ಚರ್ಮ ಸುಕ್ಕುಗಟ್ಟುವಿಕೆಗೆ ಕಾರಣವಾಗುವ ಈ ಆಹಾರಗಳಿಂದ ದೂರವಿರಿ

ನಾವು ತಿನ್ನುವ ಆಹಾರಗಳು ನಮ್ಮ ಆರೋಗ್ಯದ ಸಂಪೂರ್ಣ ಜವಾಬ್ದಾರಿಯನ್ನು ನೋಡಿಕೊಳ್ಳುತ್ತವೆ. ನಾವು ಕೆಟ್ಟ ಆಹಾರವನ್ನು ತಿಂದರೆ ಅನಾರೋಗ್ಯ ಕಾಡುತ್ತದೆ, ಉತ್ತಮ ಆಹಾರ ಸೇವಿಸಿದರೆ ಆರೋಗ್ಯ ಉತ್ತಮವಾಗಿರುತ್ತದೆ. ನಾವು ತಿನ್ನುವ ಆಹಾರಗಳು ನಮ್ಮ ಜೀವನದ ಗುಣಮಟ್ಟ, ಫಿಟ್ನೆಸ್, ಸೌಂದರ್ಯ ಮತ್ತು ವಯಸ್ಸಾದಂತೆ ರೋಗದ ಅಪಾಯದ ಮೇಲೆ ಗಮನಾರ್ಹ ಪರಿಣಾಮ ಬೀರುತ್ತವೆ.

ವಯಸ್ಸಾಗುವ ಪ್ರಕ್ರಿಯೆಯನ್ನು ನಿಧಾನಗೊಳಿಸಿಕೊಳ್ಳಲು, ನಮ್ಮ ದೇಹಕ್ಕೆ ಹಲವಾರು ಪೋಷಕಾಂಶಗಳು ಬೇಕಾಗುತ್ತವೆ. ಕೆಲವು ಪೋಷಕಾಂಶಯುಕ್ತ ಆಹಾರಗಳು ಚರ್ಮದ ಕಾಂತಿಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡಬಹುದು.

ನಾವು ವಯಸ್ಸಾದಂತೆ, ಸುಕ್ಕುಗಳು ಮತ್ತು ಚರ್ಮದ ಕುಗ್ಗುವಿಕೆ ಹೆಚ್ಚಾಗುತ್ತದೆ, ಚರ್ಮವು ಕಾಂತಿ ಕಳೆದುಕೊಳ್ಳುತ್ತದೆ. ಆದಾಗ್ಯೂ, ಚರ್ಮದ ಬಿಗಿತ ಮತ್ತು ಕಾಲಜನ್ ರಚನೆಯನ್ನು ಬೆಂಬಲಿಸುವ ಮತ್ತು ಸ್ವತಂತ್ರ ರಾಡಿಕಲ್ ವಿರುದ್ಧ ಹೋರಾಡುವ ಆಹಾರವನ್ನು ತೆಗೆದುಕೊಳ್ಳಬೇಕು.

ನೀವು ಸುಕ್ಕುಗಳು ಮತ್ತು ಸೂಕ್ಷ್ಮ ರೇಖೆಗಳನ್ನು ಅಭಿವೃದ್ಧಿಪಡಿಸುವುದನ್ನು ತಪ್ಪಿಸಲು ಬಯಸಿದರೆ ನೀವು ದೂರವಿರಬೇಕಾದ ಹಲವು ಆಹಾರಗಳಿವೆ.

ಕರಿದ ಆಹಾರಗಳು ನಾವೆಲ್ಲರೂ ನಿತ್ಯ ಕರಿದ ಪದಾರ್ಥಗಳು, ಕುರುಕಲು ತಿಂಡಿಗಳು ಸೇರಿದಂತೆ ಹಲವು ಪದಾರ್ಥಗಳ ಸೇವನೆ ಮಾಡುತ್ತೇವೆ, ಆದರೆ ಈ ಪದಾರ್ಥಗಳನ್ನು ಹೆಚ್ಚೆಚ್ಚು ತಿನ್ನುವುದರಿಂದ ನಿಮ್ಮ ತ್ವಚೆಯು ಬಹುಬೇಗ ಸುಕ್ಕುಗಟ್ಟುತ್ತದೆ.

ಬಿಳಿ ಸಕ್ಕರೆ ಬಿಳಿ ಸಕ್ಕರೆಯನ್ನು ಅತಿಯಾಗಿ ಬಳಸುವುದರಿಂದಲೂ ಚರ್ಮವು ಬಹುಬೇಗ ಸುಕ್ಕುಗಟ್ಟುತ್ತದೆ. ತಂಪು ಪಾನೀಯಗಳು, ಸಿಹಿ ತಿನಿಸುಗಳನ್ನು ಅತಿಯಾಗಿ ತಿನ್ನುವುದರಿಂದಲೂ ಚರ್ಮ ಬೇಗ ಸುಕ್ಕುಗಟ್ಟಲು ಶುರುವಾಗುತ್ತದೆ.

ಬೆಣ್ಣೆ ಅಧ್ಯಯನದ ಪ್ರಕಾರ, ಬೆಣ್ಣೆಯನ್ನು ಸೇವಿಸದವರಲ್ಲಿ ಚರ್ಮದ ಹಾನಿ ಮತ್ತು ಸುಕ್ಕುಗಳು ಕಡಿಮೆ. ಅದರ ಹೆಚ್ಚಿನ ಮಟ್ಟದ ಭಾಗಶಃ ಹೈಡ್ರೋಜನೀಕರಿಸಿದ ತೈಲಗಳಿಂದಾಗಿ ಮಾರ್ಗರೀನ್ ಅನ್ನು ಬೆಣ್ಣೆಗಿಂತ ಕೆಟ್ಟದಾಗಿ ಪರಿಗಣಿಸಲಾಗಿದೆ. ಈ ಕೊಬ್ಬಿನಾಮ್ಲಗಳು ಚರ್ಮವನ್ನು ನೇರಳಾತೀತ ವಿಕಿರಣಕ್ಕೆ ಹೆಚ್ಚು ದುರ್ಬಲಗೊಳಿಸುತ್ತವೆ, ಇದು ಚರ್ಮದ ಕಾಲಜನ್ ಮತ್ತು ಸ್ಥಿತಿಸ್ಥಾಪಕತ್ವವನ್ನು ಹಾನಿಗೊಳಿಸುತ್ತದೆ. ಆಲಿವ್ ಎಣ್ಣೆ ಅಥವಾ ಆವಕಾಡೊ ಉತ್ತಮ ಪರ್ಯಾಯವಾಗಿ ಕಾರ್ಯನಿರ್ವಹಿಸುತ್ತದೆ.

ಡೈರಿ ಉತ್ಪನ್ನಗಳು ಡೈರಿಯ ಉತ್ಪನ್ನಗಳು ನಿಮ್ಮ ಆರೋಗ್ಯಕ್ಕೆ ಹಾನಿಕಾರಕವೇ ಇಲ್ಲವೇ ಎಂಬುದನ್ನು ಮೊದಲು ತಿಳಿಯಿರಿ. ಡೈರಿ ಉತ್ಪನ್ನಗಳ ಅತಿಯಾದ ಬಳಕೆಯಿಂದಾಗಿ ಮುಖದಲ್ಲಿ ಮೊಡವೆ, ಜೀರ್ಣಕಾರಿ ಸಮಸ್ಯೆ ಎದುರಾಗುತ್ತದೆ. ಇತರರಿಗೆ ಇದರಿಂದ ಯಾವುದೇ ಪರಿಣಾಮ ಉಂಟಾಗಿಲ್ಲ. ಡೈರಿ ಉತ್ಪನ್ನಗಳು ದೇಹದಲ್ಲಿ ಉರಿಯೂತವನ್ನು ಹೆಚ್ಚಿಸಬಹುದು, ಇದು ಆಕ್ಸಿಡೇಟಿವ್ ಒತ್ತಡಕ್ಕೆ ಕಾರಣವಾಗುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ