Fake death certificate: ಆಸ್ತಿಗಾಗಿ ಪತ್ನಿ ಮೃತಪಟ್ಟಿದ್ದಾಳೆ ಎಂದು ಕತೆ ಕಟ್ಟಿದ ಕಾನ್ಸ್‌ಟೆಬಲ್, ನಕಲಿ ಮರಣ ಪ್ರಮಾಣ ಪತ್ರ ಸೃಷ್ಟಿಸಿದ್ದ, ಆ ಮೇಲೆ?

ಮಂಗಳಗಿರಿ, ಅಕ್ಟೋಬರ್ 30: ಕಾನೂನು ಪ್ರಕಾರ ನಡೆದುಕೊಳ್ಳಬೇಕಾದ ಕಾನ್ಸ್‌ಟೆಬಲ್ ಒಬ್ಬರು ಪತ್ನಿಯ ಹೆಸರಲ್ಲಿದ್ದ ಜಮೀನನ್ನು, ಪತ್ನಿಯ ನಕಲಿ ಮರಣ ಪ್ರಮಾಣ ಪತ್ರ (fake death certificate) ಹಾಗೂ ಪತ್ನಿಯ (wife) ಕುಟುಂಬ ಸಂಖ್ಯೆ ಪ್ರಮಾಣ ಪತ್ರವನ್ನು ನಕಲಿ ಮಾಡಿ ಬೇರೆಯವರಿಗೆ ಮಾರಾಟ ಮಾಡಿರುವ ಘಟನೆ ನಂದ್ಯಾಲ ಜಿಲ್ಲೆಯಲ್ಲಿ ನಡೆದಿದೆ. ಮಂಗಳಗಿರಿ ಎಪಿಎಸ್‌ಪಿ ಬೆಟಾಲಿಯನ್‌ನಲ್ಲಿ ಕಾನ್‌ಸ್ಟೆಬಲ್ (Constable) ಆಗಿ ಕಾರ್ಯನಿರ್ವಹಿಸುತ್ತಿರುವ ಶಿವಶಂಕರ್ 16 ವರ್ಷಗಳ ಹಿಂದೆ ಮಾಧವಿ ಎಂಬ ಮಹಿಳೆಯನ್ನು ವಿವಾಹವಾಗಿದ್ದರು. ಅವರಿಗೆ ಇಬ್ಬರು ಗಂಡು ಮಕ್ಕಳಿದ್ದಾರೆ. ಕಳೆದ ಕೆಲ ವರ್ಷಗಳಿಂದ ಶಿವಶಂಕರ್ (husband) ಹಾಗೂ ಮಾಧವಿ ನಡುವೆ ಮನಸ್ತಾಪ ಉಂಟಾಗಿತ್ತು. ಹಾಗಾಗಿ ಪತಿ-ಪತ್ನಿ ಬೇರೆಯಾಗಿದ್ದರು.

ಮಕ್ಕಳು ಬೆಳೆದಂತೆ, ಪತ್ನಿ ಮಾಧವಿ ತನ್ನ ಇಬ್ಬರು ಪುತ್ರರೊಂದಿಗೆ ಗುಂಟೂರಿನಲ್ಲಿ ಪೋಷಕರೊಂದಿಗೆ ವಾಸಿಸುತ್ತಿದ್ದಾರೆ. ಪತ್ನಿ ಮತ್ತು ಪತಿ ಒಟ್ಟಿಗೆ ಇದ್ದಾಗ ಪತ್ನಿ ಮಾಧವಿ ನಂದ್ಯಾಲ ಜಿಲ್ಲೆಯ ರೈತನಗರದಲ್ಲಿ ನಾಲ್ಕು ಸೆಂಟ್ಸ್ ಜಮೀನು ಹೊಂದಿದ್ದರು. ಈಗ ಜಮೀನಿನ ಮೌಲ್ಯ ಲಕ್ಷಗಟ್ಟಲೆ ಇದ್ದು, ಪತ್ನಿಗೆ ಸಿಗಬಾರದು ಎಂಬ ಕಾರಣಕ್ಕೆ ಗಿಡ್ಡಲೂರಿನ ಕೆಲ ಮಧ್ಯವರ್ತಿಗಳನ್ನು ಸಂಪರ್ಕಿಸಿದ ಶಿವಶಂಕರ್, ನಕಲಿ ಪ್ರಮಾಣ ಪತ್ರ ಸಿದ್ಧಪಡಿಸಿದ್ದಾರೆ.

Also Read: ಆಸ್ತಿ ಕಬಳಿಸಲು ಬದುಕಿದ ವೃದ್ಧೆ ಮರಣ ಪ್ರಮಾಣ ಪತ್ರ ಮಾಡಿಸಿದ ಸಂಬಂಧಿಕರು, ದೂರು ದಾಖಲಿಸಿದ ಮಗ

ಮಾಧವಿ ಗಿದ್ದಲೂರಿನಲ್ಲಿ ವಾಸ ಇಲ್ಲ. ಮಾಧವಿ 2019 ರಲ್ಲಿ ಮೃತಪಟ್ಟಿದ್ದಾರೆ ಎಂದು ಕೇಳಿದ ತಕ್ಷಣ ಗಿಡ್ಡಲೂರು ನಗರ ಪಂಚಾಯತ್ ಅಧಿಕಾರಿಗಳು ಯಾವುದೇ ತನಿಖೆ ನಡೆಸದೆ ಮರಣ ಪ್ರಮಾಣ ಪತ್ರ ಮತ್ತು ಕುಟುಂಬ ಪ್ರಮಾಣಪತ್ರವನ್ನು ನೀಡಿದ್ದಾರೆ. ಈ ಎರಡು ಪ್ರಮಾಣ ಪತ್ರಗಳ ಆಧಾರದ ಮೇಲೆ ಕಾನ್‌ಸ್ಟೆಬಲ್ ಶಿವಶಂಕರ್ ಅವರು ತಾನೇ ವಾರಸುದಾರ ಎಂದು ಹೇಳಿಕೊಂಡು ಆಸ್ತಿಯನ್ನು ಇತರರಿಗೆ ಮಾರಾಟ ಮಾಡಿದ್ದಾರೆ.

Also Read: ಬೆಂಗಳೂರಿನಲ್ಲಿ ಚಿರತೆ ಪ್ರತ್ಯಕ್ಷ, ಒಬ್ಬೊಬ್ಬರೇ ಓಡಾಡದಂತೆ K.R.ಪುರಂ ಅರಣ್ಯಾಧಿಕಾರಿಗಳಿಂದ ಅನೌನ್ಸ್​

ಈ ವಿಷಯ ತಿಳಿದ ಪತ್ನಿ ಮಾಧವಿ ನ್ಯಾಯಕ್ಕಾಗಿ ನಂದ್ಯಾಲ ತಾಲೂಕು ನಗರ ಪೊಲೀಸರ ಮೊರೆ ಹೋಗಿದ್ದಾರೆ. ಮಾಧವಿ ಅವರ ದೂರಿನ ಮೇರೆಗೆ ಪೊಲೀಸರು ಕಾನ್‌ಸ್ಟೆಬಲ್ ವಿರುದ್ಧ ವಂಚನೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಪ್ರಕರಣ ಬಯಲಿಗೆ ಬರುತ್ತಿದ್ದಂತೆ ಕಾನ್‌ಸ್ಟೆಬಲ್ ಶಿವಶಂಕರ್ ತಲೆಮರೆಸಿಕೊಂಡಿದ್ದಾರೆ. ಇದು ಜಿಲ್ಲಾ ಪೊಲೀಸ್‌ ಅಧಿಕಾರಿಗಳು ಆಕ್ರೋಶಕ್ಕೆ ಗುರಿಯಾಗಿದೆ.

ರಾಜ್ಯದ ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ