ವಾಟ್ಸ್​ಆ್ಯಪ್ ಇಲ್ಲದೆ ಬದುಕಬಹುದೇ..?: ಇದನ್ನು ಓದಿ ನೀವೇ ಕಂಡುಕೊಳ್ಳಿ ಉತ್ತರ

ಅತಿ ಚಿಕ್ಕ ವಿಷಯದಿಂದ ಹಿಡಿದು ದೊಡ್ಡ ದೊಡ್ಡ ವಿಷಯಗಳವರೆಗೂ ವಾಟ್ಸ್​ಆ್ಯಪ್ ತನ್ನ ಕಬಂದ ಬಾಹುಗಳನ್ನು ಚಾಚಿದೆ. ಭಾರತೀಯರ ಪಾಲಿಗಂತೂ ದಿನನಿತ್ಯದ ಅವಶ್ಯಕತೆಯಾಗಿದೆ. ಹೀಗಾಗಿ, ವಾಟ್ಸ್​ಆ್ಯಪ್​ನ್ನು ಬಹಳ ದಿನ ದೂರವಿಟ್ಟು ಬದುಕಲಾಗದು ಎನ್ನುತ್ತಿದ್ದಾರೆ ವಾಟ್ಸ್​ಆ್ಯಪ್ ವಾದಿಗಳು!

  • TV9 Web Team
  • Published On - 19:14 PM, 16 Jan 2021
ವಾಟ್ಸ್​ಆ್ಯಪ್ ಇಲ್ಲದೆ ಬದುಕಬಹುದೇ..?: ಇದನ್ನು ಓದಿ ನೀವೇ ಕಂಡುಕೊಳ್ಳಿ ಉತ್ತರ
ಸಾಂದರ್ಭಿಕ ಚಿತ್ರ

ವಾಟ್ಸಾಪ್ ಪ್ರೈವಸಿ ನಿಯಮಗಳಲ್ಲಿ ಅಪ್ಡೇಟ್​ ತರುತ್ತಿದ್ದಂತೆ ಭಾರತದಲ್ಲಿ ಆದ ಗಲಾಟೆಗಳಿಗೆ ಬರವಿಲ್ಲ. ವಾಟ್ಸ್​ಆ್ಯಪ್ ಬಳಕೆ ನಿಲ್ಲಿಸುತ್ತೇವೆ, ಇನ್ಮುಂದೆ ಸಿಗ್ನಲ್ ಬಳಸುತ್ತೇವೆ..ನಮಗೆ ವಾಟ್ಸ್​ಆ್ಯಪ್ ಬೇಡವೇ ಬೇಡ..ನಮ್ಮ ಡಾಟಾ ಸುರಕ್ಷಿತವಾಗಿರಲಿ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಸ್ಟೇಟಸ್ ಹಾಕಿದವರೆಷ್ಟೋ..ಇನ್ಮುಂದೆ ವಾಟ್ಸ್​ಆ್ಯಪ್ ಗೋಜಿಗೇ ಹೋಗಲ್ಲ ಎಂದು ಅನ್​ ಇನ್​ಸ್ಟಾಲ್ ಮಾಡಿದವರೂ ಇದ್ದಾರೆ. ಆದರೆ ಸದ್ಯದ ಪರಿಸ್ಥಿತಿ ವಾಟ್ಸ್​ಆ್ಯಪ್​ನಿಂದ ಹೆಚ್ಚು ದಿನ ದೂರವುಳಿಯಲು ಅವಕಾಶ ನೀಡುವಂತಿಲ್ಲ..ಏಕೆ ಗೊತ್ತೇ? ಇಲ್ಲಿದೆ ನೋಡಿ ವಿವರ..

1. ನೀವು ಜಿಯೋಮಾರ್ಟ್​ನ ಗ್ರಾಹಕರು ಅಥವಾ ವ್ಯಾಪಾರಿ ಆಗಿದ್ದರೆ ವಾಟ್ಸಾಪ್​ ತೊರೆಯೋಕೆ ಸಾಧ್ಯವಾಗುವುದಿಲ್ಲ. ಏಕೆಂದರೆ, ವಾಟ್ಸಾಪ್​ ಇಲ್ಲದೆ, ಜಿಯೋ ಮಾರ್ಟ್​ ಕೆಲಸ ಮಾಡದು!

2. ಕೊರೊನಾ ಪಿಡುಗಿನಲ್ಲಿ ಎಷ್ಟೋ ಅಂಗಡಿಗಳು ವಾಟ್ಸ್​ಆ್ಯಪ್​ ಮೂಲಕವೇ ಸಾಮಾಗ್ರಿಗಳನ್ನು ಕಾಯ್ದಿರಿಸುವ ಮತ್ತು ಖರೀದಿಸುವ ಅವಕಾಶ ಒದಗಿಸಿವೆ. ನಮ್ಮಲ್ಲಿ ಅನೇಕರು ವಾಟ್ಸ್​ಆ್ಯಪ್ ಮೆಸೇಜ್ ಮೂಲಕವೇ ಅಗತ್ಯ ಸಾಮಾಗ್ರಿಗಳನ್ನು ಕಾದಿರಿಸುತ್ತಾರೆ. ಅಂಥವರಿಗೆ ವಾಟ್ಸಾಪ್​ ಬಳಕೆ ಬೀಡೋಕೆ ಸಾಧ್ಯವಾಗದು.

3. ಶೇ. 90 ಜನರು ಕರೆ ಮಾಡಲು ಬಳಸುವ ನಂಬರ್​ ಮತ್ತು ವಾಟ್ಸ್​ಆ್ಯಪ್ ಸಂಖ್ಯೆ ಒಂದೇ ಆಗಿರುತ್ತದೆ.

4. ಫೇಸ್​ಬುಕ್ ಮತ್ತು ವಾಟ್ಸ್​ಆ್ಯಪ್ ತನ್ನದೇ ಆದ ಡಿಜಿಟಲ್ ಹಣ Diem ನ್ನು ಜಾರಿಗೆ ತರುವ ಯೋಜನೆ ಹೊಂದಿದೆ. ನೀವು ಫೇಸ್​ಬುಕ್ ಮತ್ತು ವಾಟ್ಸ್​ಆ್ಯಪ್ ಬಳಕೆದಾರರಾಗಿದ್ದರೆ ಈ ಡಿಜಿಟಲ್ ಹಣ ಯೋಜನೆಯ ಭಾಗವಾಗುತ್ತೀರಿ.

5. ವಾಟ್ಸಾಪ್​ ಬಳಸುತ್ತಿರುವವರೆಲ್ಲರ ಮಾಹಿತಿಯೂ ಈಗಾಗಲೇ ಫೇಸ್​ಬುಕ್ ಬಳಿಯಿದೆ.

6. ವಾಟ್ಸ್​ಆ್ಯಪ್​ನ್ನು ಜಿಯೋ ನಂಬರ್​ನಲ್ಲಿ ಬಳಸುತ್ತಿದ್ದರೆ, ನಿಮ್ಮ ಡಾಟಾ ವಾಟ್ಸ್​ಆ್ಯಪ್ ಬಳಿಯಿದೆ ಎಂದರ್ಥ.

ಹೀಗೆ, ಅತಿ ಚಿಕ್ಕ ವಿಷಯದಿಂದ ಹಿಡಿದು ದೊಡ್ಡ ದೊಡ್ಡ ವಿಷಯಗಳವರೆಗೂ ವಾಟ್ಸ್​ಆ್ಯಪ್ ತನ್ನ ಕಬಂದ ಬಾಹುಗಳನ್ನು ಚಾಚಿದೆ. ಭಾರತೀಯರ ಪಾಲಿಗಂತೂ ದಿನನಿತ್ಯದ ಅವಶ್ಯಕತೆಯಾಗಿದೆ. ಹೀಗಾಗಿ, ವಾಟ್ಸ್​ಆ್ಯಪ್​ನ್ನು ಬಹಳ ದಿನ ದೂರವಿಟ್ಟು ಬದುಕಲಾಗದು ಎನ್ನುತ್ತಿದ್ದಾರೆ ವಾಟ್ಸ್​ಆ್ಯಪ್ ವಾದಿಗಳು!

ಇನ್ಮುಂದೆ ಡೆಸ್ಕ್​ಟಾಪ್​ನಲ್ಲೂ ಸಿಗಲಿದೆ ವಾಟ್ಸ್​ಆ್ಯಪ್​ ಕಾಲ್​ ಸೌಲಭ್ಯ; ಆದ್ರೆ ಸದ್ಯಕ್ಕೆ ಎಲ್ಲ ಬಳಕೆದಾರರಿಗೂ ಅಲ್ಲ!