ಪೋಕ್ಸೋ ಕಾಯಿದೆಯಡಿ ಒಪ್ಪಿಗೆಯ ವಯಸ್ಸು ಬದಲಾವಣೆ ಬೇಡ: ಕಾನೂನು ಆಯೋಗ ಸಲಹೆ

ದೆಹಲಿ ಸೆಪ್ಟೆಂಬರ್ 29: ಲೈಂಗಿಕ ಅಪರಾಧಗಳಿಂದ ಮಕ್ಕಳ ರಕ್ಷಣೆ (Pocso) ಕಾಯಿದೆಯಡಿ ಅಸ್ತಿತ್ವದಲ್ಲಿರುವ ಕನಿಷ್ಠ ಒಪ್ಪಿಗೆಯ ವಯಸ್ಸಿನೊಂದಿಗೆ ಬದಲಾವಣೆ ಮಾಡದಂತೆ 22ನೇ ಕಾನೂನು ಆಯೋಗವು (22nd Law Commission)ಸರ್ಕಾರಕ್ಕೆ ಸಲಹೆ ನೀಡಿದೆ ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ. ಕೇಂದ್ರ ಕಾನೂನು ಸಚಿವಾಲಯಕ್ಕೆ ನೀಡಿದ ವರದಿಯಲ್ಲಿ ಸಮಿತಿಯು 16-18 ವಯಸ್ಸಿನ ಬ್ರಾಕೆಟ್‌ನಲ್ಲಿರುವ ಮಕ್ಕಳ ಮೌನ ಅನುಮೋದನೆಯನ್ನು ಒಳಗೊಂಡ ಪ್ರಕರಣಗಳಲ್ಲಿ ಶಿಕ್ಷೆಯ ವಿಷಯದಲ್ಲಿ ಮಾರ್ಗದರ್ಶಿ ನ್ಯಾಯಾಂಗ ವಿವೇಚನೆಯನ್ನು ಪರಿಚಯಿಸಲು ಸಲಹೆ ನೀಡಿದೆ ಎಂದು ಪಿಟಿಐ ತಿಳಿಸಿದೆ.

ಭಾರತದಲ್ಲಿ ಪ್ರಸ್ತುತ ಒಪ್ಪಿಗೆಯ ವಯಸ್ಸು 18 ಆಗಿದೆ.

ರಿತು ರಾಜ್ ಅವಸ್ತಿ ನೇತೃತ್ವದ ಸಮಿತಿಯು ಕೇಂದ್ರ ಕಾನೂನು ಸಚಿವಾಲಯಕ್ಕೆ ಎರಡು ವರದಿಗಳನ್ನು ಸಲ್ಲಿಸಿದೆ. ಇದರಲ್ಲಿ ಒಂದು ಪೋಕ್ಸೋ ಕಾಯ್ದೆಯಡಿ ಒಪ್ಪಿಗೆಯ ಕನಿಷ್ಠ ವಯಸ್ಸಿನ ಬಗ್ಗೆ ಮತ್ತು ಇನ್ನೊಂದು ಮೊದಲ ಮಾಹಿತಿ ವರದಿಗಳ (ಎಫ್‌ಐಆರ್‌ಗಳು) ಆನ್‌ಲೈನ್ ಫೈಲಿಂಗ್ ಬಗ್ಗೆ ಇರುವುದಾಗಿದೆ.

ಸಮಿತಿಯು 16 ರಿಂದ 18 ವರ್ಷದೊಳಗಿನ ಮಕ್ಕಳ ಮೌನ ಅನುಮೋದನೆಯನ್ನು ಒಳಗೊಂಡ ಪ್ರಕರಣಗಳಲ್ಲಿ ಪರಿಸ್ಥಿತಿಯನ್ನು ನಿವಾರಿಸಲು ಶಾಸನದಲ್ಲಿ ತಿದ್ದುಪಡಿಗಳನ್ನು ಸೂಚಿಸಿದರೆ, ಒಪ್ಪಿಗೆಯ ಕನಿಷ್ಠ ವಯಸ್ಸಿನ್ನು ತಿದ್ದುಪಡಿ ಮಾಡದಂತೆ ಶಿಫಾರಸು ಮಾಡಿದೆ. ಒಪ್ಪಿಗೆಯ ವಯಸ್ಸನ್ನು ಕಡಿಮೆ ಮಾಡುವುದರಿಂದ ಬಾಲ್ಯವಿವಾಹ ಮತ್ತು ಮಕ್ಕಳ ಕಳ್ಳಸಾಗಣೆ ವಿರುದ್ಧದ ಹೋರಾಟದ ಮೇಲೆ ನೇರ ಮತ್ತು ಋಣಾತ್ಮಕ ಪರಿಣಾಮ ಬೀರುತ್ತದೆ ಎಂದು ಅದು ವಾದಿಸಿದೆ.

ಇದನ್ನೂ ಓದಿ:  ಕಾಂಗ್ರೆಸ್ ಮತ್ತು ಇತರ ಪಕ್ಷಗಳೊಂದಿಗೆ ಮಾತಾಡುವೆ: ಇಂಡಿಯಾದಲ್ಲಿನ ಭಿನ್ನಾಭಿಪ್ರಾಯ ಬಗ್ಗೆ ಶರದ್ ಪವಾರ್

ಪೋಕ್ಸೋ ಅಡಿಯಲ್ಲಿ ಒಪ್ಪಿಗೆಯ ವಯಸ್ಸಿನ ಬಗ್ಗೆ ಆಗುತ್ತಿರುವ ಚರ್ಚೆಯ ನಡುವೆ ಈ ಬೆಳವಣಿಗೆಯು ಸಂಭವಿಸಿದೆ. ಕಳೆದ ಕೆಲವು ವರ್ಷಗಳಲ್ಲಿ, ಹದಿಹರೆಯದವರ ನಡುವಿನ ಒಮ್ಮತದ ಸಂಬಂಧಗಳು ಮಕ್ಕಳನ್ನು ಲೈಂಗಿಕ ದೌರ್ಜನ್ಯದಿಂದ ರಕ್ಷಿಸುವ 2012 ರ ಕಠಿಣ ಕಾನೂನಿನ ಅಡಿಯಲ್ಲಿ ಅಪರಾಧೀಕರಣಗೊಳ್ಳುತ್ತಿವೆ ಎಂದು ಹಲವಾರು ಉಚ್ಚ ನ್ಯಾಯಾಲಯಗಳು ಕಳವಳ ವ್ಯಕ್ತಪಡಿಸಿವೆ.

ಡಿಸೆಂಬರ್ 2022 ರಲ್ಲಿ, ಭಾರತದ ಮುಖ್ಯ ನ್ಯಾಯಮೂರ್ತಿ ಡಿವೈ ಚಂದ್ರಚೂಡ್ ಅವರು ಒಪ್ಪಿಗೆಯ ಲೈಂಗಿಕ ಚಟುವಟಿಕೆಯಲ್ಲಿ ತೊಡಗಿರುವ ಹದಿಹರೆಯದವರ ಅಪರಾಧೀಕರಣದ ಬಗ್ಗೆ “ಬೆಳೆಯುತ್ತಿರುವ ಕಾಳಜಿ” ಯನ್ನು ಪರಿಶೀಲಿಸಲು ಹೇಳಿದ್ದರು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ