IBPS RRB 2021: 10 ಸಾವಿರಕ್ಕೂ ಹೆಚ್ಚು ಕಚೇರಿ ಸಹಾಯಕ ಹಾಗೂ ಬ್ಯಾಂಕ್ ಅಧಿಕಾರಿ ಹುದ್ದೆಗೆ ಅರ್ಜಿ ಆಹ್ವಾನ; ಇಲ್ಲಿದೆ ವಿವರ

IBPS RRB 2021: 10 ಸಾವಿರಕ್ಕೂ ಹೆಚ್ಚು ಕಚೇರಿ ಸಹಾಯಕ ಹಾಗೂ ಬ್ಯಾಂಕ್ ಅಧಿಕಾರಿ ಹುದ್ದೆಗೆ ಅರ್ಜಿ ಆಹ್ವಾನ; ಇಲ್ಲಿದೆ ವಿವರ
ಸಾಂದರ್ಭಿಕ ಚಿತ್ರ

IBPS RRB Recruitment Notification 2021: ವರದಿಯ ಪ್ರಕಾರ ಭಾರತದಾದ್ಯಂತ ಸುಮಾರು 43 ವಿವಿಧ ಗ್ರಾಮೀಣ ಬ್ಯಾಂಕ್​ಗಳಲ್ಲಿ 10,493 ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ.

TV9kannada Web Team

| Edited By: ganapathi bhat

Jun 07, 2021 | 9:37 PM

IBPS RRB 2021 PO/Clerk Job: ಇನ್​ಸ್ಟಿಟ್ಯೂಟ್ ಆಫ್ ಬ್ಯಾಂಕಿಂಗ್ ಪರ್ಸನಲ್ ಸೆಲೆಕ್ಷನ್ (IBPS), ರೀಜನಲ್ ರೂರಲ್ ಬ್ಯಾಂಕ್ (RRB) ಅಧಿಕಾರಿ ದರ್ಜೆ- 1 (PO), ಕಚೇರಿ ಸಹಾಯಕ (Clerk) ಹಾಗೂ ಅಧಿಕಾರಿ ದರ್ಜೆ- 2 ಮತ್ತು 3 (CRP RRB X) ಹುದ್ದೆಗೆ ಪರೀಕ್ಷಾ ನೋಟಿಫಿಕೇಷನ್ ಬಿಡುಗಡೆಗೊಳಿಸಿದೆ. ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳು ಐಬಿಪಿಎಸ್ ಆರ್​ಆರ್​ಬಿ ನೇಮಕಾತಿಗೆ ಮಂಗಳವಾರದಿಂದ (ಜೂನ್ 8) ಅರ್ಜಿ ಸಲ್ಲಿಸಬಹುದು ಎಂದು ತಿಳಿಸಲಾಗಿದೆ. ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಜೂನ್ 28, 2021 ಆಗಿದೆ.

ಐಬಿಪಿಎಸ್ ಕ್ಲರ್ಕ್/ ಪಿಒ ನೇಮಕಾತಿಯು ಸಾಮಾನ್ಯ ನೇಮಕಾತಿ ಮೂಲಕ ನಡೆಯಲಿದೆ. ವರದಿಯ ಪ್ರಕಾರ ಭಾರತದಾದ್ಯಂತ ಸುಮಾರು 43 ವಿವಿಧ ಗ್ರಾಮೀಣ ಬ್ಯಾಂಕ್​ಗಳಲ್ಲಿ 10,493 ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ. ಆಂಧ್ರ ಪ್ರದೇಶ ಗ್ರಾಮೀಣ ವಿಕಾಸ್ ಬ್ಯಾಂಕ್, ಉತ್ತರ ಬಿಹಾರ ಗ್ರಾಮೀಣ ಬ್ಯಾಂಕ್ ಇಂತಹ ಇತ್ಯಾದಿ ಬ್ಯಾಂಕ್​ಗಳಿಗೆ ನೇಮಕಾತಿ ನಡೆಯಲಿದೆ.

ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಕೇವಲ ಆನ್​ಲೈನ್ ವಿಧಾನ ಮಾತ್ರ ಸೂಚಿಸಲಾಗಿದೆ. ಆಸಕ್ತರು ಆನ್​ಲೈನ್ ಮುಖಾಂತರವೇ ಅರ್ಜಿ ಸಲ್ಲಿಸಬಹುದು. ಪ್ರಿಲಿಮಿನರಿ ಮತ್ತು ಮುಖ್ಯ ಪರೀಕ್ಷೆಗಳು ಅನ್ವಯಿಸುವುದಾದರೆ ಅವೆರಡಕ್ಕೂ ಒಂದೇ ರಿಜಿಸ್ಟ್ರೇಷನ್ ಬಳಕೆಯಾಗಲಿದೆ.

ಐಬಿಪಿಎಸ್ ಕ್ಯಾಲೆಂಡರ್ ಅನುಸಾರ, PO ಮತ್ತು ಗುಮಾಸ್ತ (Clerk) ಹುದ್ದೆಗಳಿಗೆ IBPS RRB Prelims Exam 2021 ಈ ಕೆಳಗೆ ಸೂಚಿಸಿದ ದಿನಾಂಕದಂದು ಆನ್​ಲೈನ್ ವಿಧಾನದಲ್ಲಿ ನಡೆಯಲಿದೆ: ಆಗಸ್ಟ್ 1, ಆಗಸ್ಟ್ 7, ಆಗಸ್ಟ್ 8, ಆಗಸ್ಟ್ 14, ಆಗಸ್ಟ್ 21

ಪ್ರಿಲಿಮ್ಸ್​ನಲ್ಲಿ ಆಯ್ಕೆಯಾದ ವಿದ್ಯಾರ್ಥಿಗಳನ್ನು ಮೈನ್ಸ್​ಗೆ ಕರೆಯಲಾಗುತ್ತದೆ. ಪಿಒ ಹುದ್ದೆಗೆ ಮೈನ್ಸ್ ಪರೀಕ್ಷೆಯು ಸಪ್ಟೆಂಬರ್ 25ರಂದು ಮತ್ತು ಕ್ಲರ್ಕ್ ಹುದ್ದೆಗೆ ಮೈನ್ಸ್ ಪರೀಕ್ಷೆಯು ಅಕ್ಟೋಬರ್ 3ರಂದು ನಡೆಯಲಿದೆ.

ದರ್ಜೆ 2 ಮತ್ತು 3 ಅಧಿಕಾರಿ ಹುದ್ದೆಗೆ ನೇಮಕಾತಿ ಪ್ರಕ್ರಿಯೆಯು ಒಂದೇ ಪರೀಕ್ಷೆಯ ಮೂಲಕ ನಡೆಯಲಿದೆ. ಅದು ಸಪ್ಟೆಂಬರ್ 25ರಂದು ನಡೆಯಲಿದೆ. ದರ್ಜೆ 1, 2 ಮತ್ತು 3ರ ಗ್ರೂಪ್ ಎ ಅಧಿಕಾರಿ ಹುದ್ದೆಗೆ ಸಂದರ್ಶನ (Interview) ಪ್ರಕ್ರಿಯೆಯು ಸ್ಥಳೀಯ ಗ್ರಾಮೀಣ ಬ್ಯಾಂಕ್​ಗಳಲ್ಲಿ ನಿಗದಿತ ಅಧಿಕಾರಿಗಳ ಸೂಚನೆಯಂತೆ ನವೆಂಬರ್ 2021ರಲ್ಲಿ ನಡೆಯಲಿದೆ.

ನೇಮಕಾತಿ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ಇಚ್ಛಿಸುವವರು ಸರ್ಕಾರದಿಂದ ಮಾನ್ಯತೆ ಹೊಂದಿರುವ ವಿಶ್ವವಿದ್ಯಾಲಯದಿಂದ ಪದವಿ ಪಡೆದಿರಬೇಕಿದೆ. ಉಳಿದಂತೆ, ಹುದ್ದೆಗೆ ಅರ್ಜಿ ಸಲ್ಲಿಸಲು ಬೇಕಿರುವ ವಯೋಮಿತಿ, ವಿದ್ಯಾರ್ಹತೆ, ಅನುಭವ, ಪರೀಕ್ಷಾ ವಿಧಾನ ಇತ್ಯಾದಿಗಳನ್ನು ಅಧಿಕೃತ ವೆಬ್​ಸೈಟ್ ಮೂಲಕ ಪಡೆಯಬಹುದಾಗಿದೆ. ಸಂಬಂಧಪಟ್ಟ ಕೊಂಡಿಗಳನ್ನು ಇಲ್ಲಿ ನೀಡಲಾಗಿದೆ.

IBPS RRB Recruitment Notification 2021 ನೋಟಿಫಿಕೇಷನ್ ಡೌನ್​ಲೋಡ್

IBPS ವೆಬ್​ಸೈಟ್

ಇದನ್ನೂ ಓದಿ:

Indian Railways Recruitment 2021: ರೈಲ್ವೇ ಇಲಾಖೆಯ 3591 ಹುದ್ದೆಗಳಿಗೆ ಅರ್ಜಿ ಆಹ್ವಾನ; ಪರೀಕ್ಷೆ ಇಲ್ಲದೆ ನೇರ ನೇಮಕಾತಿ

ಅರ್ಜಿ ಸಲ್ಲಿಸೋ ಬದಲು 3ಡಿ ವಿಡಿಯೋ ಮಾಡಿ ಕೆಲಸ ಗಿಟ್ಟಿಸಿಕೊಂಡ ಹುಡುಗ; ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಮೆಚ್ಚುಗೆ

Follow us on

Most Read Stories

Click on your DTH Provider to Add TV9 Kannada