ವಾಕಿಂಗ್ VS ಸೈಕ್ಲಿಂಗ್ : ತೂಕ ಇಳಿಸುವವರಿಗೆ ಯಾವುದು ಉತ್ತಮ?
ಇತ್ತೀಚೆಗಿನ ಬದಲಾದ ಜೀವನ ಶೈಲಿಯಿಂದಾಗಿ ಆರೋಗ್ಯ ಸಮಸ್ಯೆ ಸೇರಿದಂತೆ ತೂಕ ಹೆಚ್ಚಳದಂತಹ ಸಮಸ್ಯೆಗಲು ಕಾಡುತ್ತಿದೆ. ಹೀಗಾಗಿ ಹೆಚ್ಚಿನವರು ತಮ್ಮ ಆಹಾರ ಕ್ರಮ, ವಾಕಿಂಗ್ ಅಥವಾ ಸೈಕ್ಲಿಂಗ್‌ನಂತಹ ಫಿಟ್‌ನೆಸ್ ವಿಧಾನಗಳತ್ತ ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಕೆಲವರು ನಡಿಗೆ ಹಾಗೂ ಸೈಕ್ಲಿಂಗ್ ನಂತಹ ವ್ಯಾಯಾಮದತ್ತ ಹೆಚ್ಚು ಒತ್ತು ನೀಡುತ್ತಿದ್ದಾರೆ. ಆದರೆ, ತೂಕ ಇಳಿಸಿಕೊಳ್ಳುವವರಿಗೆ ಸೈಕ್ಲಿಂಗ್ ಮತ್ತು ನಡಿಗೆ ಇವೆರಡರಲ್ಲಿ ಯಾವುದು ಹೆಚ್ಚು ಉಪಯುಕ್ತವಾಗಿದೆ? ಎನ್ನುವ ಗೊಂದಲವಿರಬಹುದು. ಈ ಕುರಿತಾದ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಇತ್ತೀಚೆಗಿನ ದಿನಗಳಲ್ಲಿ ತೂಕ ಹೆಚ್ಚಳದಂತಹ ಸಮಸ್ಯೆಗಳು ಸರ್ವೇ ಸಾಮಾನ್ಯವಾಗಿ ಬಿಟ್ಟಿದೆ. ಹೆಚ್ಚಿನವರು ಜಿಮ್‌ಗೆ ಹೋಗಿ ವ್ಯಾಯಾಮ ಮಾಡಿ, ಆಹಾರ ಕ್ರಮವನ್ನು ನಿಯಂತ್ರಿಸುವ ಮೂಲಕ ತೂಕ ಇಳಿಸಿಕೊಳ್ಳಲು ಹೆಣಗಾಡುತ್ತಾರೆ. ಆದರೆ ಶ್ರಮದಾಯಕ ವ್ಯಾಯಾಮಗಳಿಗಿಂತ ಕಡಿಮೆ ತೀವ್ರತೆಯ ವ್ಯಾಯಾಮಗಳತ್ತ ಗಮನ ಹರಿಸುವುದು ಉತ್ತಮ. ಇದರರ್ಥ ಜನರು ಈಗ ವಾಕಿಂಗ್ ಅಥವಾ ಸೈಕ್ಲಿಂಗ್‌ನಂತಹ ಫಿಟ್‌ನೆಸ್ ವಿಧಾನಗಳತ್ತ ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಫಿಟ್‌ನೆಸ್‌ನತ್ತ ಗಮನ ಹರಿಸಲು ಬಯಸುವ ಆರಂಭಿಕರಿಗಾಗಿ ಈ ವ್ಯಾಯಾಮಗಳು ಉತ್ತಮ ಎನ್ನಬಹುದು.
ನಡಿಗೆಯ ಪ್ರಯೋಜನಗಳು
ನಡಿಗೆ ಅತ್ಯಂತ ಸಾಮಾನ್ಯ ಹಾಗೂ ಕಡಿಮೆ ತೀವ್ರತೆಯ ವ್ಯಾಯಾಮವಾಗಿದೆ. ನೀವು ವೇಗವನ್ನು ಹೆಚ್ಚಿಸಬಹುದು ಅಥವಾ ಕಡಿಮೆ ಮಾಡಬಹುದು. ನಿಯಮಿತ ನಡಿಗೆಯು ನಿಮ್ಮ ಭಂಗಿ, ಬೆನ್ನು ನೋವು, ಮೂಳೆ ಸಾಂದ್ರತೆಯನ್ನು ಸುಧಾರಿಸಲು ಸಹಕಾರಿಯಾಗಿದೆ. ಅದಲ್ಲದೇ, ಕೊಲೆಸ್ಟ್ರಾಲ್ ಮತ್ತು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.
ಸೈಕ್ಲಿಂಗ್‌ನ ಪ್ರಯೋಜನಗಳು
ನಡಿಗೆಗೆ ಹೋಲಿಸಿದರೆ, ಸೈಕ್ಲಿಂಗ್ ತುಂಬಾ ಕಡಿಮೆ ಪರಿಣಾಮ ಬೀರುವ ವ್ಯಾಯಾಮವಾಗಿದೆ. ನಡೆಯುವಾಗ ನಿಮ್ಮ ಪಾದಗಳು ನಿಮ್ಮ ಸಂಪೂರ್ಣ ದೇಹದ ತೂಕವನ್ನು ಬೆಂಬಲಿಸುತ್ತದೆ. ಆದರೆ ಸೈಕ್ಲಿಂಗ್ ಮಾಡುವಾಗ ಅಂತಹ ಸಮಸ್ಯೆಯನ್ನು ಎದುರಿಸಬೇಕಾಗಿಲ್ಲ. ವೇಗವಾಗಿ ಪೆಡಲಿಂಗ್ ಮಾಡುವುದರಿಂದ ವ್ಯಾಯಾಮದ ತೀವ್ರತೆ ಹೆಚ್ಚಿಸಬಹುದು. ಈ ವ್ಯಾಯಾಮವು ದೇಹದ ಪ್ರತಿರೋಧಕ ಶಕ್ತಿಯನ್ನು ಹೆಚ್ಚಿಸುವುದಲ್ಲದೆ, ತೂಕ ಇಳಿಸಲು ಸಹಕಾರಿಯಾಗಿದೆ.
ನಡಿಗೆ ಅಥವಾ ಸೈಕ್ಲಿಂಗ್ : ಇವೆರಡರಲ್ಲಿ ಯಾವುದು ಉತ್ತಮ?
ನಡಿಗೆಯೂ ದೇಹವನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ನೀವು ಇಳಿಜಾರಿನಲ್ಲಿ ನಡೆಯುವುದರಿಂದ ನಿಮ್ಮ ದೇಹದ ಒಂದು ಭಾಗದ ಮೇಲೆ ಹೆಚ್ಚಿನ ಒತ್ತಡ ಉಂಟು ಮಾಡುತ್ತದೆ. ಈ ಸೈಕ್ಲಿಂಗ್ ದೇಹದಲ್ಲಿ ಪ್ರತಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ತೊಡೆಗಳು, ಮಂಡಿರಜ್ಜುಗಳು ಹಾಗೂ ಸ್ನಾಯುಗಳನ್ನು ಬಲಪಡಿಸುತ್ತದೆ. ಹೃದಯದ ಆರೋಗ್ಯಕ್ಕೆ ಸೈಕ್ಲಿಂಗ್ ಮತ್ತು ನಡಿಗೆ ತುಂಬಾ ಒಳ್ಳೆಯದು. ಆದರೆ ಈ ಸೈಕ್ಲಿಂಗ್ ಹೆಚ್ಚಿನ ಕ್ಯಾಲೊರಿಗಳನ್ನು ಸುಡಲು ಸಹಕಾರಿಯಾಗಿದೆ. ದೀರ್ಘಾವಧಿಯಲ್ಲಿ ಫಿಟ್ ಆಗಿರಲು ನಡಿಗೆ ನಿಮಗೆ ಸಹಾಯ ಮಾಡುತ್ತದೆ. ತೂಕ ಇಳಿಸಿಕೊಳ್ಳುವವರಿಗೆ ಸೈಕ್ಲಿಂಗ್ ಉತ್ತಮ ಆಯ್ಕೆಯಾಗಿದೆ.
ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ