Coronavirus cases in India: ದೇಶದಲ್ಲಿ32,906 ಹೊಸ ಕೊವಿಡ್ ಪ್ರಕರಣ ಪತ್ತೆ, 2020 ಮಂದಿ ಸಾವು

ದೆಹಲಿ: ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 32,906 ಹೊಸ ಕೊವಿಡ್ -19 ಪ್ರಕರಣಗಳು ವರದಿ ಆಗಿದ್ದು,2,020 ಮಂದಿ ಸಾವಿಗೀಡಾಗಿದ್ದಾರೆ  ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಅಂಕಿ ಅಂಶಗಳು ಹೇಳಿವೆ. ಕೊವಿಡ್ -19 ಪ್ರಕರಣಗಳ ಭಾರತದ ಸಕ್ರಿಯ ಪ್ರಕರಣಗಳ ಸಂಖ್ಯೆ 4,50,899 ಆಗಿದೆ. ಸಕ್ರಿಯ ಪ್ರಕರಣಗಳು ಒಟ್ಟು ಪ್ರಕರಣಗಳ ಶೇ 1.46% ರಷ್ಟಿದೆ.

ದೇಶದ ಸಕ್ರಿಯ ಪ್ರಕರಣ 4.32 ಲಕ್ಷಕ್ಕೆ ಇಳಿದಿದೆ. ಚೇತರಿಕೆ ಪ್ರಮಾಣವು ಶೇಕಡಾ 97.28 ಕ್ಕೆ ಏರಿದೆ ಎಂದು ಸಚಿವಾಲಯದ ಅಂಕಿ ಅಂಶಗಳು ತಿಳಿಸಿವೆ. ಸೋಮವಾರ 2020 ಸಾವುಗಳು ವರದಿಯಾಗಿವೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ. ಮಧ್ಯಪ್ರದೇಶವು ಈ ಹಿಂದೆ 1,478 ಸಾವು ವರದಿ ಮಾಡಿದೆ. ಮಹಾರಾಷ್ಟ್ರದಲ್ಲಿ 148 ಸಾವು ಮತ್ತು ಕೇರಳದಲ್ಲಿ 100 ಮಂದಿ ಸಾವನ್ನಪ್ಪಿದ್ದಾರೆ.

ಕೇರಳದ ಮಹಾರಾಷ್ಟ್ರದಲ್ಲಿ ಕೊರೊನಾವೈರಸ್ ಆರ್ ಅಂಶ ಹೆಚ್ಚಳ

ಮಹಾರಾಷ್ಟ್ರ ಮತ್ತು ಕೇರಳದಲ್ಲಿ ಹೆಚ್ಚುತ್ತಿರುವ ‘ಆರ್’ ಅಂಶ ಅಥವಾ ಪುನರುತ್ಪಾದನೆ ದರವು ಕೊವಿಡ್ ಪ್ರಕರಣಗಳ ಆತಂಕವನ್ನು ಹುಟ್ಟುಹಾಕಿದೆ.

ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಿಗೆ 39.46 ಕೋಟಿ ಲಸಿಕೆ ಪ್ರಮಾಣವನ್ನು ನೀಡಲಾಯಿತು. 1.91 ಕ್ಕಿಂತಲೂ ಹೆಚ್ಚು ಕೋಟಿ ಬಾಕಿ ಮತ್ತು ಬಳಕೆಯಾಗದ ಪ್ರಮಾಣಗಳು ಇನ್ನೂ ರಾಜ್ಯಗಳು / ಕೇಂದ್ರಾಡಳಿತ ಮತ್ತು ಖಾಸಗಿ ಆಸ್ಪತ್ರೆಗಳೊಂದಿಗೆ ನಿರ್ವಹಿಸಲ್ಪಡುತ್ತವೆ. ವ್ಯರ್ಥ ಸೇರಿದಂತೆ ಒಟ್ಟು ಬಳಕೆ 37,55,38,390 ಡೋಸ್ ನೀಡಲಾಗಿದೆ.

ಒಡಿಶಾದಲ್ಲಿ 1,930 ಹೊಸ ಪ್ರಕರಣಗಳು, 68 ಸಾವುಗಳು ಮತ್ತು 2,937 ಚೇತರಿಕೆ ವರದಿ ಮಾಡಿದೆ. ಇಲ್ಲಿ ಸಕ್ರಿಯ ಪ್ರಕರಣಗಳು 23,492ರಷ್ಟಿದೆ.

ನಾಸಿಕ್‌ನಲ್ಲಿ 76 ಹೊಸ ಕೊವಿಡ್ -19 ಪ್ರಕರಣ, 6 ಸಾವು

ನಾಸಿಕ್ 76 ಹೊಸ ಕೊರೊನಾವೈರಸ್ ಪ್ರಕರಣಗಳನ್ನು ವರದಿ ಮಾಡಿದ್ದು, ಮಹಾರಾಷ್ಟ್ರ ಜಿಲ್ಲೆಯಲ್ಲಿ ಸೋಂಕಿನ ಸಂಖ್ಯೆಯನ್ನು 3,96,429 ಕ್ಕೆತಲುಪಿದೆ  ಎಂದು ಆರೋಗ್ಯ ಅಧಿಕಾರಿಗಳು ತಿಳಿಸಿದ್ದಾರೆ. ಈ ಹೊಸ ಪ್ರಕರಣಗಳನ್ನು ಸೋಮವಾರ ದಾಖಲಿಸಲಾಗಿದೆ. ವೈರಲ್ ಸೋಂಕಿಗೆ ಇನ್ನೂ ಆರು ಜನರು ಬಲಿಯಾಗಿದ್ದು, ಜಿಲ್ಲೆಯಲ್ಲಿ ಸಾವಿನ ಸಂಖ್ಯೆ 8,437 ಕ್ಕೆ ಏರಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಜಿಲ್ಲೆಯ ಮಾಲೆಗಾಂವ್ ಪ್ರದೇಶದಲ್ಲಿ ಇದುವರೆಗೆ 357 ಜನರು, ನಾಸಿಕ್ ನಗರ ವ್ಯಾಪ್ತಿಯಲ್ಲಿ 3,911 ಮತ್ತು ಜಿಲ್ಲೆಯ ಇತರ ಭಾಗಗಳಲ್ಲಿ 4,043 ಜನರು ಸಾವನ್ನಪ್ಪಿದ್ದಾರೆ. ಇದಲ್ಲದೆ, ಪ್ರಾಣ ಕಳೆದುಕೊಂಡ 126 ಮಂದಿ ಜಿಲ್ಲೆಯ ಹೊರಗಿನ ಸ್ಥಳಗಳಿಂದ ಬಂದವರು ಮತ್ತು ಇಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಅವರು ಹೇಳಿದರು.

ದೆಹಲಿಯಲ್ಲಿ ಅನೇಕ ಲಸಿಕೆ ಕೇಂದ್ರಗಳನ್ನು ಇಂದು ಮುಚ್ಚಲಾಗುವುದು
ದೆಹಲಿಯಲ್ಲಿ ಸರ್ಕಾರ ನಡೆಸುವ ಹಲವಾರು ವ್ಯಾಕ್ಸಿನೇಷನ್ ಕೇಂದ್ರಗಳನ್ನು ಮಂಗಳವಾರ ಮುಚ್ಚಲಾಗುವುದು ಏಕೆಂದರೆ ನಗರದಲ್ಲಿ ಕೊವಿಶೀಲ್ಡ್ ಕೊವಿಡ್ -19 ಲಸಿಕೆ ದಾಸ್ತಾನು ಖಾಲಿಯಾಗಿದೆ ಎಂದು ಉಪಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಸೋಮವಾರ ತಿಳಿಸಿದ್ದಾರೆ.

“ದೆಹಲಿಯಲ್ಲಿ ಮತ್ತೆ ಲಸಿಕೆಗಳು ಮುಗಿದಿವೆ. ಕೇಂದ್ರ ಸರ್ಕಾರ ಒಂದು ಅಥವಾ ಎರಡು ದಿನ ಲಸಿಕೆಗಳನ್ನು ನೀಡುತ್ತದೆ, ನಂತರ ನಾವು ಲಸಿಕೆ ಕೇಂದ್ರಗಳನ್ನು ಹಲವಾರು ದಿನಗಳವರೆಗೆ ಮುಚ್ಚಿಡಬೇಕು. ಇಷ್ಟು ದಿನಗಳ ನಂತರವೂ ನಮ್ಮ ದೇಶದ ಲಸಿಕೆ ಕಾರ್ಯಕ್ರಮ ಏಕೆ ಕುಂಠಿತವಾಗುತ್ತಿದೆ? ಎಂದು ಸಿಸೋಡಿಯಾ ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: ಜಾನ್ಸನ್​ ಆ್ಯಂಡ್ ಜಾನ್ಸನ್​ ಕೊವಿಡ್​ 19 ವಾಕ್ಸಿನ್​ ಸುರಕ್ಷಿತವಲ್ಲ..ಪಾರ್ಶ್ವವಾಯುವಿಗೆ ಕಾರಣವಾಗಬಹುದು: ಎಫ್​ಡಿಎ ವರದಿ

(India reports 32,906 new Covid-19 cases 2020 deaths in last 24 hours says health ministry)