Poverty Levels in India: ಬಡತನದ ಮಟ್ಟ ಶೇ 5 ಕ್ಕೆ ಇಳಿದಿದೆ: ನೀತಿ ಆಯೋಗ್ ಸಿಇಒ

ದೆಹಲಿ ಫೆಬ್ರವರಿ 26: ಅಂಕಿಅಂಶಗಳ ಕಚೇರಿ (statistics office) ಬಿಡುಗಡೆ ಮಾಡಿದ ಇತ್ತೀಚಿನ ಸಮೀಕ್ಷೆಯ ಪ್ರಕಾರ, ಗ್ರಾಮೀಣ ಬಳಕೆ (rural consumption) ದೃಢವಾಗಿ ಉಳಿದಿದೆ. ಇದು ಗ್ರಾಮ ಮತ್ತು ನಗರಗಳ ನಡುವಿನ ಅಂತರವನ್ನು ಕಡಿಮೆ ಮಾಡುತ್ತಿದ್ದು, ಈ ಸಂಖ್ಯೆಗಳು ದೇಶದಲ್ಲಿ ಬಡತನದ ಮಟ್ಟದಲ್ಲಿ (Poverty Levels) ತೀವ್ರ ಇಳಿಕೆಗೆ ಕಾರಣವಾಗಬಹುದು ಎಂದು ನೀತಿ ಆಯೋಗ್ (Niti Aayog) ಸಿಇಒ ಹೇಳಿದ್ದಾರೆ. “ಈ ಅಂಕಿಅಂಶಗಳ ಆಧಾರದ ಮೇಲೆ, ದೇಶದಲ್ಲಿ ಬಡತನದ ಮಟ್ಟವು 5% ಅಥವಾ ಅದಕ್ಕಿಂತ ಕಡಿಮೆಯಿರಬಹುದು” ಎಂದು ಬಿ ವಿ ಆರ್ ಸುಬ್ರಹ್ಮಣ್ಯಂ( B V R Subrahmanyam) ಹೇಳಿದ್ದಾರೆ. ಚಿಲ್ಲರೆ ಹಣದುಬ್ಬರ ಸೂಚ್ಯಂಕದಲ್ಲಿ ಆಹಾರ ಮತ್ತು ಸಿರಿಧಾನ್ಯಗಳ ಪಾಲು ಕಡಿಮೆ ಇರುವುದರಿಂದ ಆರ್‌ಬಿಐ ಬಡ್ಡಿದರ ನಿಗದಿಗೆ ಅಂಕಿಅಂಶಗಳು ಪರಿಣಾಮ ಬೀರಬಹುದು ಎಂದು ಅವರು ಹೇಳಿದ್ದು, ಡೇಟಾವು ಗ್ರಾಮೀಣ ಆರ್ಥಿಕತೆಯ ಸ್ಥಿತಿಯ ಬಗ್ಗೆ ಅನುಮಾನಗಳನ್ನು ಹೊರಹಾಕಿದೆ.

ಬಡತನದ ಮಟ್ಟವನ್ನು ಬಳಕೆಯ ವೆಚ್ಚದ ದತ್ತಾಂಶದ ಆಧಾರದ ಮೇಲೆ ಲೆಕ್ಕಹಾಕಲಾಗುತ್ತದೆ.ಅಂದಹಾಗೆ ಬಡವರ ಸಂಖ್ಯೆಯ ಬಗ್ಗೆ ತೀವ್ರ ಚರ್ಚೆ ನಡೆದಿದೆ. 2017-18 ರ ಡೇಟಾವನ್ನು ಬಿಡುಗಡೆ ಮಾಡಲಾಗಿಲ್ಲ, ಆದ್ದರಿಂದ ಇದು 2011-12 ರ ನಂತರದ ಇತ್ತೀಚಿನ ಡೇಟಾ.

ಗ್ರಾಮೀಣ ಭಾರತದಲ್ಲಿ ಆಹಾರ ವೆಚ್ಚ 2011-12ರಲ್ಲಿ 53% , 2022-23 46.4%

ಮನೆಯ ಬಳಕೆಯ ವೆಚ್ಚದ ಇತ್ತೀಚಿನ ಮಾಹಿತಿಯು ಗ್ರಾಮೀಣ ಮತ್ತು ನಗರ ಬಳಕೆಯಲ್ಲಿ ಗಮನಾರ್ಹ ಬದಲಾವಣೆಗಳನ್ನು ತೋರಿಸಿದೆ. ಆಹಾರ ಮತ್ತು ಧಾನ್ಯಗಳ ಪಾಲು ಕಡಿಮೆಯಾಗಿದೆ. ಈ ಅವಧಿಯಲ್ಲಿ ಆಹಾರೇತರ ವಸ್ತುಗಳಾದ ಫ್ರಿಡ್ಜ್, ಟೆಲಿವಿಷನ್, ಪಾನೀಯಗಳು ಮತ್ತು ಸಂಸ್ಕರಿಸಿದ ಆಹಾರ, ವೈದ್ಯಕೀಯ ಆರೈಕೆ ಮತ್ತು ಸಾರಿಗೆ ವೆಚ್ಚಗಳು ಹೆಚ್ಚಿವೆ. ಆದರೆ ಧಾನ್ಯಗಳು ಮತ್ತು ಬೇಳೆಕಾಳುಗಳಂತಹ ಆಹಾರದ ಮೇಲಿನ ವೆಚ್ಚವು ನಿಧಾನಗೊಂಡಿದೆ.

ಪ್ರಸ್ತುತ ಬೆಲೆಗಳಲ್ಲಿ, ಗ್ರಾಮೀಣ ಮಾಸಿಕ ತಲಾ ಬಳಕೆಯ ವೆಚ್ಚವು 2011-12 ರಲ್ಲಿ ರೂ 1,430 ರಿಂದ 2022-23 ರಲ್ಲಿ ರೂ 3,773 ಆಗಿದ್ದು 164% ಏರಿಕೆಯಾಗಿದೆ ಎಂದು ಸಮೀಕ್ಷೆಯು ತೋರಿಸಿದೆ. ಆದರೆ ನಗರ ಕೇಂದ್ರಗಳಲ್ಲಿ ಇದು 2011-12 ರಲ್ಲಿ 2,630 ನಿಂದ 2022-23 ರಲ್ಲಿ 6,459 ರೂ. ಆಗಿ 146% ರಷ್ಟು ಏರಿಕೆಯಾಗಿದೆ.

ಗ್ರಾಮೀಣ ಪ್ರದೇಶಗಳಲ್ಲಿ, ಮಾಸಿಕ ಬಳಕೆಯಲ್ಲಿ ಆಹಾರದ ಪಾಲು 2011-12ರಲ್ಲಿ 53% ರಿಂದ 2022-23 ರಲ್ಲಿ 46.4% ಕ್ಕೆ ಇಳಿದಿದೆ ಆದರೆ ಆಹಾರೇತರ ವಸ್ತುಗಳ ಮೇಲಿನ ಖರ್ಚು 47.15 ರಿಂದ 54% ಕ್ಕೆ ಏರಿದೆ. ಆಹಾರದ ಮೇಲಿನ ವೆಚ್ಚವು 2011-22 ರಲ್ಲಿ 43% ರಿಂದ 2022-23 ರಲ್ಲಿ 39.2% ಕ್ಕೆ ಇಳಿದಿದ್ದು 2011-12 ರಲ್ಲಿ 57.4% ರಿಂದ 2022-23 ರಲ್ಲಿ 60.8% ಕ್ಕೆ ಏರಿದೆ ಎಂದು ಸಮೀಕ್ಷೆ ಹೇಳಿದೆ.

ಆಹಾರದಲ್ಲಿ ಪಾನೀಯಗಳು, ಸಂಸ್ಕರಿತ ಆಹಾರ, ಹಾಲು ಮತ್ತು ಹಣ್ಣುಗಳ ಸೇವನೆಯು ಬೆಳೆಯುತ್ತಿದೆ. ಇದು ಹೆಚ್ಚು ವೈವಿಧ್ಯಮಯ ಮತ್ತು ಸಮತೋಲಿತ ಬಳಕೆಯ ಸೂಚನೆಯಾಗಿದೆ.ಇತ್ತೀಚಿನ ಅಂಕಿಅಂಶಗಳು ಗ್ರಾಹಕರ ಬೆಲೆ ಸೂಚ್ಯಂಕವನ್ನು ಅಳೆಯಲು ಕಾರಣವಾಗುತ್ತವೆ ಎಂದು ಎಂದು ನೀತಿ ಆಯೋಗದ ಸಿಇಒ ಬಿ ವಿ ಆರ್ ಸುಬ್ರಹ್ಮಣ್ಯಂ ಹೇಳಿದ್ದು, ಚಿಲ್ಲರೆ ಹಣದುಬ್ಬರ, ಧಾನ್ಯಗಳು ಮತ್ತು ಆಹಾರದ ಪಾಲು ಕಡಿಮೆಯಾಗಲಿದೆ.

“ಇದರರ್ಥ ಸಿಪಿಐ ಹಣದುಬ್ಬರಕ್ಕೆ ಆಹಾರದ ಕೊಡುಗೆ ಕಡಿಮೆ ಇರುತ್ತದೆ ಮತ್ತು ಹಿಂದಿನ ವರ್ಷಗಳಲ್ಲಿ ಬಹುಶಃ ಕಡಿಮೆಯಾಗಿದೆ. ಇದರರ್ಥ ಹಣದುಬ್ಬರವನ್ನು ಅತಿಯಾಗಿ ಹೇಳಲಾಗಿದೆ. ಆಹಾರವು ಪ್ರಮುಖ ಕೊಡುಗೆಯಾಗಿರುವುದರಿಂದ ಬಹುಶಃ ಕಡಿಮೆಯಾಗಿದೆ. ಇದು ಆರ್‌ಬಿಐನ ಹಣಕಾಸು ನೀತಿಯ ಮೇಲೆ ಪರಿಣಾಮ ಬೀರಬಹುದು ಎಂದು ಸುಬ್ರಹ್ಮಣ್ಯಂ ಹೇಳಿದ್ದಾರೆ.

ಇದನ್ನೂ ಓದಿ: ನಗದು ಹಣದ ಹರಿವು ಬಹಳ ಇಳಿಕೆ; ಇದು ಎರಡು ಸಾವಿರ ರೂ ನೋಟು ಚಲಾವಣೆ ಹಿಂಪಡೆದಿದ್ದರ ಪರಿಣಾಮವಾ

2014 ರಲ್ಲಿ, ಮಾಜಿ ಆರ್‌ಬಿಐ ಗವರ್ನರ್ ಸಿ ರಂಗರಾಜನ್ ನೇತೃತ್ವದ ಸಮಿತಿಯು ಬಡತನ ರೇಖೆ ನಗರ ಪ್ರದೇಶಗಳಲ್ಲಿ 1,407 ರೂ. ಮತ್ತು ಗ್ರಾಮೀಣ ಪ್ರದೇಶದಲ್ಲಿ 972 ರೂ.ಆಗಿದೆ ಎಂದು ಹೇಳಿತ್ತು. ಇತ್ತೀಚಿನ ಅಂಕಿಅಂಶಗಳ ಪ್ರಕಾರ ಜನಸಂಖ್ಯೆಯ ಕೆಳಭಾಗದ 5-10% ಜನರು ಗ್ರಾಮೀಣ ಪ್ರದೇಶಗಳಲ್ಲಿ ರೂ 1,864 ಮತ್ತು ನಗರ ಕೇಂದ್ರಗಳಲ್ಲಿ ರೂ 2,695 ರ ಸರಾಸರಿ ಮಾಸಿಕ ಬಳಕೆಯ ವೆಚ್ಚವನ್ನು ಹೊಂದಿದ್ದಾರೆ.

“ರಂಗರಾಜನ್ ವ್ಯಾಖ್ಯಾನದ ಪ್ರಕಾರ, ಭಾರತದಲ್ಲಿ ಬಡತನದ ಮಟ್ಟವು ಈಗ ಗಣನೀಯವಾಗಿ ಕಡಿಮೆಯಾಗಿದೆ ಎಂದು ಸಮೀಕ್ಷೆಯ ದತ್ತಾಂಶವು ತೋರಿಸುತ್ತದೆ. ಸಮಿತಿಯ ವ್ಯಾಖ್ಯಾನದಂತೆ, ನಗರಗಳಲ್ಲಿ ದಿನಕ್ಕೆ ರೂ 47 ಮತ್ತು ಹಳ್ಳಿಗಳಲ್ಲಿ ರೂ 32 ಖರ್ಚು ಮಾಡುವ ವ್ಯಕ್ತಿಯು ಬಡತನ ರೇಖೆಗಿಂತ ಕೆಳಗಿದ್ದಾನೆ. ಇತ್ತೀಚಿನ ಎಂಪಿಸಿಇ ಪ್ರಕಾರ ಡೇಟಾ, ಕೆಳಗಿನ 5-10% ರ ಬಳಕೆಯ ವೆಚ್ಚವು ಭಾರತದಲ್ಲಿ ಬಡತನದ ದರಗಳು ಈಗ ಕಡಿಮೆ ಸಿಂಗಲ್ ಡಿಜಿಟ್ ಎಂದು ತೋರಿಸುತ್ತದೆ ”ಎಂದು 16 ನೇ ಹಣಕಾಸು ಆಯೋಗದ ಅರೆಕಾಲಿಕ ಸದಸ್ಯೆ ಮತ್ತು ಎಸ್‌ಬಿಐನ ಗುಂಪಿನ ಮುಖ್ಯ ಆರ್ಥಿಕ ಸಲಹೆಗಾರರಾದ ಸೌಮ್ಯ ಕಾಂತಿ ಘೋಷ್ ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ