ಅಮೆರಿಕದಿಂದ ಸಶಸ್ತ್ರ ಡ್ರೋನ್ಗಳನ್ನು ಖರೀದಿಸಲು ಒಪ್ಪಿದ ಭಾರತದ ರಕ್ಷಣಾ ಸಚಿವಾಲಯ
ಬೈಡನ್ ಅವರು ಚೀನಾದ ಬೆಳೆಯುತ್ತಿರುವ ಪ್ರಾಬಲ್ಯವನ್ನು ಎದುರಿಸಲು ಭಾರತದೊಂದಿಗೆ ಗಾಢವಾದ ರಕ್ಷಣಾ ಸಂಬಂಧಗಳನ್ನು ಆದ್ಯತೆ ನೀಡಿದ್ದಾರೆ. ಉಭಯ ದೇಶಗಳು ಔಪಚಾರಿಕ ಭದ್ರತಾ ಮೈತ್ರಿಯನ್ನು ಹೊಂದಿರದಿದ್ದರೂ ಸಹ ಮಿಲಿಟರಿ ತಂತ್ರಜ್ಞಾನದಲ್ಲಿ ಸಹಕರಿಸಲು ಮುಂದಾಗಿದ್ದಾರೆ.
Updated on: Jun 15, 2023 | 8:59 PM
ದೆಹಲಿ: ಯುಎಸ್ ನಿರ್ಮಿತ ಸಶಸ್ತ್ರ MQ-9B ಸೀಗಾರ್ಡಿಯನ್ ಡ್ರೋನ್ಗಳ (MQ-9B SeaGuardian drones) ಖರೀದಿಗೆ ರಕ್ಷಣಾ ಸಚಿವಾಲಯ (Defence Ministry )ಅನುಮೋದನೆ ನೀಡಿದೆ ಎಂದು ಮೂಲಗಳು ತಿಳಿಸಿರುವುದಾಗಿ ರಾಯಿಟರ್ಸ್ ವರದಿ ಮಾಡಿದೆ. 3 ಬಿಲಿಯನ್ ಡಾಲರ್ಗಳಷ್ಟು ಮೌಲ್ಯದ ಜನರಲ್ ಅಟಾಮಿಕ್ಸ್ ತಯಾರಿಸಿದ 31 ಡ್ರೋನ್ಗಳನ್ನು ಭಾರತ ಖರೀದಿಸಲಿದೆ ಎಂದು ಮೂಲವೊಂದು ತಿಳಿಸಿದೆ. ಮುಂದಿನ ವಾರ ಪ್ರಧಾನಿ ನರೇಂದ್ರ ಮೋದಿ (Narendra Modi) ಅಮೆರಿಕಕ್ಕೆ ಪ್ರವಾಸಕ್ಕೆ ತೆರಳುವ ಕೆಲವೇ ದಿನಗಳ ಮೊದಲು ಡ್ರೋನ್ಗಳ ಖರೀದಿಗೆ ರಕ್ಷಣಾ ಸಚಿವಾಲಯದ ಆರಂಭಿಕ ಅನುಮತಿ ಸಿಕ್ಕಿದೆ.
ಎರಡು ಮೂಲಗಳ ಪ್ರಕಾರ ಇಂದು (ಗುರುವಾರ) ರಕ್ಷಣಾ ಸಚಿವಾಲಯದ ಉನ್ನತ ಸಂಸ್ಥೆ ಒಪ್ಪಂದವನ್ನು ಅನುಮೋದಿಸಲು ಸಭೆ ನಡೆಸಿತು. ಮುಂದಿನ ವಾರ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರನ್ನು ಪ್ರಧಾನಿ ಮೋದಿ ಭೇಟಿಯಾದಾಗ ಅದನ್ನು ಘೋಷಿಸುವ ನಿರೀಕ್ಷೆಯಿದೆ.
ಬೈಡನ್ ಅವರು ಚೀನಾದ ಬೆಳೆಯುತ್ತಿರುವ ಪ್ರಾಬಲ್ಯವನ್ನು ಎದುರಿಸಲು ಭಾರತದೊಂದಿಗೆ ಗಾಢವಾದ ರಕ್ಷಣಾ ಸಂಬಂಧಗಳನ್ನು ಆದ್ಯತೆ ನೀಡಿದ್ದಾರೆ. ಉಭಯ ದೇಶಗಳು ಔಪಚಾರಿಕ ಭದ್ರತಾ ಮೈತ್ರಿಯನ್ನು ಹೊಂದಿರದಿದ್ದರೂ ಸಹ ಮಿಲಿಟರಿ ತಂತ್ರಜ್ಞಾನದಲ್ಲಿ ಸಹಕರಿಸಲು ಮುಂದಾಗಿದ್ದಾರೆ.
ಸಚಿವಾಲಯದ ಅವಶ್ಯಕತೆಯ ಸ್ವೀಕಾರ ಖರೀದಿ ಪ್ರಕ್ರಿಯೆಯ ಮೊದಲ ಹೆಜ್ಜೆಯಾಗಿದ್ದು, ಇದೀಗ ಪ್ರಧಾನಿ ಮೋದಿಯವರ ಕ್ಯಾಬಿನೆಟ್ನಿಂದ ಅನುಮತಿ ಪಡೆಯಬೇಕಾಗಿದೆ.
ಇದನ್ನೂ ಓದಿ: ಡ್ರೋನ್ ಮೂಲಕ ಭೂಮಾಪನ, ವಿನೂತನ ವಿಧಾನಗಳನ್ನು ಪರಿಚಯಿಸಲು ಕೇಂದ್ರ ಸರ್ಕಾರ ಚಿಂತನೆ: ಡಾ ವೀರೇಂದ್ರ ಹೆಗ್ಗಡೆ
ಡ್ರೋನ್ಗಳನ್ನು ಪ್ರಧಾನವಾಗಿ ಭಾರತೀಯ ನೌಕಾಪಡೆ ಹಿಂದೂ ಮಹಾಸಾಗರ ಪ್ರದೇಶದಲ್ಲಿ ಬಳಸುತ್ತದೆ. ಭಾರತೀಯ ನೌಕಾಪಡೆಯು ಕಣ್ಗಾವಲುಗಾಗಿ ನವೆಂಬರ್ 2020 ರಿಂದ ಎರಡು MQ-9B ಆನ್ ಆರ್ಮ್ಡ್ ಡ್ರೋನ್ಗಳನ್ನು ಗುತ್ತಿಗೆಗೆ ನೀಡಿದೆ.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
