Rape: 3 ವರ್ಷದ ಬಳಿಕ ಉತ್ತರ ಪ್ರದೇಶದ ಬಿಎಸ್​ಪಿ ಸಂಸದ ಅತುಲ್ ರೈ ಅತ್ಯಾಚಾರ ಆರೋಪದಿಂದ ಖುಲಾಸೆ

ಲಕ್ನೋ: 2019ರಿಂದ ಜೈಲಿನಲ್ಲಿರುವ ಉತ್ತರ ಪ್ರದೇಶದ ಸಂಸದ ಅತುಲ್ ರೈ (Atul Rai) ಅವರನ್ನು ವಾರಣಾಸಿಯ ನ್ಯಾಯಾಲಯವು ಅತ್ಯಾಚಾರ (Rape) ಆರೋಪದಿಂದ ಇಂದು ಖುಲಾಸೆಗೊಳಿಸಿದೆ. ಆದರೂ ಅವರ ವಿರುದ್ಧ ಬಾಕಿ ಉಳಿದಿರುವ ಪ್ರಕರಣಗಳ ಕಾರಣದಿಂದಾಗಿ ಅವರು ಸದ್ಯಕ್ಕೆ ಜೈಲಿನಿಂದ ಬಿಡುಗಡೆಯಾಗುವುದಿಲ್ಲ. ಅತುಲ್ ರೈ ಬಹುಜನ ಸಮಾಜ ಪಕ್ಷದ (BSP) ಟಿಕೆಟ್‌ನಲ್ಲಿ ಉತ್ತರ ಪ್ರದೇಶ ರಾಜ್ಯದ ಘೋಸಿಯಿಂದ ಲೋಕಸಭೆಯ ಸಂಸದರಾಗಿ ಆಯ್ಕೆಯಾಗಿದ್ದಾರೆ. 2019ರ ರಾಷ್ಟ್ರೀಯ ಚುನಾವಣೆಯಲ್ಲಿ ಗೆದ್ದ ನಂತರ ಅವರು ಪೊಲೀಸರೆದುರು ಶರಣಾಗಿದ್ದರು.

ಪೂರ್ವ ಉತ್ತರ ಪ್ರದೇಶದ 24 ವರ್ಷದ ಮಹಿಳೆ 2019ರಲ್ಲಿ ಅತುಲ್ ರೈ ಮೇಲೆ ಅತ್ಯಾಚಾರದ ಆರೋಪ ಮಾಡಿದ್ದರು. ಪೊಲೀಸರಿಗೆ ನೀಡಿದ ದೂರಿನಲ್ಲಿ ಆ ಮಹಿಳೆ 2018ರಲ್ಲಿ ತನ್ನ ವಾರಣಾಸಿಯ ನಿವಾಸದಲ್ಲಿ ಅತುಲ್ ರೈ ತನ್ನ ಮೇಲೆ ಅತ್ಯಾಚಾರವೆಸಗಿದ್ದಾನೆ ಎಂದು ಹೇಳಿದ್ದರು. ಆಕೆ ಮತ್ತು ಆಕೆಯ ಸ್ನೇಹಿತ ಸುಪ್ರೀಂ ಕೋರ್ಟ್‌ನ ಹೊರಗೆ ಬೆಂಕಿ ಹಚ್ಚಿಕೊಂಡು ಆಸ್ಪತ್ರೆ ಸೇರಿದ್ದರು. ಅದಾದ ಒಂದು ವಾರದ ನಂತರ ಕಳೆದ ವರ್ಷ ಆಗಸ್ಟ್‌ನಲ್ಲಿ ಅವರಿಬ್ಬರೂ ದೆಹಲಿಯ ಆಸ್ಪತ್ರೆಯಲ್ಲಿ ಸುಟ್ಟ ಗಾಯಗಳಿಂದ ನಿಧನರಾಗಿದ್ದರು.

ಇದನ್ನೂ ಓದಿ: Rape Case: 10 ರೂ. ಆಮಿಷವೊಡ್ಡಿ ಬಾಲಕಿ ಮೇಲೆ 76 ವರ್ಷದ ವೃದ್ಧನಿಂದ ನಿರಂತರ ಅತ್ಯಾಚಾರ

ಬೆಂಕಿ ಹಚ್ಚಿಕೊಳ್ಳುವ ಮುನ್ನ ಆ ಮಹಿಳೆ ಮತ್ತು ಆಕೆಯ ಸ್ನೇಹಿತ ಫೇಸ್‌ಬುಕ್ ಲೈವ್ ವಿಡಿಯೋ ಮಾಡಿದ್ದರು. ಈ ವಿಡಿಯೋದಲ್ಲಿ ಅವರು ಉತ್ತರ ಪ್ರದೇಶದ ವಾರಣಾಸಿಯಲ್ಲಿ ಪೊಲೀಸರ ಮೇಲೂ ಆರೋಪ ಮಾಡಿದ್ದರು. ನಮ್ಮಿಬ್ಬರಿಗೂ ಪೊಲೀಸರಿಂದ ನ್ಯಾಯ ಸಿಗುವುದಿಲ್ಲ ಎಂದು ಈ ರೀತಿ ಬೆಂಕಿ ಹಚ್ಚಿಕೊಂಡು ಸಾಯುತ್ತಿದ್ದೇವೆ ಎಂದು ಅವರು ಹೇಳಿದ್ದರು.

ಈ ವಿಷಯದಲ್ಲಿ ಉತ್ತರ ಪ್ರದೇಶ ಪೊಲೀಸರು ದಾಖಲಿಸಿದ ಆತ್ಮಹತ್ಯೆಗೆ ಪ್ರಚೋದನೆ ಪ್ರಕರಣದಲ್ಲಿ ಅತುಲ್ ರೈ ಕೂಡ ಆರೋಪಿಯಾಗಿದ್ದು, ಜುಲೈನಲ್ಲಿ ಈ ಪ್ರಕರಣದಲ್ಲಿ ಅಲಹಾಬಾದ್ ಹೈಕೋರ್ಟ್ ಅವರಿಗೆ ಜಾಮೀನನ್ನು ತಿರಸ್ಕರಿಸಿತ್ತು. ಅವರ ವಿರುದ್ಧ ಪ್ರಕರಣ ದಾಖಲಿಸಿದ ಒಂದು ತಿಂಗಳ ನಂತರ ಅಂದರೆ ಜೂನ್ 2019ರಲ್ಲಿ ಬಿಎಸ್‌ಪಿ ನಾಯಕ ಅತುಲ್ ರೈ ಶರಣಾಗಿದ್ದರು. ಅಂದಿನಿಂದ ಅವರು ಜೈಲಿನಲ್ಲಿದ್ದಾರೆ.

ಇದನ್ನೂ ಓದಿ: Bengaluru Rape: ಬೆಂಗಳೂರಿನ ಚರ್ಚ್​​ನಲ್ಲಿ ಬಾಲಕಿ ಮೇಲೆ ಅತ್ಯಾಚಾರ; 12 ವರ್ಷಗಳ ಬಳಿಕ ವಿಷಯ ಬಯಲು

2020ರ ನವೆಂಬರ್​ನಲ್ಲಿ ಅತುಲ್ ರಾಯ್ ಅವರ ಸಹೋದರ ವಾರಣಾಸಿಯಲ್ಲಿ ಮಹಿಳೆಯ ವಿರುದ್ಧ ಫೋರ್ಜರಿ ಪ್ರಕರಣವನ್ನು ದಾಖಲಿಸಿದ್ದರು. ಅದೇ ವರ್ಷ, ಅತುಲ್ ರಾಯ್ ಅವರು ಪೆರೋಲ್‌ನಲ್ಲಿರುವಾಗ ಸಂಸದರಾಗಿ ಪ್ರಮಾಣ ವಚನ ಸ್ವೀಕರಿಸಲು ಸುಪ್ರೀಂ ಕೋರ್ಟ್ ಅನುಮತಿ ನೀಡಿತು. ಅವರು ಆಯ್ಕೆಯಾದಾಗಿನಿಂದ ಪ್ರಮಾಣ ವಚನ ಸ್ವೀಕರಿಸಿಲ್ಲ ಎಂದು ಅವರ ವಕೀಲರು ಮನವಿ ಮಾಡಿದ ನಂತರ ಅಲಹಾಬಾದ್ ಹೈಕೋರ್ಟ್ ಸಂಸತ್ತಿನಲ್ಲಿ ಪ್ರಮಾಣ ವಚನಕ್ಕಾಗಿ 2 ದಿನಗಳ ಪೆರೋಲ್ ನೀಡಿತ್ತು.