ಶಿವರಾಜ್​ಕುಮಾರ್​ ಚಿತ್ರರಂಗಕ್ಕೆ ಪ್ರವೇಶಿಸಿ 35 ವರ್ಷ; 35 ಕೆಜಿ ತೂಕದ ಕೇಕ್​ ಕತ್ತರಿಸಿ ಸಂಭ್ರಮಿಸಿದ ಅಭಿಮಾನಿಗಳು

ಶಿವರಾಜ್​ಕುಮಾರ್​ ಚಿತ್ರರಂಗಕ್ಕೆ ಪ್ರವೇಶಿಸಿ 35 ವರ್ಷ; 35 ಕೆಜಿ ತೂಕದ ಕೇಕ್​ ಕತ್ತರಿಸಿ ಸಂಭ್ರಮಿಸಿದ ಅಭಿಮಾನಿಗಳು
ನಟ ಶಿವರಾಜ್​ಕುಮಾರ್​ ಚಿತ್ರರಂಗಕ್ಕೆ ಪ್ರವೇಶಿಸಿ 35 ವರ್ಷ ಪೂರೈಸಿ ಹಿನ್ನೆಲೆ ಕೇಕ್ ಕತ್ತರಿಸಿ ಸಂಭ್ರಮಿಸಿದ ಅಭಿಮಾನಿಗಳು

ಇಂದಿಗೆ ನಟ ಶಿವರಾಜ್​ಕುಮಾರ್​ ಚಿತ್ರರಂಗಕ್ಕೆ ಪ್ರವೇಶಿಸಿ 35 ವರ್ಷ ಪೂರೈಸಿದೆ. ಈ ನಿಟ್ಟಿನಲ್ಲಿ ಅಭಿಮಾನಿಗಳೆಲ್ಲ ಶಿವರಾಜ್​ಕುಮಾರ್​ಗೆ ಶುಭಕೋರಿ ಅಂಭ್ರಮಿಸಿದ್ದಾರೆ.

shruti hegde

| Edited By: sadhu srinath

Feb 19, 2021 | 2:28 PM

ಬೆಂಗಳೂರು: ಇಂದಿಗೆ ನಟ ಶಿವರಾಜ್​ಕುಮಾರ್​ ಚಿತ್ರರಂಗಕ್ಕೆ ಪ್ರವೇಶಿಸಿ 35 ವರ್ಷ ಪೂರೈಸಿದೆ. ಈ ನಿಟ್ಟಿನಲ್ಲಿ ಅಭಿಮಾನಿಗಳೆಲ್ಲ ಶಿವರಾಜ್​ಕುಮಾರ್​ಗೆ ಶುಭ ಕೋರಿ ಸಂಭ್ರಮಿಸುತ್ತಿದ್ದಾರೆ. ಶಿವರಾಜ್​ಕುಮಾರ್​ ನಿವಾಸದ ಬಳಿ ಸನ್ಮಾನ ಕಾರ್ಯಕ್ರಮಕ್ಕೆ ಸಿದ್ಧತೆ ಮಾಡಿಕೊಂಡಿದ್ದು, 35 ಕೆಜಿ ತೂಕದ ಕೇಕ್ ಕತ್ತರಿಸುವ ಮೂಲಕ ಆಚರಿಸಿದ್ದಾರೆ.

ನಟ ಶಿವರಾಜ್​ಕುಮಾರ್​ ಚಿತ್ರರಂಗಕ್ಕೆ ಪ್ರವೇಶಿಸಿ ಇಂದಿಗೆ 35 ವರ್ಷ ಪೂರೈಸಿದೆ. ಆನಂದ್​ ಚಿತ್ರ ಮೂಲಕ ಮೊದಲ ಬಾರಿಗೆ ಶಿವರಾಜ್​ಕುಮಾರ್​ ಚಿತ್ರರಂಗಕ್ಕೆ ಪ್ರವೇಶಿಸಿದ್ದರು. ಆನಂದ್​ ಚಿತ್ರ 19 ಜೂನ್ 1986 ರಂದು ಬಿಡುಗಡೆಗೊಂಡಿದ್ದು, ನಟನಾಗಿ ಶಿವರಾಜ್​ಕುಮಾರ್​ ಮತ್ತು ನಟಿಯಾಗಿ ಸುಧಾರಾಣಿ ಅಭಿನಯಿಸಿದ್ದರು.

celebration 35 years completes in film indusry shivarajkumar fans

35 ಕೆಜಿ ಕೇಕ್​ ಕತ್ತರಿಸಿ ಸಂಭ್ರಮಿಸಿದ ಶಿವರಾಜ್​ಕುಮಾರ್ ಅಭಿಮಾನಿಗಳು

​ಚಿತ್ರರಂಗಕ್ಕೆ ಪ್ರವೇಶಿಸಿದ ನಂತರದ ಮೂರು ಸಿನಿಮಾಗಳೂ ಕೂಡಾ ಅಭಿಮಾನಿಗಳ ಮೆಚ್ಚುಗೆ ಪಡೆದು ಶತದಿನೋತ್ಸವದ ಮೂಲಕ ಯಶಸ್ಸು ಕಂಡಿತು. ಈ ಮೂಲಕ ‘ಹ್ಯಾಟ್ರಿಕ್ ಹಿರೋ’ ಎಂಬ ಬಿರುದಿಗೆ ನಟ ಶಿವರಾಜ್​ಕುಮಾರ್​ ಪಾತ್ರರಾದರು. ಇವರು ನಟಿಸಿರುವ ನಮ್ಮೂರ ಮಂದಾರ ಹೂವೆ, ಜನುಮದ ಜೋಡಿ ಚಿತ್ರಗಳೆಲ್ಲ ಅಭೂತಪೂರ್ವ ಹೆಸರಿಗೆ ಪಾತ್ರವಾಗಿ ಜನಮನಗಳಿಸಿಕೊಂಡಿದೆ. ಆಗಿನ ಕಾಲದ ಅವರ ಚಿತ್ರಗಳು ಇಂದಿನವರೆಗೂ ಕೂಡಾ ಜನರ ನೆನಪಿನಲ್ಲಿ ಅಚ್ಚಳಿಯದೇ ಉಳಿದಿದೆ. ಇಲ್ಲಿವರೆಗೆ 117ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿದ ಶಿವರಾಜ್​ಕುಮಾರ್​ ಅಭಿಮಾನಿಗಳ ಹ್ಯಾಟ್ರಿಕ್​ ಹಿರೋ ಆಗಿ ಅಪಾರ ಪ್ರೀತಿಯನ್ನು ಗಳಿಸಿದ್ದಾರೆ.

ನಟನೆಯೊಂದೆ ಅಲ್ಲದೇ ಗಾಯನದಲ್ಲೂ ಕೂಡಾ ಇವರ ಸಾಧನೆ ಇದೆ. ಅದೆಷ್ಟೋ ಚಿತ್ರಗಳಿಗೆ ಹಿನ್ನೆಲೆ ಗಾಯಕರಾಗಿ ನಟ ಶಿವರಾಜ್​ಕುಮಾರ್ ಹಾಡಿದ್ದಾರೆ. ಅವುಗಳಲ್ಲಿ ಆಸೆಗೊಬ್ಬ ಮೀಸೆಗೊಬ್ಬ, ಮೋಡದ ಮರೆಯಲ್ಲಿ, ಅಂಡಮಾನ್​ ಹೀಗೆ ಅನೇಕ ಚಿತ್ರಗಳಲ್ಲಿ ಹಾಡುಗಳನ್ನು ಹಾಡಿದ್ದಾರೆ.

ಶಿವರಾಜ್​ಕುಮಾರ್​ಗೆ ದೊರೆತ ಪ್ರಶಸ್ತಿಗಳು ಶಿವರಾಜ್​ಕುಮಾರ್​ ಅವರು 1995 ರಲ್ಲಿ ಬಿಡುಗಡೆಗೊಂಡ ಓಂ ಚಿತ್ರ, 1999ರಲ್ಲಿ ಬಿಡುಗಡೆಗೊಂಡ ಹೃದಯ ಹೃದಯ ಚಿತ್ರ, 2003ರಲ್ಲಿ ಬಿಡುಗಡೆಗೊಂಡ ಚಿಗುರಿದ ಕನಸು ಹಾಗೂ 2006ರಲ್ಲಿ ಬಿಡುಗಡೆಗೊಂಡ ಜೋಗಿ ಚಿತ್ರದಲ್ಲಿ ಅಭಿನಯಿಸಿ ಅತ್ಯುತ್ತಮ ನಟ ರಾಜ್ಯ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಹಾಗೂ ಉಜ್ವಲ ಪ್ರಶಸ್ತಿ, ಆರ್ಯಭಟ ಪ್ರಶಸ್ತಿ, ಚಿತ್ರ ರಸಿಕರ ಸಂಘ ಪ್ರಶಸ್ತಿ ಸೇರಿದಂತೆ ಫಿಲ್ಮ್​ಫೇರ್​ ಪ್ರಶಸ್ತಿಗೆ ಶಿವರಾಜ್​ಕುಮಾರ್​ ಪಾತ್ರರಾಗಿದ್ದಾರೆ.

ಇದನ್ನೂ ಓದಿ: ಕೊರೊನಾ ಸಂಕಷ್ಟದಲ್ಲಿರೋ ಸ್ಯಾಂಡಲ್‌ವುಡ್‌ಗೆ ಶಿವಣ್ಣನೇ.. ದಿ ಲೀಡರ್!

ಶಿವರಾಜ್​ಕುಮಾರ್ ಟ್ವೀಟ್: ಸಿನಿಮಾ ಹಾಲ್​ ಭರ್ತಿಯಾಗುವಷ್ಟು ಪ್ರೇಕ್ಷಕರು ಬರಲು ಅವಕಾಶ ಬೇಕು

Follow us on

Related Stories

Most Read Stories

Click on your DTH Provider to Add TV9 Kannada