Year end Travel 2023: ಈ ಬಜೆಟ್ಗೆ ವರ್ಷಾಂತ್ಯದಲ್ಲಿ ಶ್ರೀಲಂಕಾಕ್ಕೆ ಹೋಗಿ ಬನ್ನಿ, ಯಾವೆಲ್ಲ ಸೌಕರ್ಯಗಳು ಲಭ್ಯ?
ಶ್ರೀಲಂಕಾ ಭಾರತೀಯ ಪ್ರಯಾಣಿಕರಿಗೆ ಅತ್ಯಂತ ಜನಪ್ರಿಯ ತಾಣಗಳಲ್ಲಿ ಒಂದಾಗಿದೆ. ರೋಲಿಂಗ್ ಟೀ ಎಸ್ಟೇಟ್ಗಳು, ಐತಿಹಾಸಿಕ ಅವಶೇಷಗಳು, ಕಡಲತೀರಗಳು, ಐಷಾರಾಮಿ ಪಾಕಶಾಲೆ ಮತ್ತು ರಾಮಾಯಣ ಮಹಾಕಾವ್ಯದೊಂದಿಗಿನ ಪ್ರಾಚೀನ ಸಂಪರ್ಕಕ್ಕೆ ಹೆಸರುವಾಸಿಯಾದ ಶ್ರೀಲಂಕಾವು ಭಾರತಕ್ಕೆ ಹತ್ತಿರವಿರುವ ದ್ವೀಪ ರಾಷ್ಟ್ರವಾಗಿದೆ. ಇಲ್ಲಿಗೆ ಹೋಗಿ ಬರಲು ನಿಮಗೆ ಅಗತ್ಯವಿರುವ ಎಲ್ಲಾ ಮಾಹಿತಿಗಳನ್ನು ಇಲ್ಲಿ ನೀಡಲಾಗಿದೆ. ಹಾಗಾದರೆ ಇನ್ನೇಕೆ ತಡ ನಿಮ್ಮ ಪ್ರವಾಸವನ್ನು ಆಯೋಜನೆ ಮಾಡಿ.
Updated on: Dec 26, 2023 | 4:44 PM
ಭಾರತದಿಂದ ಬೇರ್ಪಟ್ಟ ಶ್ರೀಲಂಕಾ, ಹಿಂದೆ ಸಿಲೋನ್ ಎಂದು ಕರೆಯಲ್ಪಡುತ್ತಿತ್ತು (ಪ್ರಾಚೀನ ಗ್ರೀಕ್ ಭೂಗೋಳಶಾಸ್ತ್ರಜ್ಞರು ಇದನ್ನು ತಪ್ರೊಬೇನ್ ಎಂದು ಕರೆದರು. ಅರಬ್ಬರು ಇದನ್ನು ಸೆರೆಂಡಿಬ್ ಎಂದು ಕರೆಯುತ್ತಾರೆ), ಇದು ಭಾರತೀಯ ಪ್ರಯಾಣಿಕರಿಗೆ ಅತ್ಯಂತ ಜನಪ್ರಿಯ ತಾಣಗಳಲ್ಲಿ ಒಂದಾಗಿದೆ. ರೋಲಿಂಗ್ ಟೀ ಎಸ್ಟೇಟ್ಗಳು, ಐತಿಹಾಸಿಕ ಅವಶೇಷಗಳು, ಕಡಲತೀರಗಳು, ಐಷಾರಾಮಿ ಪಾಕಶಾಲೆ ಮತ್ತು ರಾಮಾಯಣ ಮಹಾಕಾವ್ಯದೊಂದಿಗಿನ ಪ್ರಾಚೀನ ಸಂಪರ್ಕಕ್ಕೆ ಹೆಸರುವಾಸಿಯಾದ ಶ್ರೀಲಂಕಾವು ಭಾರತಕ್ಕೆ ಹತ್ತಿರವಿರುವ ದ್ವೀಪ ರಾಷ್ಟ್ರವಾಗಿದೆ. ಇಲ್ಲಿಗೆ ಹೋಗಿ ಬರಲು ನಿಮಗೆ ಅಗತ್ಯವಿರುವ ಎಲ್ಲಾ ಮಾಹಿತಿಗಳನ್ನು ಇಲ್ಲಿ ನೀಡಲಾಗಿದೆ. ಹಾಗಾದರೆ ಇನ್ನೇಕೆ ತಡ ನಿಮ್ಮ ಪ್ರವಾಸವನ್ನು ಆಯೋಜನೆ ಮಾಡಿ.
1 ಲಕ್ಷ ಬಜೆಟ್ನಲ್ಲಿನಲ್ಲಿ ಈ ದ್ವೀಪ ರಾಷ್ಟ್ರಕ್ಕೆ ಹೋಗಬಹುದು.
ಇಲ್ಲಿನ ಪ್ರಮುಖ ನಗರಗಳು: ಕೊಲಂಬೊ, ಕ್ಯಾಂಡಿ ಜಾಫ್ನಾ, ಟ್ರಿಂಕೋಮಲಿ, ಗಾಲೆ, ಅನುರಾಧಪುರ, ಬಟ್ಟಿಕೊಲೊವಾ, ನುವಾರಾ ಎಲಿಯಾ, ನೆಗೊಂಬೊ.
ನೋಡಲೇಬೇಕಾದ ಸ್ಥಳಗಳು: ಆನೆಗಳನ್ನು ನೋಡಲು, ಅನುರಾಧಪುರದ ಪ್ರಾಚೀನ ಅದ್ಭುತಗಳನ್ನು ಅನ್ವೇಷಿಸಲು, ನುವಾರಾ ಎಲಿಯಾದಲ್ಲಿನ ಚಹಾ ಸಾಮ್ರಾಜ್ಯಕ್ಕೆ ಭೇಟಿ ನೀಡಿ, ಶ್ರೀಲಂಕಾದ ರಾಷ್ಟ್ರೀಯ ಉದ್ಯಾನವನಗಳಲ್ಲಿ ಚಿರತೆ ಇನ್ನಿತರ ಪ್ರಾಣಿಗಳನ್ನು ಕಾಣಬಹುದು. ಬುದ್ಧನ ಅವಶೇಷಕ್ಕೆ ಹೆಸರುವಾಸಿಯಾದ ಕ್ಯಾಂಡಿಯನ್ನು ಕೂಡ ಅನ್ವೇಷಿಸಬಹುದು, ವಸಾಹತುಶಾಹಿ ಮೋಡಿಗೆ ಹೆಸರುವಾಸಿಯಾದ ಗೋಡೆಗಳಿಂದ ಕೂಡಿದ ಗಾಲೆ ನಗರಕ್ಕೆ ಭೇಟಿ ನೀಡಿ, ಜಾಫ್ನಾದಲ್ಲಿ ತಮಿಳು ಸಂಸ್ಕೃತಿಯನ್ನು ಅನುಭವಿಸಬಹುದು. ವಿಹಾರಮದೇವಿ ಉದ್ಯಾನವನದಲ್ಲಿ ಪಿಕ್ನಿಕ್ ಮಾಡಬಹುದು, ಆಡಮ್ಸ್ ಶಿಖರವಾದ ಸಿಗಿರಿಯಾದ ಬಂಡೆಯ ಕೋಟೆಯನ್ನು ಕೂಡ ನೋಡಿ ಬರಬಹುದು.
ಇಲ್ಲಿ ತಿನ್ನಲೇಬೇಕಾದ ಆಹಾರ:
• ಶ್ರೀಲಂಕಾದ ಹಾಪರ್ಸ್: ಅಕ್ಕಿ ಹಿಟ್ಟು ಮತ್ತು ತೆಂಗಿನ ಹಾಲಿನ ಹುದುಗಿಸಿದ ಹಿಟ್ಟಿನಿಂದ ತಯಾರಿಸಲಾಗುವ ಹಾಪರ್ ಗಳನ್ನು ಅಪ್ಪಾ ಅಥವಾ ಅಪ್ಪಮ್ ಎಂದೂ ಕರೆಯಲಾಗುತ್ತದೆ.
• ಕೊಟ್ಟು: ಕತ್ತರಿಸಿದ ರೊಟ್ಟಿಯನ್ನು ನಿಮ್ಮ ಆಯ್ಕೆಯ ತರಕಾರಿಗಳು ಅಥವಾ ಮಾಂಸದೊಂದಿಗೆ ಬೆರೆಸಿ ಸೇವನೆ ಮಾಡಬಹುದು.
• ಕಿರಿಬಾತ್: ಹಾಲಿನ ಅನ್ನ
• ಗೋಟು ಕೋಲಾ ಕಂದಾ: ಸೂಪ್, ಅಥವಾ ಒಂದು ರೀತಿಯ ಗಂಜಿ.
• ಸೀನಿ ಸಂಬಲ್: ಮೆಣಸಿನ ಪುಡಿ, ಕತ್ತರಿಸಿದ ಈರುಳ್ಳಿ, ಉಪ್ಪು, ತುರಿದ ತೆಂಗಿನಕಾಯಿ ಮತ್ತು ಮಾಲ್ಡೀವ್ಸ್ ಮೀನುಗಳ ಸಂಯೋಜನೆ.
• ಬೇಳೆ ಪಲ್ಯ: ತೆಂಗಿನ ಹಾಲಿನಲ್ಲಿ ಇತರ ಮಸಾಲೆಗಳೊಂದಿಗೆ ಬೇಯಿಸಿದ ಕೆಂಪು ಬೇಳೆಕಾಳುಗಳು.
• ಲ್ಯಾಂಪ್ರೈಸ್: ಸಾಮಾನ್ಯ ಭಾನುವಾರದ ಊಟ, ಇದು ಡಚ್ ಮಾಂಸ ಭರಿತ ಶ್ರೀಲಂಕಾ ಆವೃತ್ತಿಯಾಗಿದೆ.
• ಮೀನು ಅಂಬುಲ್ ಥಿಯಾಲ್: ಹುಳಿ ಮೀನು ಪಲ್ಯ.
• ವಾಟಾಲಪ್ಪನ್: ಮೊಟ್ಟೆಯ ಕಸ್ಟರ್ಡ್ ಅನ್ನು ಹೋಲುವ ಆಹಾರ.
• ಲವ್ ಕೇಕ್: ಸುವಾಸನೆಯುಕ್ತ ಮಸಾಲೆಗಳು ಮತ್ತು ತೆಂಗಿನ ಹಾಲಿನಿಂದ ತಯಾರಿಸಿದ ಕೇಕ್.
ಇಲ್ಲಿ ಏನನ್ನು ಖರೀದಿಸಬೇಕು: ಚಹಾ, ಬಟ್ಟೆ, ಸಾರಂಗ್, ಕರಕುಶಲ, ಮಸಾಲೆಗಳು, ರತ್ನದ ಕಲ್ಲುಗಳು, ಮರದ ಕರಕುಶಲ ವಸ್ತುಗಳು, ಸಾಂಪ್ರದಾಯಿಕ ಮುಖವಾಡಗಳು.
ಎಲ್ಲಿ ಖರೀದಿಸಬೇಕು: ಪೆಟ್ಟಾ ಮಾರ್ಕೆಟ್, ಗಾಲೆ ಫೇಸ್ ಗ್ರೀನ್ ಮಾರ್ಕೆಟ್, ಲಿಬರ್ಟಿ ಪ್ಲಾಜಾ, ಕ್ರೆಸ್ಕಾಟ್ ಬೌಲೆವಾರ್ಡ್, ಗಾಲೆ ಫೋರ್ಟ್ ಶಾಪಿಂಗ್ ಸ್ಟ್ರೀಟ್, ಕ್ಯಾಂಡಿ ಮಾರ್ಕೆಟ್, ನುವ್ರಾ ಎಲಿಯಾ, ಟೀ ಫ್ಯಾಕ್ಟರಿ ಮಳಿಗೆಗಳು, ಎಲಾ ವಿಲೇಜ್ ಶಾಪಿಂಗ್ ಸೆಂಟರ್, ನೆಗೊಂಬೊ ಮೀನು ಮಾರುಕಟ್ಟೆ.
ಇದನ್ನೂ ಓದಿ: ಭಾರತದಲ್ಲಿ ಗೂಗಲ್ ಅಣ್ಣನಲ್ಲಿ ಕೇಳಿದ ಟಾಪ್ 10 ಪಾಕವಿಧಾನಗಳು
ಲಭ್ಯವಿರುವ ವಿವಿಧ ರೀತಿಯ ಪ್ಯಾಕೇಜುಗಳು:
• ಶ್ರೀಲಂಕಾ – ಬೆಂಟೋಟಾ ವಿತ್ ಕೊಲಂಬೊ (3 ರಾತ್ರಿಗಳು / 4 ಹಗಲು): 19,000+ ರೂ.: thomascook.in ನಲ್ಲಿ
• ಶ್ರೀಲಂಕಾ – ಏಷ್ಯಾದ ಅದ್ಭುತಗಳು (6 ರಾತ್ರಿಗಳು / 7 ದಿನಗಳು): ₹ 51,000+: thomascook.in ನಲ್ಲಿ
• ಶ್ರೀಲಂಕಾ – ಶ್ರೀ ರಾಮಾಯಣ ಅನಂತ ಯಾತ್ರೆ (5 ರಾತ್ರಿಗಳು / 6 ಹಗಲುಗಳು): 40,000+ ರೂ.: thomascook.in ನಲ್ಲಿ
• ಶ್ರೀಲಂಕಾ – ಬೆಂಟೋಟಾ – ಕ್ಯಾಂಡಿ- ಕೊಲಂಬೊ (5 ರಾತ್ರಿಗಳು / 6 ದಿನಗಳು): 55,000+ ರೂ.: makemytrip.com ನಲ್ಲಿ
• ಕೊಲಂಬೊ ಮತ್ತು ಕ್ಯಾಂಡಿ: (3 ರಾತ್ರಿಗಳು / 4 ದಿನಗಳು): 19,000+ ರೂ.: sotc.in ನಲ್ಲಿ
• ಶ್ರೀಲಂಕಾ ಫೋರ್ಟ್ ಟೌನ್ ಪ್ರವಾಸ (4 ರಾತ್ರಿಗಳು / 5 ದಿನಗಳು): ₹ 44,000+.: cleartrip.com ನಲ್ಲಿ
ರಿಟರ್ನ್ ಫ್ಲೈಟ್ (Economy): ಮುಂಬೈ- ಕೊಲಂಬೊ- ಮುಂಬೈ ರಿಟರ್ನ್ ವಿಮಾನವು 27,000+ ರೂ.ಗಳಿಂದ ಪ್ರಾರಂಭವಾಗುತ್ತದೆ. ಚೆನ್ನೈ-ಕೊಲಂಬೊ -ಚೆನ್ನೈ ವಿಮಾನಗಳು ಅಗ್ಗವಾಗಿದ್ದು, 18,000+ ರೂ.ಗಳಿಂದ ಪ್ರಾರಂಭವಾಗುತ್ತವೆ.
ವೀಸಾ: ಭಾರತೀಯ ಪ್ರಜೆಗಳು ವೀಸಾ ಮುಕ್ತವಾಗಿ ಪ್ರವೇಶಿಸಬಹುದು ಮತ್ತು 30 ದಿನಗಳವರೆಗೆ ಉಳಿಯಬಹುದು.
ಕರೆನ್ಸಿ: ಶ್ರೀಲಂಕಾ 1 ರೂಪಾಯಿ ಭಾರತದ 0.26 ರೂ. ಗೆ ಸಮ.
ಭಾಷೆ: ಶ್ರೀಲಂಕಾದ ಪ್ರಮುಖ ಭಾಷೆಗಳೆಂದರೆ ಸಿಂಹಳ ಮತ್ತು ತಮಿಳು. ಆದರೆ ಹೋಟೆಲ್/ ಪ್ರವಾಸೋದ್ಯಮ ಕ್ಷೇತ್ರಕ್ಕೆ ಸಂಬಂಧಿಸಿದ ಹೆಚ್ಚಿನ ಜನರು ಇಂಗ್ಲೀಷ್ ಮಾತನಾಡುತ್ತಾರೆ.
ಸ್ಥಳೀಯ ಸಾರಿಗೆ:
ಟ್ಯಾಕ್ಸಿಗಳು: ಐಷಾರಾಮಿ ಕಾರುಗಳಿಂದ ಟಾಟಾ ನ್ಯಾನೋವರೆಗೆ ಹಲವಾರು ಟ್ಯಾಕ್ಸಿ ಸೇವೆಗಳು ಶ್ರೀಲಂಕಾದಲ್ಲಿ ಕಾರ್ಯ ನಿರ್ವಹಿಸುತ್ತವೆ. ಇಲ್ಲಿ ಕೆಂಪು, ಹಳದಿ ಮತ್ತು ಬಿಳಿ ಬಣ್ಣದ ಮಿನಿ ಟ್ಯಾಕ್ಸಿಗಳನ್ನು ನೀವು ಸುಲಭವಾಗಿ ಗುರುತಿಸಬಹುದು.
ಬೈಸಿಕಲ್: ನೀವು ಕ್ಲೀನ್ ಸಿಟಿ ಸೈಕಲ್ ಕ್ಲಬ್ ಮೂಲಕ ಬೈಸಿಕಲ್ ಗಳನ್ನು ಕಾಯ್ದಿರಿಸಬಹುದು.
ಎಕ್ಸ್ ಪೋ ರೈಲು: ಎಕ್ಸ್ ಪೋ ರೈಲು ಈ ರೀತಿಯ ಮೊದಲ ಐಷಾರಾಮಿ ರೈಲು, ಇದು ಈಗ 60 ಕ್ಕೂ ಹೆಚ್ಚು ಪ್ರಮುಖ ಸ್ಥಳಗಳನ್ನು ಒಳಗೊಂಡ ನಾಲ್ಕು ಪ್ರಮುಖ ಮಾರ್ಗಗಳಲ್ಲಿ ಕಾರ್ಯನಿರ್ವಹಿಸುತ್ತದೆ.
ಏರ್ ಟ್ಯಾಕ್ಸಿಗಳು: ಶ್ರೀಲಂಕಾ ಏರ್ಲೈನ್ಸ್ ಏರ್ ಟ್ಯಾಕ್ಸಿ ಸೇವೆಯು ದ್ವೀಪದಾದ್ಯಂತ ಹೆಚ್ಚಿನ ಜನಪ್ರಿಯ ಸ್ಥಳಗಳಿಗೆ ತ್ವರಿತ ಪ್ರಯಾಣವನ್ನು ನೀಡುತ್ತದೆ. ಈ ಸೇವೆಯು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ನಿಮಗೆ ಹೋಗಬೇಕಾದ ತಾಣಕ್ಕೆ ಸಂಪರ್ಕಿಸುವ ವಿಮಾನವಾಗಿಯೂ ಲಭ್ಯವಿದೆ.
ಎಸ್ಎಲ್ಟಿಬಿ ಎಕ್ಸ್ಪ್ರೆಸ್ ಶ್ರೀಲಂಕಾದಾದ್ಯಂತ ಪ್ರಯಾಣಿಕರ ಸಾರಿಗೆ ಸೇವೆಗಳನ್ನು ಕಾಯ್ದಿರಿಸುವ ಆನ್ಲೈನ್ ಪೋರ್ಟಲ್ ಆಗಿದೆ. 24×7 ಬಸ್ ಸೀಟುಗಳನ್ನು ಕಾಯ್ದಿರಿಸಲು busbooking.lk ಬಳಸಿ.
ವೈ-ಫೈ: ಹೆಚ್ಚಿನ ಹೋಟೆಲ್ ಗಳು, ರೆಸ್ಟೋರೆಂಟ್ ಗಳು, ಕೆಫೆಗಳು ಉಚಿತ ವೈಫೈ ಹೊಂದಿವೆ. 30 ದಿನಗಳವರೆಗೆ ಮಾನ್ಯವಾಗಿರುವ ಮೊಬಿಟೆಲ್ ಪ್ರವಾಸಿ ಸಿಮ್ ಪ್ಯಾಕೇಜ್ ಗಳನ್ನು ನೀವು ಖರೀದಿಸಬಹುದು.
ಭದ್ರತೆ/ ಸುರಕ್ಷತಾ ಸಲಹೆಗಳು:
• ಎಲ್ಲಾ ಕಡೆಗಳಲ್ಲಿಯೂ ನಿಮ್ಮ ಅಧಿಕೃತ ಗುರುತಿನ ಚೀಟಿಯನ್ನು ಒಯ್ಯಬೇಕು. ಇಲ್ಲಿ ಪಾಸ್ಪೋರ್ಟ್ ಅನ್ನು ಎಲ್ಲಾ ಕಡೆಗಳಲ್ಲಿಯೂ ಸ್ವೀಕರಿಸಲಾಗುತ್ತದೆ.
• ಜನದಟ್ಟಣೆಯ ಸ್ಥಳಗಳು ಮತ್ತು ಅಲ್ಲಲ್ಲಿ ನಡೆಯುವ ಪ್ರದರ್ಶನಗಳನ್ನು ಆದಷ್ಟು ತಪ್ಪಿಸಿ.
• ದ್ವಿಚಕ್ರ ವಾಹನಗಳಲ್ಲಿ ಸರಗಳ್ಳರು ಬಹಳ ಸಾಮಾನ್ಯ. ನಿಮ್ಮ ನಗದು, ಪ್ರಮುಖ ದಾಖಲೆಗಳನ್ನು ಭದ್ರವಾಗಿ ಇಟ್ಟುಕೊಳ್ಳಿ ನೀವು ಇದರಿಂದ ಪಾರಾಗಲು ಕ್ರಾಸ್- ಬಾಡಿ ಬ್ಯಾಗ್ ಧರಿಸಿ.
• ವಹಿವಾಟಿನ ಸಮಯದಲ್ಲಿ ನಿಮ್ಮ ಕ್ರೆಡಿಟ್ /ಡೆಬಿಟ್ ಕಾರ್ಡ್ ಅನ್ನು ಭದ್ರವಾಗಿ ಇಟ್ಟುಕೊಳ್ಳಿ.
• ಬ್ಯಾಂಕ್ ಅಥವಾ ಪ್ರಮುಖ ಹೋಟೆಲ್ಗಳಿಗೆ ಜೋಡಿಸಲಾದ ಎಟಿಎಂಗಳನ್ನು ಮಾತ್ರ ಬಳಸಿ.
• ಅಪರಿಚಿತರಿಂದ ಪಾನೀಯಗಳನ್ನು ಸ್ವೀಕರಿಸಬೇಡಿ. ಇಲ್ಲಿ ಪಾನೀಯ ಸ್ಪೈಕಿಂಗ್ ಸಾಮಾನ್ಯವಾಗಿದೆ.
• ಸಾಮಾನ್ಯವಾಗಿ ಧಾರ್ಮಿಕ ರಜಾ ದಿನಗಳಲ್ಲಿ ಆಲ್ಕೋಹಾಲ್ ಲಭ್ಯವಿರುವುದಿಲ್ಲ.
• ಮಾದಕವಸ್ತು ಅಪರಾಧಗಳು, ಭಯೋತ್ಪಾದನೆ ಮತ್ತು ಇತರ ಎಲ್ಲಾ ಗಂಭೀರ ಅಪರಾಧಗಳಿಗೆ ಕಠಿಣ ದಂಡಗಳಿವೆ.
• ಸರ್ಕಾರಿ ಕಟ್ಟಡಗಳು, ವಿಐಪಿಗಳು ಅಥವಾ ಮಿಲಿಟರಿ ನೆಲೆಗಳು ಬಳಸುವ ವಾಹನಗಳನ್ನು ನೋಡಲು, ಛಾಯಾಚಿತ್ರಗಳನ್ನು ತೆಗೆದುಕೊಳ್ಳಲು ಅಥವಾ ಡ್ರೋನ್ಗಳನ್ನು ಹಾರಿಸಲು ಬೈನಾಕ್ಯುಲರ್ ಬಳಸಬೇಡಿ.
ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
