ಮನೆ ಬಾಗಿಲಿಗೆ ಹೋಗಿ ಕೊವಿಡ್ ಲಸಿಕೆ ಹಾಕಲು ಸಾಮಾನ್ಯ ನಿರ್ದೇಶನಗಳನ್ನು ರವಾನಿಸಲು ಸಾಧ್ಯವಿಲ್ಲ: ಸುಪ್ರೀಂಕೋರ್ಟ್

ದೆಹಲಿ: ಜನರಿಗೆ ಮನೆ ಬಾಗಿಲಿಗೆ ಹೋಗಿ ಕೊವಿಡ್ ಲಸಿಕೆ ನೀಡಲು ಸಾಮಾನ್ಯ ನಿರ್ದೇಶನಗಳನ್ನು ನೀಡಲು ಸಾಧ್ಯವಿಲ್ಲ ಎಂದು ಸುಪ್ರೀಂಕೋರ್ಟ್ ಬುಧವಾರ ಹೇಳಿದೆ.ನ್ಯಾಯಮೂರ್ತಿಗಳಾದ ಡಿವೈ ಚಂದ್ರಚೂಡ್, ವಿಕ್ರಮ್ ನಾಥ್ ಮತ್ತು ಬೇಲಾ ಎಂ ತ್ರಿವೇದಿ ಅವರನ್ನೊಳಗೊಂಡ ನ್ಯಾಯಪೀಠವು ಭಾರತದಲ್ಲಿ ನೆಲೆಸಿರುವ ಎಲ್ಲಾ ನಾಗರಿಕರಿಗೆ, ವಿಶೇಷವಾಗಿ ವಯಸ್ಸಾದವರಿಗೆ ಕೊವಿಡ್ -19 ಲಸಿಕೆಯನ್ನು ನೀಡಬೇಕೆಂದು ಕೋರಿ ಭಾರತದ ಯುವ ವಕೀಲರ ಸಂಘ ಸಲ್ಲಿಸಿದ ಪಿಐಎಲ್ ಅನ್ನು ವಿಚಾರಣೆ ವೇಳೆ ಈ ರೀತಿ ಹೇಳಿದೆ. ಅಂಗವಿಕಲರು ಕಡಿಮೆ ಸವಲತ್ತುಗಳಿರುವವರು, ದುರ್ಬಲ ವರ್ಗಗಳು ಮತ್ತು ತಮ್ಮ ಲಸಿಕೆಗಾಗಿ ಆನ್‌ಲೈನ್‌ನಲ್ಲಿ ನೋಂದಾಯಿಸಲು ಸಾಧ್ಯವಾಗದವರಿಗಾಗಿ ಮನೆ ಬಾಗಿಲಿಗೆ ಹೋಗಿ ಲಸಿಕೆ ನೀಡಬೇಕೆಂದು ವಕೀಲರ ಸಂಘ ಮನವಿ ಮಾಡಿತ್ತು.

ಅರ್ಜಿದಾರರು ತನ್ನ ಸಲಹೆಗಳೊಂದಿಗೆ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯಕ್ಕೆ ಪ್ರಾತಿನಿಧ್ಯವನ್ನು ಸಲ್ಲಿಸಲು ಅವಕಾಶ ನೀಡುವ ಪಿಐಎಲ್ ಅನ್ನು ಪೀಠವು ವಿಲೇವಾರಿ ಮಾಡಿದೆ. ಅರ್ಜಿದಾರರ ಸಲಹೆಗಳನ್ನು ಸಚಿವಾಲಯವು ಸೂಕ್ತ ಮಟ್ಟದಲ್ಲಿ ಪರಿಗಣಿಸಬಹುದು ಎಂದು ಪೀಠವು ಗಮನಿಸಿತು. ವ್ಯಾಕ್ಸಿನೇಷನ್ ಪ್ರಕ್ರಿಯೆ ನಡೆಯುತ್ತಿರುವುದನ್ನು ಗಮನಿಸಿದ ಕೋರ್ಟ್ ಸಾಮಾನ್ಯ ನಿರ್ದೇಶನಗಳನ್ನು ನೀಡುವುದು ಕಷ್ಟ ಎಂದು ಹೇಳಿದೆ.

ವಿಶೇಷವಾಗಿ ನಮ್ಮ ಪರಿಸ್ಥಿತಿಗಳ ವೈವಿಧ್ಯತೆಗೆ ಸಂಬಂಧಿಸಿದಂತೆ ಈ ಹಂತದಲ್ಲಿ ಸಾಮಾನ್ಯ ನಿರ್ದೇಶನಗಳನ್ನು ನೀಡುವುದು ಕಷ್ಟವಾಗುತ್ತದೆ.ನಮ್ಮ ನಿರ್ದೇಶನಗಳು ರಾಜ್ಯ ಸರ್ಕಾರಗಳ ಆಡಳಿತಾತ್ಮಕ ಅಧಿಕಾರಗಳ ಮೇಲೆ ಪರಿಣಾಮ ಬೀರಬಾರದು” ಎಂದು ನ್ಯಾಯಮೂರ್ತಿ ಚಂದ್ರಚೂಡ್ ಹೇಳಿದರು.

ವಕೀಲ ಮಂಜು ಜೇಟ್ಲಿ ಸಲ್ಲಿಸಿದ ಪಿಐಎಲ್ ನಲ್ಲಿ ಕೊವಿಡ್ -19 ಲಸಿಕೆ ಮನೆ ಬಾಗಿಲಿಗೆ ಹೋಗಿ ನೀಡುವುದು ಇಂದಿನ ಅಗತ್ಯವಾಗಿದೆ, ವಿಶೇಷವಾಗಿ ದುರ್ಬಲ ಗುಂಪುಗಳಿಗೆ ಅಗತ್ಯ ಎಂದು ಹೇಳಿದೆ.

“ಕೊವಿಡ್ -19 ವ್ಯಾಕ್ಸಿನೇಷನ್ ‘ನಾವು ನಮ್ಮ ದುರ್ಬಲ ಕೊಂಡಿಯಂತೆ ಬಲಶಾಲಿಯಾಗಿದ್ದೇವೆ’ ಮತ್ತು ಒಂದೇ ವ್ಯಕ್ತಿಗೆ ಲಸಿಕೆಯಿಂದ ವಂಚಿತರಾಗುವ ಯಾವುದೇ ಕಾರಣಕ್ಕೂ, ಹೆಚ್ಚಿನ ಸಾರ್ವಜನಿಕ ಹಿತಾಸಕ್ತಿಗೆ ಹಾನಿಕಾರಕವಾಗಿದೆ ಎಂಬ ತತ್ವದ ಮೇಲೆ ಒಟ್ಟುಗೂಡುತ್ತದೆ .

ಭಾರತವು “ಕಲ್ಯಾಣ ರಾಜ್ಯ” ಎಂದು ಸಲ್ಲಿಸಿದ ಮನವಿಯು, ಭಾರತವು ಸಾರ್ವಜನಿಕ ಹಿತವನ್ನು ಕಾಪಾಡುವ ತನ್ನ ಹೊಣೆಗಾರಿಕೆಯನ್ನು ಒಪ್ಪಿಕೊಳ್ಳಬೇಕು ಮತ್ತು ತನ್ನ ಎಲ್ಲ ನಾಗರಿಕರ ಹಿತಾಸಕ್ತಿಗೆ ಸೇವೆ ಸಲ್ಲಿಸಬೇಕು ಎಂದು ಹೇಳಿತು.

ಕೇಂದ್ರ ಸರ್ಕಾರದಿಂದ ಹೊರಡಿಸಿದ ಸಾರ್ವತ್ರಿಕ ರೋಗನಿರೋಧಕ ಯೋಜನೆ ಮತ್ತು ರಾಷ್ಟ್ರೀಯ ವ್ಯಾಕ್ಸಿನೇಷನ್ ತಂತ್ರವು ಕೇಂದ್ರದಿಂದ ಲಸಿಕೆಯನ್ನು ಖರೀದಿಸಿ ಮತ್ತು ಸರಪಳಿಯನ್ನು ಸಾರ್ವಜನಿಕರಿಗೆ ಉಚಿತವಾಗಿ ಮತ್ತು ಸಾರ್ವತ್ರಿಕವಾಗಿ ಕ್ರಮೇಣ ವಿತರಿಸುವ ನ್ಯಾಯಸಮ್ಮತ ನಿರೀಕ್ಷೆಯನ್ನು ಹುಟ್ಟುಹಾಕಿದೆ ಎಂದು ಅರ್ಜಿಯಲ್ಲಿ ಹೇಳಲಾಗಿದೆ.

ಇದನ್ನೂ ಓದಿ: ಕೊವಿಡ್ ಎರಡನೇ ಅಲೆಯಲ್ಲಿ ಸಂಭವಿಸಿದ ಎಲ್ಲ ಸಾವು ನಿರ್ಲಕ್ಷ್ಯದಿಂದಲೇ ಆಗಿದ್ದು ಎಂದು ಊಹಿಸುವಂತಿಲ್ಲ: ಸುಪ್ರೀಂಕೋರ್ಟ್

(Supreme Court says cannot pass generalized directions for granting door-to-door vaccination to people)