ದಿ ಕಾಶ್ಮೀರ್ ಫೈಲ್ಸ್ ಬಗ್ಗೆ ಇಸ್ರೇಲಿ ಸಿನಿಮಾ ನಿರ್ಮಾಪಕ ನಾದವ್ ಲ್ಯಾಪಿಡ್ ಹೇಳಿಕೆಗೆ ಆಕ್ರೋಶ; ಗೋವಾದಲ್ಲಿ ದೂರು ದಾಖಲು

ಕಾಶ್ಮೀರಿ ಪಂಡಿತರ ವಲಸೆ ವಿಷಯವಸ್ತು ಹೊಂದಿರುವ ವಿವೇಕ್ ಅಗ್ನಿಹೋತ್ರಿಯವರ(Vivek Agnihotri) ‘ದಿ ಕಾಶ್ಮೀರ್ ಫೈಲ್ಸ್’ (The Kashmir Files)ಸಿನಿಮಾ ಬಗ್ಗೆ ಇಸ್ರೇಲಿ ಚಲನಚಿತ್ರ ನಿರ್ಮಾಪಕ ಮತ್ತು 53 ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ ತೀರ್ಪುಗಾರರ ಮುಖ್ಯಸ್ಥ ನಾದವ್ ಲ್ಯಾಪಿಡ್ (Nadav Lapid) ಅವರ ಹೇಳಿಕೆ ಬಗ್ಗೆ ಸುಪ್ರೀಂಕೋರ್ಟ್ ವಕೀಲರೊಬ್ಬರು ಗೋವಾದಲ್ಲಿ ಪೊಲೀಸ್ ದೂರು ಸಲ್ಲಿಸಿದ್ದಾರೆ. ಈ ಬಗ್ಗೆ ಇಸ್ರೇಲ್ ಮತ್ತು ಭಾರತೀಯ ನಟರು ಮತ್ತು ರಾಜಕಾರಣಿಗಳ ಉನ್ನತ ರಾಜತಾಂತ್ರಿಕರು ಚಲನಚಿತ್ರ ನಿರ್ಮಾಪಕರ ಕ್ಷಮೆಯಾಚಿಸಲು ಒತ್ತಾಯಿಸಿದರು. ಇಸ್ರೇಲ್ ರಾಯಭಾರಿ ನೌರ್ ಗಿಲೋನ್ ಮತ್ತು ಬಾಲಿವುಡ್ ನಟ ಅನುಪಮ್ ಖೇರ್ ಅವರು ಲ್ಯಾಪಿಡ್ ಅವರನ್ನು ಟೀಕಿಸಿದರೆ, ಶಿವಸೇನಾ ಸಂಸದೆ ಪ್ರಿಯಾಂಕಾ ಚತುರ್ವೇದಿ ಅವರನ್ನು ಸಮರ್ಥಿಸಿಕೊಂಡಿದ್ದಾರೆ.

ಕಾಶ್ಮೀರ್ ಫೈಲ್ಸ್ ಬಗ್ಗೆ ಟೀಕೆ, ವಿವಾದ: ಇಲ್ಲಿವರೆಗಿನ ಬೆಳವಣಿಗೆಗಳು

1. ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ನಡೆದ ಗೋವಾದಲ್ಲಿ ಹಿಂದೂ ಧರ್ಮದ ಮೇಲೆ ನಿಂದನೆ ಮಾಡಲಾಗಿದೆ ಎಂದು ದೂರು ದಾಖಲಾಗಿದೆ. ವಿನೀತ್ ಜಿಂದಾಲ್ ಎಂಬವರು ಸಲ್ಲಿಸಿದ ದೂರಿನಲ್ಲಿ, ಲ್ಯಾಪಿಡ್ ಅವರು ಗುಂಪುಗಳ ನಡುವೆ ದ್ವೇಷವನ್ನು ಪ್ರಚೋದಿಸುವ ಉದ್ದೇಶವನ್ನು ಇದು ಸ್ಪಷ್ಟವಾಗಿ ತೋರಿಸುತ್ತದೆ ಎಂದು ಹೇಳಿದ್ದಾರೆ. ಭಾರತೀಯ ಚಲನಚಿತ್ರ ನಿರ್ಮಾಪಕ ಸುದೀಪ್ತೋ ಸೇನ್ (ತೀರ್ಪುಗಾರರಾಗಿದ್ದವರು) ಅವರು ಲ್ಯಾಪಿಡ್ ಅವರ ಹೇಳಿಕೆಯು ಸಂಪೂರ್ಣವಾಗಿ ವೈಯಕ್ತಿಕ ಎಂದು ತೋರಿಸುತ್ತದೆ.ನನ್ನ ಧಾರ್ಮಿಕ ಭಾವನೆಗಳಿಗೆ ತೀವ್ರ ನೋವಾಗಿದೆ ಎಂದು ಹೇಳಿರುವುದಾಗಿ ಜಿಂದಾಲ್ ತಮ್ಮ ದೂರಿನಲ್ಲಿ ತಿಳಿಸಿದ್ದಾರೆ.
2.  ಇಸ್ರೇಲ್ ರಾಯಭಾರಿ ಗಿಲೋನ್ ಮತ್ತು ಮಧ್ಯ ಪ್ರಾಚ್ಯ ಭಾರತದ ಅವರ ದೇಶದ ಕಾನ್ಸುಲ್ ಜನರಲ್ ಕೊಬ್ಬಿ ಶೋಶಾನಿ ಅವರು ಲ್ಯಾಪಿಡ್ ಅವರ ಹೇಳಿಕೆಗಳನ್ನು ತೀವ್ರವಾಗಿ ಟೀಕಿಸಿದ್ದಾರೆ. ಈ ಬಗ್ಗೆ ಲ್ಯಾಪಿಡ್ ಗೆ ಬಹಿರಂಗ ಪತ್ರ ಟ್ವೀಟ್ ಮಾಡಿದ ಗಿಲೋನ್, ‘ನೀವು ನಾಚಿಕೆಪಡಬೇಕು’ ಮತ್ತು ಭಾರತದಲ್ಲಿ ರಾಜಕೀಯ ಮತ್ತು ಧಾರ್ಮಿಕ ಪರಿಣಾಮಗಳನ್ನು ಹೊಂದಿರುವ ವಿಷಯದ ಬಗ್ಗೆ ಮಾತನಾಡುವುದು ‘ಅಸೂಕ್ಷ್ಮ ಮತ್ತು ದುರಹಂಕಾರ’ ಎಂದು ಹೇಳಿದರು. ಲ್ಯಾಪಿಡ್ ಅವರ ಟೀಕೆಗಳು ವೈಯಕ್ತಿಕ ಎಂದು ಶೋಶಾನಿ ಹೇಳಿದರು.
3.  ಲ್ಯಾಪಿಡ್ ಮುಖ್ಯಸ್ಥರಾಗಿದ್ದ ಭಾರತದ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದ ತೀರ್ಪುಗಾರರು ಕೂಡ ಟೀಕೆಯಿಂದ ದೂರ ಸರಿದಿದ್ದಾರೆ.ನಾವು ‘ಇಷ್ಟಗಳು ಅಥವಾ ಇಷ್ಟಪಡದಿರುವಿಕೆಗಳ ಬಗ್ಗೆ ಎಂದಿಗೂ ಪ್ರಸ್ತಾಪಿಸಲಿಲ್ಲ’ ಎಂದು ಅವರು ಒತ್ತಿ ಹೇಳಿದರು. ತೀರ್ಪುಗಾರರ ಮಂಡಳಿಯ ಭಾಗವಾಗಿದ್ದ ಭಾರತೀಯ ಚಲನಚಿತ್ರ ನಿರ್ದೇಶಕ ಸುದೀಪ್ತೋ ಸೇನ್, “ನಾವು (ಜೂರಿಗಳಾಗಿ) ಯಾವುದೇ ಚಲನಚಿತ್ರದ ಬಗ್ಗೆ ಯಾವುದೇ ರೀತಿಯ ರಾಜಕೀಯ ಹೇಳಿಕೆ ನೀಡುವುದಿಲ್ಲ. ಅದನ್ನು ಮಾಡಿದರೆ ಅದು ಸಂಪೂರ್ಣವಾಗಿ ವೈಯಕ್ತಿಕ ಆಗಿರುತ್ತದೆ ಎಂದು ಹೇಳಿದರು.
4.  ಬಾಲಿವುಡ್ ನಟ ಅನುಪಮ್ ಖೇರ್ ಮತ್ತು ‘ದಿ ಕಾಶ್ಮೀರ್ ಫೈಲ್ಸ್’ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಕೂಡಾ ಲ್ಯಾಪಿಡ್ ಹೇಳಿಕೆ ವಿರುದ್ಧ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದ್ದಾರೆ. ಲ್ಯಾಪಿಡ್ ಅವರು ‘ಈ ದುರಂತದ ಸಂತ್ರಸ್ತರಿಗೆ ನೋವುಂಟುಮಾಡಿದ್ದಾರೆ ಎಂದು ಅನುಪಮ್ ಖೇರ್ ಹೇಳಿದ್ದಾರೆ. ‘ಸತ್ಯ… ಜನರು ಸುಳ್ಳು ಹೇಳುವಂತೆ ಮಾಡಬಹುದು ಎಂದು ಅಗ್ನಿಹೋತ್ರಿ ಟ್ವೀಟ್ ಮಾಡಿದ್ದಾರೆ.
5.  ಆಡಳಿತಾರೂಢ ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥ ಅಮಿತ್ ಮಾಳವಿಯಾ ಲ್ಯಾಪಿಡ್ ಅವರ ಹೇಳಿಕೆಯನ್ನು ಹತ್ಯಾಕಾಂಡದ ನಿರಾಕರಣೆಗೆ ಹೋಲಿಸಿದ್ದಾರೆ. “ದೀರ್ಘಕಾಲದವರೆಗೆಜನರು ಹತ್ಯಾಕಾಂಡವನ್ನು ನಿರಾಕರಿಸಿದರು. ಕೆಲವರು ಕಾಶ್ಮೀರ್ ಫೈಲ್ಸ್ ಗೆ ಮಾಡುತ್ತಿರುವಂತೆ ‘ಶಿಂಡ್ಲರ್ಸ್ ಲಿಸ್ಟ್’ ನ್ನೂ ಪ್ರಚಾರ ಎಂದು ಕರೆದಿದ್ದರು. ಏನೇ ಇರಲಿ ಸತ್ಯವು ಅಂತಿಮವಾಗಿ ಗೆಲ್ಲುತ್ತದೆ ಎಂದು ಹೇಳಿದ್ದಾರೆ. ಲ್ಯಾಪಿಡ್ ಹೇಳಿಕೆಯನ್ನು ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಖಂಡಿಸಿದ್ದಾರೆ.
6.  ರಾಜಕೀಯ, ಕಾನೂನು ಮತ್ತು ಭದ್ರತಾ ವ್ಯವಹಾರಗಳ ಇಂಡೋನೇಷ್ಯಾ ಸಚಿವರು ಕೂಡ ಈ ಬಗ್ಗೆ  ಮಾತನಾಡಿದ್ದಾರೆ. ಈ ಚಲನಚಿತ್ರವು ‘ಖಂಡಿತವಾಗಿಯೂ ಪ್ರಚಾರವಲ್ಲ’ ಎಂದು ಅವರು ಹೇಳಿದ್ದಾರೆ. “ನಾನು ಸಿನಿಮಾ ನೋಡಿದೆ. ಇದು ಖಂಡಿತವಾಗಿಯೂ ಪ್ರಚಾರವಲ್ಲ. ಕಾಶ್ಮೀರದ ಜನರ ಧ್ವನಿಯನ್ನು ಕೇಳಬೇಕಾಗಿದೆ, ಏನೋ ಹೇಳಿದ್ದನ್ನು ನಾವು ಒಪ್ಪಿಕೊಳ್ಳುವುದಿಲ್ಲ ಎಂದು ಡಾ ಮೊಹಮ್ಮದ್ ಮಹ್ಫುದ್ ಹೇಳಿದರು.
7.  ‘ದಿ ಕಾಶ್ಮೀರ್ ಫೈಲ್ಸ್’ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶಿಸಲಾಯಿತು. ಇದು ಪ್ರಚಾರದಂತೆ ಭಾಸವಾಯಿತು. ಇದೊಂದು ಅಸಭ್ಯ ಚಲನಚಿತ್ರ ಎಂದು ಸೋಮವಾರ ಲ್ಯಾಪಿಡ್ ಟೀಕೆ ಮಾಡಿದ್ದಾರೆ. “ಇಂತಹ ಪ್ರತಿಷ್ಠಿತ ಚಲನಚಿತ್ರೋತ್ಸವದಲ್ಲಿ ಕಲಾತ್ಮಕ, ಸ್ಪರ್ಧಾತ್ಮಕ ವಿಭಾಗಕ್ಕೆ ಇದು ಸೂಕ್ತವಲ್ಲ. ಪ್ರಚಾರಕ ಚಲನಚಿತ್ರದಂತೆ ನಮಗೆ (ಜೂರಿ) ತೋರುತ್ತಿದೆ ಎಂದು ಅವರು ಹೇಳಿದ್ದಾರೆ.
8.  ಶಿವಸೇನಾ ಸಂಸದರಾದ ಪ್ರಿಯಾಂಕಾ ಚತುರ್ವೇದಿ ಮತ್ತು ಸಂಜಯ್ ರಾವುತ್ ಕೂಡ ಈ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ಲ್ಯಾಪಿಡ್ ಯಾವುದೇ ಹಂತದಲ್ಲೂ ಕಾಶ್ಮೀರಿ ಪಂಡಿತರ ವಲಸೆಯನ್ನು ನಿರಾಕರಿಸಲಿಲ್ಲ ಅಥವಾ ಅದನ್ನು ತಳ್ಳಿಹಾಕಲಿಲ್ಲ’. ಚಲನಚಿತ್ರ ನಿರ್ಮಾಪಕರ ಕಾಮೆಂಟ್ ಕೇವಲ ‘ಚಿತ್ರವು ವಿಷಯವನ್ನು ಪರಿಗಣಿಸಿದ ರೀತಿ’ ಮತ್ತು ‘ಅದನ್ನು ಪ್ರಚಾರ’ಕ್ಕೆ ಬಳಸಿರುವ ಬಗ್ಗೆ  ಮಾತ್ರ. ಈ ಸಿನಿಮಾ ಒಂದು ಪಕ್ಷದ ಪ್ರಚಾರ ಎಂದು ರಾವುತ್ ಹೇಳಿದ್ದಾರೆ.
9. ಕಾಂಗ್ರೆಸ್‌ನ ಸುಪ್ರಿಯಾ ಶ್ರಿನೇತ್ ಅವರು ಲ್ಯಾಪಿಡ್ ಅವರ ಭಾಷಣವನ್ನು ಟ್ವೀಟ್ ಮಾಡಿದ್ದು, ಕೊನೆಗೂ ದ್ವೇಷವನ್ನು ಖಂಡಿಸಿ ಮಾತನಾಡುವವರಿದ್ದಾರೆ ಎಂದಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ, ಅವರ ಸರ್ಕಾರ, ಬಿಜೆಪಿ, ಬಲಪಂಥೀಯ ಪರಿಸರ ವ್ಯವಸ್ಥೆಯು ‘ದಿ ಕಾಶ್ಮೀರ್ ಫೈಲ್ಸ್’ ಅನ್ನು ತೀವ್ರವಾಗಿ ಪ್ರಚಾರ ಮಾಡಿದೆ. ಅದು ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವವು ತಿರಸ್ಕರಿಸಿದ ಚಲನಚಿತ್ರವಾಗಿದೆ ಎಂದು ಸುಪ್ರಿಯಾ ಹೇಳಿದ್ದಾರೆ. ನರೇಂದ್ರ ಮೋದಿ ಸರ್ಕಾರದ ಟೀಕಾಕಾರರಾಗಿರುವ ನಟಿ ಸ್ವರಾ ಭಾಸ್ಕರ್ – ಲ್ಯಾಪಿಡ್ ಅನ್ನು ಬೆಂಬಲಿಸಿ ಟ್ವೀಟ್ ಮಾಡಿದ್ದಾರೆ.
10.  ‘ದಿ ಕಾಶ್ಮೀರ್ ಫೈಲ್ಸ್’ ಸಿನಿಮಾದ ಕಥೆ, ನಿರ್ದೇಶನ ವಿವೇಕ್ ಅಗ್ನಿಹೋತ್ರಿ. 1990 ರ ದಶಕದಲ್ಲಿ ಉಗ್ರಗಾಮಿತ್ವವು ಅತಿರೇಕವಾಗಿದ್ದಾಗ ಕಣಿವೆಯಿಂದ ಕಾಶ್ಮೀರಿ ಪಂಡಿತರ ವಲಸೆಯೇ ಇದರ ಕಥಾ ವಸ್ತು. ಈ ಚಿತ್ರವನ್ನು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಸೇರಿದಂತೆ ಬಿಜೆಪಿಯ ಉನ್ನತ ನಾಯಕರು ಹೊಗಳಿದ್ದಾರೆ ಮತ್ತು ಪ್ರಚಾರ ಮಾಡಿದ್ದಾರೆ. ಅವರು ಇದನ್ನು ‘ಸತ್ಯದ ದಿಟ್ಟ ಪ್ರಾತಿನಿಧ್ಯ’ ಎಂದು ಕರೆದಿದ್ದಾರೆ. ಪಕ್ಷದ ಆಡಳಿತವಿರುವ ಹಲವಾರು ರಾಜ್ಯಗಳ ಮುಖ್ಯಮಂತ್ರಿಗಳು ಚಲನಚಿತ್ರವನ್ನು ತೆರಿಗೆ ಮುಕ್ತ ಮಾಡಿದ್ದರು.

Published On - 5:02 pm, Tue, 29 November 22