ಸಂವಹನ ವ್ಯವಸ್ಥೆ ಬಲಪಡಿಸಲು ಮುಂದಾದ ಭಾರತೀಯ ಸೇನೆ: ಐಕಾಮ್ ಟೆಲಿ ಲಿಮಿಟೆಡ್ನೊಂದಿಗೆ 500 ಕೋಟಿ ರೂ. ಒಪ್ಪಂದಕ್ಕೆ ಸಹಿ
ರಕ್ಷಣಾ ಉಪಕರಣಗಳ ದೇಶೀಯ ಉತ್ಪಾದನೆಯನ್ನು ಮತ್ತಷ್ಟು ಹೆಚ್ಚಿಸಲು ಮತ್ತು ಆತ್ಮನಿರ್ಭರ ಭಾರತ ಯೋಜನೆಯನ್ನು ಸಾಕಾರಗೊಳಿಸುವ ನಿಟ್ಟಿನಲ್ಲಿ ಸೇನೆಯ ಸಂವಹನ ವ್ಯವಸ್ಥೆಯ ಉತ್ತಮ ಕಾರ್ಯಕ್ಷಮತೆಗಾಗಿ ಉಪಕರಣಗಳ ಖರೀದಿಗೆ ರಕ್ಷಣಾ ಸಚಿವಾಲಯವು ಗುರುವಾರ ಐಕಾಮ್ ಟೆಲಿ ಲಿಮಿಟೆಡ್ನೊಂದಿಗೆ ಸುಮಾರು 500 ಕೋಟಿ ರೂ. ಒಪ್ಪಂದಕ್ಕೆ ಸಹಿ ಹಾಕಿದೆ.
Updated on: Jun 15, 2023 | 10:07 PM
ನವದೆಹಲಿ: ಭಾರತೀಯ ಸೇನೆಯ (Indian Army) ಸಂವಹನ ವ್ಯವಸ್ಥೆಯನ್ನು ಮತ್ತಷ್ಟು ಬಲಪಡಿಸಲಾಗುತ್ತಿದೆ. ಹಾಗಾಗಿ ಸೇನೆಯ ಸಂವಹನ ವ್ಯವಸ್ಥೆಯ ಉತ್ತಮ ಕಾರ್ಯಕ್ಷಮತೆಗಾಗಿ ಉಪಕರಣಗಳ ಖರೀದಿಗೆ ರಕ್ಷಣಾ ಸಚಿವಾಲಯವು ಗುರುವಾರ ಐಕಾಮ್ (ICOMM) ಟೆಲಿ ಲಿಮಿಟೆಡ್ನೊಂದಿಗೆ ಸುಮಾರು 500 ಕೋಟಿ ರೂ. ಒಪ್ಪಂದಕ್ಕೆ ಸಹಿ ಹಾಕಿದೆ. ರಕ್ಷಣಾ ಉಪಕರಣಗಳ ದೇಶೀಯ ಉತ್ಪಾದನೆಯನ್ನು ಮತ್ತಷ್ಟು ಹೆಚ್ಚಿಸಲು ಮತ್ತು ಆತ್ಮನಿರ್ಭರ ಭಾರತ ಯೋಜನೆಯನ್ನು ಸಾಕಾರಗೊಳಿಸುವ ನಿಟ್ಟಿನಲ್ಲಿ ಜೊತೆಗೆ ಖಾಸಗಿ ವಲಯವನ್ನು ಉತ್ತೇಜಿಸುವ ದೃಷ್ಟಿಯಿಂದ 1,035 5 / 7.5 ಟನ್ ರೇಡಿಯೋ ರಿಲೇ ಸಂವಹನ ಉಪಕರಣಗಳ ಕಂಟೇನರ್ಗಳನ್ನು ಖರೀದಿಸಲಾಗುತ್ತಿದೆ ಎಂದು ಸಚಿವಾಲಯ ತಿಳಿಸಿದೆ.
ರೇಡಿಯೋ ರಿಲೇ ಕಂಟೇನರ್ಗಳು ಭಾರತೀಯ ಸೇನೆಯ ಮೊಬೈಲ್ ಸಂವಹನ ವ್ಯವಸ್ಥೆಯ ದೀರ್ಘಕಾಲದ ಅಗತ್ಯತೆಯನ್ನು ಪೂರೈಸಲಿವೆ. ಸಂವಹನ ಉಪಕರಣಗಳು ವಿಫಲವಾದ ಮತ್ತು ವಿಶ್ವಾಸಾರ್ಹ ರೀತಿಯಲ್ಲಿ ಕಾರ್ಯನಿರ್ವಹಿಸಲು ಸಂರಕ್ಷಿತ ವಾತಾವರಣವನ್ನು ಒದಗಿಸಲು ಕಂಟೇನರ್ಗಳನ್ನು ಬಳಸಲಾಗುವುದು.
ಕಂಟೈನರ್ಗಳನ್ನು ಅಧಿಕೃತ ವಿಶೇಷ ವಾಹನಗಳಲ್ಲಿ ಅಳವಡಿಸಲಾಗುವುದು ಮತ್ತು ಕಾರ್ಯಾಚರಣೆಯ ಅವಶ್ಯಕತೆಗಳಿಗೆ ಅನುಗುಣವಾಗಿ ಸ್ಥಳಾಂತರಿಸಲಾಗುವುದು ಎಂದು ಸಚಿವಾಲಯ ತಿಳಿಸಿದೆ.
ಇದನ್ನೂ ಓದಿ: ಅಮೆರಿಕದಿಂದ ಸಶಸ್ತ್ರ ಡ್ರೋನ್ಗಳನ್ನು ಖರೀದಿಸಲು ಒಪ್ಪಿದ ಭಾರತದ ರಕ್ಷಣಾ ಸಚಿವಾಲಯ
ಹೈದರಾಬಾದ್ ಮೂಲದ ಮೇಘಾ ಎಂಜಿನಿಯರಿಂಗ್ ಮತ್ತು ಇನ್ಫ್ರಾಸ್ಟ್ರಕ್ಚರ್ಸ್ ಲಿಮಿಟೆಡ್ (ಎಂಇಐಎಲ್) ನ ಸಮೂಹ ಕಂಪನಿಯಾದ ಐಕಾಮ್ಸ್, ಸ್ಥಳೀಯ ತಯಾರಕರಿಂದ ಪಡೆದ ಉಪಕರಣ ವ್ಯವಸ್ಥೆಗಳೊಂದಿಗೆ ಕಂಟೇನರ್ಗಳನ್ನು ಉತ್ಪಾದಿಸಲಿದೆ.
ಖಾಸಗಿ ವಲಯಕ್ಕೆ ಉತ್ತೇಜನ
ಇದು ರಕ್ಷಣಾ ಸಲಕರಣೆಗಳ ದೇಶೀಯ ಉತ್ಪಾದನೆಗೆ ಮತ್ತಷ್ಟು ಉತ್ತೇಜನ ನೀಡಲಿದೆ. ಮತ್ತು ಪ್ರಧಾನಿ ನರೇಂದ್ರ ಮೋದಿಯವರ ಆತ್ಮನಿರ್ಭರ ಭಾರತದ ದೃಷ್ಟಿಕೋನವನ್ನು ಸಾಕಾರಗೊಳಿಸುವಲ್ಲಿ ಖಾಸಗಿ ವಲಯವನ್ನು ಉತ್ತೇಜಿಸುತ್ತದೆ. ಅಂತಹ ಅತ್ಯಾಧುನಿಕ ಉಪಕರಣಗಳ ಅಭಿವೃದ್ಧಿಯಿಂದ ಸ್ನೇಹಪರ ದೇಶಗಳಿಗೆ ರಫ್ತನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.
ಐಕಾಮ್ ಕಂಪನಿ ಬಗ್ಗೆ
ಐಕಾಮ್ ಭಾರತದ ಅತಿದೊಡ್ಡ ಮೂಲಸೌಕರ್ಯ ಕಂಪನಿಗಳಲ್ಲಿ ಒಂದಾದ ಮೇಘಾ ಎಂಜಿನಿಯರಿಂಗ್ ಮತ್ತು ಇನ್ಫ್ರಾಸ್ಟ್ರಕ್ಚರ್ಸ್ ಲಿಮಿಟೆಡ್ (ಎಂಇಐಎಲ್) ನ ಸಮೂಹ ಕಂಪನಿಯಾಗಿದೆ. ಇದು 1989 ರಲ್ಲಿ ಈ ಕಂಪನಿ ಪ್ರಾರಂಭಿಸಲಾಗಿದ್ದು, ರಕ್ಷಣೆ, ವಿದ್ಯುತ್, ದೂರಸಂಪರ್ಕ ಮತ್ತು ಸೌರ ಬಾಹ್ಯಾಕಾಶ ಕ್ಷೇತ್ರಗಳಲ್ಲಿ ಸಮಗ್ರ ಮೂಲಸೌಕರ್ಯಗಳನ್ನು ಒದಗಿಸುತ್ತದೆ. ಐಕಾಮ್ ತನ್ನ ಗುಣಮಟ್ಟ, ನಾವೀನ್ಯತೆ ಮತ್ತು ಸ್ಥಳೀಯ ತಂತ್ರಜ್ಞಾನದ ಅಭಿವೃದ್ಧಿಯಲ್ಲಿ ಬದ್ಧವಾಗಿದೆ.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
