Viral Video: ನೈಟ್ ಕ್ಲಬ್ಗೆ ಬಂದಿದ್ದ ಮಹಿಳೆಯ ಮೈ ಮುಟ್ಟಿದ ಬೌನ್ಸರ್ನ ಪ್ರಶ್ನಿಸಿದ್ದಕ್ಕೆ ಹಿಗ್ಗಾಮುಗ್ಗ ಥಳಿತ; ವಿಡಿಯೋ ವೈರಲ್
ಬೌನ್ಸರ್ಗಳು ತಮ್ಮ ಕ್ಲಬ್ಗೆ ಬಂದಿದ್ದವರನ್ನು ರಸ್ತೆಯಲ್ಲೇ ಎಳೆದುಕೊಂಡು ಹೋಗಿ, ಹೊಡೆಯುವುದನ್ನು ವಿಡಿಯೋದಲ್ಲಿ ನೋಡಬಹುದು.
Updated on:Aug 11, 2022 | 10:54 AM
ಗುರಗಾಂವ್: ನೈಟ್ ಕ್ಲಬ್ಗೆ ಬಂದಿದ್ದ ಮಹಿಳೆಯರು ಮತ್ತು ಪುರುಷರ ಗುಂಪಿನ ಮೇಲೆ ಹಲ್ಲೆ (Attack) ನಡೆಸಿದ ಬೌನ್ಸರ್ಗಳು ಅವರನ್ನು ಥಳಿಸಿರುವ ವಿಡಿಯೋ ವೈರಲ್ (Video Viral) ಆಗಿದೆ. ನೈಟ್ಕ್ಲಬ್ನ 6 ಬೌನ್ಸರ್ಗಳು ಮತ್ತು ಮ್ಯಾನೇಜರ್ ಸೇರಿಕೊಂಡು ಈ ಹಲ್ಲೆ ನಡೆಸಿದ್ದು, ಅವರ ವಿರುದ್ಧ ಕೇಸ್ ದಾಖಲಿಸಿಕೊಳ್ಳಲಾಗಿದೆ. ವೈರಲ್ ಆಗಿರುವ ವಿಡಿಯೋದಲ್ಲಿ ಬೌನ್ಸರ್ಗಳು ಪುರುಷರನ್ನು ಎಳೆದುಕೊಂಡು ಹೋಗಿ, ಥಳಿಸುತ್ತಿರುವುದನ್ನು ನೋಡಬಹುದು. ಐಟಿ ಉದ್ಯೋಗಿಗಳು ನೈಟ್ಕ್ಲಬ್ಗೆ ಬಂದಿದ್ದು, ಅವರ ಜೊತೆಗಿದ್ದ ಮಹಿಳೆಯ ಜೊತೆ ಬೌನ್ಸರ್ ಅಸಭ್ಯವಾಗಿ ವರ್ತಿಸಿದ್ದರಿಂದ ಗಲಾಟೆ ಶುರುವಾಗಿದೆ. ನಂತರ ಆ ಬೌನ್ಸರ್ಗಳು ಮನಬಂದಂತೆ ಹಲ್ಲೆ ನಡೆಸಿದ್ದಾರೆ.
ಬೌನ್ಸರ್ಗಳು ತಮ್ಮ ಕ್ಲಬ್ಗೆ ಬಂದಿದ್ದವರನ್ನು ರಸ್ತೆಯಲ್ಲೇ ಎಳೆದುಕೊಂಡು ಹೋಗಿ, ಹೊಡೆಯುವುದನ್ನು ವಿಡಿಯೋದಲ್ಲಿ ನೋಡಬಹುದು. ಆ ಪುರುಷರನ್ನು ರಕ್ಷಿಸಲು ಬಂದ ಮಹಿಳೆಯರ ಮೇಲೂ ಬೌನ್ಸರ್ಗಳು ಹಲ್ಲೆ ನಡೆಸಿದ್ದಾರೆ. ಈ ವೀಡಿಯೊವನ್ನು ರೆಕಾರ್ಡ್ ಮಾಡುತ್ತಿರುವ ಮಹಿಳೆಯೊಬ್ಬರು “ರಕ್ತ ಬರುತ್ತಿದೆ, ದಯವಿಟ್ಟು ಹೊಡೆಯುವುದನ್ನು ನಿಲ್ಲಿಸಿ,” ಎಂದು ಕಿರುಚುತ್ತಾ ಅಳುತ್ತಿದ್ದಾರೆ. ಆದರೆ, ಅದನ್ನು ಕೇಳದ ಬೌನ್ಸರ್ಗಳು ಮತ್ತೆ ಆ ಪುರುಷರ ಕಪಾಲಕ್ಕೆ ಹೊಡೆದು, ಥಳಿಸಿದ್ದಾರೆ.
ಇದನ್ನೂ ಓದಿ: Viral Video: ಶಾಸಕರೆದುರೇ ರಸ್ತೆ ಗುಂಡಿಯಲ್ಲಿ ಕುಳಿತು ಯೋಗ, ಸ್ನಾನ ಮಾಡಿದ ವ್ಯಕ್ತಿಯ ವಿಡಿಯೋ ವೈರಲ್
ಗುರುಗಾಂವ್ ನಗರದ ಉದ್ಯೋಗ್ ವಿಹಾರ್ ಪ್ರದೇಶದಲ್ಲಿ ಭಾನುವಾರ ತಡರಾತ್ರಿ ಈ ಘಟನೆ ನಡೆದಿದೆ. ಬೌನ್ಸರ್ಗಳು ಸೇರಿದಂತೆ ಕ್ಲಬ್ ಸಿಬ್ಬಂದಿ ವಿರುದ್ಧ ಪೊಲೀಸರು ಎಫ್‌ಐಆರ್ ದಾಖಲಿಸಿಕೊಂಡಿದ್ದಾರೆ. ಈ ಎಫ್‌ಐಆರ್‌ನಲ್ಲಿ ಹಲ್ಲೆಗೊಳಗಾದ ವ್ಯಕ್ತಿಗಳಲ್ಲಿ ಒಬ್ಬರಾದ ಐಟಿ ಕಂಪನಿ ಉದ್ಯೋಗಿ ನೈಟ್ ಕ್ಲಬ್ಗೆ ಹೋದಾಗ ಬೌನ್ಸರ್ ಒಬ್ಬ ಆತನ ಜೊತೆ ಬಂದಿದ್ದ ಮಹಿಳೆಯನ್ನು ಅನುಚಿತವಾಗಿ ಸ್ಪರ್ಶಿಸಿದ್ದ. ಅದಕ್ಕೆ ಕೋಪಗೊಂಡ ಆ ವ್ಯಕ್ತಿ ಬೌನ್ಸರ್ ಮೇಲೆ ಕಿರುಚಾಡಿದರು. ಆಗ ಅಲ್ಲಿಗೆ ಬಂದ ಕ್ಲಬ್ ಮ್ಯಾನೇಜರ್ ಬೌನ್ಸರ್‌ಗಳಿಗೆ “ಅವರನ್ನು ಹೊಡೆದು ಓಡಿಹೋಗಿ” ಎಂದು ಹೇಳಿದ್ದಾರೆ ಎಂದು ಆರೋಪಿಸಲಾಗಿದೆ.
ಇದಾದ ನಂತರ ಕ್ಲಬ್ಗೆ ಬಂದಿದ್ದ ಗುಂಪು ಮತ್ತು ಬೌನ್ಸರ್ಗಳ ನಡುವೆ ಜಗಳ ಹೆಚ್ಚಾಗಿದೆ. ಆ ಗುಂಪಿನಲ್ಲಿದ್ದವರಿಗೆ ಹೊಡೆದಿದ್ದಷ್ಟೇ ಅಲ್ಲದೆ ಅವರ ಬಳಿಯಿದ್ದ ವಾಚ್ ಮತ್ತು ಸುಮಾರು 10,000 ರೂ. ಹಣವನ್ನು ಕಿತ್ತುಕೊಂಡಿದ್ದಾರೆ ಎಂಬ ಆರೋಪವೂ ಕೇಳಿಬಂದಿದೆ.
ಇನ್ನಷ್ಟು ಟ್ರೆಂಡಿಂಗ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 10:54 am, Thu, 11 August 22
