Fact Check: ನೀತಾ ಅಂಬಾನಿಗೆ ನಮಸ್ಕಾರ ಮಾಡುತ್ತಿರುವ ನರೇಂದ್ರ ಮೋದಿ, ಸಾಮಾಜಿಕ ಮಾಧ್ಯಮಗಳಲ್ಲಿ ‘ಫೇಕ್ ಫೋಟೊ’ ವೈರಲ್

Fact Check: ನೀತಾ ಅಂಬಾನಿಗೆ ನಮಸ್ಕಾರ ಮಾಡುತ್ತಿರುವ ನರೇಂದ್ರ ಮೋದಿ, ಸಾಮಾಜಿಕ ಮಾಧ್ಯಮಗಳಲ್ಲಿ 'ಫೇಕ್ ಫೋಟೊ' ವೈರಲ್

Narendra Modi: ರಿಲಯನ್ಸ್ ಫೌಂಡೇಶನ್ ಅಧ್ಯಕ್ಷೆ ನೀತಾ ಅಂಬಾನಿ ಮುಂದೆ ತಲೆಬಾಗಿ ನಮಸ್ಕರಿಸುತ್ತಿರುವ ಪ್ರಧಾನಿ ನರೇಂದ್ರ ಮೋದಿ ಎಂಬ ಒಕ್ಕಣೆಯೊಂದಿಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿರುವ ಚಿತ್ರದ ಫ್ಯಾಕ್ಟ್ ಚೆಕ್ ಇಲ್ಲಿದೆ

TV9kannada Web Team

| Edited By: Rashmi Kallakatta

Jun 07, 2021 | 4:39 PM

ರಿಲಯನ್ಸ್ ಫೌಂಡೇಶನ್ ಸಂಸ್ಥಾಪಕರು ಮತ್ತು ಅಧ್ಯಕ್ಷೆ ನೀತಾ ಅಂಬಾನಿ ಮುಂದೆ ವಿನಯದಿಂದ ಕೈಮುಗಿಯುತ್ತಿರುವ ಪ್ರಧಾನಿ ನರೇಂದ್ರ ಮೋದಿವರ ಫೋಟೊ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ಈ ಫೋಟೊ ಎಡಿಟ್ ಮಾಡಿದ ಫೋಟೊ ಆಗಿದ್ದು ವೈರಲ್ ಚಿತ್ರ ಫೇಕ್ ಎಂದು ಬೂಮ್ ಲೈವ್ ವರದಿಮಾಡಿದೆ. 2018ರ ಫೋಟೊ ಇದಾಗಿದ್ದು ಸಾಮಾಜಿಕ ಕಾರ್ಯಕರ್ತೆ ದೀಪಿಕಾ ಮೊಂಡೋಲ್ ಎಂಬವರಿಗೆ ಮೋದಿ ನಮಸ್ಕರಿಸಿ ಸ್ವಾಗತಿಸುತ್ತಿರುವ ಫೋಟೊ ಇದಾಗಿದೆ. ಮೂಲ ಫೋಟೊದಲ್ಲಿ ದೀಪಿಕಾ ಮೊಂಡೋಲ್ ಅವರ ಚಿತ್ರವನ್ನು ಎಡಿಟ್ ಮಾಡಿ ಆ ಜಾಗದಲ್ಲಿ ನೀತಾ ಅಂಬಾನಿ ಅವರ ಫೋಟೊ ಇರಿಸಲಾಗಿದೆ.

ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಪ್ರಸಾರ ಭಾರತಿಯ ಮಾಜಿ ಸಿಇಒ ಜವಾಹರ್ ಸಿರ್ಕಾರ್ ಈ ಫೋಟೊವನ್ನು ಟ್ವೀಟ್ ಮಾಡಿ, ಪ್ರಧಾನಿಯವರು ತಮ್ಮ ಸಂಸದರು ಮತ್ತು ರಾಜಕೀಯದಲ್ಲಿರುವ ಇತರನ್ನು ಇದೇ ರೀತಿ ಸೌಜ್ಯದಿಂದ ಮಾತಾಡಿಸುತ್ತಿದ್ದರೆ ಎಂದು ಆಶಿಸುತ್ತಿದ್ದೇನೆ. ಪ್ರಬುದ್ಧ ಪ್ರಜಾಪ್ರಭುತ್ವದಲ್ಲಿ, ದ್ವಿಮುಖ ಸಂಬಂಧ, ಪರ, ವಹಿವಾಟು ನಮಗೆ ತಿಳಿದಿರುತ್ತದೆ. ಕೆಲವು ದಿನಗಳಲ್ಲಿ  ಇತಿಹಾಸವು ನಮಗೆ ತಿಳಿಸುತ್ತದೆ ಎಂದು ಬರೆದಿದ್ದಾರೆ.

Jawahar

ಜವಾಹರ್ ಸಿರ್ಕಾರ್ ಅವರ ಟ್ವೀಟ್

ಫ್ಯಾಕ್ಟ್ ಚೆಕ್ ಮೂಲ ಚಿತ್ರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಸಾಮಾಜಿಕ ಕಾರ್ಯಕರ್ತೆ ದೀಪಿಕಾ ಮೊಂಡೋಲ್ ಅವರಿಗೆ ನಮಸ್ಕಾರ ಮಾಡುತ್ತಿದ್ದಾರೆ. 2018ರಲ್ಲಿ ರಾಷ್ಟ್ರಪತಿಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ದೀಪಿಕಾ ಪತಿ ಸಮರ್ ಮೊಂಡೋಲ್ ಜತೆ ಭಾಗವಹಿಸಿದ್ದರು. ಸಮರ್ ಮೊಂಡೋಲ್ ಅವರು ರಾಷ್ಟ್ರಪತಿ ಭವನದಲ್ಲಿ ಫೋಟೊಗ್ರಾಫರ್ ಆಗಿದ್ದು 2018ರಲ್ಲಿತೆಗೆದ ಫೋಟೊ ಇದು,ಅದನ್ನು ಕ್ಲಿಕ್ಕಿಸಿದ್ದು ಅವರೇ ಎಂದು ಹೇಳಿರುವುದಾಗಿ ಬೂಮ್ ಲೈವ್ ವರದಿ ಮಾಡಿದೆ.

2020 ರ ಡಿಸೆಂಬರ್‌ನಲ್ಲಿ ಇದೇ ಫೋಟೊ ಎಡಿಟ್ ಆಗಿ ವೈರಲ್ ಆಗಿತ್ತು. ಆ ಫೋಟೊದಲ್ಲಿ ದೀಪಿಕಾ ಅವರ ಬದಲು ಅದಾನಿ ಫೌಂಡೇಶನ್‌ನ ಅಧ್ಯಕ್ಷೆ ಪ್ರೀತಿ ಅದಾನಿಗೆ ಮೋದಿ ತಲೆಬಾಗುತ್ತಿದ್ದಾರೆ ಎಂದಿತ್ತು. ಈ ಚಿತ್ರದ ಫ್ಯಾಕ್ಟ್ ಚೆಕ್ ಇಲ್ಲಿದೆ.

ವೈರಲ್ ಇಮೇಜ್ ನ್ನು ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಮಾಡಿದಾಗ ಏಪ್ರಿಲ್ 12, 2018 ರಂದು ಹಿಂದಿ  ದಿನಪತ್ರಿಕೆ ಅಮರ್ ಉಜಾಲಾದಲ್ಲಿ ಪ್ರಕಟವಾದ ಸುದ್ದಿ ಸಿಕ್ಕಿದೆ. ಈ ವರದಿ ಪ್ರಕಾರ ಚಿತ್ರದಲ್ಲಿರುವ ಮಹಿಳೆಯನ್ನು ದೀಪಿಕಾ ಮೊಂಡೋಲ್, ಸಾಮಾಜಿಕ ಕಾರ್ಯಕರ್ತೆಯಾಗಿರುವ ಇವರು ದಿವ್ಯಜ್ಯೋತಿ ಕಲ್ಚರ್ ಆರ್ಗನೈಸೇಷನ್ ಆಂಡ್ ವೆಲ್ಫೇರ್ ಸೊಸೈಟಿ ನಡೆಸುತ್ತಿದ್ದಾರೆ.

ಅಮರ್ ಉಜಾಲಾದಲ್ಲಿ ಪ್ರಕಟವಾದ ಫೋಟೊ

ಅಮರ್ ಉಜಾಲಾದಲ್ಲಿನ ಇದೇ ಫೋಟೊ ಇದ್ದು, ಇತರ ಸೆಲೆಬ್ರಿಟಿಗಳು ಮತ್ತು ರಾಜಕಾರಣಿಗಳೊಂದಿಗೆ ಪೋಸ್ ನೀಡುತ್ತಿರುವುದಿದೆ ಈ ಸುಳಿವು ಎಂದು ಬಳಸಿಕೊಂಡು, ನಾವು ದಿವ್ಯಜ್ಯೋತಿ ಕಲ್ಚರ್ ಆರ್ಗನೈಸೇಷನ್ ಆಂಡ್ ವೆಲ್ಫೇರ್ ಸೊಸೈಟಿ ಹುಡುಕಿದ್ದೇವೆ. ಅಲ್ಲಿ ಅನೇಕ ಎನ್‌ಜಿಒ ಡೈರೆಕ್ಟರಿ ವೆಬ್‌ಸೈಟ್‌ಗಳಲ್ಲಿ ಪಟ್ಟಿ ಮಾಡಲ್ಪಟ್ಟಿದೆ. ಈ ವೆಬ್ ಸೈಟ್ ಗಳಲ್ಲಿ ಮೊಂಡೋಲ್ ಅನ್ನು ಸ್ಥಾಪಕ ಪಾಲುದಾರರಲ್ಲಿ ಒಬ್ಬರೆಂದು ಪಟ್ಟಿ ಮಾಡಿವೆ. ಡಿಸೆಂಬರ್ 2020 ರಲ್ಲಿ ಬೂಮ್ ಜೊತೆ ಮಾತಾನಾಡಿದ ಮೊಂಡೋಲ್ ಫೋಟೊದಲ್ಲಿರುವುದು ತಾನೇ ಎಂದು ದೃಢಪಡಿಸಿರುವುದಾಗಿ ಬೂಮ್ ತಂಡ  ಹೇಳಿದೆ.

ಪ್ರಣಬ್ ಮುಖರ್ಜಿ ರಾಷ್ಟ್ರಪತಿ ಆಗಿದ್ದಾಗ ಸಿವಿಲ್ ಇನ್ಸಿಟ್ಯೂಟ್ ಸಮಾರಂಭವೊಂದರಲ್ಲಿ ಪಾಲ್ಗೊಂಡಿದ್ದು 2018 ರಲ್ಲಿ ತೆಗೆದ ಫೋಟೊ ಇದಾಗಿದೆ ಎಂದು ಮೊಂಡೋಲ್ ಆಗ ಬೂಮ್‌ಗೆ ತಿಳಿಸಿದ್ದರು. ಮೊಂಡೋಲ್ ಚಿತ್ರದ ಬಗ್ಗೆ ಮಾತನಾಡಿದ್ದು , ಪ್ರಧಾನಿ ಎಲ್ಲರನ್ನೂ ಭೇಟಿಯಾಗಿದ್ದರ. ಅವನು ನನ್ನ ಬಳಿಗೆ ಬಂದಾಗ, ನಾನು ನಮಸ್ತೆ ಎಂದು ಹೇಳಿದೆ, ಅದಕ್ಕೆ ಅವರು ನಮಸ್ತೆ ಮಾತಾಜಿ ಎಂದು ಉತ್ತರಿಸಿದರು. ನಂತರ ನಾನು ಏನು ಮಾಡುತ್ತೇನೆ ಎಂದು ಕೇಳಿದರು. ನಾನು ಅವರಲ್ಲಿ ಸಾಮಾಜಿಕ ಕಾರ್ಯಕರ್ತೆ ಎಂದು ಹೇಳಿದಾಗ ಅವರು ಕೈಮುಗಿದು ನನಗೆ ನಮಸ್ಕರಿಸಿದರು. ಆ ಗೌರವದಿಂದ ತುಂಬಾ ವಿನಮ್ರಳಾಗಿದ್ದೇನೆ. ಪ್ರಧಾನ ಮಂತ್ರಿ ನನಗೆ ನಮಸ್ಕರಿಸುತ್ತಿರುವಾಗ ನಾನು ಖುಷಿಯಿಂದ ತೇಲಾಡುತ್ತಿರುವುದು ನೀವು ಫೋಟೋದಲ್ಲಿ ನೋಡಬಹುದು ಎಂದಿದ್ದರು.

ಪಿಎಂ ಮೋದಿ ಶೀಘ್ರದಲ್ಲೇ ಹೊರಟು ಇತರ ಅತಿಥಿಗಳನ್ನು ಭೇಟಿ ಮಾಡಲು ಹೋದರು ಎಂದು ಮೊಂಡೋಲ್ ಹೇಳಿದ್ದಾರೆ. “ಕೆಲವು ಪತ್ರಿಕೆಗಳು ಅದನ್ನು ಎತ್ತಿಕೊಂಡು ನನ್ನ ಬಗ್ಗೆ ಬರೆದ ನಂತರವೂ 2018 ರಲ್ಲಿ ಈ ಫೋಟೋ ವೈರಲ್ ಆಗಿದೆ” ಎಂದು ಅವರು ಹೇಳಿದರು. “ನಾನು ಅದಾನಿಯವರ ಜತೆ ಸಂಬಂಧ ಅಥವಾ ಸಂಪರ್ಕ ಹೊಂದಿಲ್ಲ. ನಾನು ಎನ್‌ಜಿಒ ನಡೆಸುತ್ತಿದ್ದೇನೆ ಮತ್ತು ಸಾಮಾಜಿಕ ಕಾರ್ಯಗಳನ್ನು ಮಾಡುತ್ತೇನೆ.”

ರಾಷ್ಟ್ರಪತಿ ಭವನದಲ್ಲಿ ಅಧಿಕೃತ ಛಾಯಾಗ್ರಾಹಕರಾಗಿದ್ದ ಮೊಂಡೋಲ್ ಅವರ ಪತಿ ಸಮರ್ ಅವರನ್ನೂ ಬೂಮ್ ಸಂಪರ್ಕಿಸಿದೆ “ಅವರು ರಾಷ್ಟ್ರಪತಿ ಭವನದಲ್ಲಿ ನನ್ನೊಂದಿಗೆ ವಿವಿಧ ಕಾರ್ಯಕ್ರಮಗಳಿಗೆ ಹಾಜರಾಗುತ್ತಿದ್ದರು. ಅವರುಸರಿಯಾದ ಅನುಮತಿ ಮತ್ತು ಕಾರ್ಯವಿಧಾನವನ್ನು ಅನುಸರಿಸುತ್ತಾರೆ. ವಿವಿಧ ಗಣ್ಯರು ಮತ್ತು ರಾಜಕೀಯ ಮುಖಂಡರೊಂದಿಗೆ ಅವರ ಫೋಟೊಗಳಿವೆ” ಎಂದು ಅವರು ಹೇಳಿದರು. ಫೋಟೋವನ್ನು ತನ್ನ ಹೆಂಡತಿಯ ಫೇಸ್‌ಬುಕ್ ಪ್ರೊಫೈಲ್‌ನಲ್ಲಿಯೂ ಅಪ್‌ಲೋಡ್ ಮಾಡಲಾಗಿದೆ ಎಂದು ಸಮರ್ ವಿವರಿಸಿದರು. “ನಾವು ಅದನ್ನು ಅಪ್‌ಲೋಡ್ ಮಾಡಿದ್ದೇವೆ ಆದರೆ ಅದು ಕೆಲವು ತಪ್ಪು ಸಂದೇಶಗಳೊಂದಿಗೆ ವೈರಲ್ ಆಗಿದೆ ಎಂದು ನಮಗೆ ತಿಳಿದಾಗ, ನಾವು ಅವಳ ಪ್ರೊಫೈಲ್ ಅನ್ನು ಲಾಕ್ ಮಾಡಿದ್ದೇವೆ ಎಂದಿದ್ದಾರೆ ಸಮರ್.

ಇದನ್ನೂ ಓದಿ: Fact Check: ಸೋನಿಯಾ ಗಾಂಧಿ ಅವರ ಶೆಲ್ಫ್​ನಲ್ಲಿ ಮತಾಂತರದ ಪುಸ್ತಕ? ವೈರಲ್ ಆಗಿದ್ದು ಎಡಿಟ್ ಮಾಡಿದ ಚಿತ್ರ

(Fact Check PM Narendra Modi bowing with folded hands Nita Ambani Viral Photo is fake)

Follow us on

Related Stories

Most Read Stories

Click on your DTH Provider to Add TV9 Kannada