ಮಧ್ಯಪ್ರದೇಶ, ಛತ್ತೀಸ್​​ಗಢ ವಿಧಾನಸಭೆ ಚುನಾವಣೆ: ಬಿಜೆಪಿ ಅಭ್ಯರ್ಥಿಗಳ ಮೊದಲ ಪಟ್ಟಿ ಬಿಡುಗಡೆ

ದೆಹಲಿ: ಮಧ್ಯಪ್ರದೇಶ (Madhya Pradesh), ಛತ್ತೀಸ್​​ಗಢ  (Chhattisgarh)ವಿಧಾನಸಭೆ ಚುನಾವಣೆಗೆ ಬಿಜೆಪಿ (BJP) ಸಿದ್ಧತೆ ನಡೆಸಿದ್ದು ಇಂದು (ಗುರುವಾರ)ಈ ಎರಡು ರಾಜ್ಯಗಳಲ್ಲಿ ಸ್ಪರ್ಧಿಸಲಿರುವ ಅಭ್ಯರ್ಥಿಗಳ ಮೊದಲ ಪಟ್ಟಿ ಬಿಡುಗಡೆ ಮಾಡಿದೆ. ಮಧ್ಯಪ್ರದೇಶದಲ್ಲಿ 39 ಅಭ್ಯರ್ಥಿಗಳು ಮತ್ತು ಛತ್ತೀಸ್​​ಗಢದಲ್ಲಿ 21 ಅಭ್ಯರ್ಥಿಗಳ ಪಟ್ಟಿಯನ್ನು ಬಿಜೆಪಿ ಹೈಕಮಾಂಡ್ ಬಿಡುಗಡೆ ಮಾಡಿದೆ. ಈ ಪಟ್ಟಿಯಲ್ಲಿ ಐವರು ಮಹಿಳಾ ಅಭ್ಯರ್ಥಿಗಳೂ ಇದ್ದಾರೆ. ದೆಹಲಿಯಲ್ಲಿ ನಿನ್ನೆ ಕೇಂದ್ರ ಬಿಜೆಪಿ ಚುನಾವಣಾ ಸಮಿತಿ ಸಭೆ ನಡೆದಿದ್ದು, ಈ ಸಭೆಯಲ್ಲಿ ಅಭ್ಯರ್ಥಿಗಳ ಆಯ್ಕೆ ಸಂಬಂಧ ಚರ್ಚೆ ನಡೆಸಲಾಗಿತ್ತು.

ಬಿಜೆಪಿಯ ಕೇಂದ್ರ ಚುನಾವಣಾ ಸಮಿತಿಯು ಎರಡು ರಾಜ್ಯಗಳಲ್ಲಿ ಪಕ್ಷದ ಚುನಾವಣಾ ಸಿದ್ಧತೆಗಳನ್ನು ಪರಿಶೀಲಿಸಿದ ಒಂದು ದಿನದ ನಂತರ ಈ ಘೋಷಣೆ ಬಂದಿದೆ. ಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮತ್ತು ಪಕ್ಷದ ಇತರ ಹಿರಿಯ ನಾಯಕರು ಭಾಗವಹಿಸಿದ್ದರು.

भारतीय जनता पार्टी केन्द्रीय चुनाव समिति की बैठक भाजपा राष्ट्रीय अध्यक्ष श्री @JPNadda की अध्यक्षता में कल दिनांक 16.08.2023 को संपन्न हुई।

केन्द्रीय चुनाव समिति ने छत्तीसगढ़ एवं मध्य प्रदेश में होने वाले आगामी विधानसभा चुनाव 2023 के लिए निम्नलिखित नामों पर अपनी स्वीकृति प्रदान… pic.twitter.com/SxDPiWW44d

— BJP (@BJP4India) August 17, 2023

ಮೂಲಗಳ ಪ್ರಕಾರ, ಪಿಎಂ ಮೋದಿ ಅವರು ಅಭ್ಯರ್ಥಿಗಳ ಮೊದಲ ಪಟ್ಟಿಯನ್ನು ಶೀಘ್ರಗಿ ಘೋಷಿಸುವಂತೆ ಬಿಜೆಪಿಯ ಹಿರಿಯ ಅಧಿಕಾರಿಗಳಿಗೆ ಸೂಚಿಸಿದ್ದು, ಇದರಿಂದಾಗಿ ಚುನಾವಣೆಗಾಗಿ ಕೆಲಸ ಮಾಡಲು ಸಾಕಷ್ಟು ಸಮಯ ಸಿಗುತ್ತದೆ ಎಂದು ಹೇಳಿದ್ದಾರೆ.

ಮಧ್ಯಪ್ರದೇಶದಲ್ಲಿ ಬಿಜೆಪಿಯು ಸಬಲ್‌ಗಢದಿಂದ ಸರಳಾ ವಿಜೇಂದ್ರ ರಾವತ್, ಚಚೌರಾದಿಂದ ಪ್ರಿಯಾಂಕಾ ಮೀನಾ, ಛತ್ತರ್‌ಪುರದಿಂದ ಲಲಿತಾ ಯಾದವ್, ಜಬಲ್‌ಪುರ ಪುರ್ಬಾದಿಂದ ಅಂಚಲ್ ಸೋಂಕರ್ (ಎಸ್‌ಸಿ), ಪೆಟ್ಲವಾಡ್‌ನಿಂದ ನಿರ್ಮಲಾ ಭುರಿಯಾ, ಜಬುವಾದಿಂದ (ಎಸ್‌ಟಿ) ಭಾನು ಭುರಿಯಾ, ಭೋಪಾಲ್‌ ಉತ್ತರದಿಂದ ಅಲೋಕ್ ಶರ್ಮಾ, ಭೋಪಾಲ್ ಸೆಂಟ್ರಲ್​​ನಿಂದ ಧ್ರುವ ನಾರಾಯಣ್ ಸಿಂಗ್ ಕಣಕ್ಕಿಳಿಯಲಿದ್ದಾರೆ.

ಛತ್ತೀಸ್‌ಗಢದಲ್ಲಿ ಪಟಾನ್‌ನಿಂದ ಲೋಕಸಭಾ ಸಂಸದ ವಿಜಯ್ ಬಾಘೇಲ್, ಪ್ರೇಮ್‌ನಗರದಿಂದ ಭುಲನ್ ಸಿಂಗ್ ಮರಾವಿ, ಭಟಗಾಂವ್‌ನಿಂದ ಲಕ್ಷ್ಮಿ ರಾಜ್‌ವಾಡೆ, ಪ್ರತಾಪುರ್‌ನಿಂದ ಶಕುಂತಲಾ ಸಿಂಗ್ ಪೋರ್ಥೆ (ಎಸ್‌ಟಿ), ಸರೈಪಾಲಿಯಿಂದ ಸರ್ಲಾ ಕೊಸಾರಿಯಾ (ಎಸ್‌ಸಿ), ಖಲ್ಲಾರಿಯಿಂದ ಅಲ್ಕಾ ಚಂದ್ರಾಕರ್, ಖುಜ್ಜಿಯಿಂದ ಗೀತಾ ಘಾಸಿ ಸಾಹು ಮತ್ತು ಬಸ್ತಾರ್‌ನಿಂದ (ST) ಮಣಿರಾಮ್ ಕಶ್ಯಪ್ ಅವರನ್ನು ಬಿಜೆಪಿ ಚುನಾವಣಾ ಸ್ಪರ್ಧೆಗಿಳಿಸಿದೆ.

ಅಭ್ಯರ್ಥಿಗಳ ಮೊದಲ ಪಟ್ಟಿಯನ್ನು ಇಷ್ಟು ಬೇಗ ಘೋಷಿಸುವ ಪಕ್ಷದ ನಿರ್ಧಾರವು ಐದು ರಾಜ್ಯಗಳ ಚುನಾವಣೆಗಳನ್ನು ಪಕ್ಷ ಎಷ್ಟು ಗಂಭೀರವಾಗಿ ತೆಗೆದುಕೊಂಡಿದೆ ಎಂಬುದನ್ನು ಒತ್ತಿಹೇಳುತ್ತದೆ. ಪ್ರಮುಖ ಲೋಕಸಭೆ ಚುನಾವಣೆಗೆ ಮೊದಲು ಕೊನೆಯ ಸುತ್ತಿನ ವಿಧಾನಸಭೆ ಸ್ಪರ್ಧೆಯಾಗಿದೆ ಇದು.

ಛತ್ತೀಸ್‌ಗಢ ಮತ್ತು ಮಧ್ಯಪ್ರದೇಶದ ಜೊತೆಗೆ ರಾಜಸ್ಥಾನ, ತೆಲಂಗಾಣ ಮತ್ತು ಮಿಜೋರಾಂನಲ್ಲಿ ಈ ವರ್ಷಾಂತ್ಯದಲ್ಲಿ ಚುನಾವಣೆಗಳು ನಡೆಯಲಿವೆ.ಮಧ್ಯಪ್ರದೇಶದಲ್ಲಿ ಮಾತ್ರ ಬಿಜೆಪಿ ಅಧಿಕಾರದಲ್ಲಿದ್ದು, ಛತ್ತೀಸ್ ಗಢದಲ್ಲಿ ಕಾಂಗ್ರೆಸ್ ಸರ್ಕಾರವನ್ನು ಕೆಳಗಿಳಿಸಲು ಬಿಜೆಪಿ ಶತಾಯಗತಾಯ ಪ್ರಯತ್ನ ಮಾಡುತ್ತಿದೆ.

ಇದನ್ನೂ ಓದಿ: ಹಾವೇರಿಯಲ್ಲಿ ಅತಿ ಹೆಚ್ಚು ರೈತರು ಆತ್ಮಹತ್ಯೆ: ಇನ್ನೂ ಸಿಕ್ಕಿಲ್ಲ ಪರಿಹಾರ, ಸಾಲದ ಸುಳಿಯಲ್ಲಿ ಕುಟುಂಬಗಳು

2018 ರಲ್ಲಿ ಬಿಜೆಪಿ ಛತ್ತೀಸ್‌ಗಢ ವಿಧಾನಸಭೆಯ 90 ಸ್ಥಾನಗಳಲ್ಲಿ ಬಿಜೆಪಿ 15 ಸ್ಥಾನ ಗಳಿಸಿದ್ದು, ಕಾಂಗ್ರೆಸ್‌ನ 68 ಸ್ಥಾನಗಳಿಸಿತ್ತು. 230 ಸದಸ್ಯರ ಮಧ್ಯಪ್ರದೇಶ ವಿಧಾನಸಭೆಯಲ್ಲಿ ಬಿಜೆಪಿ 114 ಸ್ಥಾನಗಳ ಮತ್ತು ಕಾಂಗ್ರೆಸ್ 109 ಸ್ಥಾನಗಳಲ್ಲಿ ಗೆಲವು ಸಾಧಿಸಿತ್ತು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 4:26 pm, Thu, 17 August 23