ಸೊಸೆಯಾದವಳು ತಪ್ಪಿಯೂ ಅತ್ತೆಯೊಂದಿಗೆ ಈ ಮಾತನ್ನು ಆಡಬಾರದು; ಸಂಬಂಧದಲ್ಲಿ ಬಿರುಕು ಮೂಡುವುದು ಖಂಡಿತ

ಪ್ರತಿಯೊಂದು ಕುಟುಂಬದಲ್ಲೂ ಸಣ್ಣಪುಟ್ಟ ಜಗಳಗಳು, ಮನಸ್ತಾಪಗಳು ನಡೆಯುವುದು ಸಾಮಾನ್ಯ. ಅದರಲ್ಲೂ ಅತ್ತೆ ಸೊಸೆ ಜಗಳ ಎನ್ನುವಂತಹದ್ದು ಅನಾದಿ ಕಾಲದಿಂದಲೂ ಇದೆ. ಅತ್ತೆಯ ಕಾಟಕ್ಕೆ ಸೊಸೆ ಮನೆ ಬಿಟ್ಟು ಹೋದಂತಹ, ಸೊಸೆ ತನ್ನ ಅತ್ತೆಯನ್ನು ಮನೆಯಿಂದ ಹೊರ ಹಾಕಿದಂತಹ ಘಟನೆಗಳು ಕೂಡಾ ನಡೆದಿದ್ದುಂಟು. ಈ ಮನಸ್ತಾಪಗಳು ಅತ್ತೆ ಹಾಗೂ ಸೊಸೆಯ ನಡುವಿನ ಒಂದಷ್ಟು ಮಾತುಗಳಂತೆ. ಸೊಸೆಯ ಮಾತುಗಳು ಅತ್ತೆಗೆ ಇಷ್ಟವಾಗುವುದಿಲ್ಲ, ಅತ್ತೆಯ ಮಾತುಗಳು ಸೊಸೆಯಾದವಳಿಗೆ ಕೋಪ ತರಿಸುತ್ತದೆ. ಹೀಗೆ ಮಾತುಗಳಿಂದಲೇ ಅತ್ತೆ ಸೊಸೆ ಸಂಬಂಧದಲ್ಲಿ (mother in law daughter in law relationship) ಬಿರುಕು ಮೂಡಲು ಆರಂಭವಾಗುತ್ತದೆ. ಆದ್ದರಿಂದ ಸೊಸೆಯಾದವಳು ಈ ಕೆಲವು ಮಾತುಗಳನ್ನು ಅತ್ತೆಯ ಮುಂದೆ ಮಾತನಾಡದಿದ್ದರೆ, ಸಂಬಂಧದಲ್ಲಿ ಬಿರುಕು ಮೂಡುವುದಿಲ್ಲವಂತೆ. ಅದೇನೆಂಬುದನ್ನು ನೋಡೋಣ ಬನ್ನಿ.

ಸೊಸೆಯಾದವಳು ತಪ್ಪಿಯೂ ಅತ್ತೆಯೊಂದಿಗೆ ಈ ಮಾತನ್ನು ಆಡಬಾರದು:

ನನ್ನ ವೈವಾಹಿಕ ಜೀವನದಲ್ಲಿ ಹಸ್ತಕ್ಷೇಪ ಮಾಡಬೇಡಿ: ನಿಮ್ಮ ಅತ್ತೆ ನಿಮಗೆ ಯಾವುದೇ ಸಲಹೆಯನ್ನು ನೀಡಿದರೆ, ಅದನ್ನು ಪ್ರೀತಿಯಿಂದ ಆಲಿಸಿ, ನೀವು ಅದನ್ನು ಸ್ವೀಕರಿಸುತ್ತೀರೋ ಇಲ್ಲವೋ ಎಂಬುದು ನಿಮಗೆ ಬಿಟ್ಟದ್ದು. ಆದರೆ ನಿಮ್ಮ ವೈವಾಹಿಕ ಜೀವನದಲ್ಲಿ ಹಸ್ತಕ್ಷೇಪ ಮಾಡಬೇಡಿ ಎಂದು ಎಂದಿಗೂ ಹೇಳಬೇಡಿ. ಇದು ಅವರ ಮನಸ್ಸಿಗೆ ನೋವನ್ನು ಉಂಟು ಮಾಡುತ್ತದೆ. ಈ ಮಾತು ನಂತರದಲ್ಲಿ ನಿಮ್ಮಿಬ್ಬರ ಮಧ್ಯೆ ಮನಸ್ತಾಪ ಉಂಟಾಗಲು ಕಾರಣವಾಗಬಹುದು.

ನಿಮ್ಮ ಉಡುಗೊರೆ ನನಗೆ ಇಷ್ಟವಿಲ್ಲ: ಒಂದು ಉಡುಗೊರೆಯ ಹಿಂದೆ ಹಲವು ಭಾವನೆಗಳಿರುತ್ತವೆ. ನಿಮಗೇನಾದರೂ ನಿಮ್ಮ ಅತ್ತೆ ಉಡುಗೊರೆಯನ್ನು ನೀಡದರೆ, ಅದನ್ನು ನೀವು ಪ್ರೀತಿಯಿಂದ ಸ್ವೀಕರಿಸಿ. ಯಾವುದೇ ಕಾರಣಕ್ಕೂ ಈ ಉಡುಗೊರೆ ನನಗೆ ಇಷ್ಟವಾಗಿಲ್ಲ ಅಥವಾ ನೀವು ತಂದು ಕೊಟ್ಟ ವಸ್ತು ನನಗೆ ಇಷ್ಟವಾಗಿಲ್ಲ ಎಂಬ ಮಾತನ್ನು ಆಡಬೇಡಿ. ಏಕೆಂದರೆ ಇದರಿಂದಲೇ ನಂತರದಲ್ಲಿ ನಿಮ್ಮ ನಡುವೆ ಮನಸ್ತಾಪಗಳು ತಲೆದೋರಬಹುದು.

ಇದನ್ನೂ ಓದಿ

ಮೊಮ್ಮಕ್ಕಳು ಅಜ್ಜ-ಅಜ್ಜಿಯೊಂದಿಗೆ ಸಮಯ ಕಳೆಯಬೇಕು ಎನ್ನುವುದು ಇದಕ್ಕೆ ನೋಡಿ

ಅತ್ತೆಯೊಂದಿಗೆ ಜಗಳ ಆಗಬಾರದೆಂದರೆ ಸೊಸೆಯಾದವಳು ಹೀಗಿರಬೇಕು

ತಂದೆ ತನ್ನ ಮಗಳ ಮುಂದೆ ತಪ್ಪಿಯೂ ಈ ರೀತಿ ವರ್ತಿಸಬಾರದು

ನೋಡಿ… ಈ ತಪ್ಪುಗಳೇ ಸಂಬಂಧ ಹಾಳಾಗಲು ಮುಖ್ಯ ಕಾರಣ

ನೀವು ನನ್ನ ತಾಯಿಯಲ್ಲ: ಕೆಲವು ಸೊಸೆಯಂದಿರು ಕೋಪದಲ್ಲಿ ನೀವು ನನ್ನ ತಾಯಿಯಲ್ಲ, ನಿವ್ಯಾರು ಅದನ್ನೆಲ್ಲಾ ನನಗೆ ಹೇಳಲು ಎಂದು ಗದರಿ ಮಾತನಾಡುತ್ತಾರೆ. ಈ ಕಟು ಮಾತುಗಳು ಖಂಡಿತವಾಗಿಯೂ ಅತ್ತೆಯ ಮನಸ್ಸಿಗೆ ನೋವನ್ನು ಉಂಟು ಮಾಡುತ್ತದೆ. ಆದ್ದರಿಂದ ಅತ್ತೆಯ ಬಳಿ ನೀವು ನನ್ನ ತಾಯಿಯಲ್ಲ, ಅವರ ಸಮಾನವೂ ಅಲ್ಲ ಎಂಬ ಚುಚ್ಚು ಮಾತುಗಳನ್ನು ಆಡಲು ಹೋಗಬೇಡಿ.

ನೀವು ನನ್ನನ್ನು ನಿಯಂತ್ರಿಸಬೇಡಿ: ಕೆಲವು ಅತ್ತೆಯಂದಿರೂ ಸೊಸೆ ಏನೇ ಮಾಡಿದರೂ ಎಲ್ಲೇ ಹೋದರೂ ನೂರೆಂಟು ಪ್ರಶ್ನೆಗಳನ್ನು ಕೇಳುತ್ತಾರೆ. ಕೆಲವು ಸೊಸೆಯಂದಿರಿಗೆ ತಮ್ಮ ಅತ್ತೆಯ ಈ ಮಾತುಗಳು ಕಿರಿಕಿರಿ ಎಂದೆನಿಸಬಹುದು. ಇದರಿಂದಾಗಿ ನೀವು ನನ್ನನ್ನು ನಿಯಂತ್ರಿಸಲು ಬರಬೇಡಿ, ಇದು ನನ್ನ ಜೀವನ ಅಂತೆಲ್ಲಾ ಮಾತನಾಡುತ್ತಾರೆ. ಆದರೆ ಸೊಸೆಯಾದವಳು ಅತ್ತೆಯ ಮುಂದೆ ಹೀಗೆ ಎದುರು ಮಾತನಾಡಬಾರದು. ಇದುವೇ ನಂತರದಲ್ಲಿ ಅತ್ತೆಸೊಸೆಯ ಸಂಬಂಧದಲ್ಲಿ ಬಿರುಕು ಮೂಡಲು ಕಾರಣವಾಗುತ್ತದೆ.

ಇದನ್ನೂ ಓದಿ: ಸೊಸೆಯಾದವಳು ಹೀಗಿದ್ದರೆ ಅತ್ತೆಯ ಜೊತೆ ಜಗಳವೇ ಏರ್ಪಡಲ್ಲವಂತೆ

ನನ್ನ ಮಗುವಿನ ವಿಷಯದಲ್ಲಿ ತಲೆ ಹಾಕಬೇಡಿ: ಅತ್ತೆಯಂದಿರಿಗೆ ಅಂದರೆ ಹಿರಿಯರಿಗೆ ಮಕ್ಕಳನ್ನು ಯಾವ ರೀತಿ ನೋಡಿಕೊಳ್ಳಬೇಕು ಎಂಬ ಅನುಭವವಿದೆ. ಹೀಗಿರುವಾಗ ಮಕ್ಕಳನ್ನು ಬೆಳೆಸುವ ವಿಚಾರದಲ್ಲಿ ಅವರು ನಿಮಗೆ ಸಲಹೆಯನ್ನು ನೀಡಬಹುದು. ಮಕ್ಕಳಿಗೆ ನೀವು ಹೊಡೆದಾಗ ಯಾಕೆ ಮಗುವಿಗೆ ಹೊಡೆಯುತ್ತೀಯಾ ಎಂದು ಗದರಬಹುದು. ಇಂತಹ ಸಂದರ್ಭದಲ್ಲಿ ನಮ್ಮ ವಿಷಯಕ್ಕೆ ತಲೆ ಹಾಕಬೇಡಿ, ನನ್ನ ಮಗುವನ್ನು ನನಗೆ ಹೇಗೆ ನೋಡಿಕೊಳ್ಳಬೇಕು ಎಂಬುದು ಚೆನ್ನಾಗಿ ತಿಳಿದಿದೆ ಎಂಬೆಲ್ಲಾ ಕಠಿಣ ಮಾತುಗಳನ್ನಾಡಬೇಡಿ. ಇದು ಅತ್ತೆಯ ಮನಸ್ಸನ್ನು ನೋಯಿಸುವುದು ಮಾತ್ರವಲ್ಲದೆ, ಇದರಿಂದಾಗಿ ಅತ್ತೆ ಸೊಸೆಯ ಒಳ್ಳೆಯ ಸಂಬಂಧವೇ ಹಾಳಾಗಬಹುದು.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ