ಒಣ ಮತ್ತು ಜಿಗುಟು ಕೂದಲಿಗೆ ಮನೆಯಲ್ಲಿ ತಯಾರಿಸಿದ ಹೇರ್ ಮಾಸ್ಕ್ ಬಳಸಿ

ಒಣ ಮತ್ತು ಜಿಗುಟು ಕೂದಲು ಚಳಿಗಾಲದ ಸಮಯದಲ್ಲಿ ನೈಸರ್ಗಿಕವಾಗಿ ಕಂಡು ಬರುವ ಸಮಸ್ಯೆಯಾಗಿದೆ. ಹಾಗಾಗಿ ರಾಸಾಯನಿಕ ಸೇರಿಸಿದ ಕೂದಲಿನ ಉತ್ಪನ್ನಗಳನ್ನು ಬಳಸುವುದು ಉತ್ತಮವಲ್ಲ. ಆದ್ದರಿಂದ, ನೈಸರ್ಗಿಕ ಪದಾರ್ಥಗಳ ಮಿಶ್ರಣದೊಂದಿಗೆ ತಯಾರಿಸಿದ ಕೆಲವು ಹೇರ್ ಮಾಸ್ಕ್ ಗಳನ್ನು ಪ್ರಯತ್ನಿಸುವ ಮೂಲಕ ಒಣ ಕೂದಲಿಗೆ ಗುಡ್ ಬೈ ಹೇಳಿ.

ಚಳಿಗಾಲದಲ್ಲಿ ಕೂದಲು ಏಕೆ ಒಣಗುತ್ತದೆ ಮತ್ತು ಜಡವಾಗುತ್ತದೆ?

ಚಳಿಗಾಲದಲ್ಲಿ, ಹಲವಾರು ಅಂಶಗಳಿಂದಾಗಿ ಕೂದಲು ಒಣಗುತ್ತದೆ ಮತ್ತು ಜಡವಾಗುತ್ತದೆ. ತಂಪಾದ ಗಾಳಿಯು ಕಡಿಮೆ ತೇವಾಂಶವನ್ನು ಹಿಡಿದಿಟ್ಟುಕೊಳ್ಳುತ್ತದೆ, ಇದು ನಿಮ್ಮ ಕೂದಲನ್ನು ನಿರ್ಜಲೀಕರಣಗೊಳಿಸುತ್ತದೆ ಮತ್ತು ನಿಮ್ಮ ಕೂದಲಿನಿಂದ ನೈಸರ್ಗಿಕ ಎಣ್ಣೆಯನ್ನು ತೆಗೆದು ಹಾಕುತ್ತದೆ. ಒಳಾಂಗಣ ತಾಪನವು ಕೂದಲನ್ನು ಮತ್ತಷ್ಟು ಒಣಗಿಸುವ ಮೂಲಕ ನಿಮ್ಮ ಕೂದಲಿನ ಎಳೆಗಳಿಂದ ತೇವಾಂಶವನ್ನು ಹೀರುವ ಮೂಲಕ ಸಮಸ್ಯೆಯನ್ನು ಉಲ್ಬಣಗೊಳಿಸುತ್ತದೆ. ಇದು ಶುಷ್ಕತೆಗೆ ಹೆಚ್ಚು ಗುರಿಯಾಗುತ್ತದೆ. ಚಳಿಗಾಲದಲ್ಲಿ ಜಲಸಂಚಯನವನ್ನು ಕಾಪಾಡಿಕೊಳ್ಳುವುದು ಮತ್ತು ಕಠಿಣ ಅಂಶಗಳಿಂದ ನಿಮ್ಮ ಕೂದಲನ್ನು ರಕ್ಷಿಸಲು ರಕ್ಷಣಾತ್ಮಕ ಶೈಲಿಗಳನ್ನು ಅನುಸರಿಸುವುದು ಬಹಳ ಮುಖ್ಯ.

ಒಣ ಕೂದಲಿಗೆ ಮನೆಯಲ್ಲಿಯೇ ತಯಾರಿಸಿದ 5 ಹೇರ್ ಮಾಸ್ಕ್ ಗಳು

ಈ ಹೇರ್ ಮಾಸ್ಕ್ಗಳನ್ನು ಬಳಸುವ ಸರಿಯಾದ ಮಾರ್ಗವನ್ನು ತಿಳಿಯಲು ಹೆಲ್ತ್ ಶಾಟ್ಸ್ ನ ಪ್ರಸಿದ್ಧ ಚರ್ಮ ಮತ್ತು ಸೌಂದರ್ಯವರ್ಧಕ ತಜ್ಞ ಡಾ. ಕಿರಣ್ ಸೇಥಿ ಅವರು ಕೆಲವು ಮಾಹಿತಿಗಳನ್ನು ಹಂಚಿಕೊಂಡಿದ್ದಾರೆ. ಈ 5 ಹೇರ್ ಮಾಸ್ಕ್ ಗಳು ಮತ್ತು ಅವುಗಳನ್ನು ಹೇಗೆ ಬಳಸುವುದು ಎಂಬುದು ಇಲ್ಲಿದೆ:

1. ಆವಕಾಡೊ ಹೇರ್ ಮಾಸ್ಕ್

ಈ ಮಾಸ್ಕ್ ಆವಕಾಡೊದ ಪೋಷಣೆಯ ಗುಣಲಕ್ಷಣಗಳನ್ನು ಜೇನುತುಪ್ಪದ ಹ್ಯೂಮೆಕ್ಟಂಟ್ ಪರಿಣಾಮಗಳೊಂದಿಗೆ ಸಂಯೋಜಿಸುತ್ತದೆ. ಆವಕಾಡೊದ ನೈಸರ್ಗಿಕ ತೈಲಗಳು ಒಣ ಕೂದಲನ್ನು ಆಳವಾಗಿ ತೇವಗೊಳಿಸುತ್ತವೆ, ಇನ್ನು ಜೇನುತುಪ್ಪವು ಆ ತೇವಾಂಶವನ್ನು ಲಾಕ್ ಮಾಡುತ್ತದೆ, ಇದು ನಿಮ್ಮ ಕೂದಲನ್ನು ಮೃದುವಾಗಿ, ಹೊಳೆಯುವಂತೆ ಮಾಡುವಲ್ಲಿ ಮುಖ್ಯವಾಗಿದೆ.

ಹೇಗೆ ತಯಾರಿಸುವುದು?: ಒಂದು ಮಾಗಿದ ಆವಕಾಡೊವನ್ನು ಮ್ಯಾಶ್ ಮಾಡಿ ಮತ್ತು ಅದಕ್ಕೆ ಎರಡು ಚಮಚ ಜೇನುತುಪ್ಪ ಬೆರೆಸಿ ಚಿನ್ನಾಗಿ ಕಲಸಿಕೊಳ್ಳಿ. ನಿಮ್ಮ ಒದ್ದೆಯಾದ ಕೂದಲಿಗೆ ಮಿಶ್ರಣವನ್ನು ಹಚ್ಚಿಕೊಳ್ಳಿ. ಕೂದಲ ಬುಡದಿಂದ ತುದಿಯವರೆಗೆ ಸರಿಯಾಗಿ ಹಚ್ಚಿರಿ. 30 ನಿಮಿಷಗಳ ಕಾಲ ಬಿಟ್ಟು ಬಳಿಕ ಇದನ್ನು ತೊಳೆಯಿರಿ. ಇದು ನಿಮ್ಮ ಕೂದಲಿನ ಹೊಳಪನ್ನು ಹೈಡ್ರೇಟ್ ಮಾಡುತ್ತದೆ.

2. ಮೊಟ್ಟೆಯ ಹೇರ್ ಮಾಸ್ಕ್

ಪ್ರೋಟೀನ್ ನಿಂದ ತುಂಬಿರುವ ಈ ಮಾಸ್ಕ್ ನಲ್ಲಿರುವ ಮೊಟ್ಟೆಯು ಕೂದಲಿನ ಬುಡವನ್ನು ಬಲಪಡಿಸುತ್ತದೆ ಮತ್ತು ಒಟ್ಟಾರೆ ಕೂದಲಿನ ಆರೋಗ್ಯವನ್ನು ಉತ್ತೇಜಿಸುತ್ತದೆ. ಇನ್ನು ಮೊಸರು, ನೈಸರ್ಗಿಕ ಕಂಡೀಷನರ್ ಆಗಿದ್ದು ತೇವಾಂಶವನ್ನು ಸೇರಿಸುತ್ತದೆ, ನಿಮ್ಮ ಕೂದಲನ್ನು ನಯವಾಗಿಸಿ ಹೊಳೆಯುವಂತೆ ಮಾಡುತ್ತದೆ.

ಇದನ್ನೂ ಓದಿ: ಕೂದಲು ಬೆಳವಣಿಗೆಗೆ ಜಾಸ್ಮಿನ್ ಎಣ್ಣೆಯನ್ನು ತಯಾರಿಸುವುದು ಹೇಗೆ?

ಹೇಗೆ ತಯಾರಿಸುವುದು?: ಒಂದು ಮೊಟ್ಟೆಯನ್ನು ಅರ್ಧ ಕಪ್ ಸಾದಾ ಮೊಸರಿನೊಂದಿಗೆ ಬೆರೆಸಿ. ಈ ಮಿಶ್ರಣವನ್ನು ಸ್ವಚ್ಛವಾದ, ಒದ್ದೆಯಾದ ಕೂದಲಿಗೆ ಹಚ್ಚಿ, 20-30 ನಿಮಿಷಗಳ ಕಾಲ ಬಿಡಿ. ಬಳಿಕ ತಣ್ಣೀರಿನಿಂದ ತೊಳೆಯಿರಿ. ಈ ಮಾಸ್ಕ್ ನಿಮ್ಮ ಕೂದಲನ್ನು ತೇವಗೊಳಿಸುವುದು ಮಾತ್ರವಲ್ಲದೆ ಅದನ್ನು ಬಲಪಡಿಸುತ್ತದೆ, ಇದು ನಿಮಗೆ ನಯವಾದ ಕೂದಲನ್ನು ಪಡೆಯುವಲ್ಲಿ ಸಹಕಾರಿಯಾಗಿದೆ.

3. ಜೇನುತುಪ್ಪ ಮತ್ತು ಹಾಲಿನ ಹೇರ್ ಮಾಸ್ಕ್

ಜೇನುತುಪ್ಪ ಮತ್ತು ಹಾಲಿನ ಮಿಶ್ರಣವು ಶುಷ್ಕತೆಯನ್ನು ಎದುರಿಸಲು ಹೇರ್ ಮಾಸ್ಕ್ ಆಗಿದೆ. ಜೇನುತುಪ್ಪದ ಮಾಯಿಶ್ಚರೈಸಿಂಗ್ ಸಾಮರ್ಥ್ಯಗಳು, ಹಾಲಿನ ಪ್ರೋಟೀನ್ಗಳು ಮತ್ತು ಅಮೈನೋ ಆಮ್ಲಗಳೊಂದಿಗೆ ಸಂಯೋಜಿಸಲ್ಪಟ್ಟು, ನಿಮ್ಮ ಕೂದಲನ್ನು ಆಳವಾಗಿ ಹೈಡ್ರೇಟ್ ಮಾಡುತ್ತದೆ, ಮತ್ತು ನಿಮಗೆ ಮೃದುವಾದ ಅನುಭವವನ್ನು ನೀಡುತ್ತದೆ.

ಹೇಗೆ ತಯಾರಿಸುವುದು?: ಅರ್ಧ ಕಪ್ ಹಾಲನ್ನು ಎರಡು ಚಮಚ ಜೇನುತುಪ್ಪದೊಂದಿಗೆ ಬೆರೆಸಿ. ಈ ಮಿಶ್ರಣವನ್ನು ಕೂದಲಿಗೆ ಹಚ್ಚಿಕೊಳ್ಳಿ ಮತ್ತು ತೊಳೆಯುವ ಮೊದಲು 30 ನಿಮಿಷಗಳ ಕಾಲ ಬಿಡಿ. ಈ ಮಾಸ್ಕ್ ನಿಮ್ಮ ಕೂದಲನ್ನು ದೀರ್ಘಕಾಲದವರೆಗೆ ಹೈಡ್ರೇಟ್ ಆಗಿರಿಸುತ್ತದೆ ಮತ್ತು ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ.

4. ಬಾಳೆಹಣ್ಣಿನ ಹೇರ್ ಮಾಸ್ಕ್

ವಿಟಮಿನ್ ಗಳಿಂದ ಸಮೃದ್ಧವಾಗಿರುವ ಬಾಳೆಹಣ್ಣುಗಳು ಮತ್ತು ತೆಂಗಿನ ಎಣ್ಣೆ, ಅವುಗಳ ಹೈಡ್ರೇಟಿಂಗ್ ಗುಣಲಕ್ಷಣಗಳೊಂದಿಗೆ, ನಿಮ್ಮ ಕೂದಲಿಗೆ ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ. ಈ ಮಾಸ್ಕ್ ತೇವಾಂಶ ಮತ್ತು ಪೋಷಣೆಯನ್ನು ನೀಡುತ್ತದೆ.

ಹೇಗೆ ತಯಾರಿಸುವುದು?: ಒಂದು ಮಾಗಿದ ಬಾಳೆಹಣ್ಣನ್ನು ಮ್ಯಾಶ್ ಮಾಡಿ ಮತ್ತು ಅದನ್ನು ಎರಡು ಚಮಚ ತೆಂಗಿನ ಎಣ್ಣೆಯೊಂದಿಗೆ ಮಿಶ್ರಣ ಮಾಡಿ. ಆ ಮಿಶ್ರಣವನ್ನು ನಿಮ್ಮ ಕೂದಲಿಗೆ ಮಸಾಜ್ ಮಾಡಿ ಇದನ್ನು ತೊಳೆಯುವ ಮೊದಲು 20- 30 ನಿಮಿಷಗಳ ಕಾಲ ಬಿಡಿ. ಇದು ಒಟ್ಟಾರೆ ಕೂದಲಿನ ಆರೋಗ್ಯವನ್ನು ಉತ್ತೇಜಿಸುತ್ತದೆ.

5. ಅಲೋವೆರಾ ಮಾಸ್ಕ್

ಅಲೋವೆರಾ ಅದರ ಹಿತವಾದ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳಿಗೆ ಹೆಸರುವಾಸಿಯಾಗಿದೆ. ಇದನ್ನು ಆಲಿವ್ ಎಣ್ಣೆಯೊಂದಿಗೆ ಬೆರೆಸಿದಾಗ, ಇದು ಒಣ, ಜಿಗುಟು ಕೂದಲನ್ನು ಪರಿಣಾಮಕಾರಿಯಾಗಿ ಮೃದುಗೊಳಿಸುತ್ತದೆ ಮತ್ತು ತೇವಗೊಳಿಸುತ್ತದೆ.

ಹೇಗೆ ತಯಾರಿಸುವುದು?: ಮೂರು ಚಮಚ ಆಲಿವ್ ಎಣ್ಣೆಯನ್ನು ಎರಡು ಚಮಚ ತಾಜಾ ಅಲೋವೆರಾ ಜೆಲ್ ನೊಂದಿಗೆ ಮಿಶ್ರಣ ಮಾಡಿ. ಮಿಶ್ರಣವನ್ನು ನಿಮ್ಮ ಕೂದಲು ಮತ್ತು ನೆತ್ತಿಗೆ ಸರಿಯಾಗಿ ಮಸಾಜ್ ಮಾಡಿಕೊಳ್ಳಿ, ಇದನ್ನು ತೊಳೆಯುವ ಮೊದಲು 30 ನಿಮಿಷಗಳ ಕಾಲ ಬಿಡಿ. ಈ ಹೇರ್ ಮಾಸ್ಕ್ ಕಿರಿಕಿರಿಯಾಗುವ ನೆತ್ತಿಯನ್ನು ಶಾಂತಗೊಳಿಸುತ್ತದೆ ಮತ್ತು ಕೂದಲಿನ ಆರೋಗ್ಯವನ್ನು ಉತ್ತೇಜಿಸುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: