ಬರ್ತ್​​ಡೆ ಬಾಯ್​ಗೆ ಮತಗಟ್ಟೆ ರೌಂಡ್ಸ್​ , ಸ್ಪೆಷಲ್ ಗಿಫ್ಟ್ ಕೊಟ್ಟ ಹೆತ್ತವರು!

ಬೆಂಗಳೂರು: ಇಂದು ಬೆಂಗಳೂರಿನಲ್ಲಿ ಉಪ ಚುನಾವಣೆಯ ಕಾವು ಹೆಚ್ಚಾಗಿದೆ. ಇದರ ಬಿಸಿ ಪುಟಾಣಿ ಮಗುವಿನ ಬರ್ತ್​​ಡೆಗೂ ತಟ್ಟಿದೆ. ಮಹಾಲಕ್ಷ್ಮಿ ಲೇಔಟ್​ನ ಕಿರಣ್ ಗೆ ಇವತ್ತು ಬರ್ತ್​​ಡೆ ಸಂಭ್ರಮ. ಹುಟ್ಟುಹಬ್ಬದ ದಿನವೇ ಉಪಚುನಾವಣೆಯೂ ಇದ್ದಿದ್ರಿಂದ ಕಿರಣ್​ಗೆ ಹೊಸ ಬಟ್ಟೆ ತೊಡಿಸಿ ಮತಗಟ್ಟೆಗೆ ಕರೆದುಕೊಂಡು ಬಂದು ಕಿರಣ್ ಹೆತ್ತವರು ಸಂಭ್ರಮ ಪಟ್ಟಿದ್ದಾರೆ.

ಬರ್ತ್​​ಡೆ ದಿನ ಅವನಿಗೆ ಮತಗಟ್ಟೆ ತೋರಿಸಿದ್ದೇವೆ‌. ಒಳ್ಳೆಯ ಪ್ರಜೆಯಾಗಬೇಕು. ಅದಕ್ಕಾಗಿ ಹುಟ್ಟಿದ ಹಬ್ಬವನ್ನು ಈ ರೀತಿ ಸ್ಪೆಷಲ್ ಆಗಿ ಆಚರಣೆ ಮಾಡುತ್ತಿದ್ದೇವೆ ಎಂದು ಪೋಷಕರು ಸಂಭ್ರಮ ವ್ಯಕ್ತಪಡಿಸಿದರು. ಪುಟ್ಟ ಬಾಲ ಕಿರಣ್ ಪಂಚೆ ಉಟ್ಟು ಇಡೀ ಮತಗಟ್ಟೆ ತುಂಬಾ ಆಡವಾಡಿದ. ಈ ರೀತಿ ಹೆತ್ತವರು ಬೇಬಿ ಬರ್ತ್​​ಡೆ ದಿನ ಪುಟಾಣಿಗೆ ಮತಗಟ್ಟೆ ರೌಂಡ್ ಹೊಡೆಸಿ ಸ್ಪೆಷಲ್ ಗಿಫ್ಟ್ ಕೊಟ್ಟಿದ್ದಾರೆ.