ರಸಭರಿತ ತಾಜಾ ಕಲ್ಲಂಗಡಿ ಹಣ್ಣು ಖರೀದಿಸುವುದು ಹೇಗೆ? ಇಲ್ಲಿದೆ ಸಿಂಪಲ್ ಟಿಪ್ಸ್

ಕಲ್ಲಂಗಡಿ (Watermelon) ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ, ಬೇಸಿಗೆ ಬಂತೆಂದರೆ ಈ ಹಣ್ಣನ್ನು ಎಲ್ಲರೂ ತಪ್ಪದೇ ಖರೀದಿ ಮಾಡುತ್ತಾರೆ. ಈ ಕಲ್ಲಂಗಡಿ ಹಣ್ಣಿನಲ್ಲಿ ವಿಟಮಿನ್‌ ಸೇರಿದಂತೆ ಇನ್ನಿತ್ತರ ಪೋಷಕಾಂಶಗಳು ಹೆಚ್ಚಿನ ಪ್ರಮಾಣದಲ್ಲೇ ಇದೆ. ಸುಡುವ ಬಿಸಿಲಿನಲ್ಲಿ ದೇಹವನ್ನು ಡಿಹೈಡ್ರೇಟ್‌ ಮಾಡಲು ಈ ಕಲ್ಲಂಗಡಿ ಸಹಕಾರಿಯಾಗಿದೆ. ಮಾರುಕಟ್ಟೆಯಲ್ಲಿ ಅಗ್ಗದ ಬೆಲೆಗೆ ಈ ಹಣ್ಣು ಸಿಗುತ್ತದೆ ಎಂದು ಖರೀದಿ ಮಾಡುವ ಮುನ್ನ ಈ ಹಣ್ಣು ಸಿಹಿಯಾಗಿದೆಯೇ ಎಂದು ತಿಳಿಯುವುದು ಮುಖ್ಯ. ಈ ಅಂಶಗಳನ್ನು ಗಮನಿಸಿದರೆ ಸಿಹಿ ಹಾಗೂ ರಸಭರಿತ ಕಲ್ಲಂಗಡಿ ಹಣ್ಣನ್ನು ಖರೀದಿಸಬಹುದಾಗಿದ್ದು, ಈ ಕುರಿತಾದ ಟಿಪ್ಸ್ ಇಲ್ಲಿದೆ.

ಕಲ್ಲಂಗಡಿ ಖರೀದಿಸುವಾಗ ಈ ಟಿಪ್ಸ್ ಪಾಲಿಸಿ

• ಮೆಲ್ಲಗೆ ಬೆರಳಿನಿಂದ ಬಡಿಯಿರಿ : ಕಲ್ಲಂಗಡಿ ಖರೀದಿ ಮಾಡುವಾಗ ಅದನ್ನು ಒಮ್ಮೆ ಕೈಯಲ್ಲಿ ಎತ್ತಿಕೊಂಡು ಬೆರಳುಗಳ ಸಹಾಯದಿಂದ ಸಣ್ಣದಾಗಿ ಬಡಿಯಿರಿ. ಈ ವೇಳೆ ಜೋರಾಗಿ ಶಬ್ದ ಬಂದರೆ ಹಣ್ಣು ಸಿಹಿಯಾಗಿದೆ ಎಂದರ್ಥ.
• ಸಣ್ಣ ರಂಧ್ರಗಳಿಲ್ಲದ ಹಣ್ಣನ್ನು ಆಯ್ಕೆ ಮಾಡಿ : ಕಲ್ಲಂಗಡಿ ಕೊಳ್ಳುವಾಗ ಗಮನಿಸಬೇಕಾದದ್ದು ರಂಧ್ರಗಳಿದೆಯೇ ಎಂದು. ಹಣ್ಣು ಬೇಗ ಬೆಳೆಯಲಿ ಎಂದು ಹಾನಿಕಾರಕ ಹಾರ್ಮೋನ್ ಗಳ ಚುಚ್ಚುಮದ್ದುಗಳನ್ನು ಇಂಜೆಕಕ್ಟ್ ಮಾಡುತ್ತಾರೆ. ರಂಧ್ರಗಳಿಲ್ಲದೇ ಇದ್ದರೆ ಆ ಹಣ್ಣುಗಳನ್ನು ನೈಸರ್ಗಿಕವಾಗಿ ಹಣ್ಣು ಮಾಡಲಾಗಿದೆ ಎಂದರ್ಥ.
• ಆಕಾರ ನೋಡಿ ಖರೀದಿ ಮಾಡಿ : ಕಲ್ಲಂಗಡಿ ಹಣ್ಣು ಖರೀದಿ ಮಾಡುವಾಗ ಮೊದಲು ನೋಡಬೇಕಾಗಿರುವುದು ಆಕಾರ. ಮೊಟ್ಟೆಯ ಆಕಾರದ ಕಲ್ಲಂಗಡಿಗಳನ್ನೇ ಖರೀದಿಸಿ, ಇದು ಹೆಚ್ಚು ಸಿಹಿಯಾಗಿರುತ್ತವೆ. ವೃತ್ತಾಕಾರದಲ್ಲಿರುವ ಕಲ್ಲಂಗಡಿ ಸಿಹಿಯಾಗಿ ಹಾಗೂ ರುಚಿಯಾಗಿರುವುದಿಲ್ಲ
• ಹಣ್ಣು ಹಳದಿಯಾಗಿಯೇ ನೋಡಿ : ಹೆಚ್ಚಿನ ಜನರು ಕಲ್ಲಂಗಡಿ ಹಣ್ಣಿನ ಹೊರಭಾಗ ಹಸಿರು ಬಣ್ಣದಲ್ಲಿಯೇ ಎಂದು ನೋಡಿ ಅದನ್ನೇ ಖರೀದಿ ಮಾಡುತ್ತಾರೆ. ಆದರೆ ಈ ಹಣ್ಣನ್ನು ಖರೀದಿ ಮಾಡುವಾಗ ಆ ಹಣ್ಣಿನ ಹೊರಭಾಗವು ಹಳದಿ ಬಣ್ಣದಲ್ಲಿಯೇ ಇದೆಯೇ ಒಂದು ನೋಡುವುದು ಮುಖ್ಯ. ಹೊರಭಾಗವು ತಿಳಿ ಹಳದಿ ಬಣ್ಣದಲ್ಲಿದ್ದರೆ ಆ ಕಲ್ಲಂಗಡಿ ಸಿಹಿಯಾಗಿದ್ದು ಒಳಭಾಗವು ಕೆಂಪು ಬಣ್ಣದಲ್ಲಿರುತ್ತದೆ. ಈ ಹಣ್ಣಿನ ಕೆಳಭಾಗದಲ್ಲಿ ಹೆಚ್ಚು ಹಳದಿ ಕಲೆಗಳು ಇದ್ದರೆ, ಹಣ್ಣು ಸಿಹಿಯಾಗಿರುತ್ತದೆ.
• ತೂಕದ ಬಗ್ಗೆ ಗಮನ ಕೊಡಿ : ಮಾಗಿದ ಕಲ್ಲಂಗಡಿ ಹಣ್ಣು ಗಾತ್ರಕ್ಕಿಂತ ಭಾರವಾಗಿರುತ್ತದೆ. ಈ ಹಣ್ಣಿನಲ್ಲಿ ನೀರಿನಾಂಶ ಅಧಿಕವಿರುತ್ತದೆ. ಹೆಚ್ಚು ಭಾರವಿರುವ ಹಣ್ಣನ್ನು ಖರೀದಿ ಮಾಡಿ, ಇದು ರಸಭರಿತ, ಸಿಹಿ ಹಾಗೂ ರುಚಿಕರವಾಗಿರುತ್ತದೆ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ