Manasa Varanasi: 2021ರ ವಿಶ್ವ ಸುಂದರಿ ಪಟ್ಟವೇರುತ್ತಾರಾ ಭಾರತದ ಸ್ಪರ್ಧಿ ಮಾನಸ ವಾರಾಣಸಿ?
Miss World 2021: ಡಿ. 16ರಂದು ನಡೆಯಲಿರುವ ವಿಶ್ವ ಸುಂದರಿ 2021 ಸ್ಪರ್ಧೆಯಲ್ಲಿ ಭಾರತದಿಂದ ಮಾನಸ ವಾರಾಣಸಿ ಸ್ಪರ್ಧಿಸಲಿದ್ದಾರೆ. ಹೈದರಾಬಾದ್‌ನಲ್ಲಿ ಜನಿಸಿದ ಅವರು ವೃತ್ತಿಯಿಂದ ಹಣಕಾಸು ಮಾಹಿತಿ ವಿನಿಮಯ ವಿಶ್ಲೇಷಕರಾಗಿದ್ದಾರೆ. 23 ವರ್ಷದ ಮಾನಸ ವಾರಾಣಸಿ ವಾಸವಿ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಓದಿದ್ದಾರೆ.
Updated on:Dec 15, 2021 | 2:16 PM
ನವದೆಹಲಿ: ಈಗಾಗಲೇ ಹರ್ನಾಜ್ ಸಂಧು 2021ರ ಮಿಸ್ ಯೂನಿವರ್ಸ್ ಕಿರೀಟ ಧರಿಸಿ ಭಾರತಕ್ಕೆ ಹೆಮ್ಮೆ ತಂದುಕೊಟ್ಟಿದ್ದಾರೆ. ನಾಳೆ (ಡಿ. 16) ವಿಶ್ವ ಸುಂದರಿ 2021 (Miss Universe 2021) ಸ್ಪರ್ಧೆಯಲ್ಲಿ 2020ರ ಮಿಸ್ ಇಂಡಿಯಾ ಖ್ಯಾತಿಯ ಮಾನಸ ವಾರಾಣಸಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ. ಮಿಸ್ ಇಂಡಿಯಾ 2020 ಮಾನಸಾ ವಾರಾಣಸಿ (Manasa Varanasi) ಅವರು ನಿನ್ನೆ ವಿಶ್ವ ಭುವನ ಸುಂದರಿ ಪಟ್ಟಕ್ಕೇರಿದ ಹರ್ನಾಜ್ ಸಂಧು (Harnaaz Sandhu) ಅವರನ್ನು ಅಭಿನಂದಿಸಿದ್ದಾರೆ.
ಮಿಸ್ ಯೂನಿವರ್ಸ್ 2021 ಆಗಿ ಹರ್ನಾಜ್ ಸಂಧು ಅವರಿಗೆ ಅಭಿನಂದನೆ ಸಲ್ಲಿಸಿರುವ ಮಾನಸ ವಾರಾಣಸಿ, “ಭಾರತವು 21 ವರ್ಷಗಳ ನಂತರ ಭುವನ ಸುಂದರಿ ಕಿರೀಟವನ್ನು ಗೆದ್ದಿದೆ. ಹರ್ನಾಜ್ ಕೌರ್ ಸಂಧು ಮಿಸ್ ಯೂನಿವರ್ಸ್ 2021 ಆಗಿ ಆಯ್ಕೆಯಾಗಿದ್ದಾರೆ” ಎಂದು ಬ್ಯೂಟಿ ಕ್ವೀನ್ ಮಾನಸ ವಾರಾಣಸಿ ತಮ್ಮ ಪೋಸ್ಟ್‌ನಲ್ಲಿ ಹಾಕಿದ್ದಾರೆ. ಮಾನಸ ಅವರ ಪೋಸ್ಟ್ ಇತರ ಮಹಿಳೆಯರನ್ನು ಬೆಂಬಲಿಸುವ ಮಹಿಳೆಯರ ಮನೋಭಾವವನ್ನು ಪ್ರದರ್ಶಿಸುತ್ತದೆ ಮತ್ತು ಇಂದು ನೀವು ನೋಡುವ ಅತ್ಯುತ್ತಮ ವಿಷಯವಾಗಿದೆ. ಹರ್ನಾಜ್ ಸಂಧು 2021ರ ಮಿಸ್ ಯೂನಿವರ್ಸ್ ಕಿರೀಟವನ್ನು ಅಲಂಕರಿಸಿದ್ದಾರೆ. ಅದೇ ರೀತಿ ಡಿಸೆಂಬರ್ 16ರಂದು ನಡೆಯಲಿರುವ 70ನೇ ವಿಶ್ವ ಸುಂದರಿ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸುವ ಸ್ಪರ್ಧಿ ಮಾನಸ ವಾರಾಣಸಿ ಬಗ್ಗೆ ಮಾಹಿತಿ ಇಲ್ಲಿದೆ.
View this post on Instagram
ಮಿಸ್ ಇಂಡಿಯಾ 2020ಕ್ಕೆ ಫಲ್ಗುಣಿ ಶೇನ್ ಪೀಕಾಕ್, ನೇಹಾ ಧೂಪಿಯಾ, ಚಿತ್ರಾಂಗದಾ ಸಿಂಗ್ ಮತ್ತು ಪುಲ್ಕಿತ್ ಸಾಮ್ರಾಟ್ ತೀರ್ಪುಗಾರರಾಗಿದ್ದರು. ಅಪರಶಕ್ತಿ ಖುರಾನಾ ಕಾರ್ಯಕ್ರಮ ನಡೆಸಿಕೊಟ್ಟರು. ಈ ಕಾರ್ಯಕ್ರಮದಲ್ಲಿ ಮಾನಸ ವಾರಾಣಸಿ ಮಿಸ್ ಇಂಡಿಯಾ ವರ್ಲ್ಡ್ 2020 ಕಿರೀಟವನ್ನು ಪಡೆದಿದ್ದರು.
View this post on Instagram
ಮಾನಸ ವಾರಾಣಸಿ ಯಾರು?:
ಮಿಸ್ ಇಂಡಿಯಾ 2020 ವಿಜೇತೆ ಮಾನಸ ವಾರಾಣಸಿ ತಮ್ಮ ತಾಯಿ, ಅಜ್ಜಿ ಮತ್ತು ತಂಗಿ ತನ್ನ ಜೀವನದ ಮೂರು ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳಾಗಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ. ವಿಶ್ವ ಸುಂದರಿ ಸ್ಥಾನಕ್ಕೆ ಸ್ಪರ್ಧಿಸುತ್ತಿರುವ ಮಾನಸ ವಾರಾಣಸಿ ಅವರಿಗೆ ಪ್ರಿಯಾಂಕಾ ಚೋಪ್ರಾ ಜೋನಸ್ ಸ್ಫೂರ್ತಿಯಂತೆ.
View this post on Instagram
ಈ ಬಗ್ಗೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿರುವ ಮಾನಸ ವಾರಾಣಸಿ, ನನಗೆ ಎಲ್ಲ ನಟಿಯರಿಗಿಂತಲೂ ಪ್ರಿಯಾಂಕಾ ಚೋಪ್ರಾ ಎಂದರೆ ಅಚ್ಚುಮೆಚ್ಚು. ಸಂಗೀತ, ಚಲನಚಿತ್ರಗಳು, ಉದ್ಯಮ ಹೀಗೆ ಎಲ್ಲ ಕ್ಷೇತ್ರಗಳಲ್ಲೂ ಆಕೆ ತನ್ನ ಛಾಪು ಮೂಡಿಸಿದ್ದಾಳೆ. ಆಕೆಯಿಂದ ನಾನು ಬಹಳ ಸ್ಫೂರ್ತಿ ಪಡೆಯುತ್ತೇನೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: Harnaaz Sandhu: ತೃತೀಯಲಿಂಗಿ ವಿನ್ಯಾಸಗೊಳಿಸಿದ ಗೌನ್ ಧರಿಸಿ ಮಿಂಚಿದ ಭುವನ ಸುಂದರಿ ಹರ್ನಾಜ್ ಸಂಧು!
Published On - 2:12 pm, Wed, 15 December 21
