ನೀವು ಫಿಟ್ ಆಗಿರಬೇಕಾದರೆ ಪ್ರತಿನಿತ್ಯ ಎಷ್ಟು ಹೆಜ್ಜೆ ನಡೆಯಬೇಕು ಗೊತ್ತಾ? – ಅಧ್ಯಯನ

ಅಧ್ಯಯನವು ಹೇಳುವಂತೆ, ದಿನಕ್ಕೆ ಕನಿಷ್ಠ 7,000 ಹೆಜ್ಜೆಗಳನ್ನು ನಡೆಯುವುದರಿಂದ ಮಧ್ಯವಯಸ್ಕರ ಅಕಾಲಿಕ ಮರಣದ ಅಪಾಯವನ್ನು ಶೇ. 50 ರಿಂದ 70 ರಷ್ಟು ಕಡಿಮೆ ಮಾಡುತ್ತದೆ ಎಂಬುದು ತಿಳಿದು ಬಂದಿದೆ.

ನೀವು ಫಿಟ್ ಆಗಿರಬೇಕಾದರೆ ಪ್ರತಿನಿತ್ಯ ಎಷ್ಟು ಹೆಜ್ಜೆ ನಡೆಯಬೇಕು ಗೊತ್ತಾ? – ಅಧ್ಯಯನ
ಸಾಂದರ್ಭಿಕ ಚಿತ್ರ

ಇತ್ತೀಚಿನ ದಿನಗಳಲ್ಲಿ ಫಿಟ್ನೆಸ್ ಕಾಪಾಡಿಕೊಳ್ಳುವತ್ತ ಜನರು ಹೆಚ್ಚು ಗಮನ ನೀಡುತ್ತಿದ್ದಾರೆ. ನೋಡಲು ಸ್ಲಿಮ್ಆಗಿ ಜತೆಗೆ ಫಿಟ್ಆಗಿ ಕಾಣಿಸಬೇಕು ಎಂಬುದು ಎಲ್ಲರ ಆಸೆ. ಹಾಗಾಗಿಯೇ ಪ್ರತಿನಿತ್ಯ ನಡೆಯುವ ಅಭ್ಯಾಸವನ್ನು ರೂಢಿಯಲ್ಲಿಟ್ಟುಕೊಂಡಿರುತ್ತಾರೆ. ಹಾಗಾದರೆ ಪ್ರತಿನಿತ್ಯ ಎಷ್ಟು ಹೆಜ್ಜೆಗಳನ್ನು ನಡೆದರೆ ದೇಹವು ಫಿಟ್ ಆಗಿರುತ್ತದೆ? ಎಷ್ಟು ಹೆಜ್ಜೆ ನಡಿಗೆಯಿಂದ ಸದೃಢರಾಗಿರಬಹುದು ಎಂಬೆಲ್ಲಾ ಪ್ರಶ್ನೆಗಳಿಗೆ ಹೊಸ ಅಧ್ಯನವೊಂದು ಉತ್ತರ ನೀಡಿದೆ.

ಜಮಾ ನೆಟ್ವರ್ಕ್ ಓಪನ್ ಎಂಬ ಜರ್ನಲ್​ನಲ್ಲಿ ಈ ಅಧ್ಯಯನವನ್ನು ಪ್ರಕಟಿಸಲಾಗಿದೆ. ಅಧ್ಯಯನವು ಹೇಳುವಂತೆ, ದಿನಕ್ಕೆ ಕನಿಷ್ಠ 7,000 ಹೆಜ್ಜೆಗಳನ್ನು ನಡೆಯುವುದರಿಂದ ಮಧ್ಯವಯಸ್ಕರ ಅಕಾಲಿಕ ಮರಣದ ಅಪಾಯವನ್ನು ಶೇ. 50 ರಿಂದ 70 ರಷ್ಟು ಕಡಿಮೆ ಮಾಡುತ್ತದೆ ಎಂಬುದು ತಿಳಿದು ಬಂದಿದೆ.

ದಿನಕ್ಕೆ 10,000 ಕ್ಕೂ ಹೆಚ್ಚಿನ ಹೆಜ್ಜೆಗಳನ್ನು ನಡೆಯುವುದರಿಂದ ಇನ್ನಷ್ಟು ಅಪಾಯವನ್ನು ಕಡಿಮೆ ಮಾಡಬಹುದು ಎಂಬ ನಿರೀಕ್ಷೆ ತಪ್ಪು ಎಂದು ಮ್ಯಾಸಚೂಸೆಟ್ಸ್ ಅಮ್ಹೆರ್ಟ್ಸ್ ವಿಶ್ವವಿದ್ಯಾಲಯದ ಸಾಂಕ್ರಾಮಿಕ ರೋಗತಜ್ಞ ಹಾಗೂ ಲೇಖಕಿ ಅಮಂಡಾ ಪಲುಚ್ ಹೇಳಿದ್ದಾರೆ.

ಸಂಶೋಧನೆಗಾಗಿ ಸುಮಾರು 2,200 ಜನರನ್ನು ಕರೆತರಲಾಯಿತು. ಅವರು 38 ರಿಂದ 50 ವರ್ಷ ವಿಯೋಮಾನದವರಾಗಿದ್ದರು. 2005 ರಿಂದ ಪ್ರಾರಂಭಗೊಂಡ ಅಧ್ಯಯನ 11 ವರ್ಷಗಳ ಕಾಲ ನಡೆಯಿತು. ಸಂಧೋಶನೆಯಲ್ಲಿ ಪಾಲ್ಗೊಂಡ 2,200 ಜನರನ್ನು ಗಮನಿಸುವ ಮೂಲಕ ಅಧ್ಯಯನ ನಡೆಸಲಾಯಿತು. ಸಂಶೋಧನೆಗೆ ಪಾಲ್ಗೊಂಡವರನ್ನು ಮೂರು ಹಂತಗಳಲ್ಲಿ ವಿಂಗಡಿಸಲಾಯಿತು. ಕಡಿಮೆ ಹಂತ ( ದಿನಕ್ಕೆ 7,000 ಕ್ಕಿಂತ ಕಡಿಮೆ), ಮಧ್ಯಮ ಹಂತ ( 7,000 ರಿಂದ 9,999ರ ನಡುವೆ) ಹಾಗೂ ಹೆಚ್ಚಿನ ಹಂತ ( 10,000 ಕ್ಕಿಂತ ಹೆಚ್ಚು).

ನೀವು  7,000 ಮತ್ತು 10,000 ಹಂತಗಳ ನಡುವಿನ ಹಂತದಲ್ಲಿ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು. ಆದರೆ 10,000 ಕ್ಕಿಂತಲೂ ಹೆಚ್ಚಿನ ಹೆಜ್ಜೆಗಳಿಂದ ಪ್ರಯೋಜನಗಳು ಕಾಣಲಿಲ್ಲ ಎಂದು ಪಲುಚ್ ಹೇಳಿದರು.

ಇದನ್ನೂ ಓದಿ:

Walking Benefits: ಮನೆಯಂಗಳದಲ್ಲೇ ವಾಕಿಂಗ್​ ಮಾಡಿ; ಅನಗತ್ಯ ಚಿಂತೆಯಿಂದ ದೂರವಿರಿ

Walking After Dinner: ರಾತ್ರಿ ಊಟದ ನಂತರ ವಾಕಿಂಗ್ ಮಾಡುವ ಅಭ್ಯಾಸ ಇರುವವರು ಈ ಬಗ್ಗೆ ಗಮನಹರಿಸಿ

(Haw many steps walk every day for keep yourself for fit new study)

Click on your DTH Provider to Add TV9 Kannada