿ 1,929 ಕ್ಕೆ ಏರಿದೆ.

ರಾಜ್ಯ ರಾಜಧಾನಿ ಬೆಂಗಳೂರು ನಗರದಲ್ಲಿ ನಾಲ್ಕು ವರ್ಷಗಳಲ್ಲಿ ವಿವಿಧ ವಿಭಾಗಗಳಲ್ಲಿ ಒಟ್ಟು 1,103 ಮಕ್ಕಳ ಅಸಹಜ ಸಾವುಗಳ ಪ್ರಕರಣಗಳು ದಾಖಲಿಸಿವೆ. 2019 ರಲ್ಲಿ 296 ಪ್ರಕರಣಗಳು ದಾಖಲಾಗಿದ್ದರೆ, 2020ರಲ್ಲಿ 250 ಪ್ರಕರಣಗಳು ದಾಖಲಾಗಿವೆ. 2021 ರಲ್ಲಿ 269 ಮತ್ತು 2022 ರಲ್ಲಿ 288 ಪ್ರಕರಣಗಳು ದಾಖಲಾಗಿವೆ.

ಇದನ್ನೂ ಓದಿ: ಬೆಡ್​ ಸಿಗದೆ ಮಗು ಸಾವು ಪ್ರಕರಣ: ಸಾವಿಗೆ ಕಾರಣ ತಿಳಿಸಿದ ನಿಮ್ಹಾನ್ಸ್ ಆಸ್ಪತ್ರೆ

ಕರ್ನಾಟಕದ ರೈಲ್ವೇ ಪೊಲೀಸ್ ಠಾಣೆಗಳು ನಾಲ್ಕು ವರ್ಷಗಳಲ್ಲಿ ಮಕ್ಕಳ ಅಸಹಜ ಸಾವಿನ 406 ಪ್ರಕರಣಗಳನ್ನು ವರದಿ ಮಾಡಿದೆ. 2019 ರಲ್ಲಿ 75 ಸಾವು ಪ್ರಕರಣಗಳು ದಾಖಲಾಗಿದ್ದು, 2020 ರಲ್ಲಿ (COVID-19 ಸಾಂಕ್ರಾಮಿಕ ಸಮಯ) ಈ ಸಂಖ್ಯೆ 12ಕ್ಕೆ ಇಳಿಯಿತು. ಆದಾಗ್ಯೂ, 2021 ರಲ್ಲಿ ಸಂಖ್ಯೆಗಳು 106 ಕ್ಕೆ ಹಾಗೂ 2022 ರಲ್ಲಿ 213 ಕ್ಕೆ ಏರಿತು.

ಅಪಘಾತ, ನೀರಿನಲ್ಲಿ ಮುಳುಗುವುದು, ಹಾವು ಕಡಿತ, ವಿದ್ಯುತ್ ತಂತಿಯ ಸ್ಪರ್ಶ, ನೈಸರ್ಗಿಕ ವಿಕೋಪ, ಆತ್ಮಹತ್ಯೆ ಅಥವಾ ಪ್ರಾಣಿ ಅಥವಾ ಯಂತ್ರಗಳಿಂದ ಸತ್ತರೆ ಅಥವಾ ಸಂದರ್ಭಗಳಲ್ಲಿ ಸಾವನ್ನಪ್ಪಿದರೆ ಇದನ್ನು ಅಸಹಜ ಸಾವು ಎಂದು ಕರ್ನಾಟಕ ಪೊಲೀಸರು ಹೇಳುತ್ತಾರೆ.

ಈ ಬಗ್ಗೆ ಮಾತನಾಡಿದ ಕರ್ನಾಟಕ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದ (ಕೆಎಸ್‌ಸಿಪಿಸಿಆರ್) ಮಾಜಿ ಸದಸ್ಯರೂ ಆಗಿರುವ, ಲೈಂಗಿಕವಾಗಿ ಶೋಷಿತ ಮಹಿಳೆಯರು ಮತ್ತು ಮಕ್ಕಳ ರಕ್ಷಣೆ ಮತ್ತು ಪುನರ್ವಸತಿಯಲ್ಲಿ ತೊಡಗಿರುವ ಎನ್‌ಜಿಒ ಒಡನಾಡಿ ಸೇವಾ ಸಂಸ್ಥೆಯ ಸಹ-ಸಂಸ್ಥಾಪಕ ಎಂ.ಎಲ್ ಪರಶುರಾಮ್, ಕುಟುಂಬಗಳ ಆತ್ಮಹತ್ಯೆ, ಮೊಬೈಲ್ ಫೋನ್, ಶಿಕ್ಷಣದ ಪ್ರವೇಶಕ್ಕೆ ನಿರಾಕರಣೆ ಅಥವಾ ಉತ್ತಮ ಆಹಾರವನ್ನು ನಿರಾಕರಿಸಿದಾಗ ಮಕ್ಕಳು ತಮ್ಮ ಜೀವನವನ್ನು ಕೊನೆಗೊಳಿಸಿರಬಹುದು ಎಂದಿದ್ದಾರೆ.

ಶಿಕ್ಷಣವನ್ನು ನಿರಾಕರಿಸಿ ಬಾಲ್ಯವಿವಾಹಕ್ಕೆ ಒತ್ತಾಯಿಸಿದಾಗ ಮಕ್ಕಳು ಆತ್ಮಹತ್ಯೆ ಮಾಡಿಕೊಂಡ ಉದಾಹರಣೆಗಳೂ ಇವೆ. ತಮ್ಮ ಕುಟುಂಬ ಸದಸ್ಯರು ತಮ್ಮ ಜಾತಿಗೆ ಅಥವಾ ಸಮುದಾಯಕ್ಕೆ ಸೇರದ ಸಂಗಾತಿಯೊಂದಿಗಿನ ಪ್ರೀತಿಸುವುದನ್ನು ವಿರೋಧಿಸಿದಾಗ ಮಕ್ಕಳು ಸಹ ಮರ್ಯಾದಾ ಹತ್ಯೆಗೆ ಬಲಿಯಾಗುತ್ತಾರೆ ಎಂದಿದ್ದಾರೆ.

ಕಳೆದ ಮೂರು ವರ್ಷಗಳಲ್ಲಿ 4,000 ಕ್ಕೂ ಹೆಚ್ಚು ಮಕ್ಕಳು ಕಾಣೆಯಾಗಿರುವ ಬಗ್ಗೆ ಗಮನಸೆಳೆದ ಪರಶುರಾಮ್, ಹಾಸ್ಟೆಲ್‌ಗಳು ಸೇರಿದಂತೆ ವಿವಿಧ ಸ್ಥಳಗಳಿಂದ ಕಾಣೆಯಾಗಿರುವ ಮಕ್ಕಳ ಸಮಸ್ಯೆಯನ್ನು ರಾಜ್ಯ ಸರ್ಕಾರ ಅಥವಾ ಕೆಎಸ್‌ಪಿಸಿಆರ್‌ಸಿಆರ್ ಗಂಭೀರವಾಗಿ ಪರಿಗಣಿಸುತ್ತಿಲ್ಲ ಎಂದು ಅಸಮಾಧಾನ ಹೊರಹಾಕಿದರು.

ರಾಜ್ಯದಲ್ಲಿ ಮಕ್ಕಳ ಅಸ್ವಾಭಾವಿಕ ಸಾವುಗಳು ಆತಂಕಕಾರಿಯಾಗಿ ಹೆಚ್ಚುತ್ತಿರುವುದಕ್ಕೆ ಕಾರಣಗಳನ್ನು ಪತ್ತೆ ಮಾಡುವಂತೆ ಸರ್ಕಾರವನ್ನು ಒತ್ತಾಯಿಸಿದ ಪರಶುರಾಮ್, ಕಾಣೆಯಾದ ಮಕ್ಕಳ ದಾಖಲೆಗಳನ್ನು ಪಂಚಾಯತ್ ಮಟ್ಟದಲ್ಲಿ ನಿರ್ವಹಿಸುವುದನ್ನು ಸರ್ಕಾರ ಖಚಿತಪಡಿಸಿಕೊಳ್ಳಬೇಕು ಎಂದು ಹೇಳಿದರು.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ