ಜೀವನ್ಮರಣ ಹೋರಾಟದಲ್ಲಿ ಕೇರಳದ ‘ಮಾಯಾ’; ವಿಶೇಷ ಚಿಕಿತ್ಸೆಗೆ ಗುಜರಾತ್​ನ ವಂತಾರಾಗೆ ಆನೆಮರಿ ಸ್ಥಳಾಂತರ

ಅಹ್ಮದಾಬಾದ್, ನವೆಂಬರ್ 6: ಕೇರಳದ ಅಭಯಾರಣ್ಯದಲ್ಲಿದ್ದ, ಗಂಭೀರವಾಗಿ ಅಸ್ವಸ್ಥಗೊಂಡಿದ್ದ 18 ತಿಂಗಳ ಆನೆ ಮರಿ ‘ಮಾಯಾ’ಳನ್ನು ಹೆಚ್ಚಿನ ತೀವ್ರ ನಿಗಾ (Intensive Care) ಚಿಕಿತ್ಸೆಗಾಗಿ ಗುಜರಾತ್‌ನ ವಂತಾರಾ ಆಸ್ಪತ್ರೆಗೆ ವಾಯುಮಾರ್ಗದ ಮೂಲಕ ಸ್ಥಳಾಂತರಿಸಲಾಗಿದೆ.

ಹುಟ್ಟಿದಾಗ ಅನಾಥವಾಗಿ ಪತ್ತೆಯಾಗಿ ಕೇರಳ ಅರಣ್ಯ ಇಲಾಖೆಯಿಂದ ಆರೈಕೆ ಪಡೆಯುತ್ತಿದ್ದ ಈ ‘ಮಾಯಾ’ ಎಂಬ ಆನೆ ಮರಿಗೆ ಇತ್ತೀಚೆಗೆ ಆಟವಾಡುವಾಗ ಬಿದ್ದು ಬಲ ಭುಜಕ್ಕೆ ಗಾಯವಾಗಿತ್ತು. ತಪಾಸಣೆಯ ವೇಳೆ ಎಡ ಹ್ಯೂಮರಸ್ ಮುರಿತ, ಬಲ ರೇಡಿಯಸ್‌ನ ಬಹು ಮುರಿತಗಳು ಸಂಭವಿಸಿರುವುದು ಮತ್ತು ಮೂಳೆಗಳು ಅತ್ಯಂತ ದುರ್ಬಲವಾಗಿರುವುದು (Brittle bones) ಪತ್ತೆಯಾಗಿತ್ತು.

ಇದನ್ನೂ ಓದಿ: ಮೋದಿ ಅವರ ಈ ಬಾರಿಯ ದೀಪಾವಳಿಗೆ ಮತ್ತಷ್ಟು ಮೆರುಗು ತಂದವರು ಯಾರು ಗೊತ್ತೇ? ಇಲ್ಲಿದೆ ನೋಡಿ ವಿಡಿಯೋ

ಮೂಳೆಗಳ ತೀವ್ರ ದೌರ್ಬಲ್ಯದಿಂದಾಗಿ ಮರಿಯು ನಿಲ್ಲಲು ಅಸಾಧ್ಯವಾಗಿತ್ತು. ಚೇತರಿಕೆಯ ಸಾಧ್ಯತೆ ಕಡಿಮೆ ಇತ್ತು. ಆದರೆ ಕೇರಳದ ಮುಖ್ಯ ವನ್ಯಜೀವಿ ವಾರ್ಡನ್ ಅವರು ವಂತಾರಾ ಸಂಸ್ಥೆಯ ತಜ್ಞರೊಂದಿಗೆ ಸಮಾಲೋಚನೆ ನಡೆಸಿ, ಅಸ್ಸಾಂನ ಖ್ಯಾತ ಆನೆ ತಜ್ಞ ಡಾ. ಕುಶಲ್ ಕೊನ್ವಾರ್ ಶರ್ಮಾ ಅವರ ಸಲಹೆಯಂತೆ ಮರಿಗೆ ಮತ್ತೊಬ್ಬರ ವಿಶೇಷ ಚಿಕಿತ್ಸೆಯ ಅವಕಾಶ ನೀಡಲು ನಿರ್ಧರಿಸಿದರು.

ಜೀವ ರಕ್ಷಕ ವ್ಯವಸ್ಥೆಯೊಂದಿಗೆ ವಾಯುಮಾರ್ಗ ಪ್ರಯಾಣ

2026ರ ನವೆಂಬರ್ 5 ರಂದು ವಂತಾರಾ ವ್ಯವಸ್ಥೆ ಮಾಡಿದ್ದ ವಿಶೇಷ ವಿಮಾನದಲ್ಲಿ (Airlift) ಜೀವ ರಕ್ಷಕ ಉಪಕರಣಗಳು ಮತ್ತು ಪಶುವೈದ್ಯರ ತಂಡದೊಂದಿಗೆ ಮಾಯಾಳನ್ನು ಜಾಮ್‌ನಗರಕ್ಕೆ ಕರೆದೊಯ್ಯಲಾಯಿತು. ಕೇರಳದ ಪಶುವೈದ್ಯ ಡಾ. ಬಿನೋಯ್ ಸಿ. ಬಾಬು ಹಾಗೂ ಈ ಆನೆಮರಿಯ ಪ್ರಾಥಮಿಕ ಆರೈಕೆದಾರ ನಿಖಿಲ್ ಬಾಬು ಅವರು ಜೊತೆ ತೆರಳಿದ್ದಾರೆ.

ಇದನ್ನೂ ಓದಿ: ತಿರುವಣ್ಣಾಮಲೈ ಕಾರ್ತಿಕ ದೀಪೋತ್ಸವಕ್ಕೆ ಹೋಗುವವರಿಗೆ ಬಿಗ್ ಅಲರ್ಟ್

ಚಿಕಿತ್ಸೆಯ ನಂತರ ಮರಳಿ ವಾಪಸ್

ವಂತಾರಾದಲ್ಲಿ ಅತ್ಯಾಧುನಿಕ ಹೈಡ್ರಾಲಿಕ್ ವ್ಯವಸ್ಥೆಗಳು, ನೋವು ನಿರ್ವಹಣೆ ಮತ್ತು 24 ಗಂಟೆಗಳ ವೈದ್ಯಕೀಯ ಮೇಲ್ವಿಚಾರಣೆಯಲ್ಲಿ ಮರಿಗೆ ಚಿಕಿತ್ಸೆ ನೀಡಲಾಗುತ್ತದೆ. ಚಿಕಿತ್ಸೆ ಪೂರ್ಣಗೊಂಡ ಬಳಿಕ ಮಾಯಾಳನ್ನು ಮರಳಿ ಕೇರಳದ ಅಭಯಾರಣ್ಯಕ್ಕೆ ಕರೆತರಲಾಗುತ್ತದೆ ಎಂದು ಅರಣ್ಯ ಇಲಾಖೆ ತಿಳಿಸಿದೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ