Psychometric Assessments: ಏನಿದು ಸೈಕೋಮೆಟ್ರಿಕ್ ಪರೀಕ್ಷೆ? ಉದ್ಯೋಗ ಕ್ಷೇತ್ರದಲ್ಲಿ ಯಾಕೆ ಮುಖ್ಯ?

ಇಂದು ಕೆಲಸ ಹುಡುಕಿಕೊಂಡು ಬರುವವರಲ್ಲಿ ಕಾಡುವ ಮೊದಲ ಪ್ರಶ್ನೆ ಯಾವ ರೀತಿ ಸಂದರ್ಶನ(Interview)ಕ್ಕೆ ನಾನು ತಯಾರಾಗುವುದು ಎನ್ನುವುದು. ಯಾಕೆಂದರೆ ಇತ್ತೀಚಿನ ವರ್ಷಗಳಲ್ಲಿ ಯಾವ ರೀತಿ ಪ್ರಶ್ನೆಗಳನ್ನು ಕೇಳುತ್ತಾರೆ ಎಂದು ಯೋಚನೆ ಇರುವುದಿಲ್ಲ. ಸಾಮಾನ್ಯವಾಗಿ ಶೈಕ್ಷಣಿಕ ಹಿನ್ನೆಲೆ, ಕೆಲಸದ ಅನುಭವ ಹಾಗೂ ಸಾಧನೆಗಳ ಕುರಿತಾದ ಪ್ರಶ್ನೆಗಳನ್ನು ಕೇಳಲಾಗುತ್ತದೆ. ಆದರೆ ಈ ರೀತಿಯ ಮೌಲ್ಯ ಮಾಪನ ಅಭ್ಯರ್ಥಿಯ ಸಾಮರ್ಥ್ಯಗಳನ್ನು ನಿರ್ಧರಿಸಲು ಇದು ಯಾವಾಗಲೂ ನಿಖರವಾದ ಮಾರ್ಗವಲ್ಲ ಏಕೆಂದರೆ ಅವರ ಕೆಲಸದ ಅನುಭವ ಅಥವಾ ಸಾಧನೆಗಳು ಅವರು ಅರ್ಜಿ ಸಲ್ಲಿಸುವ ಕೆಲಸಕ್ಕೆ ಸೂಕ್ತವಾದ ಅವರ ಸಾಮರ್ಥ್ಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಯಾಕೆಂದರೆ ವೃತ್ತಿ ಕ್ಷೇತ್ರದಲ್ಲಿ ಅವರ ಶೈಕ್ಷಣಿಕ ಅಂಕಗಳಿಗಿಂತ ಕ್ರಿಯಾತ್ಮಕ ಆಲೋಚನೆಗಳು ಮುಖ್ಯವಾಗಿರುತ್ತದೆ.

ಏನಿದು ಸೈಕೋಮೆಟ್ರಿಕ್ ಪರೀಕ್ಷೆ?

ಸೈಕೋಮೆಟ್ರಿಕ್ಸ್ ಎಂದರೆ ಮಾನಸಿಕ ಸಾಮರ್ಥ್ಯ ಎಂದರ್ಥ. ವ್ಯಕ್ತಿಯ ಮಾನಸಿಕ ಸಾಮರ್ಥ್ಯ ಮತ್ತು ನಡವಳಿಕೆಯನ್ನು ಅಳೆಯಲು ಸೈಕೋಮೆಟ್ರಿಕ್ ಪರೀಕ್ಷೆಯನ್ನು ನಡೆಸಲಾಗುತ್ತದೆ. ಆರಂಭದಲ್ಲಿ, ಸೈಕೋಮೆಟ್ರಿಕ್ ಪರೀಕ್ಷೆಗಳನ್ನು ಶೈಕ್ಷಣಿಕ ಮತ್ತು ಮನೋವಿಜ್ಞಾನದ ಸಾಲಿನಲ್ಲಿ ಮಾತ್ರ ನಡೆಸಲಾಗುತ್ತಿತ್ತು. ಅದರೆ ಇದೀಗಾ ವೃತ್ತಿ ಕ್ಷೇತ್ರದಲ್ಲೂ ಕಾಣಬಹುದು.

ಇದನ್ನೂ ಓದಿ: ನಿಮ್ಮ ದೈಹಿಕ ಸಮಸ್ಯೆಗಳು ಮಾನಸಿಕ ಆರೋಗ್ಯವನ್ನೂ ಕುಗ್ಗಿಸುತ್ತೆ, ಕಾಯಿಲೆಗೆ ಔಷಧ ನೀಡಿ, ಕೊರಗಬೇಡಿ

ಉದ್ಯೋಗ ಕ್ಷೇತ್ರದಲ್ಲಿ ಸೈಕೋಮೆಟ್ರಿಕ್ ಪರೀಕ್ಷೆ ಎಂದರೇನು?

ಕೆಲಸಕ್ಕೆ ಒಬ್ಬ ಅಭ್ಯರ್ಥಿಯನ್ನು ಆಯ್ಕೆ ಮಾಡುವ ಮುನ್ನ ಆತ ಇತರರೊಂದಿಗೆ ಯಾವ ರೀತಿ ಬೆರೆಯುತ್ತಾನೆ, ಆತನ ಸ್ವಭಾವ ಯಾವ ರೀತಿ ಎಂದು ತಿಳಿದುಕೊಳ್ಳಲು ಈ ಪರೀಕ್ಷೆ ನಡೆಸಲಾಗುತ್ತದೆ. ಅಭ್ಯರ್ಥಿಯ ವ್ಯಕ್ತಿತ್ವ , ಮಾತುಗಾರಿಕೆ ಅಥವಾ ಸಂವಹನ ಕೌಶಲ್ಯ, ನಾಯಕತ್ವದ ಗುಣಗಳು, ಕ್ರಿಯಾತ್ಮಕ ಆಲೋಚನೆಗಳು ಮುಂತಾದವುಗಳನ್ನು ತಿಳಿದುಕೊಳ್ಳಲು ನಡೆಸಲಾಗುತ್ತದೆ. ಇಂದಿನ ಬದಲಾದ ಜೀವನಶೈಲಿಯಲ್ಲಿ ಈ ರೀತಿಯ ಗುಣಗಳು ಅತ್ಯಂತ ಮುಖ್ಯವಾಗಿದೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: