‘ಟ್ವಿಟರ್​ ಹಕ್ಕಿ’​​ಯನ್ನು ಎಣ್ಣೆಯಲ್ಲಿ ಫ್ರೈ ಮಾಡಿದ ರಾಹುಲ್​ ಗಾಂಧಿ ಬೆಂಬಲಿಗರು; ಇದು ಪ್ರತಿಭಟನೆಯಂತೆ !

ಇತ್ತೀಚೆಗೆ ಕಾಂಗ್ರೆಸ್​ ಸಂಸದ ರಾಹುಲ್​ ಗಾಂಧಿ(Rahul Gandhi)ಯವರ ಟ್ವಿಟರ್ ಅಕೌಂಟ್ (Twitter Account)​ನ್ನು ತಾತ್ಕಾಲಿಕವಾಗಿ ಲಾಕ್​ ಮಾಡಲಾಗಿತ್ತು. ಟ್ವಿಟರ್​ನ ಈ ಕ್ರಮವನ್ನು ದೇಶಾದ್ಯಂತ ರಾಹುಲ್​ ಬೆಂಬಲಿಗರು ವಿರೋಧಿಸುತ್ತಿದ್ದಾರೆ. ಟ್ವಿಟರ್​ ಕೇಂದ್ರ ಸರ್ಕಾರದ ಅಡಿಯಾಳಾಗಿ ಕೆಲಸ ಮಾಡುತ್ತಿದೆ. ಕೇಂದ್ರ ಬಿಜೆಪಿ ಸರ್ಕಾರ (Central Government)ದ ಮಾತು ಕೇಳಿ ರಾಹುಲ್​ ಗಾಂಧಿಯವರ ಅಭಿವ್ಯಕ್ತಿ ಸ್ವಾತಂತ್ರ್ಯ ಕಿತ್ತುಕೊಂಡಿದೆ ಎಂಬಿತ್ಯಾದಿ ಆರೋಪಗಳನ್ನೂ ಮಾಡಲಾಗಿದೆ. ಆದರೆ ಇದೆಲ್ಲಕ್ಕಿಂತ ವಿಭಿನ್ನವಾಗಿ ಪ್ರತಿಭಟನೆ ಮಾಡಿದ್ದು ಆಂಧ್ರಪ್ರದೇಶದ ಕಾಂಗ್ರೆಸ್​ ಕಾರ್ಯಕರ್ತರು (Congress Workers) !

ರಾಹುಲ್​ ಗಾಂಧಿಯವರ ಖಾತೆಯನ್ನು ತಾತ್ಕಾಲಿಕವಾಗಿ ನಿಷೇಧ ಮಾಡಿದ್ದನ್ನು ವಿರೋಧಿಸಿ ಆಂಧ್ರಪ್ರದೇಶ ಕಾಂಗ್ರೆಸ್​ ಕಾರ್ಯಕರ್ತರು ಟ್ವಿಟರ್​ ಬರ್ಡ್​​ (ಟ್ವಿಟರ್​ ಸಂಸ್ಥೆಯ ಗುರುತಾದ ಚಿಕ್ಕ ಹಕ್ಕಿ)ನ್ನು ಫ್ರೈ ಮಾಡಿದ್ದಾರೆ. ಅಂದರೆ ಎಣ್ಣೆಯಲ್ಲಿ ಹಾಕಿ ಕರಿದಿದ್ದಾರೆ. ಅಂದರೆ ಅದೇನೋ ಹಿಟ್ಟಿನಲ್ಲಿ ಪುಟ್ಟ ಹಕ್ಕಿಯಾಕಾರ ಸೃಷ್ಟಿಸಿ, ಅದನ್ನು ಎಣ್ಣೆಯಲ್ಲಿ ಹಾಕಿ ಕರಿದಿದ್ದಾರೆ ಮತ್ತು ಟ್ವಿಟರ್​ ಹಾಗೂ ಬಿಜೆಪಿ ವಿರುದ್ಧ ಘೋಷಣೆಗಳನ್ನು ಕೂಗಿದ್ದಾರೆ. ಈ ವಿಡಿಯೋ ಇದೀಗ ಸೋಷಿಯಲ್​ ಮೀಡಿಯಾಗಳಲ್ಲಿ ಸಿಕ್ಕಾಪಟೆ ವೈರಲ್​ ಆಗುತ್ತಿದೆ.

‘ಟ್ವಿಟರ್​, ನೀನು ರಾಹುಲ್​ ಗಾಂಧಿಯವರ ಖಾತೆ ಲಾಕ್​ ಮಾಡುವ ಮೂಲಕ ದೊಡ್ಡ ಪ್ರಮಾದ ಮಾಡಿರುವೆ. ಅದರೊಂದಿಗೆ ನಮ್ಮ ಅಂದರೆ ಕಾಂಗ್ರೆಸ್ಸಿಗರ ಟ್ವೀಟ್​ಗಳನ್ನೂ ಪ್ರಮೋಟ್​ ಮಾಡುತ್ತಿಲ್ಲ. ಹಾಗಾಗಿ ನಾವು ಈ ಟ್ವಿಟರ್​ ಬರ್ಡ್​​ನ್ನು ಫ್ರೈ ಮಾಡುತ್ತಿದ್ದೇವೆ. ಹಾಗೇ ಈ ಬರ್ಡ್​​ ಫ್ರೈನ್ನು ಗುರುಗ್ರಾಮ ಮತ್ತು ದೆಹಲಿಯಲ್ಲಿರುವ ಟ್ವಿಟರ್​ನ ಪ್ರಧಾನ ಕಚೇರಿಗೆ ಕಳಿಸುತ್ತೇವೆ. ನಿಮ್ಮ ತಿನಿಸನ್ನು ನೀವು ಖಂಡಿತ ಎಂಜಾಯ್​ ಮಾಡುತ್ತೀರೆಂಬ ನಂಬಿಕೆ ಇದೆ ಎಂದು ಕಾಂಗ್ರೆಸ್ ಕಾರ್ಯಕರ್ತನೊಬ್ಬ ಹೇಳುತ್ತಿರುವುದನ್ನು ವಿಡಿಯೋದಲ್ಲಿ ಕೇಳಬಹುದು. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟೆ ವೈರಲ್​ ಆಗಿದೆ.

Don’t miss this hilarious video were Congress karyakartas of AP fry” Twitter Bird” as protest against Twitter for blocking Rahul Gandhi’s acct & also couriered it to Twitter office.

yatha raja tatha praja??? pic.twitter.com/e4p4YmiEZE

— Sheetal Chopra ?? (@SheetalPronamo) August 17, 2021

ಕಳೆದ ಕೆಲವು ದಿನಗಳ ಹಿಂದೆ ದೆಹಲಿ ಚಿತಾಗಾರವೊಂದರಲ್ಲಿ ದಲಿತ ಬಾಲಕಿಯ ಮೇಲೆ ಸಾಮೂಹಿಕ ಅತ್ಯಾಚಾರ ಆಗಿತ್ತು. ತಣ್ಣೀರು ತರಲು ಹೋಗಿದ್ದ 9 ವರ್ಷದ ಬಾಲಕಿ ಮೇಲೆ ಆ ಚಿತಾಗಾರದ ಅರ್ಚಕ ಮತ್ತು ಆತನ ಸಹಾಯಕರು ರೇಪ್​ ಮಾಡಿದ್ದರು. ಸಂತ್ರಸ್ತೆಯ ಪಾಲಕರಿಗೆ ಸಮಾಧಾನ ಹೇಳಲು ಹೋಗಿದ್ದ ರಾಹುಲ್​ ಗಾಂಧಿ, ಅವರ ಫೋಟೋಗಳನ್ನು ಟ್ವಿಟರ್​ನಲ್ಲಿ ಪೋಸ್ಟ್ ಮಾಡಿದ್ದರು. ಆದರೆ ಕಾನೂನು ಪ್ರಕಾರ ಇದು ತಪ್ಪು. ಅತ್ಯಾಚಾರ ಸಂತ್ರಸ್ತೆಯ ಪಾಲಕರ ಫೋಟೋ ಹಾಕಿದ್ದಕ್ಕೆ ಕ್ರಮ ಕೈಗೊಳ್ಳಬೇಕು ಎಂದು ರಾಷ್ಟ್ರೀಯ ಮಕ್ಕಳ ಹಕ್ಕು ರಕ್ಷಣಾ ಆಯೋಗ ಟ್ವಿಟರ್​ ಇಂಡಿಯಾಕ್ಕೆ ತಿಳಿಸಿತ್ತು. ಹಾಗೇ, ದೆಹಲಿ ಮೂಲದ ವಕೀಲರೊಬ್ಬರು ರಾಹುಲ್ ಗಾಂಧಿ ವಿರುದ್ಧ ದೂರು ದಾಖಲಿಸಿದ್ದರು. ಅದಾದ ಬಳಿಕ ಟ್ವಿಟರ್​ ರಾಹುಲ್​ ಗಾಂಧಿಯವರ ಖಾತೆಯನ್ನು ತಾತ್ಕಾಲಿಕವಾಗಿ ಲಾಕ್​ ಮಾಡಿತ್ತು.

ಇದನ್ನೂ ಓದಿ: ತಾಲಿಬಾನ್​ನಿಂದ ನಿರ್ವಹಿಸಲ್ಪಡುವ, ಉಗ್ರಸಂಘಟನೆಗೆ ಬೆಂಬಲ ಸೂಚಿಸುವ ಖಾತೆಗಳನ್ನು ನಿಷೇಧಿಸುವುದಾಗಿ ಫೇಸ್​ಬುಕ್​ ಘೋಷಣೆ

ಬೆಂಗಳೂರಿನ ಸಿಂಪಲ್ ಎನರ್ಜಿ ಕಂಪನಿಯೂ ತನ್ನ ಸಿಂಪಲ್ ವನ್ ಎಲೆಕ್ಟ್ರಿಕ್ ಸ್ಕೂಟರ್ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ