Coronavirus cases in India: ದೇಶದಲ್ಲಿ 42,015 ಹೊಸ ಕೊವಿಡ್ ಪ್ರಕರಣ ಪತ್ತೆ, 3998 ಮಂದಿ ಸಾವು

Covid 19:ಕೇಂದ್ರ ಆರೋಗ್ಯ ಸಚಿವಾಲಯದ ಪ್ರಕಾರ ನಿನ್ನೆ ಸುಮಾರು 37,000 ಚೇತರಿಕೆ ವರದಿಯಾಗಿದೆ. ದೈನಂದಿನ ಸಕಾರಾತ್ಮಕತೆ ಶೇಕಡಾ 2.27 ಆಗಿದ್ದು , ಸತತ 30 ದಿನಗಳವರೆಗೆ ಶೇಕಡಾ 3 ಕ್ಕಿಂತ ಕಡಿಮೆ ದಾಖಲಾಗಿದೆ.

Coronavirus cases in India: ದೇಶದಲ್ಲಿ 42,015 ಹೊಸ ಕೊವಿಡ್ ಪ್ರಕರಣ ಪತ್ತೆ, 3998 ಮಂದಿ ಸಾವು
ಕೊವಿಡ್ ಲಸಿಕೆ ಪಡೆಯಲು ಸಾಲು ನಿಂತಿರುವ ಜನರು (ಗುರುಗ್ರಾಮದಲ್ಲಿನ ಚಿತ್ರ)

ದೆಹಲಿ: ಕಳೆದ 24 ಗಂಟೆಗಳಲ್ಲಿ 42,015 ಹೊಸ ಕೊರೊನಾವೈರಸ್ ಪ್ರಕರಣಗಳು ಮತ್ತು 398 ಸಾವುಗಳು ವರದಿ ಆಗಿದೆ.ಇದರೊಂದಿಗೆ ಒಟ್ಟು ಪ್ರಕರಣಗಳು 3,12,16,337 ಕ್ಕೆ ಏರಿದೆ. ಕೇಂದ್ರ ಆರೋಗ್ಯ ಸಚಿವಾಲಯದ ಪ್ರಕಾರ ನಿನ್ನೆ ಸುಮಾರು 37,000 ಚೇತರಿಕೆ ವರದಿಯಾಗಿದೆ. ದೈನಂದಿನ ಸಕಾರಾತ್ಮಕತೆ ಶೇಕಡಾ 2.27 ಆಗಿದ್ದು , ಸತತ 30 ದಿನಗಳವರೆಗೆ ಶೇಕಡಾ 3 ಕ್ಕಿಂತ ಕಡಿಮೆ ದಾಖಲಾಗಿದೆ.

ಸಕ್ರಿಯ ಪ್ರಕರಣಗಳ ಸಂಖ್ಯೆ ಸೋಮವಾರ 4.06 ಲಕ್ಷದಿಂದ ಮಂಗಳವಾರ 4.07 ಲಕ್ಷಕ್ಕೆ ಏರಿಕೆಯಾಗಿದೆ. ಕೇರಳದಲ್ಲಿ ಈಗ 1.26 ಲಕ್ಷಕ್ಕೂ ಹೆಚ್ಚು ಸಕ್ರಿಯ ಪ್ರಕರಣಗಳಿವೆ. ಮಂಗಳವಾರ ವರದಿಯಾದ 3,998 ಸಾವುಗಳಲ್ಲಿ,ಮಹಾರಾಷ್ಟ್ರವು ಮತ್ತೊಂದು ಡೇಟಾ ನವೀಕರಿಸಿದ್ದು 3,650 ಕ್ಕಿಂತ ಹೆಚ್ಚು ಪ್ರಕರಣಗಳನ್ನುವರದಿ ಮಾಡಿದೆ. ಇದು ಹಿಂದೆ ಲೆಕ್ಕವಿಲ್ಲದ ಸಾವು ಪ್ರಕರಣಗಳ ಏರಿಕೆಗೆ ಕಾರಣವಾಗಿದೆ.

ಅಸ್ಸಾಂನ ವೈದ್ಯೆಯೊಬ್ಬರಿಗೆ ಆಲ್ಫಾ ಮತ್ತು ಡೆಲ್ಟಾ ಎರಡರಲ್ಲೂ ಎರಡು ವಿಭಿನ್ನ ಕರೋನವೈರಸ್ ರೂಪಾಂತರಗಳಿಂದ ಸೋಂಕಿಗೆ ಒಳಗಾಗಿದ್ದಾರೆ ಎಂದು ಕಂಡುಬಂದಿದೆ. ಆದರೆ ಆಕೆಯ ಸ್ಥಿತಿಯ ಬಗ್ಗೆ ಆತಂಕಪಡಬೇಕಾಗಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.


“ಇದು ವೈರಸ್ ನ ಯಾವುದೇ ಮೊನೊ-ಸೋಂಕಿನಂತೆಯೇ ಇರುತ್ತದೆ, ಉಭಯ ಸೋಂಕು ತೀವ್ರ ಕಾಯಿಲೆಗೆ ಕಾರಣವಾಗಬಹುದು ಎಂದು ಚಿಂತಿಸಬೇಕಾಗಿಲ್ಲ, ಅದು ಹಾಗೆ ಅಲ್ಲ” ಎಂದು ದಿಬ್ರುಗಢದ ಪ್ರಾದೇಶಿಕ ವೈದ್ಯಕೀಯ ಸಂಶೋಧನಾ ಕೇಂದ್ರದ ಹಿರಿಯ ವಿಜ್ಞಾನಿ ಡಾ. ಬಿ.ಜೆ.ಬೋರ್ಕಕೋಟಿ,ಎಎನ್‌ಐಗೆ ತಿಳಿಸಿದರು.

ಆಮ್ಲಜನಕದ ಕೊರತೆಯಿಂದ ಯಾವುದೇ ಸಾವು ಸಂಭವಿಸಿಲ್ಲ ಎಂದು ರಾಜ್ಯಗಳು ಮತ್ತು ಕೇಂದ್ರ ಪ್ರದೇಶಗಳಿಂದ ನಿರ್ದಿಷ್ಟವಾಗಿ ವರದಿ ಮಾಡಿಲ್ಲ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ರಾಜ್ಯ ಸಚಿವ ಭಾರತಿ ಪ್ರವೀಣ್ ಪವಾರ್ ಮಂಗಳವಾರ ರಾಜ್ಯಸಭೆಗೆ ತಿಳಿಸಿದ್ದಾರೆ. ಆದಾಗ್ಯೂ, ಕೊವಿಡ್ -19 ರ ಎರಡನೇ ಅಲೆಯಲ್ಲಿ ವೈದ್ಯಕೀಯ ಆಮ್ಲಜನಕದ ಬೇಡಿಕೆಯಲ್ಲಿ “ಅಭೂತಪೂರ್ವ ಉಲ್ಬಣ” ಕಂಡುಬಂದಿದೆ ಎಂದು ಸರ್ಕಾರ ಹೇಳಿದೆ.

ಏತನ್ಮಧ್ಯೆ, ದೇಶಾದ್ಯಂತ ಮುಸ್ಲಿಮರು ಕೊವಿಡ್ ಸಾಂಕ್ರಾಮಿಕದ ನೆರಳಿನಲ್ಲಿ ಈದ್ ಅಲ್-ಅಧಾ ಅಥವಾ ಈದ್-ಉಲ್-ಅಧಾ ಹಬ್ಬವನ್ನು ಆಚರಿಸುತ್ತಿದ್ದಾರೆ. ಸೂಕ್ತ ಕೊವಿಡ್ ನಿಬಂಧನೆಗಳನ್ನು ಪಾಲಿಸಿ ಹಬ್ಬ ಆಚರಿಸಲು ಅಧಿಕಾರಿಗಳು ಜನರಲ್ಲಿ ಮನವಿ ಮಾಡಿದ್ದಾರೆ.

ಇದನ್ನೂ ಓದಿ: Bird Flu: ದೇಶದಲ್ಲಿ ಹಕ್ಕಿ ಜ್ವರಕ್ಕೆ ಮೊದಲ ಸಾವು; ದೆಹಲಿಯಲ್ಲಿ 12 ವರ್ಷದ ಬಾಲಕನ ಪ್ರಾಣ ತೆಗೆದ ಎಚ್​5ಎನ್​1