Relationship Tips : ಗಂಡ ಹೆಂಡತಿ ನಡುವೆ ಜಗಳ ತಂದಿಟ್ಟು ಖುಷಿ ಪಡುವವರು ಈ ವ್ಯಕ್ತಿಗಳೇ, ಇವರಿಂದ ದೂರವಿರಿ

ಸಂಬಂಧಗಳು ಬಹಳ ಸೂಕ್ಷ್ಮವಾದುದು. ಹೀಗಾಗಿ ನಾವು ಹೇಗೆ ಅದನ್ನು ಮುನ್ನೆಡಿಸಿಕೊಂಡು ಹೋಗುತ್ತೇವೆ ಎಂಬುದರ ಮೇಲೆ ಸಂಬಂಧವು ನಿಂತಿರುತ್ತದೆ. ಕೊಂಚ ನಿರ್ಲಕ್ಷ್ಯ ಮಾಡಿದರೂ ಅಥವಾ ಮೂರನೇ ವ್ಯಕ್ತಿಯಾ ಪ್ರವೇಶವಾದರೂ ಸಂಬಂಧದ ಕೊಂಡಿ ಕಳಚಿ ಬಿಡುತ್ತದೆ. ಈ ಗಂಡ-ಹೆಂಡತಿಯ ಸಂಬಂಧದಲ್ಲಿ ಎಷ್ಟು ಎಚ್ಚರಿಕೆ ವಹಿಸಿದರೂ ಸಾಲದು. ಸಣ್ಣಪುಟ್ಟ ವಿಷಯಗಳಿಂದ ಆರಂಭವಾದ ಜಗಳಗಳು ಡೈವೋರ್ಸ್ ಹಂತಕ್ಕೂ ತಲುಪಬಹುದು. ಅದಲ್ಲದೇ ನಿಮ್ಮ ನಡುವೆ ನಂಬಿಕೆ ಗಟ್ಟಿಯಾಗಿದ್ದರೆ ಮೂರನೇ ವ್ಯಕ್ತಿಯ ಪ್ರವೇಶವಾದರೂ ಬಂಧವು ಮುರಿದು ಬೀಳುವುದಿಲ್ಲ.

* ಕೆಲವೊಮ್ಮೆ ಅತ್ತೆಯ ನಡವಳಿಕೆಗಳು ಸೊಸೆಗೆ ಇಷ್ಟವಾಗದೇ ಇರಬಹುದು. ಇದನ್ನು ನೇರವಾಗಿ ಅತ್ತೆಗೆ ಹೇಳಲಾಗುವುದಿಲ್ಲ. ಹೀಗಾಗಿ ತನ್ನ ಪತಿಯ ಜೊತೆಗೆ ಹೇಳುವ ಮೂಲಕ ಇದೇ ಜಗಳಕ್ಕೆ ಕಾರಣವಾಗುತ್ತದೆ. ಹೀಗಾಗಿ ಒಂದು ವೇಳೆ ಅತ್ತೆಯ ಸ್ವಭಾವದ ಬಗ್ಗೆ ಮೊದಲೇ ಸಂಗಾತಿಯ ಬಗ್ಗೆ ಹೇಳಿಕೊಳ್ಳುವುದು ಒಳ್ಳೆಯದು.

* ತಾಯಿಯು ಮಗ ಅಥವಾ ಮಗಳು ಚೆನ್ನಾಗಿರಬೇಕೆಂದು ಬಯಸುವುದು ಸಹಜ. ಆದರೆ ಮಕ್ಕಳ ಸಂಸಾರದಲ್ಲಿ ಸಣ್ಣ ಪುಟ್ಟ ಸಮಸ್ಯೆಗಳಾದಾಗ ಮಧ್ಯೆ ಪ್ರವೇಶಿಸುವುದು ಒಳ್ಳೆಯದಲ್ಲ. ಇದರಿಂದ ಅವರಿಬ್ಬರ ದಾಂಪತ್ಯ ಜೀವನದಲ್ಲಿ ಬಿರುಕು ಮೂಡಬಹುದು. ಹೀಗಾಗಿ ಸಂಸಾರದಲ್ಲಿ ಯಾವುದೇ ಸಮಸ್ಯೆಯ ಬಗ್ಗೆ ನಿಮ್ಮ ಸಂಗಾತಿಯೊಂದಿಗೆ ಮೊದಲು ಮಾತನಾಡಿ ಅದನ್ನು ಪರಿಹರಿಸಿಕೊಳ್ಳುವತ್ತ ಗಮನ ಕೊಡಿ. ಹೆಚ್ಚಿನ ಹೆಣ್ಣು ಮಕ್ಕಳು ಈ ಬಗ್ಗೆ ತನ್ನ ತಾಯಿಯೊಂದಿಗೆ ಚರ್ಚಿಸುತ್ತಾರೆ. ಇದು ಗಂಡ ಹೆಂಡಿರ ನಡುವೆ ಜಗಳಕ್ಕೆ ಕಾರಣವಾಗಬಹುದು.

* ದಾಂಪತ್ಯ ಜೀವನವು ಮುರಿದು ಬೀಳಲು ಸ್ನೇಹಿತರು ಕಾರಣವಾಗುತ್ತಾರೆ. ಹೆಚ್ಚಿನ ಸಂದರ್ಭದಲ್ಲಿ ಮದುವೆಯಾಗಿರುವ ಗಂಡು ಮಕ್ಕಳು ರಜಾ ದಿನಗಳಲ್ಲಿ ಸ್ನೇಹಿತರ ಜೊತೆಗೆ ಕಾಲ ಕಳೆಯುತ್ತಾರೆ. ನನ್ನ ಪತಿ ನನಗೆ ಟೈಮ್ ಕೊಡಲ್ಲ ಎನ್ನುವ ಪತ್ನಿಯ ಪೊಸೆಸಿವ್ ನೆಸ್ ಜಗಳಕ್ಕೆ ಕಾರಣವಾಗುತ್ತದೆ. ಹೀಗಾಗಿ ಸ್ನೇಹಿತರೊಂದಿಗೆ ಕಾಲ ಕಳೆಯುವುದರೊಂದಿಗೆ ಪತ್ನಿಗೂ ಬೇಸರವಾಗದಂತೆ ನೋಡಿಕೊಳ್ಳುವುದು ಬಹಳ ಮುಖ್ಯ.

ಇದನ್ನೂ ಓದಿ; ಆಹಾ! ಘಮ್ ಎನ್ನುವ ಹೈದರಾಬಾದ್ ದಮ್ ಬಿರಿಯಾನಿ, ಮನೆಯಲ್ಲೇ ಮಾಡಿ

* ಕೆಲಸದಲ್ಲಿ ಬ್ಯುಸಿಯಿರುವ ಗಂಡಸರು ಮನೆಗೆ ಬಂದ ಮೇಲೂ ಆಫೀಸ್, ಕಾಲ್ ಎಂದು ಬ್ಯುಸಿ ಇರುತ್ತಾರೆ. ಹೀಗಾಗಿ ಪತ್ನಿಗಿಂತ ಸಹೋದ್ಯೋಗಿಗಳ ಜೊತೆಗೆ ಹೆಚ್ಚು ಸಮಯ ಕಳೆಯುತ್ತಾರೆ. ಇದುವೇ ಗಂಡ ಹೆಂಡಿರ ನಡುವೆ ಜಗಳಕ್ಕೆ ಕಾರಣವಾಗುತ್ತದೆ. ಹೀಗಾಗಿ ಕೆಲಸ ಬಿಟ್ಟು ಮನೆಗೆ ಬಂದ ತಕ್ಷಣ, ತನ್ನ ಕುಟುಂಬಕ್ಕೆ ಆದ್ಯತೆ ನೀಡಿದರೆ ಸಂಬಂಧದಲ್ಲಿ ಬಿರುಕು ಮೂಡುವುದಿಲ್ಲ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ