Reliance Jio Phone Prepaid Plan: ಜಿಯೋದಿಂದ 5 ಹೊಸ ಪ್ರಿಪೇಯ್ಡ್ ಪ್ಲ್ಯಾನ್ ಆರಂಭ; ರೂ. 22 ಕನಿಷ್ಠ

ರಿಲಯನ್ಸ್ ಜಿಯೋ ಫೋನ್ ಗ್ರಾಹಕರಿಗಾಗಿ 5 ಪ್ರೀಪೇಯ್ಡ್ ಪ್ಲ್ಯಾನ್ಗಳನ್ನು ಪರಿಚಯಿಸಲಾಗಿದೆ. ಅವುಗಳ ಬಗ್ಗೆ ಸಮಗ್ರವಾದ ಮಾಹಿತಿ ಈ ಲೇಖನದಲ್ಲಿ ಇದ್ದು, ಕನಿಷ್ಠ ರೂ. 22ರಿಂದ ಪ್ಲ್ಯಾನ್ ಆರಂಭವಾಗುತ್ತದೆ.

ಜಿಯೋ 75 ರೂ. ಪ್ಲ್ಯಾನ್: ಈ ಪ್ಲ್ಯಾನ್ನಲ್ಲಿ ಗ್ರಾಹಕರಿಗೆ ಅನಿಯಮಿತ ಕರೆ ಸೌಲಭ್ಯ ದೊರೆಯಲಿದೆ. ಜೊತೆಗೆ ಪ್ರತಿದಿನ 50 ಉಚಿತ SMS ಸಿಗಲಿದೆ. ಇನ್ನು ಈ ಪ್ಲ್ಯಾನ್ನಲ್ಲಿ 200MB ಬೂಸ್ಟರ್ ಜೊತೆಗೆ 3GB ಡೇಟಾ ಸಿಗಲಿದೆ.

Srinivas Mata | Edited By: ಸಾಧು ಶ್ರೀನಾಥ್|
Updated on:Mar 05, 2021 | 3:44 PM

ರಿಲಯನ್ಸ್ನಿಂದ ಹೊಸ ಜಿಯೋ ಫೋನ್ ಪ್ರಿಪೇಯ್ಡ್ ಪ್ಲ್ಯಾನ್ಗಳನ್ನು ಆರಂಭಿಸಲಾಗಿದೆ. ರೂ. 22ರಿಂದ ದರ ಶುರುವಾಗುತ್ತದೆ. ಜಿಯೋ ಫೋನ್ ಬಳಕೆದಾರರಿಗೆ 5 ಹೊಸ ಡೇಟಾ ರೀಚಾರ್ಜ್ ಪ್ಲಾನ್ಗಳನ್ನು ಟೆಲಿಕಾಂ ಆಪರೇಟರ್ ಜಿಯೋ ಸೇರ್ಪಡೆ ಮಾಡಿದ್ದು, ತಲಾ ರೂ. 22, ರೂ. 52, ರೂ. 72, ರೂ. 102 ಹಾಗೂ ರೂ. 152ರ ಪ್ಲ್ಯಾನ್ಗಳಿವು. ಈ ಪ್ರಿಪೇಯ್ಡ್ ಪ್ಲ್ಯಾನ್ಗಳ ಜತೆಗೆ 6ಜಿಬಿ ತನಕ ಹೈ ಸ್ಪೀಡ್ ಡೇಟಾ ನೀಡಲಾಗುತ್ತಿದೆ. ಇದರ ಜತೆಗೆ ಹೊಸದಾಗಿ ರೂ. 749ರ ಆಲ್-ಇನ್-ಒನ್ ಜಿಯೋ ಪ್ಲ್ಯಾನ್ ಇದೆ. ಇದರಲ್ಲಿ ಅನಿಯಮಿತ ಕರೆ ಮತ್ತು ಡೇಟಾ ಅನುಕೂಲಗಳಿವೆ.

ಜಿಯೋ ಫೋನ್ ಡೇಟಾ ಪ್ರಿಪೇಯ್ಡ್ ಪ್ಲ್ಯಾನ್ಗಳಿವು ಪ್ರಿಪೇಯ್ಡ್ ಪ್ಲ್ಯಾನ್ ಮೂಲ ಬೆಲೆ ರೂ. 22ರೊಂದಿಗೆ ಶುರುವಾಗುತ್ತದೆ. ಇದರಲ್ಲಿ 28 ದಿನಗಳಿಗೆ 2 ಜಿಬಿ ಡೇಟಾವನ್ನು ಜಿಯೋಫೋನ್ ಒದಗಿಸುತ್ತದೆ. ಇನ್ನು ರೂ. 52ರ ಡೇಟಾ ರೀಚಾರ್ಜ್ ಪ್ಲ್ಯಾನ್ಗೆ 6ಜಿಬಿ ಡೇಟಾ 28 ದಿನಗಳ ವ್ಯಾಲಿಡಿಟಿ ಸಿಗುತ್ತದೆ. ಒಂದು ಸಲ ಈ ಡೇಟಾ ಮುಗಿದು ಹೋದ ಮೇಲೂ ಆನ್ಲೈನ್ನಲ್ಲಿ ಕಂಟೆಂಟ್ ಬ್ರೌಸ್ ಮಾಡಬಹುದು. ಆದರೆ ವೇಗ 64kbps ಮಾತ್ರ ಇರುತ್ತದೆ. ಈ ಎರಡೂ ಪ್ಲ್ಯಾನ್ನಲ್ಲಿ ಜಿಯೋ ಅಪ್ಲಿಕೇಷನ್ಗಳನ್ನು ಉಚಿತವಾಗಿ ಬಳಸಬಹುದು.

ಜಿಯೋಫೋನ್ ಪ್ಲ್ಯಾನ್ಗಳಲ್ಲಿ ಕರೆ, ಎಸ್ಸೆಮ್ಮೆಸ್ ಮತ್ತು ಡೇಟಾ ಅನುಕೂಲವೂ ಇರುವಂಥವು: ಕರೆ, ಎಸ್ಸೆಮ್ಮೆಸ್ ಮತ್ತು ಡೇಟಾ ಅನುಕೂಲ ನೀಡುವ ಐದು ಜಿಯೋಫೋನ್ ಪ್ರಿಪೇಯ್ಡ್ ಪ್ಲ್ಯಾನ್ಗಳಿವೆ. ರೂ. 185 ಜಿಯೋಫೋನ್ ಪ್ಲ್ಯಾನ್. ಇದರಲ್ಲಿ ದಿನಕ್ಕೆ 2ಜಿಬಿ ಡೇಟಾ, ಅಂದರೆ 56 ಜಿಬಿ ಡೇಟಾ ಒಟ್ಟು ಸಿಗುತ್ತದೆ. ಇದರ ಜತೆಗೆ ಅನಿಯಮಿತ ಕರೆ ಮತ್ತು ತಿಂಗಳಿಗೆ 100 ಉಚಿತ ಎಸ್ಸೆಮ್ಮೆಸ್ ಒಳಗೊಂಡಿರುತ್ತದೆ.

ರೂ. 749ರ ಪ್ಲ್ಯಾನ್ 1 ವರ್ಷದ ವ್ಯಾಲಿಡಿಟಿಯೊಂದಿಗೆ ಬರುತ್ತದೆ. ದಿನಕ್ಕೆ 2 GB ಡೇಟಾ, ಅನಿಯಮಿತ ಧ್ವನಿ ಕರೆ ಮತ್ತು ತಿಂಗಳಿಗೆ 50 ಎಸ್ಸೆಮ್ಮೆಸ್ ಸಿಗುತ್ತದೆ. ಇನ್ನು 159 ರೂಪಾಯಿಯ ಪ್ರಿಪೇಯ್ಡ್ ಜಿಯೋಫೋನ್ ಪ್ಲ್ಯಾನ್ಗೆ ದಿನಕ್ಕೆ 1 ಜಿಬಿ ಡೇಟಾ, ಅದೇ ರೀತಿ ರೂ. 125ರ ಪ್ಲ್ಯಾನ್ಗೆ ದಿನಕ್ಕೆ 0.5 ಜಿಬಿ ಡೇಟಾ ನಿತ್ಯವೂ ದೊರೆಯುತ್ತದೆ. ಅಂತಿಮವಾಗಿ ರೂ. 75ರ ರೀಚಾರ್ಜ್ ಪ್ಲ್ಯಾನ್ಗೆ ಗ್ರಾಹಕರಿಗೆ ಒಟ್ಟು 3 ಜಿ.ಬಿ. ಡೇಟಾ ಸಿಗುತ್ತದೆ. 28 ದಿನಗಳ ವ್ಯಾಲಿಡಿಟಿ ಹಾಗೂ ಅನಿಯಮಿತ ಧ್ವನಿ ಕರೆ ಮತ್ತು ತಿಂಗಳಿಗೆ ನೂರು ಎಸ್ಸೆಮ್ಮೆಸ್ ಉಚಿತವಾಗಿ ದೊರೆಯುತ್ತದೆ.

ಜಿಯೋಫೋನ್ ಬಳಕೆದಾರರಿಗೆ ಜಿಯೋ ಟಿವಿ, ಜಿಯೋ ಸಿನಿಮಾ, ಜಿಯೋ ಸೆಕ್ಯೂರಿಟಿ ಮತ್ತು ಜಿಯೋ ನ್ಯೂಸ್ ಸಿಗುತ್ತದೆ. ಎಲ್ಲ ಪ್ಲ್ಯಾನ್ಗಳ ಜತೆಗೆ ಈ ಅಪ್ಲಿಕೇಷನ್ಗಳು ಸಿಗುತ್ತವೆ. ರೂ. 72 ಜಿಯೋಫೋನ್ ಡೇಟಾ ಪ್ಯಾಕ್ ಜತೆಗೆ ಪ್ರತಿ ದಿನ 0.5 ಜಿಬಿ ಡೇಟಾ ದೊರೆಯಲಿದ್ದು, 28 ದಿನಗಳ ವ್ಯಾಲಿಡಿಟಿ ಇದೆ. ರೂ. 102ರ ಪ್ಲ್ಯಾನ್ನಲ್ಲಿ ನಿತ್ಯವೂ 1ಜಿಬಿ ಡೇಟಾ 28 ದಿನಗಳ ವ್ಯಾಲಿಡಿಟಿ, ರೂ. 152ರ ಪ್ಲ್ಯಾನ್ಗೆ 2ಜಿಬಿ ಡೇಟಾ 28 ದಿನಗಳ ವ್ಯಾಲಿಡಿಟಿಯೇ ಇದೆ. 152ರ ಪ್ಲ್ಯಾನ್ ಖರೀದಿ ಮಾಡುವವರಿಗೆ 56 ಜಿಬಿ ಡೇಟಾ ದೊರೆಯುತ್ತದೆ. ಇಲ್ಲಿ ಗಮನಿಸಬೇಕಾದದ್ದೇನೆಂದರೆ, ಕಂಪನಿಯಿಂದ ಈ ಡೇಟಾ ಪ್ರಿಪೇಯ್ಡ್ ಪ್ಲ್ಯಾನ್ಗಳಿಗೆ ಜಿಯೋ ಫೋನ್ ಬಳಕೆದಾರರಿಗೆ ಯಾವುದೇ ವಾಯ್ಸ್ ಕಾಲಿಂಗ್ ಅಥವಾ ಎಸ್ಸೆಮ್ಮೆಸ್ ಅನುಕೂಲ ಸಿಗಲ್ಲ.

ಇದನ್ನೂ ಓದಿ: Reliance Jio Phone Offer: ಮತ್ತೊಂದು ಕ್ರಾಂತಿಗೆ ಸಿದ್ಧವಾಯ್ತು ಜಿಯೋ, ಕೇವಲ ರೂ. 1,999ಕ್ಕೆ 2 ವರ್ಷಗಳ ತನಕ ಅನಿಯಮಿತ ಸೌಲಭ್ಯ