82 ಕೋಟಿ ರೂ. ಮೌಲ್ಯದ ಕೊಕೇನ್ ಕಳ್ಳಸಾಗಣೆ: ದೆಹಲಿ ವಿಮಾನ ನಿಲ್ದಾಣದಲ್ಲಿ ನೈಜೀರಿಯಾದ ಮಹಿಳೆ ಬಂಧನ
ದೆಹಲಿಯ ವಿಮಾನ ನಿಲ್ದಾಣದಲ್ಲಿ ನೈಜೀರಿಯಾ ಮೂಲದ ಮಹಿಳೆಯು 82 ಕೋಟಿ ರೂ. ಮೌಲ್ಯದ ಕೊಕೇನ್ ಕಳ್ಳಸಾಗಣೆ ಮಾಡುತ್ತಿದ್ದ ಹಿನ್ನೆಲೆಯಲ್ಲಿ ಆಕೆಯನ್ನು ಬಂಧಿಸಲಾಗಿದೆ. ಮಂಗಳವಾರ ಇಥಿಯೋಪಿಯಾದ ಅಡಿಸ್ ಅಬಾಬಾದಿಂದ ಆಗಮಿಸಿದ್ದಳು ಎನ್ನಲಾಗಿದೆ. ಬ್ಯಾಗ್ನ್ನು ಸಂಪೂರ್ಣವಾಗಿ ಶೋಧಿಸಿದಾಗ ಅದರಲ್ಲಿ ಕೊಕೇನ್ ಪತ್ತೆಯಾಗಿದೆ. ಅದು ಬರೋಬ್ಬರಿ 82 ಕೋಟಿ ರೂ. ಬೆಲೆ ಬಾಳುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
Updated on:Feb 02, 2024 | 10:26 AM
ಬರೋಬ್ಬರಿ 82 ಕೋಟಿ ರೂ. ಮೌಲ್ಯದ ಕೊಕೇನ್(Cocaine) ಕಳ್ಳಸಾಗಣೆ ಆರೋಪದ ಮೇಲೆ ನೈಜೀರಿಯಾ ಮೂಲದ ಮಹಿಳೆಯನ್ನು ದೆಹಲಿಯ ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಗಿದೆ. ಸಂಪೂರ್ಣ ಸಾಮಾನು ಸರಂಜಾಮು ಶೋಧದಲ್ಲಿ, ಆಕೆ ಸಾಗಿಸುತ್ತಿದ್ದ ಎರಡು ನೀಲಿ ಬಣ್ಣದ ಟ್ರಾಲಿ ಬ್ಯಾಗ್ಗಳಲ್ಲಿ ಕೆಲವು ವಸ್ತುಗಳನ್ನು ಬಚ್ಚಿಟ್ಟಿರುವುದು ಕಂಡುಬಂದಿದೆ, ಚೀಲಗಳ ವಿವರವಾದ ಪರೀಕ್ಷೆ ನಡೆಸಿದಾಗ ಒಟ್ಟು 5.8 ಕೆಜಿ ಬಿಳಿ ಬಣ್ಣದ ಪುಡಿ ಇದ್ದ ಪ್ಯಾಕೆಟ್ಗಳಿದ್ದವು. ಆಮೇಲೆ ಅದು ಕೊಕೇನ್ ಎಂದು ತಿಳಿದುಬಂದಿದ್ದು, ಕೊಕೇನ್ ಅನ್ನು ಹೊಂದಿದ್ದು, 82.446 ಕೋಟಿ ರೂಪಾಯಿಗಳ ಅಂತಾರಾಷ್ಟ್ರೀಯ ಮೌಲ್ಯವನ್ನು ಹೊಂದಿದೆ ಎಂಬುದು ತಿಳಿದುಬಂದಿದೆ.
ಮತ್ತೊಂದು ಘಟನೆ ಆಸ್ಟ್ರೇಲಿಯಾಕ್ಕೆ ಅರ್ಧ ಟನ್ ಕೊಕೇನ್ ರಫ್ತು ಮಾಡಿದ್ದ ಭಾರತ ಮೂಲದ ದಂಪತಿಗೆ 33 ವರ್ಷಗಳ ಜೈಲು ಶಿಕ್ಷೆ ಆಸ್ಟ್ರೇಲಿಯಾಕ್ಕೆ ಅರ್ಧ ಟನ್ಗಿಂತ ಹೆಚ್ಚು ಕೊಕೇನ್ ರಫ್ತು ಮಾಡಿದ ಆರೋಪದ ಮೇಲೆ ಯುಕೆಯಲ್ಲಿರುವ ಭಾರತೀಯ ಮೂಲದ ದಂಪತಿಗೆ 33 ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ.
ಆಸ್ಟ್ರೇಲಿಯನ್ ಬಾರ್ಡರ್ ಫೋರ್ಸ್ ಮೇ 2021 ರಲ್ಲಿ ಸಿಡ್ನಿಗೆ ಆಗಮಿಸಿದಾಗ 57 ಮಿಲಿಯನ್ ಪೌಂಡ್ ಮೌಲ್ಯದ ಕೊಕೇನ್ ಅನ್ನು ತಡೆದಿದ್ದರು. ನಂತರ ರಾಷ್ಟ್ರೀಯ ಅಪರಾಧ ಸಂಸ್ಥೆ (ಎನ್ಸಿಎ) ತನಿಖಾಧಿಕಾರಿಗಳು ಈಲಿಂಗ್ನ ಹ್ಯಾನ್ವೆಲ್ನಿಂದ ಆರ್ತಿ ಧೀರ್, 59, ಮತ್ತು ಕವಲ್ಜಿತ್ಸಿನ್ಹ ರೈಜಾಡಾ, 35 ಎಂಬುವವರನ್ನು ಬಂಧಿಸಿದ್ದರು.
ಮತ್ತಷ್ಟು ಓದಿ: ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ 26 ಕೋಟಿ ರೂ. ಮೌಲ್ಯದ ಕೊಕೇನ್, ಕೀನ್ಯಾ ಮೂಲದ ಮಹಿಳೆ ವಶ
ದಂಪತಿಯನ್ನು ಹಸ್ತಾಂತರಿಸುವಂತೆ ಭಾರತ ಈ ಹಿಂದೆ ಕೋರಿತ್ತು ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ. 2017 ರಲ್ಲಿ ವಿಮಾ ಪಾವತಿಗಾಗಿ ತಮ್ಮ 11 ವರ್ಷದ ದತ್ತುಪುತ್ರ ಗೋಪಾಲ್ ಸೆಜಾನಿ ಹತ್ಯೆ ಮಾಡಿದ ಆರೋಪ ಅವರ ಮೇಲಿದೆ. ಹಾನ್ವೆಲ್ನ ಜೋಡಿಯು 2015 ರಲ್ಲಿ ಗೋಪಾಲ್ನನ್ನು ದತ್ತು ಪಡೆಯಲು ಗುಜರಾತ್ಗೆ ಹೋಗಿದ್ದರು, ಲಂಡನ್ನಲ್ಲಿ ಉತ್ತಮ ಜೀವನವನ್ನು ನೀಡುವುದಾಗಿ ಭರವಸೆ ನೀಡಿದ್ದರು.
ದಂಪತಿ ಯುಕೆಯಿಂದ ವಾಣಿಜ್ಯ ವಿಮಾನದ ಮೂಲಕ ಮಾದಕವಸ್ತುಗಳನ್ನು ರವಾನಿಸಿದೆ ಎಂದು ನ್ಯಾಯಾಲಯವು ಕೇಳಿದೆ. ಅಧಿಕಾರಿಗಳು ಲೋಹದ ಟೂಲ್ಬಾಕ್ಸ್ಗಳನ್ನು ತೆರೆದಾಗ, ಅವರು 514 ಕಿಲೋಗ್ರಾಂಗಳಷ್ಟು ಕೊಕೇನ್ ಅನ್ನು ಪತ್ತೆಯಾಗಿತ್ತು. ಆಸ್ಟ್ರೇಲಿಯಾಕ್ಕೆ ಕೊಕೇನ್ ರಫ್ತು ಮಾಡುವ ಮತ್ತು ಅಕ್ರಮ ಹಣ ವರ್ಗಾವಣೆ ಆರೋಪಗಳನ್ನು ಧೀರ್ ಮತ್ತು ರೈಜಾಡಾ ನಿರಾಕರಿಸಿದ್ದಾರೆ.
ಆಸ್ಟ್ರೇಲಿಯಾದಲ್ಲಿ ಮಾರಾಟವಾಗಿದ್ದರೆ ಇದರ ಬೆಲೆ 601 ಕೋಟಿ ರೂ.ಗಿಂತ ಹೆಚ್ಚಿರುತ್ತಿತ್ತು. ಬ್ರಿಟನ್ನಲ್ಲಿ ಒಂದು ಕಿಲೋ ಕೊಕೇನ್ನ ಬೆಲೆ 26,000 ಪೌಂಡ್ಗಳು, ಆದರೆ ಆಸ್ಟ್ರೇಲಿಯಾದಲ್ಲಿ ಅದರ ಮೌಲ್ಯ 110,000 ಪೌಂಡ್ಗಳು.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 10:25 am, Fri, 2 February 24
