Personality Test : ಮಹಿಳೆ, ಎಲೆ : ಈ ಚಿತ್ರದಲ್ಲಿ ಮೊದಲು ಕಂಡದ್ದು ಹೇಳುತ್ತೆ ನಿಮ್ಮ ನೈಜ ವ್ಯಕ್ತಿತ್ವ
ಎಷ್ಟೋ ಸಲ ನಾವು ಇರುವುದು ಹೀಗೆ, ನಮ್ಮ ವ್ಯಕ್ತಿತ್ವ ಹೀಗೆಯೇ ಎಂದುಕೊಂಡಿರುತ್ತೇವೆ. ಆದರೆ ಕೆಲವೊಮ್ಮೆ ಸಮಯ ಸಂದರ್ಭಕ್ಕೆ ಅನುಗುಣವಾಗಿ ನಿಗೂಢ ವ್ಯಕ್ತಿತ್ವವು ಬಹಿರಂಗಗೊಳ್ಳುತ್ತವೆ. ಆದರೆ ಕೆಲವು ಆಪ್ಟಿಕಲ್ ಇಲ್ಯೂಷನ್ ಚಿತ್ರಗಳು ನಮ್ಮ ವ್ಯಕ್ತಿತ್ವವನ್ನು ಬಹಿರಂಗ ಪಡಿಸುತ್ತವೆಯಂತೆ. ಇದೀಗ ವೈರಲ್ ಆಗಿರುವ ಈ ಚಿತ್ರದಲ್ಲಿ ಮಹಿಳೆ ಹಾಗೂ ಎಲೆಯಿದ್ದು, ನೀವು ಏನನ್ನು ಮೊದಲು ನೋಡುತ್ತೀರಿ ಎನ್ನುವುದು ನೈಜ ವ್ಯಕ್ತಿತ್ವವನ್ನು ಹೇಳುತ್ತದೆಯಂತೆ. ಈ ಕುರಿತಾದ ಕುತೂಹಲಕಾರಿ ಮಾಹಿತಿ ಇಲ್ಲಿದೆ.
ಆಪ್ಟಿಕಲ್ ಇಲ್ಯೂಷನ್ (optical illusion) ಚಿತ್ರಗಳು ಕಣ್ಣು ಮತ್ತು ಮೆದುಳಿಗೆ ಸವಾಲೊಡ್ಡುತ್ತವೆ. ಈ ಕೆಲವು ಚಿತ್ರಗಳು ನಮ್ಮ ಕಣ್ಣಿನ ಸೂಕ್ಷ್ಮತೆ ಮತ್ತು ಯೋಚನಾ ಸಾಮರ್ಥ್ಯವನ್ನು ಪರೀಕ್ಷಿಸುವಂತಿದ್ದರೆ, ಇನ್ನು ಕೆಲವು ಚಿತ್ರಗಳು ನಮ್ಮ ವ್ಯಕ್ತಿತ್ವವನ್ನು ಬಹಿರಂಗ ಪಡಿಸುತ್ತವೆ. ಆದರೆ ಈ ಚಿತ್ರದಲ್ಲಿ ಮೊದಲು ನಮಗೆ ಕಾಣಿಸಿದ್ದೇನು ಎನ್ನುವ ಆಧಾರದ ಮೇಲೆ ನಿಗೂಢವಾದ ವ್ಯಕ್ತಿತ್ವವನ್ನು (personality) ಕಂಡು ಹಿಡಿಯಬಹುದು. ಈ ಚಿತ್ರದಲ್ಲಿ ಮಹಿಳೆ ಹಾಗೂ ಎಲೆಯಲ್ಲಿ ನೀವು ಮೊದಲು ಏನು ನೋಡುತ್ತೀರಿ ಎಂದು ನೋಡಿ. ಇದು ನೀವು ಒತ್ತಡ ಅನುಭವಿಸುತ್ತಿದ್ದೀರಾ ಎನ್ನುವುದನ್ನು ತಿಳಿಸುತ್ತದೆ.
ಈ ಚಿತ್ರ ನೋಡಿ ನಿಮ್ಮ ವ್ಯಕ್ತಿತ್ವ ತಿಳಿಯಿರಿ
ಮೊದಲು ಮಹಿಳೆಯನ್ನು ನೋಡಿದರೆ : ಈ ಚಿತ್ರದಲ್ಲಿ ಮೊದಲು ಮಹಿಳೆಯನ್ನು ಕಂಡರೆ ಈ ಜನರು ಜೀವನದಲ್ಲಿ ಅತೃಪ್ತರಾಗಿದ್ದೀರಿ ಹಾಗೂ ಖಿನ್ನತೆಗೆ ಒಳಗಾಗಿರುವುದನ್ನು ಸೂಚಿಸುತ್ತದೆ. ಕೆಲವು ಸನ್ನಿವೇಶಗಳಲ್ಲಿ ದಣಿದಂತೆ ಕಾಣುತ್ತಾರೆ. ಸುತ್ತಮುತ್ತಲಿನ ಜನರು ನಡೆದುಕೊಳ್ಳುವ ರೀತಿ ಕಿರಿಕಿರಿಯೆನಿಸಬಹುದು. ಎಲ್ಲರೊಂದಿಗೆ ಬೆರೆಯಲು ಪ್ರಯತ್ನಿಸಿದರೂ, ಈ ಜನರಿಗೆ ಕಷ್ಟವಾಗುತ್ತದೆ. ಸಮಸ್ಯೆ ಬಂದರೆ ಆತಂಕಕ್ಕೆ ಒಳಗಾಗುತ್ತಾರೆ. ಆದರೆ ಈ ಜನರು ಸಾಹಸಮಯ ಪ್ರವೃತ್ತಿಯವರು, ರೋಮಾಂಚನಕಾರಿ ಅನುಭವವನ್ನು ಪಡೆಯಲು ಇಷ್ಟ ಪಡುತ್ತಾರೆ.
ಮೊದಲು ಎಲೆಯನ್ನು ಕಂಡರೆ : ಮೊದಲು ಎಲೆಯನ್ನು ಕಂಡರೆ ಈ ವ್ಯಕ್ತಿಗಳು ತಮ್ಮ ಜೀವನದ ಬಗ್ಗೆ ಹೆಚ್ಚು ಮಹತ್ವಾಕಾಂಕ್ಷೆಯುಳ್ಳವರು. ಸಾಧಿಸುವ ಛಲ ಇವರಲ್ಲಿ ಹೆಚ್ಚಿರುತ್ತದೆ. ಹೊರ ಪ್ರಪಂಚಕ್ಕೆ ಈ ಜನರು ಆತ್ಮವಿಶ್ವಾಸವುಳ್ಳ ವ್ಯಕ್ತಿಗಳಾಗಿ ಕಾಣಿಸುತ್ತಾರೆ. ಆದರೆ ಇವರ ಬಗ್ಗೆ ಇವರಿಗೆ ಅನುಮಾನವಿರುತ್ತದೆ. ಆತ್ಮೀಯರ ನಿರೀಕ್ಷೆಗಳನ್ನು ಪೂರೈಸಲು ಆಗುತ್ತಿಲ್ಲ ಎಂದು ಭಾವಿಸುವುದೇ ಹೆಚ್ಚು. ಹೀಗಾಗಿ ಪ್ರಯತ್ನ ಪಡದೇ ಇರುವುದಕ್ಕಾಗಿ ತಮ್ಮನ್ನು ತಾವೇ ದ್ವೇಷಿಸಿಕೊಳ್ಳುತ್ತಾರೆ. ಇತರರು ತಮ್ಮ ಮೇಲಿಟ್ಟಿರುವ ನಿರೀಕ್ಷೆ ಹಾಗೂ ಭರವಸೆಯನ್ನು ನಿರಾಶೆಗೊಳಿಸಲು ಇಷ್ಟವಿಲ್ಲದ ಕಾರಣ ಹೆಚ್ಚು ಒತ್ತಡಕ್ಕೆ ಇವರು ಒಳಗಾಗುತ್ತಾರೆ.
ಇನ್ನಷ್ಟು ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ