Cake Recipe: ಮನೆಯಲ್ಲೇ ಆರೋಗ್ಯಕರ ಕೇಕ್ ತಯಾರಿಸಿ ಇಲ್ಲಿದೆ ಸುಲಭ ರೆಸಿಪಿ

ಯಾವುದೇ ಸಂಭ್ರಮ ಸಡಗರಗಳ ನಡುವೆ ಕೇಕ್ ಒಂದು ಕೇಂದ್ರ ಬಿಂದುವಾಗಿರುವುದು ಸಹಜ. ಕಣ್ಣಿಗೆ ಆಕರ್ಷಣೀಯವಾಗಿ ಕಾಣುವ ಕೇಕುಗಳಲ್ಲಿ ಸಾಕಷ್ಟು ರಾಸಾಯನಿಕ ಬಣ್ಣಗಳನ್ನು , ಹಾಗೂ ಹೆಚ್ಚಿನ ಸಕ್ಕರೆಯ ಅಂಶಗಳನ್ನು ಬೆರೆಸಲಾಗುತ್ತದೆ. ಇದು ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚಿದೆ.

ಆದ್ದರಿಂದ ಮನೆಯಲ್ಲೇ ಆರೋಗ್ಯಕರ ರುಚಿಕರ ಕೇಕ್ ತಯಾರಿಸಲು ಇಲ್ಲಿದೆ ಸುಲಭ ರೆಸಿಪಿ ವಿಧಾನ. ನೀವು ಒಮ್ಮೆ ಪ್ರಯತ್ನಿಸಿ.

ಬೇಕಾಗುವ ಸಾಮಾಗ್ರಿಗಳು: 1 ಕಪ್ ಬೆಣ್ಣೆ 1 ಚಮಚ ವೆನಿಲ್ಲಾ ಎಸೆನ್ಸ್ 1 ಕಪ್ ಗೋಧಿ ಹಿಟ್ಟು 1 ಚಮಚ ಅಡಿಗೆ ಸೋಡಾ 1/4 ಚಮಚ ಉಪ್ಪು 2 ಮೊಟ್ಟೆ 1/2 ಕಪ್ ಸಕ್ಕರೆ 4 ಚಮಚ ಕೋಕೋ ಪೌಡರ್ 1 ಚಮಚ ಬೇಕಿಂಗ್ ಪೌಡರ್

ಮಾಡುವ ವಿಧಾನ: ಹಂತ 1 ಒಂದು ಪಾತ್ರೆಯಲ್ಲಿ ಬೆಣ್ಣೆ, ಸಕ್ಕರೆ, ವೆನಿಲ್ಲಾ ಎಸೆನ್ಸ್ ಮತ್ತು ಮೊಟ್ಟೆ ಸೇರಿಸಿ. ಎಲ್ಲಾ ಪದಾರ್ಥಗಳನ್ನು ಸರಿಯಾಗಿ ಮಿಶ್ರಣ ಮಾಡಿ.

ಹಂತ 2 ಈಗ ಬೌಲ್‌ನಲ್ಲಿ ಗೋಧಿ ಹಿಟ್ಟು, ಕೋಕೋ ಪೌಡರ್, ಬೇಕಿಂಗ್ ಪೌಡರ್, ಬೇಕಿಂಗ್ ಪೌಡರ್ ಮತ್ತು ಚಿಟಿಕೆ ಉಪ್ಪನ್ನು ಹಾಕಿ ಮಿಶ್ರಣ ಮಾಡಿ. ಗಂಟುಗಳಾದ ರೀತಿಯಲ್ಲಿ ಸರಿಯಾಗಿ ಮಿಶ್ರಣ ಮಾಡಿ.

ಹಂತ 3 ನಂತರ ಕೇಕ್ ಟಿನ್ ಗೆ ಬೆಣ್ಣೆ ಮತ್ತು ಸ್ವಲ್ಪ ಹಿಟ್ಟು ಹಾಕಿ ಮತ್ತು ಸಮವಾಗಿ ಹರಡಿ.

ಹಂತ 4 180 ಡಿಗ್ರಿನಲ್ಲಿ 20 ನಿಮಿಷಗಳ ಕಾಲ ಓವನ್ ನಲ್ಲಿ ಬೇಯಿಸಿ.

ಹಂತ 5 20 ನಿಮಿಷಗಳ ನಂತರ, ಕೇಕ್ ಸಿದ್ಧವಾಗಿದೆ. ನಂತರ ನಿಮಗೆ ಇಷ್ಟವಾಗುವಂತೆ ಕೇಕ್ ಮೇಲೆ ಅಲಂಕರಿಸಿ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: