ನೀರಿನಲ್ಲಿ ಹರ್ಷ-ಭುವಿ ರೊಮ್ಯಾನ್ಸ್​: ಟಾಕ್​ ಆಫ್​ ದಿ ಟೌನ್​ ಆದ ಕನ್ನಡತಿ ಜೋಡಿ

ಕನ್ನಡ ಕಿರುತೆರೆಯಲ್ಲಿ ಪ್ರಸಾರವಾಗುತ್ತಿರುವ ‘ಕನ್ನಡತಿ’ ಧಾರಾವಾಹಿ ಜನಮನ್ನಣೆಗೆ ಪಾತ್ರವಾಗಿದೆ. ಹರ್ಷ ಅಲಿಯಾಸ್​​​ ಕಿರಣ್​ ರಾಜ್​ ಹಾಗೂ ಭುವಿ ಅಲಿಯಾಸ್​ ರಜನಿ ರಾಘವನ್​ ಜೋಡಿ ನೋಡಿ ಎಲ್ಲರೂ ಮೆಚ್ಚಿಕೊಂಡಿದ್ದಾರೆ. ಹರ್ಷ ಹಾಗೂ ಭುವಿ ನಡುವೆ ಮೊಳೆತಿರುವ ಪ್ರೀತಿ ಬಗ್ಗೆ ಎಲ್ಲರಿಗೂ ಆಸಕ್ತಿ ಹೆಚ್ಚಾಗಿದೆ. ಇಬ್ಬರಲ್ಲಿ ಯಾರು ಮೊದಲು ಪ್ರೀತಿ ವ್ಯಕ್ತಪಡಿಸುತ್ತಾರೆ ಎನ್ನುವ ಕುತೂಹಲ ಅಭಿಮಾನಿಗಳದ್ದು. ಈ ಮಧ್ಯೆ, ನದಿಯಲ್ಲಿ ಇಬ್ಬರೂ ಕಾಣಿಸಿಕೊಂಡಿದ್ದ ದೃಶ್ಯವೊಂದು ಸಾಮಾಜಿಕ ಜಾಲತಾಣದಲ್ಲಿ ಈಗ ತುಂಬಾನೇ ವೈರಲ್​ ಆಗಿದೆ.

ಕಲರ್ಸ್​ ಕನ್ನಡ ವಾಹಿನಿಯ ಕನ್ನಡತಿ ಧಾರಾವಾಹಿಯಲ್ಲಿ ಭುವಿ ತಮ್ಮ ಊರು ಹಸಿರುಪೇಟೆಗೆ ತೆರಳಿದ್ದರು. ತಂಗಿ ಬಿಂದು ಹಾಗೂ ಹರ್ಷ ಕೂಡ ಭುವಿ ಜತೆ ಹಸಿರುಪೇಟೆಗೆ ಬಂದಿದ್ದರು. ತಂದೆಯ ಅಪರಕಾರ್ಯಗಳನ್ನು ಪೂರ್ಣಗೊಳಿಸಿ ಭುವಿ, ಹರ್ಷ  ಹಾಗೂ ಬಿಂದು  ಜತೆ ಕಾರಿನಲ್ಲಿ ಬೆಂಗಳೂರಿಗೆ ಹೊರಟಿದ್ದರು. ಈ ವೇಳೆ ಕಾರು ನಿಲ್ಲಿಸಿ ಮೂವರು ಮಣ್ಣುಗುಂಡಿ ಹೆಸರಿನ ಹೊಳೆಯ ಸಮೀಪ ತೆರಳಿದ್ದರು.

ಹರ್ಷ ಭುವಿಯನ್ನು ಸತಾಯಿಸಲು ನದಿಗೆ ಇಳಿದಿದ್ದರು. ಹರ್ಷ ನೀರಿನಲ್ಲಿ ಮುಳುಗಿ ಭುವಿಗೆ ಟೆನ್ಶನ್​ ನೀಡಿದ್ದರು. ಎಷ್ಟೇ ಹೊತ್ತಾದರೂ ಹರ್ಷ ಹೊರ ಬರದ್ದನ್ನು ನೋಡಿದ ಭುವಿ ಆತಂಕಗೊಂಡು ನದಿಗೆ ಇಳಿದಿದ್ದರು. ನಂತರ ಹರ್ಷ ನೀರಿನಿಂದ ಎದ್ದಿದ್ದರು.  ಹರ್ಷ ಹಾಗೂ ಭುವಿ ಇಬ್ಬರೂ ನದಿಯಲ್ಲಿ ತುಂಬಾನೇ ಹತ್ತಿರ ನಿಂತಿದ್ದರು. ಈ ದೃಶ್ಯ ತುಂಬಾನೇ ರೊಮ್ಯಾಂಟಿಕ್​ ಆಗಿತ್ತು. ಸದ್ಯ, ಈ ವಿಡಿಯೋ ಹಾಗೂ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಅಷ್ಟೇ ಅಲ್ಲ, ಅನೇಕರು ನದಿಯಲ್ಲೇ ಹರ್ಷ ಪ್ರೀತಿ ವ್ಯಕ್ತಪಡಿಸಬೇಕಿತ್ತು ಎಂದಿದ್ದಾರೆ.

ದಿನ ಕಳೆದಂತೆ ಕನ್ನಡತಿ ಧಾರಾವಾಹಿ ಪ್ರೇಕ್ಷಕರಲ್ಲಿ ಹೆಚ್ಚು ಆಸಕ್ತಿ ಹುಟ್ಟಿಸುತ್ತಿದೆ. ಡ್ರಗ್​ ಹೊಂದಿದ ಆರೋಪದ ಮೇಲೆ ವರುಧಿನಿ ಇನ್ನೂ ಜೈಲಿನಲ್ಲೇ ಇದ್ದಾರೆ. ಅವರನ್ನು ಬಿಡಿಸಲು ಹರ್ಷ ಹಾಗೂ ಭುವಿ ಪ್ರಯತ್ನಪಡುತ್ತಿದ್ದಾರೆ. ಇತ್ತ, ಭುವಿಯ ಹತ್ತಿರ ಐ ಲವ್​​ ಯು ಹೇಳಿಸುತ್ತೇನೆ ಎಂದು ಹರ್ಷ ತಂಗಿ ಬಳಿ ಚಾಲೆಂಜ್​ ಮಾಡಿದ್ದಾರೆ. ಹೀಗಾಗಿ, ಧಾರಾವಾಹಿ ಎಲ್ಲಿಗೆ ಹೋಗಿ ನಿಲ್ಲುತ್ತದೆ ಎನ್ನುವುದನ್ನು ಕಾದು ನೋಡಬೇಕಿದೆ.

ಗಟ್ಟಿಮೇಳ ಧಾರಾವಾಹಿಯ ವೇದಾಂತ್​ ಸಂಭಾವನೆ ಎಷ್ಟು ಗೊತ್ತಾ?