Watch ರೈಲಿನ ಕಿಟಕಿ ಮೂಲಕ ಫೋನ್ ಕಸಿಯಲೆತ್ನಿಸಿದವನ ಕೈ ಹಿಡಿದೆಳೆದ ಪ್ರಯಾಣಿಕ; ಬಿಹಾರದಲ್ಲಿ ಕಳ್ಳನಿಗೆ ತಕ್ಕ ಶಾಸ್ತಿ

ಪಾಟ್ನಾ: ರೈಲು ಪ್ರಯಾಣಿಕರ ಬಳಿಯಿಂದ ಕಿಟಕಿಯ ಮೂಲಕ ಮೊಬೈಲ್ ಫೋನ್ ಕಸಿದುಕೊಳ್ಳಲು ವ್ಯಕ್ತಿಯೊಬ್ಬ ಯತ್ನಿಸಿದ್ದು ಈ ಕೃತ್ಯ ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಸೆಪ್ಟೆಂಬರ್ 14 ರಂದು ಈ ಘಟನೆ ಬಿಹಾರದಲ್ಲಿ (Bihar) ನಡೆದಿದ್ದು, ಮೊಬೈಲ್ ಚೋರ ಪ್ರಯಾಣಿಕನ ಮೊಬೈಲ್ ಕಸಿಯಲು ಯತ್ನಿಸಿದ್ದಾನೆ. ರೈಲು ಬೇಗುಸರಾಯ್‌ನಿಂದ ಖಗರಿಯಾಗೆ ಹೋಗುತ್ತಿದ್ದಾಗ ಸಾಹೇಬ್‌ಪುರ ಕಮಲ್ ನಿಲ್ದಾಣದ ಬಳಿ ವ್ಯಕ್ತಿಯೊಬ್ಬ ಮೊಬೈಲ್ ಕಸಿಯಲು ರೈಲಿನ ಕಿಟಕಿಯೊಳಗೆ ಕೈ ಹಾಕಿದ್ದಾನೆ. ಆದರೆ ಎಚ್ಚೆತ್ತ ಪ್ರಯಾಣಿಕರು ಅವನ ಕೈಯನ್ನು ಹಿಡಿದುಕೊಂಡನು. ಆಮೇಲೆ ಅವನ ಎರಡೂ ಕೈಗಳನ್ನು ಹಿಡಿದುಕೊಂಡಿದ್ದು ಆತ ಕಿಟಕಿಯಲ್ಲಿ ನೇತಾಡುವಂತೆ ಮಾಡಿದರು. ರೈಲು ಚಲಿಸುತ್ತಿದ್ದಂತೆ ಆತ ಕೈ ಬಿಡುವಂತೆ ಮನವಿ ಮಾಡಿದನು. ರೈಲು ಸ್ವಲ್ಪ ದೂರ ಪ್ರಯಾಣಿಸಿದ ನಂತರ ಪ್ರಯಾಣಿಕರು ಆತನ ಕೈ ಬಿಟ್ಟಿದ್ದಾರೆ.

ಸುಮಾರು 10 ಕಿಮಿಗಳಷ್ಟು ದೂರ ಆತ ರೈಲಿನ ಕಿಟಕಿ ಬದಿಯಲ್ಲಿ ನೇತಾಡುತ್ತಾ ಪ್ರಯಾಣಿಸಿದ್ದಾನೆ. ಕೊನೆಗೆ ಖಗರಿಯಾ ಬಳಿ ಬಂದಾಗ ಆತನನ್ನು ಬಿಡಲಾಯಿತು. ತಕ್ಷಣವೇ ಆತ ಓಡಿ ಹೋಗಿದ್ದಾನೆ ಎಂದು ಸ್ಥಳೀಯರು ಹೇಳಿದ್ದಾರೆ. ಪೊಲೀಸರು ಈ ಬಗ್ಗೆ ಕ್ರಮ ಕೈಗೊಂಡಿದ್ದಾರೆಯೇ ಎಂಬ ಬಗ್ಗೆ ಇನ್ನೂ ಮಾಹಿತಿ ಲಭ್ಯವಾಗಿಲ್ಲ ಎಂದು ಎನ್​​ಡಿಟಿವಿ ವರದಿ ಮಾಡಿದೆ.

Though #unverified yet chilling. A mobile snatcher caught in a moving train when his failed attempt probably led to his worst day of life. The thief was hung by a window in a moving train from Begusarai to Khagaria. The passengers handed him over to GRP. IS this act justified? pic.twitter.com/o3ja5qWggi

— Kumar Saurabh Singh Rathore (@JournoKSSR) September 15, 2022

ಈ ಕಳ್ಳ ತಪ್ಪಿಸಿಕೊಂಡಿದ್ದು, ಜೂನ್‌ನಲ್ಲಿ ಇಂತದ್ದೇ ವಿಡಿಯೊವೊಂದು ವೈರಲ್ ಆಗಿತ್ತು. ಆ ವಿಡಿಯೊದಲ್ಲಿದ್ದ ಕಳ್ಳ ತುಂಬಾನೇ ವೇಗವಾಗಿದ್ದ. ಆತನನ್ನು ಜನರು ಹೊಸ ಸ್ಪೈಡರ್ ಮ್ಯಾನ್ ಎಂದಿದ್ದರು. ಬಿಹಾರದ ರೈಲಿನೊಳಗಿಂದ ಚಿತ್ರೀಕರಿಸಲಾದ ಆ ವಿಡಿಯೊದಲ್ಲಿ ಸೇತುವೆಯ ಮೇಲೆ ಕುಳಿತಿದ್ದ ವ್ಯಕ್ತಿ ಕಿಟಕಿಯ ಮೂಲಕ ಪ್ರಯಾಣಿಕರೊಬ್ಬರ ಕೈಚೀಲವನ್ನು ಕಸಿಯುವುದನ್ನು ತೋರಿಸುತ್ತದೆ. ಜೂನ್‌ನಲ್ಲಿ, ಇದೇ ರೀತಿಯ ಕಸಿದುಕೊಳ್ಳುವ ಪ್ರಯತ್ನವು ಬಿಹಾರದ ಕತಿಹಾರ್ ರೈಲು ನಿಲ್ದಾಣದ ಬಳಿ ನಡೆದಿತ್ತು. ಈ ಮಹಿಳಾ ಪೊಲೀಸ್ ಗಂಭೀರ ಗಾಯಗೊಂಡಿದ್ದರು. ನಾವಡಾದಲ್ಲಿ ನಿಯೋಜಿಸಲಾದ ಪೊಲೀಸ್ ಸಿಬ್ಬಂದಿ ಆರತಿ ಕುಮಾರಿ ತನ್ನ ಮೊಬೈಲ್ ಫೋನ್ ಅನ್ನು ಕೈಯಲ್ಲಿ ಹಿಡಿದುಕೊಂಡು ಬಾಗಿಲಿನ ಹತ್ತಿರ ನಿಂತಿದ್ದಾಗ ನಿಲ್ದಾಣದ ಬಳಿ ರೈಲು ನಿಧಾನಗೊಂಡಾಗ ಆಕೆಯ ಮೊಬೈಲ್ ಹಿಡಿದೆಳೆದಿದ್ದಾರೆ. ಆಕೆ ಹಿಡಿತ ಬಿಡದೇ ಇದ್ದಾಗ ಆ ವ್ಯಕ್ತಿಗಳು ಆಕೆಯನ್ನು ರೈಲಿನಿಂದ ಹೊರಗೆಳೆದಿದ್ದರು.