Back Acne : ಬೆನ್ನಿನ ಮೇಲೆ ಮೊಡವೆಗಳಿದ್ದರೆ ಟೆನ್ಶನ್ ಬೇಡ, ಇಲ್ಲಿದೆ ಸರಳ ಪರಿಹಾರ
ಮುಖದ ಮೇಲಿನ ಮೊಡವೆಯೂ ಅಂದವನ್ನು ಹಾಳು ಮಾಡುತ್ತದೆಯೇ ಹೇಗೋ, ಅದೇ ರೀತಿ ಬೆನ್ನ ಮೇಲಿನ ಮೊಡವೆಗಳು ಕಿರಿಕಿರಿಯನ್ನುಂಟು ಮಾಡುತ್ತದೆ. ಈ ಬ್ಯಾಕ್ ಡೀಪ್ ಡ್ರೆಸ್ ಏನಾದರೂ ಹಾಕಿ ಬಿಟ್ಟರೆ ಮುಗಿದೇ ಹೋಯಿತು, ಬೆನ್ನ ಮೇಲಿನ ಮೊಡವೆ ಹಾಗೂ ಕಲೆಗಳಿಂದ ಮುಜುಗರಕ್ಕೆ ಒಳಗಾಗಬೇಕಾಗುತ್ತದೆ. ಈ ಸಮಸ್ಯೆಗೆ ಇದಕ್ಕೆ ಮನೆಯಲ್ಲೆ ಸುಲಭವಾಗಿ ಪರಿಹಾರವನ್ನು ಕಂಡುಕೊಳ್ಳಬಹುದು.
ಹೆಣ್ಣು ಮಕ್ಕಳಿಗೆ ಮುಖದ ಮೇಲೆ ಒಂದೋ ಎರಡೋ ಮೊಡವೆಗಳು ಕಾಣಿಸಿಕೊಂಡರೆ ಆಕಾಶವೇ ತಲೆ ಮೇಲೆ ಬಿದ್ದವರಂತೆ ವರ್ತಿಸುತ್ತಾರೆ. ಬೆನ್ನ ಮೇಲೆ ಮೊಡವೆಗಳು ಕಾಣಿಸಿಕೊಂಡರೆ, ಬೆನ್ನ ಮೇಲಿನ ಮೊಡವೆಗಳು ತುರಿಕೆ ಹಾಗೂ ಉರಿಯಂತಹ ಸಮಸ್ಯೆಯನ್ನು ಉಂಟು ಮಾಡಬಹುದು. ಈ ಸಮಸ್ಯೆಯನ್ನು ನಿವಾರಿಸಿಕೊಳ್ಳಲು ಮಾರುಕಟ್ಟೆಯಲ್ಲಿ ಸಿಗುವ ಉತ್ಪನ್ನಗಳನ್ನು ಬಳಸುತ್ತಾರೆ. ಬೆನ್ನ ಮೇಲಿನ ಮೊಡವೆಯನ್ನು ತೊಡೆದು ಹಾಕಲು ಈ ಮನೆ ಮದ್ದುಗಳನ್ನು ಬಳಸಬಹುದು.
ಬೆನ್ನ ಮೇಲಿನ ಮೊಡವೆ ನಿವಾರಣೆಗೆ ಮನೆಮದ್ದುಗಳಿವು:
- ಟೊಮೆಟೊವನ್ನು ಅರ್ಧದಷ್ಟು ಕತ್ತರಿಸಿ, ಅದನ್ನು ಬೆನ್ನಿನ ಮೇಲೆ ಹಚ್ಚಿ 15 ನಿಮಿಷಗಳ ಕಾಲ ಬಿಡಬೇಕು. ಆ ಬಳಿಕ ತಣ್ಣೀರಿನಿಂದ ತೊಳೆದರೆ ಬೆನ್ನಿನ ಮೇಲಿನ ಮೊಡವೆ ಹಾಗೂ ಕಲೆಗಳು ಕಡಿಮೆಯಾಗುತ್ತದೆ.
- ನಿಂಬೆ ರಸ ಮತ್ತು ರೋಸ್ ವಾಟರನ್ನು ಸಮಾನ ಪ್ರಮಾಣದಲ್ಲಿ ಮಿಶ್ರಣ ಮಾಡಿ, ಬೆನ್ನಿನ ಮೇಲೆ ಹಚ್ಚಿ 30 ನಿಮಿಷಗಳ ಬಳಿಕ ತಣ್ಣೀರಿನಿಂದ ತೊಳೆಯುವುದು ಪರಿಣಾಮಕಾರಿಯಾಗಿದೆ.
- ಅಲೋವೆರಾ ಜೆಲ್ ಚರ್ಮಕ್ಕೆ ಒಳ್ಳೆಯದು. ಹೀಗಾಗಿ ಸ್ವಲ್ಪ ಅಲೋವೆರಾ ಜೆಲ್ ತೆಗೆದುಕೊಂಡು ಅದನ್ನು ಫ್ರಿಜ್ನಲ್ಲಿಡಿ. ತಣ್ಣಗಾದ ಈ ಜೆಲ್ ಅನ್ನು ಮೊಡವೆ ಇರುವ ಜಾಗಕ್ಕೆ ಅನ್ವಯಿಸಿ ಅರ್ಧ ಘಂಟೆಯ ನಂತರ ತೊಳೆಯುವುದರಿಂದ ಮೊಡವೆಗಳು ಕಡಿಮೆಯಾಗುತ್ತದೆ.
- ಜೇನುತುಪ್ಪ ಮತ್ತು ದಾಲ್ಚಿನ್ನಿ ಮಿಶ್ರಣದಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳಿದ್ದು, ಮೊಡವೆ ಸಮಸ್ಯೆಯನ್ನು ನಿವಾರಿಸುತ್ತದೆ. ಒಂದು ಚಮಚ ಜೇನುತುಪ್ಪ ಮತ್ತು ದಾಲ್ಚಿನ್ನಿ ಪುಡಿಯನ್ನು ಬೆರೆಸಿ ಮೊಡವೆಗಳ ಮೇಲೆ ಹಚ್ಚಬೇಕು. ಸ್ವಲ್ಪ ಸಮಯದ ನಂತರ ತಣ್ಣೀರಿನಿಂದ ತೊಳೆದರೆ ಸಾಕು ಬೆನ್ನ ಮೇಲಿನ ಮೊಡವೆಗಳು ಕಡಿಮೆಯಾಗುತ್ತದೆ.
- ತ್ವಚೆಯ ಆರೈಕೆಯಲ್ಲಿ ಗ್ರೀನ್ ಟೀ ಕೂಡ ಉಪಯುಕ್ತವಾಗಿದೆ. ಒಂದು ಲೋಟ ಗ್ರೀನ್ ಟೀ ತಯಾರಿಸಿ, ಅದರಲ್ಲಿ ಹತ್ತಿಯನ್ನು ಅದ್ದಿ ಬೆನ್ನ ಮೇಲಿನ ಮೊಡವೆಗಳ ಮೇಲೆ ಹಚ್ಚಿದರೆ ಈ ಸಮಸ್ಯೆಯೂ ಶಮನವಾಗುತ್ತದೆ.
ಈ ಮನೆ ಮದ್ದನ್ನೊಮ್ಮೆ ಪ್ರಯತ್ನಿಸುವ ಮುನ್ನ ವೈದ್ಯರ ಸಲಹೆಗಳನ್ನು ಪಡೆಯುವುದು ಉತ್ತಮ.
ಇದನ್ನೂ ಓದಿ: ಮೊಡವೆ ಸಮಸ್ಯೆ ಕಾಣಿಸಿಕೊಳ್ಳುತ್ತಿದ್ರೆ, ಈ ಆಹಾರಗಳನ್ನು ಅಪ್ಪಿತಪ್ಪಿಯು ಸೇವಿಸಲೇಬೇಡಿ
ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
Follow Us