ಲೋಕಸಭೆಯ ಭಾಷಣದಲ್ಲಿ ‘ಬಾಲಕ ಬುದ್ಧಿ’, ‘ಪರಾವಲಂಬಿ’ ಪದ ಬಳಸಿದ ಮೋದಿ; ಕಾಂಗ್ರೆಸ್ ತಿರುಗೇಟು

ದೆಹಲಿ ಜುಲೈ 03: ಲೋಕಸಭೆಯಲ್ಲಿ ವಿರೋಧ ಪಕ್ಷದ ನಾಯಕ ರಾಹುಲ್‌ ಗಾಂಧಿ (Rahul Gandhi) ವಿರುದ್ಧ ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರ ವಾಗ್ದಾಳಿಗೆ ಕಾಂಗ್ರೆಸ್ ಮತ್ತು ಅದರ ಮಿತ್ರಪಕ್ಷಗಳಿಂದ ತೀವ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ನೀಟ್‌ನಂತಹ ಜ್ವಲಂತ ಸಮಸ್ಯೆಗಳ ಕುರಿತ ಹಲವು ಪ್ರಶ್ನೆಗಳಿಗೆ ಉತ್ತರವಿಲ್ಲದ ಕಾರಣ ಪ್ರಧಾನಿಯವರು ಇಂತಹ ದಾಳಿಗೆ ಮುಂದಾಗಿದ್ದಾರೆ ಎಂದು ಪ್ರತಿಪಕ್ಷಗಳು ಹೇಳಿವೆ.  ರಾಷ್ಟ್ರಪತಿಗಳ ಭಾಷಣಕ್ಕೆ ಧನ್ಯವಾದ ಸಲ್ಲಿಸುವ ನಿರ್ಣಯಕ್ಕೆ ಉತ್ತರಿಸಿದ ಪ್ರಧಾನಿ, ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಿದ್ದ ರಾಹುಲ್ ಗಾಂಧಿ (Rahul Gandhi) ಮತ್ತು ಕಾಂಗ್ರೆಸ್ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ್ದಾರೆ. ಪ್ರತಿಪಕ್ಷಗಳ ಘೋಷಣೆಗಳ ಮಧ್ಯೆ ಲೋಕಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ, ತಮ್ಮನ್ನು ಗುರಿಯಾಗಿಸಲು ಕೇಂದ್ರವು ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡಿದೆ ಎಂಬ ರಾಹುಲ್ ಗಾಂಧಿಯವರ ಆರೋಪಗಳಿಗೆ ಪ್ರತಿಕ್ರಿಯಿಸಿದರು.

‘ಬಾಲಕ್ ಬುದ್ಧಿ’ ಎಂದು ರಾಹುಲ್​​ನ್ನು ಲೇವಡಿ ಮಾಡಿದ ಮೋದಿ, ಸಹಾನುಭೂತಿ ಪಡೆಯಲು ಅವರು ಹೊಸ ನಾಟಕ ಮಾಡುತ್ತಾರೆ. ವಾಸ್ತವವೆಂದರೆ ಅವರು ಸಾವಿರಾರು ಕೋಟಿ ರೂಪಾಯಿಗಳ ಭ್ರಷ್ಟಾಚಾರ ಪ್ರಕರಣದಲ್ಲಿ ಜಾಮೀನಿನ ಮೇಲೆ ಇದ್ದಾರೆ, ಒಬಿಸಿ ಸಮುದಾಯದವರನ್ನು  ಕಳ್ಳ ಎಂದು ಕರೆದ ಆರೋಪದಲ್ಲಿ ಶಿಕ್ಷೆಗೊಳಗಾದವರು ಮತ್ತು ಸುಳ್ಳುಗಳನ್ನು ಮಾತನಾಡಿದ್ದಕ್ಕಾಗಿ ಸುಪ್ರೀಂ ಕೋರ್ಟ್‌ನಲ್ಲಿ ಕ್ಷಮೆಯಾಚಿಸಿದವರು.

“ಈ ‘ಬಾಲಕ ಬುದ್ಧಿ’ (ಬಾಲಿಶ ಮನಸ್ಸು) ಕೆಲವೊಮ್ಮೆ ಸದನದಲ್ಲಿ ಯಾರನ್ನಾದರೂ ತಬ್ಬಿಕೊಳ್ಳಲು ಪ್ರಯತ್ನಿಸುತ್ತದೆ ಮತ್ತು ಕೆಲವೊಮ್ಮೆ ಕಣ್ಣು ಮಿಟುಕಿಸುತ್ತದೆ” ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ. ರಾಹುಲ್ ಗಾಂಧಿಯನ್ನು ಅಣಕಿಸಲು ಪ್ರಧಾನಿಯವರು ಗ್ಯಾಂಗ್ಸ್ ಆಫ್ ವಾಸ್ಸೇಪುರ್ ಸಿನಿಮಾದ ಜನಪ್ರಿಯ ಸಂಭಾಷಣೆಯಾದ ‘ತುಮ್ಸೇ ನಾ ಹೋ ಪಾಯೇಗಾ’ ಡೈಲಾಗ್ ಬಳಸಿದ್ದು, ನೀವು ಇದಕ್ಕೆ ಸೂಕ್ತರಲ್ಲ ಎಂದು ದೇಶವೇ ಹೇಳುತ್ತಿದೆ ಎಂದಿದ್ದಾರೆ.

ಇದಕ್ಕೆ ತಿರುಗೇಟು ನೀಡಿರುವ ಕಾಂಗ್ರೆಸ್, ಈ ಚುನಾವಣೆಯಲ್ಲಿ 140 ಕೋಟಿ ಭಾರತೀಯರು ನರೇಂದ್ರ ಮೋದಿ ಸರ್ಕಾರಕ್ಕೆ ‘ತುಮ್ಸೇ ನಾ ಹೋ ಪಯೇಗಾ’ ಎಂದು ಹೇಳುತ್ತಿದ್ದಾರೆ ಎಂದಿದ್ದಾರೆ. ವಿರೋಧ ಪಕ್ಷವನ್ನು “ಪರಾವಲಂಬಿ” ಎಂದು ಕರೆದಿದ್ದಕ್ಕಾಗಿ ಪ್ರಧಾನಿಯನ್ನು ಟೀಕಿಸಿದ ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ, ಮೋದಿಯವರು ರೈತರು ಪ್ರತಿಭಟಿಸುತ್ತಿದ್ದಾಗ ಅವರು ಈ ಪದವನ್ನು ಬಳಸಿದ್ದಾರೆ ಎಂದು ಹೇಳಿದ್ದಾರೆ.

2 ಗಂಟೆ 24 ನಿಮಿಷಗಳ ನಿಮ್ಮ ಭಾಷಣದಲ್ಲಿ ನೀವು ‘ತುಮ್ಸೆ ನಾ ಹೋ ಪಾಯೇಗಾ’ ಎಂದು ಪ್ರಸ್ತಾಪಿಸಿದ ರೀತಿ, 140 ಕೋಟಿ ಭಾರತೀಯರು ಈ ಚುನಾವಣೆಯಲ್ಲಿ ನಿಮ್ಮ ಸರ್ಕಾರಕ್ಕೆ ಅದೇ ಮಾತನ್ನು ಹೇಳಿದ್ದಾರೆ. “ಮೋದಿ ಜೀ, ನೀವು ಜನಾದೇಶವನ್ನು ಅವಮಾನಿಸಿದ್ದೀರಿ. ಜನರ ಭಾವನೆಗಳನ್ನು ಅರ್ಥಮಾಡಿಕೊಳ್ಳಿ, ಸರ್ವಾಧಿಕಾರವನ್ನು ಬಿಟ್ಟುಬಿಡಿ!” ಎಂದು ಕಾಂಗ್ರೆಸ್ ಮುಖ್ಯಸ್ಥರು ಹೇಳಿದ್ದಾರೆ.

ಖರ್ಗೆ ಟ್ವೀಟ್

.@narendramodi जी,

2 घंटे 24 मिनट के अपने भाषण में आपने “तुमसे ना हो पायेगा” का जिस तरह से ज़िक्र किया, वही बात 140 करोड़ भारतियों ने इस चुनाव में आपकी सरकार से कही थी।

🔹अन्नदाता किसानों ने आपके “आय को दोगुना” करने वाले झूठे वादों के ख़िलाफ़ वोट डालते हुए कहा — “तुमसे ना हो…

— Mallikarjun Kharge (@kharge) July 2, 2024

ಪ್ರಧಾನಿಯವರ ‘ಪರಾವಲಂಬಿ’ ಟೀಕೆಗೆ ಪ್ರತಿಕ್ರಿಯಿಸಿದ ಕಾಂಗ್ರೆಸ್ ಮುಖ್ಯಸ್ಥರು, 2020-21ರ ಪ್ರತಿಭಟನೆಯ ಸಂದರ್ಭದಲ್ಲಿ ರೈತರನ್ನು ಉಲ್ಲೇಖಿಸಲು ಅದೇ ಪದವನ್ನು ಬಳಸಿದ್ದಾರೆ. ರೈತರ ಹಕ್ಕುಗಳಿಗಾಗಿ ವರ್ಷವಿಡೀ ನಡೆಸಿದ ಹೋರಾಟಕ್ಕೆ ಅವಮಾನ ಮಾಡಿದ್ದೀರಿ, ಅದರ ಮುಂದೆ ನಿಮ್ಮ ಸರ್ವಾಧಿಕಾರಿ ಸರ್ಕಾರ ತಲೆಬಾಗಿ ಮೂರು ರೈತ ವಿರೋಧಿ ಕರಾಳ ಕಾನೂನನ್ನು ಹಿಂಪಡೆಯಬೇಕಾಯಿತು.

ಇದನ್ನೂ ಓದಿ: ಮೋದಿಗೆ ಸುಳ್ಳು ಹೇಳುವ ಅಭ್ಯಾಸ; ರಾಜ್ಯಸಭೆಯಿಂದ ಹೊರನಡೆದಿದ್ದಕ್ಕೆ ಕಾರಣ ನೀಡಿದ ಮಲ್ಲಿಕಾರ್ಜುನ ಖರ್ಗೆ

ಇಂದು ನೀವು ಕಾಂಗ್ರೆಸ್ ಪಕ್ಷಕ್ಕೆ ಅದೇ ಪದವನ್ನು ಬಳಸಿದ್ದೀರಿ. ಇದು ಕಾಂಗ್ರೆಸ್ ಪಕ್ಷಕ್ಕೆ ನಿಂದನೆ ಅಲ್ಲ. ರೈತರೊಂದಿಗೆ ದೇಶ ನಿರ್ಮಾಣಕ್ಕಾಗಿ ನಮ್ಮ ಪ್ರಾಣವನ್ನು ತ್ಯಾಗ ಮಾಡುವುದು ನಮಗೆ ಹೆಮ್ಮೆಯ ವಿಷಯ ಎಂದಿದ್ದಾರೆ ಖರ್ಗೆ.

ಕಾಂಗ್ರೆಸ್‌ನ ಮಿತ್ರ ಪಕ್ಷ ಸಮಾಜವಾದಿ ಪಕ್ಷ ಕೂಡ ಪ್ರಧಾನಿ ರಾಹುಲ್ ಗಾಂಧಿ ಅವರನ್ನು ಮೋದಿ “ಬಾಲಕ ಬುದ್ಧಿ” ಎಂದು ಹೇಳಿ ಲೇವಡಿ ಮಾಡಿದ್ದಕ್ಕೆ ತಿರುಗೇಟು ನೀಡಿದೆ. “ನೀಟ್ ಬಗ್ಗೆ ಯಾರೂ ಪ್ರಶ್ನೆ ಕೇಳಬಾರದು ಎಂಬುದಕ್ಕೆ ಈ ಎಲ್ಲ ವಿಷಯಗಳನ್ನು ಹೇಳಲಾಗಿದೆ. ಬಾಲಕ ಬುದ್ಧಿ ಹೇಳುವವರು ತಾವೇ ಬಾಲಕ. ಏಕೆಂದರೆ ಜನರು ಯಾರನ್ನಾದರೂ ಆಯ್ಕೆ ಮಾಡಿದಾಗ ಅಂತಹ ಕಾಮೆಂಟ್‌ಗಳನ್ನು ಮಾಡಬಾರದು. ಸರ್ಕಾರದಲ್ಲಿ ದೇಶದ ಸಮಸ್ಯೆಗಳನ್ನು ಇನ್ನೂ ಅರ್ಥಮಾಡಿಕೊಳ್ಳಲು ಸಾಧ್ಯವಾಗದ ಬಾಲಕರಿದ್ದಾರೆ ಎಂದು ಕನೌಜ್ ಸಂಸದ ಮತ್ತು ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್ ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 6:39 pm, Wed, 3 July 24