Coronavirus cases in India: ದೇಶದಲ್ಲಿ 14,348 ಹೊಸ ಕೊವಿಡ್ ಪ್ರಕರಣ ಪತ್ತೆ, ಸಾವಿನ ಸಂಖ್ಯೆ ಏರಿಕೆ

ದೆಹಲಿ: ಕೇಂದ್ರ ಆರೋಗ್ಯ ಸಚಿವಾಲಯದ ಪ್ರಕಾರ ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 14,348 ಹೊಸ ಕೊವಿಡ್ ಪ್ರಕರಣಗಳು, 13,198 ಚೇತರಿಕೆ ಮತ್ತು 805 ಸಾವುಗಳು ವರದಿಯಾಗಿದೆ. ಇದೀಗ ಒಟ್ಟು ಪ್ರಕರಣಗಳ ಸಂಖ್ಯೆ 3,42,46,157 ಆಗಿದ್ದು ಸಕ್ರಿಯ ಪ್ರಕರಣಗಳ ಸಂಖ್ಯೆ 1,61,334ಕ್ಕೆ ತಲುಪಿದೆ. 3,36,27,632 ಮಂದಿ ಈವರೆಗೆ ಚೇತರಿಸಿಕೊಂಡಿದ್ದು ಸಾವಿನ ಸಂಖ್ಯೆ 4,57,191ಕ್ಕೆ ತಲುಪಿದೆ. ಒಟ್ಟು 1,04,82,00,966 ಡೋಸ್ ಲಸಿಕೆ ನೀಡಲಾಗಿದೆ. ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ ಕೇರಳದಲ್ಲಿ 7,838 ಹೊಸ ಪ್ರಕರಣಗಳು ಮತ್ತು 90 ಸಾವುಗಳು ವರದಿಯಾಗಿವೆ.

ಥಾಣೆ ಜಿಲ್ಲೆಯಲ್ಲಿ 247 ಕೊವಿಡ್ ಪ್ರಕರಣ, ಸಾವಿನ ಸಂಖ್ಯೆ 6 ಕ್ಕೆ ಏರಿಕೆ ಮಹಾರಾಷ್ಟ್ರದ ಥಾಣೆ ಜಿಲ್ಲೆಯಲ್ಲಿ 247 ಪ್ರಕರಣಗಳ ಸೇರ್ಪಡೆಯೊಂದಿಗೆ ಕೊರೊನಾವೈರಸ್ ಸೋಂಕಿನ ಸಂಖ್ಯೆ 5,65,366 ಕ್ಕೆ ಏರಿದೆ ಎಂದು ಅಧಿಕಾರಿಯೊಬ್ಬರು ಶುಕ್ರವಾರ ತಿಳಿಸಿದ್ದಾರೆ. ಈ ವೈರಸ್ ಆರು ಜನರ ಜೀವವನ್ನು ಬಲಿ ತೆಗೆದುಕೊಂಡಿದ್ದು, ಜಿಲ್ಲೆಯಲ್ಲಿ ಸಾವಿನ ಸಂಖ್ಯೆ 11,516 ಕ್ಕೆ ಏರಿದೆ. ಥಾಣೆಯಲ್ಲಿ ಕೊವಿಡ್ ಮರಣ ಪ್ರಮಾಣವು ಶೇಕಡಾ 2.03 ರಷ್ಟಿದೆ. ನೆರೆಯ ಪಾಲ್ಘರ್ ಜಿಲ್ಲೆಯಲ್ಲಿ ಈಗ ಕೊವಿಡ್ ಪ್ರಕರಣಗಳ 1,37,950 ಕ್ಕೆ ತಲುಪಿದ್ದು ಸಾವಿನ ಸಂಖ್ಯೆ 3,282 ಆಗಿದೆ ಎಂದು ಇನ್ನೊಬ್ಬ ಅಧಿಕಾರಿ ತಿಳಿಸಿದ್ದಾರೆ. ಏತನ್ಮಧ್ಯೆ, ಎನ್‌ಸಿಪಿ ನಾಯಕ ಮತ್ತು ಮಹಾರಾಷ್ಟ್ರ ಸಚಿವ ಜಿತೇಂದ್ರ ಅವ್ಹಾದ್ ಅವರು ಆಯೋಜಿಸಿದ್ದ ಮೂರು ದಿನಗಳ ಲಸಿಕೆ ಶಿಬಿರದ ಮೊದಲ ದಿನವಾದ ಗುರುವಾರ ಥಾಣೆಯ ಮುಂಬ್ರಾ ಮತ್ತು ಕೌಸಾ ಪ್ರದೇಶಗಳಲ್ಲಿ 10,000 ಜನರಿಗೆ ಆಂಟಿ-ಕೊರೊನಾವೈರಸ್ ಲಸಿಕೆ ಡೋಸ್‌ಗಳನ್ನು ನೀಡಲಾಯಿತು ಎಂದು ಅವರ ಪಕ್ಷದ ಪ್ರಕಟಣೆ ತಿಳಿಸಿದೆ.

ಮುಖ್ಯಾಂಶಗಳು

• ರಾಷ್ಟ್ರವ್ಯಾಪಿ ವ್ಯಾಕ್ಸಿನೇಷನ್ ಡ್ರೈವ್ ಅಡಿಯಲ್ಲಿ ಇದುವರೆಗೆ 104.82 ಕೋಟಿ ಲಸಿಕೆ ಡೋಸ್‌ಗಳನ್ನು ನಿರ್ವಹಿಸಲಾಗಿದೆ
• ಕಳೆದ 24 ಗಂಟೆಗಳಲ್ಲಿ 14,348 ಹೊಸ ಪ್ರಕರಣಗಳು
• ಚೇತರಿಕೆ ದರ ಪ್ರಸ್ತುತ ಶೇ 98.19
• ಕಳೆದ 24 ಗಂಟೆಗಳಲ್ಲಿ 13,198 ಮಂದಿ ಚೇತರಿಸಿದ್ದು  ಒಟ್ಟು  3,36,27,632 ಮಂದಿ ಚೇತರಿಸಿದ್ದಾರೆ
• ಸಕ್ರಿಯ ಪ್ರಕರಣಗಳು ಒಟ್ಟು ಪ್ರಕರಣಗಳಲ್ಲಿ ಶೇ 1 ಕ್ಕಿಂತ ಕಡಿಮೆ, ಪ್ರಸ್ತುತ 0.47% ಆಗಿದೆ.
• ಭಾರತದ ಸಕ್ರಿಯ ಪ್ರಕರಣಗಳ ಸಂಖ್ಯೆ 1,61,334 ಆಗಿದೆ
• ಸಾಪ್ತಾಹಿಕ ಸಕಾರಾತ್ಮಕತೆಯ ದರ (ಶೇ 1.18) ಕಳೆದ 35 ದಿನಗಳಲ್ಲಿ ಶೇ  2 ಕ್ಕಿಂತ ಕಡಿಮೆ
• ಕಳೆದ 25 ದಿನಗಳಲ್ಲಿ ದೈನಂದಿನ ಧನಾತ್ಮಕ ದರ (ಶೇ 1.12) ಶೇ 2 ಕ್ಕಿಂತ ಕಡಿಮೆ
• ಇಲ್ಲಿಯವರೆಗೆ 60.58 ಕೋಟಿ ಒಟ್ಟು ಪರೀಕ್ಷೆಗಳನ್ನು ನಡೆಸಲಾಗಿದೆ.

ತಮಿಳುನಾಡು 1,061 ಹೊಸ ಕೊವಿಡ್ ಪ್ರಕರಣಗಳು, 1,286 ಚೇತರಿಕೆ ಮತ್ತು 12 ಸಾವುಗಳನ್ನು ವರದಿ ಮಾಡಿದೆ. ಇಲ್ಲಿ ಸಕ್ರಿಯ ಪ್ರಕರಣಗಳು 12,051 ಆಗಿದ್ದು, ಒಟ್ಟು ಚೇತರಿಕೆ 26,51,431 ಮತ್ತು ಮರಣ ಸಂಖ್ಯೆ 36,072 ಆಗಿದೆ. ಪಶ್ಚಿಮ ಬಂಗಾಳದಲ್ಲಿ ಕಳೆದ 24 ಗಂಟೆಗಳಲ್ಲಿ 990 ಹೊಸ ಕೋವಿಡ್-19 ಪ್ರಕರಣಗಳು, 845 ಚೇತರಿಕೆ ಮತ್ತು 9 ಸಾವುಗಳು ವರದಿಯಾಗಿವೆ. ಒಟ್ಟು ಪ್ರಕರಣಗಳು 15,90,03.2 ಒಟ್ಟು ಚೇತರಿಕೆ 15,62,818 ಮತ್ತು ಮರಣ ಸಂಖ್ಯೆ 19,105 ಆಗಿದೆ

ಗುಜರಾತ್ ಸರ್ಕಾರವು ಸಿನಿಮಾ ಹಾಲ್‌ಗಳನ್ನು ಪೂರ್ಣ ಸಾಮರ್ಥ್ಯದಲ್ಲಿ ಮತ್ತು ಹೋಟೆಲ್‌ಗಳು ಮತ್ತು ರೆಸ್ಟೋರೆಂಟ್‌ಗಳು ಶೇ 75 ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸಲು ಅನುವು ಮಾಡಿಕೊಡುತ್ತದೆ. ಕರ್ನಾಟಕದಲ್ಲಿ 478 ಹೊಸ ಕೊವಿಡ್ ಪ್ರಕರಣಗಳು, 334 ಚೇತರಿಕೆ ಮತ್ತು 17 ಸಾವುಗಳು ವರದಿಯಾಗಿವೆ ಸಕ್ರಿಯ ಪ್ರಕರಣಗಳು: 8,557, ಒಟ್ಟು ಚೇತರಿಕೆ 29,40,673 ಮತ್ತು ಮರಣ ಸಂಖ್ಯೆ: 38,054 ಆಗಿದೆ. ತೆಲಂಗಾಣದಲ್ಲಿ ಗುರುವಾರ 171 ಹೊಸ ಕೊವಿಡ್ ಪ್ರಕರಣಗಳನ್ನು ದಾಖಲಿಸಿದ್ದು ಒಟ್ಟು ಪ್ರಕರಣಗಳ ಸಂಖ್ಯೆ ಇದು 6,71,000 ಕ್ಕೆ ಏರಿದೆ. ಇಲ್ಲಿ ಸಾವಿನ ಸಂಖ್ಯೆ 3,952 ಕ್ಕೆ ತಲುಪಿದೆ.

ಇದನ್ನೂ ಓದಿ: ಕೊವಾಕ್ಸಿನ್ ಲಸಿಕೆ ಪಡೆದವರು ಒಮಾನ್​​ಗೆ ಪ್ರಯಾಣಿಸಬಹುದು, ಕ್ವಾರಂಟೈನ್​​ನಲ್ಲಿರುವ ಅಗತ್ಯವಿಲ್ಲ