ಮಳೆಗಾಲದಲ್ಲಿ ಮರಗಳು ಬೀಳುವುದನ್ನು ನಿಯಂತ್ರಿಸಲು ಮುಂಬೈನಲ್ಲಿ ವಿನೂತನ ಕ್ರಮ; ಟ್ರೀ ಸರ್ಜನ್​​ಗಳನ್ನು ನೇಮಕ ಮಾಡಿದ ಬಿಎಂಸಿ

ಮುಂಬೈ ನಗರದಾದ್ಯಂತ ಸಿಕ್ಕಾಪಟೆ ಮಳೆಯಾಗುತ್ತಿದೆ. ಗಾಳಿ-ಮಳೆಯಿಂದ ಹಳೇ ಹಳೇ ಮರಗಳೆಲ್ಲ ಬೀಳುತ್ತಿವೆ. ಹೀಗೆ ಹಳೇ ಹಳೇ ದೊಡ್ಡದೊಡ್ಡ ಮರಗಳನ್ನು ಮುರಿದು ಬೀಳುವುದನ್ನು ತಪ್ಪಿಸಲು ಬೃಹನ್​ ಮುಂಬೈ ಮುನ್ಸಿಪಲ್​ ಕಾರ್ಪೋರೇಶನ್​ (ಬಿಎಂಸಿ) ಮಹತ್ವದ ಹೆಜ್ಜೆಯನ್ನಿಟ್ಟಿದೆ. ಮರಗಳ ಶಸ್ತ್ರಚಿಕಿತ್ಸಕರನ್ನು (ಟ್ರೀ ಸರ್ಜನ್ ಅಥವಾ ಅರ್ಬೋರಿಕಲ್ಚರಿಸ್ಟ್​) ನೇಮಕ ಮಾಡಿಕೊಂಡಿದೆ. ಕೆಲವು ಹಳೇ ಮರಗಳು ಮಳೆಗಾಲದಲ್ಲಿ ಫಂಗಸ್ ಇನ್​​ಫೆಕ್ಷನ್​ ಅಥವಾ ಇನ್ಯಾವುದೋ ಕಾರಣಕ್ಕೆ ಕೊಳೆಯಲು ಆರಂಭಿಸುತ್ತವೆ. ಹೀಗಾದಾಗ ಅವರು ತನ್ನಿಂದ ತಾನಾಗಿ ಬಲುಬೇಗನೆ ಉರುಳು ಬೀಳುತ್ತವೆ. ಸಾಧ್ಯವಾದಷ್ಟರ ಮಟ್ಟಿಗೆ ಅದನ್ನು ತಡೆಯಲು ಈ ಟ್ರೀ ಸರ್ಜನ್​ಗಳನ್ನು ನೇಮಕ ಮಾಡಿದ್ದಾಗಿ ಬಿಎಂಸಿ ತಿಳಿಸಿದೆ.

ಇವರು ಮರಗಳನ್ನು ಪರೀಕ್ಷಿಸಿ, ಅವುಗಳಲ್ಲಿ ಏನಾದರೂ ದುರ್ಬಲತೆ ಕಂಡು ಬಂದರೆ ರಕ್ಷಿಸುವ ಮಾರ್ಗವನ್ನು ಹೇಳುತ್ತಾರೆ. ಅದಕ್ಕೆ ತಕ್ಕಂತೆ ಔಷಧ ಸಿಂಪಡಣೆ, ಆರೈಕೆ ಮಾಡಬಹುದು. ಇದರಿಂದ ಮರಗಳು ಧರೆಗುರುಳುವುದನ್ನು ತಡೆಯಬಹುದು ಎಂಬುದು ಬಿಎಂಸಿ ಅಭಿಪ್ರಾಯ. ಈ ಯೋಜನೆ ಪ್ರಾಯೋಗಿಕವಾಗಿ ಶುರುವಾಗಿದ್ದು, ಮಲ್ಬಾರ್​ ಹಿಲ್​​, ಟರೇಡೋ ಮತ್ತು ಪೆಡ್ಡರ್​ ರೋಡ್​​ಗಳನ್ನೊಳಗೊಂಡ ಬಿಎಂಸಿಯ ಡಿ ವಾರ್ಡ್​​​ಗೆ ಟ್ರೀ ಸರ್ಜನ್​ ಆಗಿ ವೈಭವ್​ ರಾಜೆ ನೇಮಕಗೊಂಡಿದ್ದಾರೆ. ಈ ಪ್ರದೇಶದಲ್ಲಿರುವ ಸುಮಾರು 100-150 ಮರಗಳನ್ನು ಇವರು ಅಧ್ಯಯನ ಮಾಡಲಿದ್ದಾರೆ.

ವಿಪರೀತ ಮಳೆ ಬೀಳುವ ಸಂದರ್ಭದಲ್ಲಿ ಅದೆಷ್ಟೋ ಮರಗಳ ಬೇರು, ಕಾಂಡಗಳು ಕೊಳೆಯುತ್ತವೆ. ಯಾವುದಾದರೂ ಫಂಗಸ್​ ಸೋಂಕಿನಿಂದ ದುರ್ಬಲವಾಗುತ್ತವೆ. ಮರಗಳು ಮೇಲಿನಿಂದ ಚೆನ್ನಾಗಿಯೇ ಕಂಡರೂ ಒಳಗೆ ಯಾವುದಾದರೂ ಭಾಗದಲ್ಲಿ ದುರ್ಬಲವಾಗುವ ಸಾಧ್ಯತೆ ಮಳೆಗಾಲದಲ್ಲಿ ಹೆಚ್ಚಾಗಿರುತ್ತದೆ. ಇದನ್ನು ಅಧ್ಯಯನ ಮಾಡಿ, ಅಗತ್ಯವಿದ್ದರೆ ಸೂಕ್ತ ರೀತಿಯಲ್ಲಿ ಔಷಧಗಳ ಸಿಂಪಡಣೆ ಮಾಡುವ ಕೆಲಸವನ್ನು ನಾವು ಮಾಡುತ್ತೇವೆ ಎಂದು ರಾಜೆ ವಿವರಿಸಿದ್ದಾರೆ.

Mumbai | Brihanmumbai Municipal Corporation appoints a tree surgeon to protect vulnerable trees from falling, on a pilot project basis

"We record physical attributes of tree & look for structural defects. We'll do a risk assessment on 100-150 trees," says arborist Vaibhav Raje pic.twitter.com/pmvFL5twTC

— ANI (@ANI) June 18, 2021

ಇದನ್ನೂ ಓದಿ: ಜಮ್ಮು ಕಾಶ್ಮೀರಕ್ಕೆ ಸದ್ಯದಲ್ಲೇ ರಾಜ್ಯದ ಸ್ಥಾನಮಾನ; ಯಾವುದೇ ಕಾರಣಕ್ಕೂ ವಿಶೇಷ ಸ್ಥಾನ ನೀಡಲ್ಲ- ಮೋದಿ ಲೆಕ್ಕಾಚಾರವೇನು?

Published On - 1:02 pm, Mon, 21 June 21