ಅಶ್ಲೀಲ​ ವಿಡಿಯೋ ಶೂಟ್​ ಮಾಡಿ, ವೆಬ್​​ಸೈಟ್​ಗೆ ಅಪ್​ಲೋಡ್ ಮಾಡುತ್ತಿದ್ದ ನಟಿ ಬಂಧನ

ಮುಂಬೈ: ಗಂಧಿ ಬಾತ್​ ಖ್ಯಾತಿಯ ನಟಿ ಗೆಹಾನಾ ವಸಿಷ್ಠ ಅವರನ್ನು ಮುಂಬೈ ಕ್ರೈಂ ಬ್ರ್ಯಾಂಚ್​ ಪೊಲೀಸರು ಬಂಧಿಸಿದ್ದಾರೆ. ಅಶ್ಲೀಲ (ಪಾರ್ನ್) ವಿಡಿಯೋಗಳನ್ನು ಚಿತ್ರೀಕರಿಸಿ, ವೆಬ್​ಸೈಟ್​ನಲ್ಲಿ ಅಪ್​ಲೋಡ್ ಮಾಡುತ್ತಿದ್ದ ಆರೋಪದಡಿ ಗೆಹಾನಾ ಅರೆಸ್ಟ್​ ಆಗಿದ್ದಾರೆ.

ಗೆಹಾನಾ ವಸಿಷ್ಠರ ನಿಜವಾದ ಹೆಸರು ವಂದನಾ ತಿವಾರಿ. ಇವರು ಗಂಧಿ ಬಾತ್ ವೆಬ್​ ಸೀರಿಸ್​ ಮೂಲಕ ಖ್ಯಾತಿ ಪಡೆದಿದ್ದು, ಮಿಸ್ ಏಷ್ಯಾ ಬಿಕನಿ ವಿನ್ನರ್​ ಕೂಡ ಹೌದು. ಕೆಲವು ಹಿಂದಿ, ತೆಲುಗು ಸಿನಿಮಾಗಳಲ್ಲಿ, ಜಾಹೀರಾತುಗಳಲ್ಲಿ ನಟಿಸಿದ್ದಾರೆ.

ಗೆಹಾನಾರ ವೆಬ್​ಸೈಟ್​ನಲ್ಲಿ ಸುಮಾರು 87 ಪೋರ್ನ್​ ವಿಡಿಯೋಗಳು ಇದ್ದವು. ಈ ವೆಬ್​ಸೈಟ್​ ಸಬ್​ಸ್ಕ್ರೈಬ್​ ಆಗಲು ₹ 2000 ನಿಗದಿಪಡಿಸಲಾಗಿತ್ತು. ಗೆಹಾನಾ ವಾಸವಾಗಿದ್ದ ಮದ್​ ಐಲೆಂಡ್ ಬಂಗಲೆಯ ಮೇಲೆ ಕ್ರೈಂ ವಿಭಾಗದ ಪೊಲೀಸರು ದಾಳಿ ನಡೆಸಿದ್ದರು.

ಈ ಕೆಲಸದಲ್ಲಿ ಗೆಹಾನಾ ಜತೆ ಪಾಲುದಾರರಾಗಿದ್ದ ಯಾಸ್ಮಿನ್​ ಬೇಗ್​ ಖಾನ್​ (ನಿರ್ದೇಶಕಿ, ನಿರ್ಮಾಪಕಿ), ಪ್ರತಿಭಾ ನಲವಾಡೆ (ಗ್ರಾಫಿಕ್ ಡಿಸೈನರ್​), ಮೋನು ಗೋಪಾಲದಾಸ್​ ಜೋಶಿ (ನಟ), ಭಾನುಸೂರ್ಯಂ ಠಾಕೂರ್​ (ಅಸಿಸ್ಟಂಟ್​) ಮತ್ತು ಮೊಹಮ್ಮದ್​ ಆಸಿಫ್​ರನ್ನೂ (ಕ್ಯಾಮರಾಮೆನ್​) ರನ್ನೂ ಪೊಲೀಸರು ಬಂಧಿಸಿದ್ದಾರೆ. ಇವರಿಗೆ ಸಂಬಂಧಪಟ್ಟಂತೆ ಮೂರು ಬ್ಯಾಂಕ್​ ಅಕೌಂಟ್​​ಗಳಲ್ಲಿ ಇದ್ದ ₹ 36 ಲಕ್ಷ ವಶಪಡಿಸಿಕೊಂಡಿದ್ದಾರೆ.