ಕುನೋ ನ್ಯಾಷನಲ್ ಪಾರ್ಕ್ನಲ್ಲಿ 5 ಮರಿಗಳಿಗೆ ಜನ್ಮ ನೀಡಿದ ಭಾರತೀಯ ಚೀತಾ
ಕುನೋ ರಾಷ್ಟ್ರೀಯ ಉದ್ಯಾನವನದಲ್ಲಿ ಭಾರತೀಯ ಮೂಲದ ಹೆಣ್ಣು ಚೀತಾವೊಂದು 5 ಮರಿಗಳಿಗೆ ಜನ್ಮ ನೀಡಿದೆ. ಈ ಚೀತಾ ಮಾರ್ಚ್ 2023ರಲ್ಲಿ ನಮೀಬಿಯಾದ ಚೀತಾ ಜ್ವಾಲಾಗೆ ಜನಿಸಿತು. ಇದೀಗ 5 ಮರಿಗಳ ಜನನವು ದೇಶದಲ್ಲಿ ಭಾರತದ ಮಹತ್ವಾಕಾಂಕ್ಷೆಯ ಚಿರತೆ ಮರುಪರಿಚಯ ಕಾರ್ಯಕ್ರಮಕ್ಕೆ ಹೊಸ ಉತ್ತೇಜನ ನೀಡಿದೆ. ಮುಖಿಗೆ ಈಗ 33 ತಿಂಗಳು. ಭಾರತೀಯ ಮೂಲದ ಚೀತಾಗೆ 5 ಮರಿಗಳು ಹುಟ್ಟಿರುವ ಸಂಗತಿಯ ಬಗ್ಗೆ ಸಿಎಂ ಮೋಹನ್ ಯಾದವ್ ಕೂಡ ಸಂತಸ ವ್ಯಕ್ತಪಡಿಸಿದ್ದಾರೆ.
ನವದೆಹಲಿ, ನವೆಂಬರ್ 20: ಮಧ್ಯಪ್ರದೇಶದ ಕುನೋ ರಾಷ್ಟ್ರೀಯ ಉದ್ಯಾನವನದಲ್ಲಿ (Kuno National Park) ಭಾರತದಲ್ಲಿ ಜನಿಸಿದ ಮುಖಿ ಎಂಬ ಹೆಣ್ಣು ಚೀತಾ 5 ಮರಿಗಳಿಗೆ ಜನ್ಮ ನೀಡಿದೆ. ಇದರಿಂದ ನ್ಯಾಷನಲ್ ಪಾರ್ಕ್ ತುಂಬ ಸಂತಸ ಮನೆಮಾಡಿದೆ. ಏಕೆಂದರೆ, ಮುಖಿ ಹುಟ್ಟಿದ ಕೂಡಲೆ ತನ್ನ ತಾಯಿಯಿಂದ ಬೇರ್ಪಟ್ಟಿತ್ತು. ಈ ಚೀತಾವನ್ನು ಕುನೋ ನ್ಯಾಷನಲ್ ಪಾರ್ಕ್ ಅರಣ್ಯಾಧಿಕಾರಿಗಳು ಬೆಳೆಸಿದ್ದರು. ಭಾರತದಲ್ಲೇ ಜನಿಸಿದ ಈ ಹೆಣ್ಣು ಚೀತಾ ಇದೀಗ 5 ಮರಿಗಳಿಗೆ ಜನ್ಮ ನೀಡಿದೆ.
ಈ ಬಗ್ಗೆ ಮಧ್ಯಪ್ರದೇಶದ ಮುಖ್ಯಮಂತ್ರಿ ಮೋಹನ್ ಯಾದವ್ ಕೂಡ ಎಕ್ಸ್ನಲ್ಲಿ ವಿಡಿಯೋ ಪೋಸ್ಟ್ ಮಾಡುವ ಮೂಲಕ ಸಂತಸ ವ್ಯಕ್ತಪಡಿಸಿದ್ದಾರೆ. ಭಾರತದಲ್ಲಿ ಅಳಿವಿನಂಚಿಗೆ ತಲುಪಿರುವ ಚೀತಾ ಸಂತತಿಯನ್ನು ಹೆಚ್ಚಿಸಬೇಕೆಂದು ಹಲವು ಪ್ರಯತ್ನಗಳು ನಡೆಯುತ್ತಿವೆ. ಇದೀಗ 5 ಚೀತಾ ಮರಿಗಳು ಜನಿಸಿರುವುದು ಚೀತಾಗಳನ್ನು ಭಾರತದ ಕಾಡುಗಳಿಗೆ ಮತ್ತೆ ಮರುಪರಿಚಯಿಸುವ ಮಹತ್ವಾಕಾಂಕ್ಷೆಯ ಯೋಜನೆಗೆ ಉತ್ತೇಜನ ಸಿಕ್ಕಂತಾಗಿದೆ ಎಂದಿದ್ದಾರೆ.
A historic milestone has been achieved as Indian-born cheetah Mukhi has given birth to five cubs in Kuno National Park, Madhya Pradesh. The mother and cubs are doing well.
This is an unprecedented breakthrough for India’s cheetah reintroduction initiative. Mukhi, the first… pic.twitter.com/uSxZpVqnV4
— Dr Mohan Yadav (@DrMohanYadav51) November 20, 2025
ಇದನ್ನೂ ಓದಿ: Video: ನಾಯಿಯಲ್ಲ ಅಕ್ಕಾ ಅದು ಚಿರತೆ, ಕಾಲಿಗೆ ಹಗ್ಗ ಕಟ್ಟಿ ಮನೆಯ ಹೊರಗೆ ಕೂರಿಸಿದ ಮಹಿಳೆ
ಭಾರತದಲ್ಲಿ ಜನಿಸಿದ ಚಿರತೆಗಳಲ್ಲಿ ಮುಖಿ ಮಾತ್ರ ಬದುಕುಳಿದಿದೆ. ಚಿರತೆಗಳನ್ನು ದೇಶದಲ್ಲಿ ಮತ್ತೆ ಕಾಡಿನಲ್ಲಿ ಪರಿಚಯಿಸುವ ಭಾರತದ ಮಹತ್ವಾಕಾಂಕ್ಷೆಯ ಯೋಜನೆಗೆ ಈ ಮರಿಗಳ ಜನನವು ಖಂಡಿತವಾಗಿಯೂ ಉತ್ತೇಜನ ನೀಡಿದೆ.
ಮುಖಿ ಮಾರ್ಚ್ 29, 2023ರಂದು ನಮೀಬಿಯಾದ ಚೀತಾ ಜ್ವಾಲಾಗೆ ಭಾರತದಲ್ಲಿ ಜನಿಸಿದಳು. ಆದರೆ, ಹವಾಮಾನ ಪರಿಸ್ಥಿತಿಗಳು ಸೇರಿದಂತೆ ಹಲವಾರು ಕಾರಣಗಳಿಂದ ಆಕೆಯ ಜೊತೆಗೆ ಹುಟ್ಟಿದ್ದ ಇತರೆ 3 ಚೀತಾಗಳು ಬದುಕುಳಿಯಲಿಲ್ಲ. ಮುಖಿ ಮಾತ್ರ ಬದುಕುಳಿದಿದ್ದಳು. ಭಾರತದ ಬೇಸಿಗೆಯ ತೀವ್ರ ಶಾಖದಿಂದಾಗಿ ಅವಳ 3 ಒಡಹುಟ್ಟಿದವರು ಸಾವನ್ನಪ್ಪಿದ್ದರು. ಅಂದಿನಿಂದ ಅರಣ್ಯ ಇಲಾಖೆಯ ಸಿಬ್ಬಂದಿಯೇ ಆಕೆಯ ಆರೈಕೆ ಮಾಡುತ್ತಿದ್ದರು. ಇದೀಗ ಆಕೆ 5 ಮಕ್ಕಳ ತಾಯಿಯಾಗಿದ್ದಾಳೆ. ಈ ಮುಖಿಯ ಪಾರ್ಟನರ್ ಅಂದರೆ ಆ 5 ಮಕ್ಕಳ ತಂದೆ ಕೂಡ ಭಾರತೀಯ ಮೂಲದ ಚೀತಾ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ