ಮರಾಠಿಗರಿಗೆ ಕುಣಬಿ ಪ್ರಮಾಣಪತ್ರ ನೀಡುವುದರಲ್ಲಿ ಯಾವುದೇ ತಪ್ಪಿಲ್ಲ: ಅಜಿತ್ ಪವಾರ್

ಮುಂಬೈ  ಡಿಸೆಂಬರ್02 : ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಕ್ಷದ (ಅಜಿತ್ ಬಣ) ಮುಖ್ಯಸ್ಥ ಮತ್ತು ಮಹಾರಾಷ್ಟ್ರದ ಉಪಮುಖ್ಯಮಂತ್ರಿ ಅಜಿತ್ ಪವಾರ್ (Ajit Pawar) ಅವರು ರಾಯಗಡ ಜಿಲ್ಲೆಯ ಕರ್ಜತ್‌ನಲ್ಲಿ ನಡೆಯುತ್ತಿರು ಪಕ್ಷದ ಎರಡು ದಿನಗಳ ಸಮಾವೇಶದ ಎರಡನೇ ದಿನವಾದ ಶುಕ್ರವಾರ ಮರಾಠ ಸಮುದಾಯವನ್ನು(Maratha community) ಸಮಾಧಾನಪಡಿಸಲು ಪ್ರಯತ್ನಿಸಿದ್ದಾರೆ. ಪುರಾವೆಯಾಗಿ ಹಳೆಯ ದಾಖಲೆಗಳನ್ನು ಹೊಂದಿರುವ ಮರಾಠಿಗರಿಗೆ ಕುಣಬಿ ಪ್ರಮಾಣಪತ್ರ(Kunbi certificates) ನೀಡುವುದರಲ್ಲಿ ಯಾವುದೇ ತಪ್ಪಿಲ್ಲ ಎಂದ ಅಜಿತ್ ಪವಾರ್, ರಾಜ್ಯದಲ್ಲಿ ಸಾಮಾಜಿಕ ಸೌಹಾರ್ದತೆ ಕದಡುವಂತಹ ಹೇಳಿಕೆಗಳನ್ನು ನೀಡದಂತೆ ಹಾಗೂ ಜಾತಿ ಪಕ್ಷಪಾತದಿಂದ ದೂರವಿರಬೇಕು ಎಂದು ಪಕ್ಷದ ಮುಖಂಡರಿಗೆ ಹೇಳಿದ್ದಾರೆ.

ಪವಾರ್ ಅವರ ಈ ಹೇಳಿಕೆ ಕುಣಬಿ ಪ್ರಮಾಣಪತ್ರಗಳ ವಿತರಣೆಯನ್ನು ವಿರೋಧಿಸಿ ಅವರ ಸಹ ಪಕ್ಷದ ನಾಯಕ ಮತ್ತು ಸಚಿವ ಛಗನ್ ಭುಜಬಲ್ ಅವರ ಇತ್ತೀಚಿನ ಹೇಳಿಕೆಗಳ ಬಗ್ಗೆ ಮರಾಠರಲ್ಲಿ ಕೋಪವನ್ನು ಶಮನಗೊಳಿಸಲು ಪ್ರಯತ್ನಿಸಿದವು. ಮರಾಠ ಪ್ರತಿಭಟನಾಕಾರರು ಶುಕ್ರವಾರ ಕರ್ಜತ್‌ನಲ್ಲಿ ಎನ್‌ಸಿಪಿಯ ಸೆಮಿನಾರ್‌ನ ಸ್ಥಳಕ್ಕೆ ತಲುಪಿ ಭುಜಬಲ್ ವಿರುದ್ಧ ಘೋಷಣೆಗಳನ್ನು ಕೂಗಿದರು. ಭುಜಬಲ್ ಅವರ ಭದ್ರತೆಗಾಗಿ ಪೊಲೀಸರು ಹೆಚ್ಚುವರಿ ಪಡೆಗಳನ್ನು ನಿಯೋಜಿಸಬೇಕಾಗಿತ್ತು. ಅವರು ತಮ್ಮ ಭಾಷಣದ ನಂತರ ತಕ್ಷಣವೇ ಸ್ಥಳದಿಂದ ನಿರ್ಗಮಿಸಿದರು.

ಪವಾರ್ ತಮ್ಮ ಭಾಷಣದಲ್ಲಿ ಹತ್ತೊಂಬತ್ತನೇ ಶತಮಾನದ ಬ್ರಾಹ್ಮಣೇತರ ಚಳವಳಿಯ ನಾಯಕ ಮಹಾತ್ಮ ಜೋತಿರಾವ್ ಫುಲೆ ಅವರನ್ನು ಉಲ್ಲೇಖಿಸಿ ಮರಾಠರು ಕುಣಬಿ ಎಂದು ಸಮರ್ಥಿಸಿಕೊಂಡಿದ್ದಾರೆ. ರೈತರಾಗಿದ್ದ ಎಲ್ಲಾ ಮರಾಠರನ್ನು ಕುಣಬಿಗಳು ಎಂದು ಕರೆಯಲಾಗುತ್ತಿತ್ತು. ಅದಕ್ಕಾಗಿಯೇ ಮಹಾತ್ಮ ಫುಲೆಯವರು ಛತ್ರಪತಿ ಶಿವಾಜಿ ಮಹಾರಾಜರನ್ನು ‘ಕುಲವಾಡಿ ಭೂಷಣ’ (ಕುಣಬಿಗಳ ಹೆಮ್ಮೆ) ಎಂದು ಕರೆದರು. ಮರಾಠರು ಕುಣಬಿ ಅದಿದ್ದರೆ ಫುಲೆ ಆ ಪದ ಬಳಸುತ್ತಿದ್ದರೇ? ಆದ್ದರಿಂದ, ಹಳೆಯ ದಾಖಲೆಗಳನ್ನು ಹೊಂದಿರುವ ಮರಾಠರಿಗೆ ಕುಣಬಿ ಪ್ರಮಾಣಪತ್ರವನ್ನು ನೀಡುವುದರಲ್ಲಿ ಯಾವುದೇ ತಪ್ಪಿಲ್ಲ, ಇದರಿಂದ ಅವರು ಒಬಿಸಿ ಕೋಟಾದಿಂದ ಮೀಸಲಾತಿ ಪಡೆಯಬಹುದು, ”ಎಂದು ಪವಾರ್ ಹೇಳಿದರು. ಪವಾರ್ ಭಾಷಣದ ಸಮಯದಲ್ಲಿ ಭುಜಬಲ್ ಅವರು ಇರಲಿಲ್ಲ, ಏಕೆಂದರೆ ಅವರು ಮೊದಲೇ ಸ್ಥಳದಿಂದ ನಿರ್ಗಮಿಸಿದ್ದರು.

ಇದನ್ನೂ ಓದಿ: ಮರಾಠ ಮೀಸಲಾತಿ: ಸಮರೋಪಾದಿಯಲ್ಲಿ ನಡೆಯುತ್ತಿದೆ ಕುಣಬಿ ದಾಖಲೆಗಳನ್ನು ಪತ್ತೆ ಹಚ್ಚುವ ಕೆಲಸ 

ಎರಡೂ ಸಮುದಾಯಗಳ ನಾಯಕರ ಪ್ರಚೋದನಕಾರಿ ಹೇಳಿಕೆಗಳ ಬಗ್ಗೆ ಪವಾರ್ ಅಸಮಾಧಾನ ವ್ಯಕ್ತಪಡಿಸಿದರು. ನಾಯಕರು ಇತರ ಸಮುದಾಯವನ್ನು ಕೆರಳಿಸುವ ಮತ್ತು ಕೋಮು ಸೌಹಾರ್ದತೆಗೆ ಧಕ್ಕೆ ತರುವ ಭಾಷೆಯಲ್ಲಿ ಮಾತನಾಡಬಾರದು. ಎರಡು ಸಮುದಾಯಗಳ ನಡುವೆ ಹಿಂಸಾಚಾರಕ್ಕೆ ಕಾರಣವಾಗುವ ಕೋಮು ಉದ್ವಿಗ್ನತೆಯನ್ನು ಹೆಚ್ಚಿಸಲು ನಾನು ಬಿಡುವುದಿಲ್ಲ. ಪಕ್ಷದಲ್ಲಿರುವ ನನ್ನ ಎಲ್ಲ ಸಹೋದ್ಯೋಗಿಗಳಿಗೆ ಜಾತಿ ಪಕ್ಷಪಾತದಿಂದ ದೂರವಿದ್ದು, ಎಲ್ಲರನ್ನೂ ಒಳಗೊಳ್ಳುವ ರಾಜಕಾರಣ ಮಾಡುವಂತೆ ನಿರ್ದೇಶನ ನೀಡುತ್ತಿದ್ದೇನೆ.

ಮರಾಠರು ತಾಳ್ಮೆಯಿಂದಿರಬೇಕು. ಅವರ ಮೀಸಲಾತಿಯ ಸಮಸ್ಯೆಯನ್ನು ಸರಿಯಾದ ಕಾರ್ಯವಿಧಾನದ ಪ್ರಕಾರ ಪರಿಹರಿಸಬಹುದು ಎಂದು ಪವಾರ್ ಸಲಹೆ ನೀಡಿದ್ದಾರೆ“ಹಿಂದಿನ ಸಂದರ್ಭಗಳಲ್ಲಿ, ಮರಾಠ ಮೀಸಲಾತಿಯನ್ನು ನೀಡಲಾಯಿತು. ಆದರೆ ಅದನ್ನು ಮೊದಲು ಹೈಕೋರ್ಟ್ ಮತ್ತು ನಂತರ ಸುಪ್ರೀಂ ಕೋರ್ಟ್ ತಿರಸ್ಕರಿಸಿತು. ಮತ್ತೆ ಅದೇ ರೀತಿ ಆಗಬಾರದು. ಆದ್ದರಿಂದ ನ್ಯಾಯಾಲಯಕ್ಕೆ ಪ್ರಾಯೋಗಿಕ ದತ್ತಾಂಶ ಮತ್ತು ಹಿಂದುಳಿದ ವರ್ಗಗಳ ಆಯೋಗದ ವರದಿ ಅಗತ್ಯವಿರುವುದರಿಂದ ತಾಳ್ಮೆಯಿಂದಿರಬೇಕು ಇದು ಸಮಯ ತೆಗೆದುಕೊಳ್ಳುತ್ತದೆ ಎಂದು ಅವರು ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ