‘ಉತ್ತಮ ಆಡಳಿತಕ್ಕೆ ರಾಮರಾಜ್ಯವೇ ಮಾನದಂಡ’; ಪ್ರಧಾನಿ ಮೋದಿ ದಸರಾ ಸಂದೇಶ
ಭಾರತವನ್ನು ವಿಭಜಿಸುವ ಯತ್ನಗಳನ್ನು ವಿಫಲಗೊಳಿಸಬೇಕು ಮತ್ತು ದೇಶದ ಶತ್ರುಗಳನ್ನು ಸೋಲಿಸಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಇಂದು ದಸರಾ ಸಂದೇಶ ನೀಡಿದ್ದಾರೆ. ನವದೆಹಲಿಯ ಇಂದ್ರಪ್ರಸ್ಥ ರಾಮ್‌ಲೀಲಾ ಮೈದಾನದಲ್ಲಿ ನಡೆದ ಅದ್ಧೂರಿ ವಿಜಯದಶಮಿ ಆಚರಣೆಯಲ್ಲಿ ಭಾಗವಹಿಸಿ ಅವರು ಮಾತನಾಡಿದರು. ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರ ರಾಜೀನಾಮೆಗೆ ಆಗ್ರಹಿಸಿ ಸಿಜೆಪಿ ಪ್ರತಿಭಟನೆ ನಡೆಸುತ್ತಿರುವ ಬೆನ್ನಲ್ಲೇ ಪ್ರಧಾನಿ ಮೋದಿಯವರಿಂದ ಈ ಹೇಳಿಕೆ ಹೊರಬಿದ್ದಿದೆ. ಸಭೆಯನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ವಿಜಯದಶಮಿಯು ಅಧರ್ಮದ ಮೇಲೆ ಧರ್ಮದ ವಿಜಯವನ್ನು ಸಾರುತ್ತದೆ ಮತ್ತು ಸತ್ಯ ಹಾಗೂ ಧರ್ಮದ ಶಾಶ್ವತ ಶಕ್ತಿಯನ್ನು ದೇಶದ ಜನರಿಗೆ ನೆನಪಿಸುತ್ತದೆ ಎಂದಿದ್ದಾರೆ.
Updated on:Oct 20, 2026 | 8:30 PM
ಮುಖ್ಯಾಂಶಗಳು
- ಆತ್ಮನಿರ್ಭರ ಭಾರತಕ್ಕೆ ಪ್ರಧಾನಿ ಕರೆ
- ಸಮಾನತೆ ಮತ್ತು ಸಾರ್ವಜನಿಕ ಕಲ್ಯಾಣವೇ ಆದ್ಯತೆ: ಮೋದಿ
- ಸ್ವಾಭಿಮಾನ ಮತ್ತು ಶಕ್ತಿಯೇ ವಿಜಯದ ಹೆಗ್ಗುರುತು ಎಂದ ಮೋದಿ
ನವದೆಹಲಿ, ಅಕ್ಟೋಬರ್ 20: ಉತ್ತಮ ಆಡಳಿತಕ್ಕೆ ‘ರಾಮರಾಜ್ಯ’ದ ಆದರ್ಶಗಳೇ ಸದಾ ಕಾಲಕ್ಕೂ ಮಾನದಂಡವಾಗಿ ಮುಂದುವರಿಯಲಿವೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ. ದಸರಾ ಮಹೋತ್ಸವದ ಸಂದರ್ಭದಲ್ಲಿ ಮಾತನಾಡಿದ ಅವರು, ಯಾವುದೇ ತಾರತಮ್ಯವಿಲ್ಲದೆ ಎಲ್ಲರಿಗೂ ನ್ಯಾಯ, ಸಮಾನ ಅವಕಾಶಗಳು ದೊರಕುವ ಹಾಗೂ ಸಾರ್ವಜನಿಕ ಕಲ್ಯಾಣವೇ ಆಡಳಿತದ ಮೂಲ ಗುರಿಯಾಗಿರುವ ವ್ಯವಸ್ಥೆಯೇ ರಾಮರಾಜ್ಯ. ಪ್ರಜೆಗಳನ್ನು ಗೌರವಯುತವಾಗಿ ಕಾಣಬೇಕು ಮತ್ತು ಬಡವರು ಹಾಗೂ ನಿರ್ಗತಿಕರ ಸೇವೆ ಮಾಡುವುದೇ ಆಡಳಿತದ ಮೊದಲ ಆದ್ಯತೆಯಾಗಿರಬೇಕು ಎಂದು ಹೇಳಿದ್ದಾರೆ.
“ಈ ಶುಭ ವಿಜಯದಶಮಿಯ ಸಂದರ್ಭದಲ್ಲಿ ನಾನು ಭಗವಾನ್ ಶ್ರೀರಾಮ, ಸೀತಾ ಮಾತೆ ಮತ್ತು ಬಜರಂಗಬಲಿಯ ಚರಣಗಳಿಗೆ ಶಿರಬಾಗಿ ನಮಸ್ಕರಿಸುತ್ತೇನೆ. ಈ ಪವಿತ್ರ ವಾತಾವರಣದಲ್ಲಿ, ದೇಶದ ಎಲ್ಲಾ ಜನತೆಗೆ ನನ್ನ ಹೃದಯಪೂರ್ವಕ ವಿಜಯದಶಮಿ ಶುಭಾಶಯಗಳನ್ನು ಕೋರುತ್ತೇನೆ. ಭಗವಾನ್ ಶ್ರೀರಾಮನ ಆದರ್ಶಗಳು ಮತ್ತು ರಾಮ್‌ಲೀಲಾ ಪರಂಪರೆಯು ಭಾರತದ ಮೂಲೆ ಮೂಲೆಯಲ್ಲೂ, ಗ್ರಾಮ ಹಾಗೂ ನಗರಗಳಲ್ಲಿ ಜೀವಂತವಾಗಿದ್ದು ದೇಶವನ್ನು ಒಗ್ಗೂಡಿಸುತ್ತಿದೆ. ಇದು ಕೇವಲ ಹಬ್ಬವಲ್ಲ, ಭಾರತದ ಪ್ರಾಣಶಕ್ತಿಯಾಗಿದೆ” ಎಂದು ಪ್ರಧಾನಿ ಹೇಳಿದ್ದಾರೆ.
ಇದನ್ನೂ ಓದಿ: ಪ್ರತಿಯೊಬ್ಬರ ಜೀವನದಲ್ಲೂ ಸುಖ, ಶಾಂತಿ ನೆಲೆಸಲಿ, ವಿಜಯದಶಮಿಗೆ ಪ್ರಧಾನಿ ಮೋದಿ ಶುಭಾಶಯ
ವಿಜಯದಶಮಿ ಕೇವಲ ಆಚರಣೆಯಲ್ಲ, ಅದು ದೌರ್ಜನ್ಯ, ಅಧರ್ಮ ಮತ್ತು ಭಯೋತ್ಪಾದನೆಯ ಅಂತ್ಯವನ್ನು ಸಾರುವ ಸಂಕೇತವಾಗಿದೆ ಎಂದು ಅವರು ವರ್ಣಿಸಿದರು. ಸತ್ಯ ಮತ್ತು ಧರ್ಮದ ಪರವಾಗಿ ನಿಂತಾಗ ಎಷ್ಟೇ ಪ್ರಬಲ ಶತ್ರುವನ್ನಾದರೂ ಜಯಿಸಬಹುದು ಎಂಬುದನ್ನು ಭಗವಾನ್ ಶ್ರೀರಾಮನ ಜೀವನ ನಮಗೆ ಕಲಿಸುತ್ತದೆ ಎಂದರು.
#WATCH | Delhi: At the #Dussehra celebrations, Prime Minister Narendra Modi says, “… This country, its culture, and its ancestors have worshiped Lord Shri Ram for thousands of years. This faith is not only because Shri Ram defeated the demon king Ravana. This faith is also because Lord Ram gave us such ideals which are incomparable in the history of humanity. Lord Shri Ram faced so many difficulties in his life, but he never left the path of truth and policy…”
(Source: DD News)
— ANI (@ANI) October 20, 2026
ಆತ್ಮನಿರ್ಭರ ಭಾರತಕ್ಕೆ ಪ್ರಧಾನಿ ಕರೆ:
ಭಾರತವನ್ನು ಸಂಪೂರ್ಣವಾಗಿ ಸ್ವಾವಲಂಬಿಯನ್ನಾಗಿ ಮಾಡುವುದರ ಮಹತ್ವವನ್ನು ತಿಳಿಸಿದ ಮೋದಿ, “ದೇಶವು ತನ್ನದೇ ಆದ ಸಂಪನ್ಮೂಲಗಳ ಮೂಲಕ ಅಗತ್ಯಗಳನ್ನು ಪೂರೈಸಿಕೊಳ್ಳುವ ಸಾಮರ್ಥ್ಯವನ್ನು ಬೆಳೆಸಿಕೊಂಡಾಗ ಮಾತ್ರ ಮುನ್ನಡೆಯಲು ಸಾಧ್ಯ. ಶ್ರೀರಾಮನ ಜೀವನ ಮೌಲ್ಯಗಳು ತಮ್ಮದೇ ಸಂಪನ್ಮೂಲಗಳನ್ನು ಬಳಸಿಕೊಂಡು ಸಮಸ್ಯೆಗಳಿಗೆ ಹೇಗೆ ಪರಿಹಾರ ಕಂಡುಕೊಳ್ಳಬೇಕು ಎಂಬುದನ್ನು ನಮಗೆ ಕಲಿಸಿವೆ” ಎಂದಿದ್ದಾರೆ.
ಇದನ್ನೂ ಓದಿ: ದ್ವಾರಕಾದಲ್ಲಿ ಬಾಣ ಬಿಟ್ಟು ರಾವಣ ದಹನ ಮಾಡಿದ ರಾಷ್ಟ್ರಪತಿ ದ್ರೌಪದಿ ಮುರ್ಮು
#WATCH | Delhi: Ravan Dahan is being performed at IP Extension in East Delhi on the occasion of #Dussehra.
PM Narendra Modi attended the Dussehra celebrations here.
(Source: DD News) https://t.co/ODKvGqvmj1
— ANI (@ANI) October 20, 2026
ದೃಢಸಂಕಲ್ಪದಿಂದ ಜಯ:
ಭಗವಾನ್ ಶ್ರೀರಾಮನು ಲಂಕಾ ತಲುಪಲು ನಡೆಸಿದ ಪಯಣವನ್ನು ಸ್ಮರಿಸಿದ ಪ್ರಧಾನಿ ಮೋದಿ, ದೃಢಸಂಕಲ್ಪ, ಸಾಮೂಹಿಕ ಶಕ್ತಿ ಮತ್ತು ಸಾರ್ವಜನಿಕರ ಸಹಭಾಗಿತ್ವವಿದ್ದರೆ ಎಂತಹ ದೊಡ್ಡ ಸವಾಲನ್ನಾದರೂ ಮೆಟ್ಟಿ ನಿಲ್ಲಬಹುದು ಎಂದು ಸ್ಪೂರ್ತಿದಾಯಕ ಸಂದೇಶ ನೀಡಿದರು.
Vijaya Dashami celebrates the victory of good over evil. It reminds us of the enduring strength of truth and righteousness. https://t.co/jJSlQdNhu2
— Narendra Modi (@narendramodi) October 20, 2026
ಶತ್ರುಗಳ ವಿರುದ್ಧ ಒಗ್ಗಟ್ಟಿನ ಹೋರಾಟ:
ರಾಷ್ಟ್ರಹಿತದ ವಿಷಯಕ್ಕೆ ಬಂದಾಗ ದೇಶದ ಎಲ್ಲಾ ರಾಜಕೀಯ ಪಕ್ಷಗಳು, ಸಾಂಸ್ಥಿಕ ವ್ಯವಸ್ಥೆಗಳು ಮತ್ತು ಪ್ರಜೆಗಳು ಒಂದಾಗಬೇಕು ಎಂದು ಪ್ರಧಾನಿ ಮೋದಿ ಹೇಳಿದರು. “ದೇಶವನ್ನು ವಿಭಜಿಸಲು ಹಾಗೂ ಭಾರತದ ಗೌರವಕ್ಕೆ ಧಕ್ಕೆ ತರಲು ಯತ್ನಿಸುವವರು ದೇಶದ ನಿಜವಾದ ಶತ್ರುಗಳು. ಅಂತಹ ಶತ್ರುಗಳನ್ನು ನಾವು ಗುರುತಿಸಬೇಕು ಮತ್ತು ಒಗ್ಗಟ್ಟಿನಿಂದ ಸೋಲಿಸಬೇಕು” ಎಂದು ಅವರು ಕರೆ ನೀಡಿದರು.
#WATCH | Delhi: At the #Dussehra celebrations, Prime Minister Narendra Modi says, “Ramrajya signifies a system of governance free from discrimination—a realm where justice prevails, and everyone is afforded equal opportunities. In such a system, the purpose of authority is not merely to rule, but to ensure the welfare of the people… Serving the poor and the marginalized must remain our highest priority. The life of Lord Ram offers us a profound lesson: no matter how great the crisis or how daunting the challenge, we must not rely on others. We must recognise our own potential, trust in our own resources, transform our resolve into strength, and forge solutions through our own hard work… Today, we too must move forward, guided by this very mantra. We have set before us the goals of a Viksit Bharat and an Atmanirbhar Bharat…”
(Source: DD News)
— ANI (@ANI) October 20, 2026
“ಶತಮಾನಗಳಿಂದ ನಮ್ಮ ಸಾಂಸ್ಕೃತಿಕ ಪರಂಪರೆಯನ್ನು ಲೂಟಿ ಮಾಡಿ ವಿದೇಶಗಳಿಗೆ ಕೊಂಡೊಯ್ಯಲಾಗಿತ್ತು, ಆದರೆ ಇಂದು ನಾವು ಆ ಅಪಾರ ಸಂಪತ್ತನ್ನು ಮರಳಿ ತರುತ್ತಿದ್ದೇವೆ. ಕಳೆದ 12 ವರ್ಷಗಳಲ್ಲಿ 600ಕ್ಕೂ ಹೆಚ್ಚು ಪ್ರಾಚೀನ ವಿಗ್ರಹಗಳನ್ನು ಭಾರತಕ್ಕೆ ಮರಳಿ ತರಲಾಗಿದೆ. ಭಾರತವು ಇಂದು ಜಾಗತಿಕ ಮಟ್ಟದಲ್ಲಿ ತನ್ನ ಸಾಂಸ್ಕೃತಿಕ ಕೇಂದ್ರಗಳಿಗೆ ಹೊಸ ಗುರುತನ್ನು ನೀಡುತ್ತಿದೆ ಎಂದಿದ್ದಾರೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 8:28 pm, Tue, 20 October 26
