Safer Internet Day: ಫೆ. 6 ಅಂತರ್ಜಾಲ ಸುರಕ್ಷಿತ ದಿನ; ಜನರ ಜೀವನದ ಅವಿಭಾಜ್ಯ ಅಂಗವಾಗಿರುವ ಅಂತರ್ಜಾಲ

ಅಭಿವೃದ್ಧಿ ಹೊಂದುತ್ತ ಆಧುನಿಕತೆಗೆ ತೆರೆದುಕೊಳ್ಳುತ್ತಿದ್ದಂತೆ ಜನರ ಜೀವನದಲ್ಲಿ ಬದಲಾವಣೆಗಳು ಆಗಿವೆ. ಈ ಆಧುನಿಕ ಯುಗದಲ್ಲಿ ಸ್ಮಾರ್ಟ್ ಫೋನ್ ಗಳ ಬಳಕೆಯು ಹೆಚ್ಚಾಗುತ್ತಿವೆ. ಮಕ್ಕಳಿಂದ ಹಿಡಿದು ಹಿರಿಯರವರೆಗೂ ಸ್ಮಾರ್ಟ್ ಫೋನ್ ಗಳ ಬಳಸುತ್ತಿದ್ದಂತೆ ಅಂತರ್ಜಾಲ ಎನ್ನುವುದು ವ್ಯಾಪಾಕವಾಗಿ ಬೆಳೆದಿದೆ. ಜಾಗತಿಕ ಅನುಪಾತಕ್ಕೆ ಹೋಲಿಕೆ ಮಾಡಿದರೆ ಭಾರತೀಯರು ಇಂಟರ್ನೆಟ್ ಬಳಕೆಯಲ್ಲಿ ಮುಂಚೂಣಿಯಲ್ಲಿದ್ದಾರೆ. ಅಂತರ್ಜಾಲ ಜನಜೀವನದಲ್ಲಿ ಸೇರಿಕೊಂಡ ಬಳಿಕವಂತೂ ಎಲ್ಲರ ಜೀವನ ಕ್ರಮವೇ ಬದಲಾಗಿವೆ. ಆದರೆ ಅಂತರ್ಜಾಲದಲ್ಲಿ ಒಳಿತು ಹಾಗೂ ಕೆಡುಕುಗಳ ಬಗ್ಗೆ ತಿಳಿದಿದ್ದರೂ ಬಳಕೆ ಮಾಡುವವರ ಸಂಖ್ಯೆಯು ಹೆಚ್ಚುತ್ತಲೇ ಇದೆ. ಈ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ “ಸುರಕ್ಷಿತ ಅಂತರ್ಜಾಲ ದಿನ’ವನ್ನು ಆಚರಿಸಲಾಗುತ್ತಿದೆ.

ಅಂತರ್ಜಾಲ ಸುರಕ್ಷಿತ ದಿನದ ಇತಿಹಾಸ:

ಈ ವರ್ಷ ಫೆಬ್ರವರಿ 6 ರಂದು ಅಂತರ್ಜಾಲ ಸುರಕ್ಷಿತ ದಿನವನ್ನು ಆಚರಿಸಲಾಗುತ್ತಿದೆ. 2004 ರಲ್ಲಿ EU ಸೇಫ್‌ಬಾರ್ಡರ್ಸ್ ಪ್ರಾಜೆಕ್ಟ್‌ನ ಉಪಕ್ರಮವಾಗಿ ಈ ದಿನವನ್ನು ಪ್ರಾರಂಭಿಸಲಾಯಿತು. ಇದನ್ನು ಇನ್‌ಸೇಫ್ ನೆಟ್‌ವರ್ಕ್ ತನ್ನ ಆರಂಭಿಕ ಕ್ರಮಗಳಲ್ಲಿ ಒಂದಾಗಿ 2005 ರಲ್ಲಿ ತೆಗೆದುಕೊಂಡಿತು. ಈ ದಿನವನ್ನು ಜಗತ್ತಿನಾದ್ಯಂತ ಸುಮಾರು 180 ಕ್ಕೂ ಅಧಿಕ ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ ಆಚರಿಸುತ್ತಿದೆ. ಈ ದಿನದಂದು ಆನ್‌ಲೈನ್ ಸಮಸ್ಯೆಗಳು ಮತ್ತು ಇದರ ಬಳಕೆಯಿಂದ ಬಳಕೆದಾರರ ಮೇಲಾಗುವ ಪರಿಣಾಮಗಳ ಬಗ್ಗೆ ಜಾಗೃತಿ ಮೂಡಿಸುವುದಾಗಿದೆ.

ಇದನ್ನೂ ಓದಿ: 1 ಕಪ್​​​​ ಬೇಳೆ ಸಾರಿನ ಬೆಲೆ 25 ಸಾವಿರ ರೂ. ಯಾಕಿಷ್ಟು ದುಬಾರಿ?; ವಿಡಿಯೋ ವೈರಲ್

ಅಂತರ್ಜಾಲ ಸುರಕ್ಷಿತ ದಿನದ ಮಹತ್ವ:

ಪ್ರತಿ ವರ್ಷವು ಫೆಬ್ರವರಿ ತಿಂಗಳ ಎರಡನೇ ವಾರದ ಎರಡನೇ ದಿನ ಮಂಗಳವಾರದಂದು ಅಂತರ್ಜಾಲ ಸುರಕ್ಷಿತ ದಿನವನ್ನು ಆಚರಿಸಿಕೊಂಡು ಬರಲಾಗುತ್ತಿದೆ. ಈ ವರ್ಷ ಫೆಬ್ರವರಿ 6 ರಂದು ಅಂತರ್ಜಾಲ ಸುರಕ್ಷಿತ ದಿನವನ್ನು ಆಚರಿಸಲಾಗುತ್ತಿದೆ. ಲಕ್ಷಾಂತರ ಬಳಕೆದಾರರು ಪ್ರತಿದಿನ ಸಾವಿರಾರು ಹೊಸ ವೆಬ್‌ಸೈಟ್‌ಗಳಲ್ಲಿ ಮಾಹಿತಿಯನ್ನು ಕಲೆ ಹಾಕುತ್ತಾರೆ. ಆದರೆ ಆಧುನಿಕ ಯುಗದಲ್ಲಿ ಇಂಟರ್ನೆಟ್ ಒಳಿತು ಕೆಡುಕುಗಳ ಬಗ್ಗೆ ತಿಳಿದಿರುವುದು ಅತ್ಯಗತ್ಯ. ಈ ದಿನವನ್ನು ಉತ್ತಮ ಇಂಟರ್ನೆಟ್‌ಗಾಗಿ ಒಟ್ಟಿಗೆ ಎನ್ನುವ ಥೀಮ್‌ನೊಂದಿಗೆ, ಇಂಟರ್ನೆಟ್ ಅನ್ನು ಎಲ್ಲರಿಗೂ ಸುರಕ್ಷಿತ ಮತ್ತು ಉತ್ತಮ ಸ್ಥಳವನ್ನಾಗಿ ಮಾಡುವುದು. ವಿಶೇಷವಾಗಿ ಮಕ್ಕಳು ಮತ್ತು ಯುವಜನರಿಗೆ ಒಟ್ಟಿಗೆ ಸೇರಿಸಲು ಪ್ರಯತ್ನಿಸಲಾಗುತ್ತಿದೆ. ಆನ್‌ಲೈನ್ ಸುರಕ್ಷತೆಯ ಮಹತ್ವವನ್ನು ಅರ್ಥಮಾಡಿಕೊಳ್ಳುವುದಾಗಿದೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ