2021 Renault Triber: ಮಧ್ಯಮ ವರ್ಗಕ್ಕೆ ಹೇಳಿಮಾಡಿಸಿದಂತಿದೆ ಹೊಸ ರೆನಾಲ್ಟ್​ ಟ್ರೈಬರ್​! ಬೆಲೆ ಎಷ್ಟು ಗೊತ್ತಾ?

ಭಾರತದ ಒಟ್ಟೂ ಜನಸಂಖ್ಯೆಯಲ್ಲಿ ಮಧ್ಯಮವರ್ಗದವರ ಸಂಖ್ಯೆ ದೊಡ್ಡದಿದೆ. ಹೀಗಾಗಿ ವಾಹನ ತಯಾರಿಕಾ ಸಂಸ್ಥೆಗಳು ಇದನ್ನು ಗಮನದಲ್ಲಿಟ್ಟುಕೊಂಡೇ ಬೈಕ್​​ ಹಾಗೂ ಕಾರುಗಳನ್ನು ಸಿದ್ಧಪಡಿಸುತ್ತಿವೆ. ಮಾರುತಿ ಸುಜುಕಿ ಸೇರಿ ಸಾಕಷ್ಟು ಕಂಪೆನಿಗಳು ಕಡಿಮೆ ದರದ ಕಾರುಗಳನ್ನು ಮಾರುಕಟ್ಟೆಗೆ ಪರಿಚಯಿಸಿವೆ. ಫ್ರೆಂಚ್​ ಕಾರು ತಯಾರಿಕಾ ಸಂಸ್ಥೆ ರೆನಾಲ್ಟ್​ ಕೂಡ ಇದರಲ್ಲಿ ಹಿಂದೆ ಬಿದ್ದಿಲ್ಲ. ಭಾರತದ ಜನರ ಅಭಿರುಚಿಗೆ ತಕ್ಕಂತೆ ವಾಹನಗಳನ್ನು ರೆನಾಲ್ಟ್​ ತಯಾರಿಸುತ್ತಿದೆ. ಈಗ ರೆನಾಲ್ಟ್​ ಸಂಸ್ಥೆ 2021ರ ಟ್ರೈಬರ್​ ಮಾಡೆಲ್​ ಅನ್ನು ಪರಿಚಯಿಸಿದೆ. 5.30 ಲಕ್ಷ ರೂಪಾಯಿ (ಎಕ್ಸ್​ ಶೋರೂಂ ಬೆಲೆ) ಇದರ ಆರಂಭಿಕ ಬೆಲೆ ಆಗಿದ್ದು, ಗರಿಷ್ಠ ಮೊತ್ತ 7.82 ಲಕ್ಷ ರೂಪಾಯಿ (ಎಕ್ಸ್​ ಶೋರೂಂ ಬೆಲೆ) ಇದೆ.

ಹೊಸ ಮಾಡೆಲ್​ ಪರಿಚಯ ಮಾಡಿಸಿದಾಗ ಬೆಲೆಯಲ್ಲಿ ಏರಿಕೆ ಆಗೋದು ಸಾಮಾನ್ಯ. ಅದೇ ರೀತಿ ಹೊಸ ಟ್ರೈಬರ್​ ಬೆಲೆಯೂ ಏರಿಕೆ ಆಗಿದೆ. ಕಾರಿನ ಬಣ್ಣ ಹಾಗೂ ಫೀಚರ್​ಗಳನ್ನು ಆಧರಿಸಿ 10,000-15,000 ರೂಪಾಯಿವರೆಗೆ ಏರಿಕೆ ಮಾಡಲಾಗಿದೆ.

ಟ್ರೈಬರ್ ಸಾಕಷ್ಟು ಬಣ್ಣಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದಕ್ಕೆ ಈಗ ಕೇಡರ್ ಬ್ರೌನ್​ ಬಣ್ಣ ಕೂಡ ಹೊಸ ಸೇರ್ಪಡೆ. ಇನ್ನು, ಹೊಸ ಟ್ರೈಬರ್​ಗೆ ಸಾಕಷ್ಟು ಹೊಸ ಹೊಸ ಫೀಚರ್​ಗಳನ್ನು ನೀಡಲಾಗಿದೆ. ಸೈಡ್​ ಮಿರರ್​ಗಳಿಗೆ ಎಲ್​ಇಡಿ ಇಂಡಿಕೇಟರ್​​ ಲೈಟ್​ ನೀಡಲಾಗಿದೆ. ಸ್ಟಿಯರಿಂಗ್​ ಮೇಲೆ ಆಡಿಯೋ ನಿಯಂತ್ರಣ ಮಾಡುವ ಆಯ್ಕೆಯನ್ನು ನೀಡಿರುವುದು ವಿಶೇಷ. ತಾಂತ್ರಿಕವಾಗಿ ಕಾರಿನಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. 999 ಸಿಸಿ ಇಂಜಿನ್​ ಈ ಕಾರಿನಲ್ಲಿದೆ. ಪ್ರತಿ ಲೀಟರ್​ಗೆ 19 ಕಿಲೋ ಮೀಟರ್​ ಮೈಲೇಜ್​ ಇದು ನೀಡಲಿದೆ.

*2021 ರೆನಾಲ್ಟ್​ ಟ್ರೈಬರ್​ ಬೆಲೆ (ಎಕ್ಸ್​ ಶೋರೂಂಗಳಲ್ಲಿ)
*2021 ರೆನಾಲ್ಟ್​ ಟ್ರೈಬರ್​ RXE – 5.30 ಲಕ್ಷ ರೂಪಾಯಿ
*2021 ರೆನಾಲ್ಟ್​ ಟ್ರೈಬರ್​ RXL – 6 ಲಕ್ಷ ರೂಪಾಯಿ
*2021 ರೆನಾಲ್ಟ್​ ಟ್ರೈಬರ್​ RXL AMT – 6.50 ಲಕ್ಷ ರೂಪಾಯಿ
*2021 ರೆನಾಲ್ಟ್​ ಟ್ರೈಬರ್​ RXT – 6.55 ಲಕ್ಷ ರೂಪಾಯಿ
*2021 ರೆನಾಲ್ಟ್​ ಟ್ರೈಬರ್​ RXT AMT – 7.05 ಲಕ್ಷ ರೂಪಾಯಿ
*2021 ರೆನಾಲ್ಟ್​ ಟ್ರೈಬರ್​ RXZ – 7.15 ಲಕ್ಷ ರೂಪಾಯಿ
*2021 ರೆನಾಲ್ಟ್​ ಟ್ರೈಬರ್​ RXZ Dual-tone – 7.32 ಲಕ್ಷ ರೂಪಾಯಿ
*2021 ರೆನಾಲ್ಟ್​ ಟ್ರೈಬರ್​ RXZ AMT – 7.65 ಲಕ್ಷ ರೂಪಾಯಿ
*2021 ರೆನಾಲ್ಟ್​ ಟ್ರೈಬರ್​ RXZ AMT Dual-tone – 7.82 ಲಕ್ಷ ರೂಪಾಯಿ

ಇದನ್ನೂ ಓದಿ: ಹೇಗಿದೆ ನೋಡಿ ಹೊಸ ಮಾರುತಿ ಸುಜುಕಿ ಸ್ವಿಫ್ಟ್​ ಫೇಸ್​ಲಿಫ್ಟ್; ಆರಂಭಿಕ ಬೆಲೆ 5.73 ಲಕ್ಷ ರೂಪಾಯಿ